Jahaan umeed ki koi kirn nazer aai QABIL AJMERI

Jahaan umeed ki koi kirn nazer aai
Wahin se aek nayi teergi ubher aai.

Behr-e nigaah tajalli teri nikher aai
Abhi thi khoob abhi khoob'tar nazr aai.

Ajeeb cheez ha khakster mohabat bhi
Zara kisi ne chhua aur aag ubher aai.

Hua tha hijer ka ehsaas lamha bhar k liye
Phir us k baad tri yaad umer bhar aai.

Bahaar aaye na aaye,kalli khily na khily
Naseem subah-e chamn ka tawaaf kar aai.

Na'jany kaya tere gham par guzer gayi ho gi
Meri hansi pe zamany ki aankh bhar aai.

Qadm qadm pe tera hijer be'naqab hua
Nafs nafs se tere qurb ki khabr aai.

Jisy charagh-e shab-e gham main ham ne dekha tha
Teri nazer main wohi roshni nazer aai.

Bohat haseen hain khwabon k silsily QABIL
Sitaary doob gaye to seher nazer aai.

good