Hum teri rehguzer main rehty hain,QABIL AJMERI

Hum teri rehguzer main rehty hain,
Donon aalam nazer main rehty hain,

Tere dar ka tawaf kar k bhi,
Fikar-e sham o sehar main rehty hain,

Zindagani k sb nasheeb o faraz,
Halqa-e chashm-e tar main rehty hain,

Kitnay sho'lay sakon-e ja'n ban kar,
Nargis-e bekhabr main rehty hain,

Dhondny par kahan milen ge,
Raahro hain safer main rehty hain,

Lakh hum khaanma khrab sahi,
Hadson ki nazer main rehty hain,

Aek din pochhti phiray gi hyaat,
Aehl-e dil kis nagr main rehty hain,

Manzil-e zeest ki kashish mat pochh,
Raasty bhi safer main rehty hain,

Sahib-e dard ho k hum QABIL,
Koocha-e chaara gar main rehty hain.

QABIL AJMERI

waah waah