Hum chragh-e yaqi'n jalatay rahay,QABIL AJMERI

Hum chragh-e yaqi'n jalatay rahay,
Waqt ko raasta dikhatay rahay,

Zindgi kitni mukhtalif thi mager,
Hum tere sath muskratay rahay,

Hum teri rah se phiray hi nahin,
Aastanay hamen bulatay rahay,

Jo tery ishq ki amaanat thay,
Dil se ab wo gilay bhi jatay rahay,

Jaadah-e shoq main hamary sath,
Khud sahaaray bhi larrkharatay rahay,

Hum ne zar'ron ko dard bakhsh diya,
Tum sitaaron pe muskratay rahay,

Zindagi itni dil'fareb na thi,
Tum mager mujh ko yad aatay rahay,

Teri mehfil tere dayar se door,
Hum mohabat k geet gaatay rahay,

Jaany kis dhun main umer bhar QABIL,
Mehfil-e aarzu sajaatay rahay.

QABIL AJMERI