Kabhi hasinon k shehr main hum jo itfaqan nikl gae hain,QABIL AJMERI

Kabhi hasinon k shehr main hum jo itfaqan nikl gae hain,
Kisi ki masti tarp uthi ha kisi k jalwey machl gae hain,

Nigar-e subh-e tarb ka daman qadm qadm par uljh raha ha,
Abhi main kese yaqin kar lon chamn se kaantey nikl gae hain,

Wisal-e janaan ki arzu bhi,mata'-e farda ki justju bhi,
Na jany kitny hasin aalam janun k saanchy main dhal gae hain,

Teri nigahon ka ik ishara kahin talatum kahin k
inara,
Na jany kitny behak gae hain na jany kitny sanbhal gae hain,

Hazar to dushmn-e wafa ha magr tujhy is ka kaya pata ha,
Teri nazer ka fareb kha kar giry hue bhi snbhal gae hain,

Tamam manzer bujhy bujhy se tamam aalam dhuan dhuan sa,
Magr gham-e zindgi salamat charagh seeny men jal gae hain,

Jinhen meri be'qararion ne sehar se pehly bujha diya tha,
Wo arzu k charagh QABIL kisi ki ankhon main jal gae hain.

QABIL AJMERI