Mohabat ki ghazal par zindgani raqs karti ha,QABIL AJMERI

Mohabat ki ghazal par zindgani raqs karti ha,
Tamna jhoom uthti ha jwani raqs karti ha,

Wohi andaz-e goyai wohi ehsas-e ruswai,
Teri nazron main meri be-zubani raqs karti ha,

Kabhi tum ne bhi awaz-e shikast-e dik suni hoti,
Ye wo naghma ha jis par zindgani raqs karti ha,

Barry rageen aalam hain teri saada nigahi main,
Taghaful jhoomta ha mehrbani raqs karti ha,

Sehar hone ko ha lekin abhi hum tk nahin pohncha,
Ye saghar ha k apni natwani raqs karti ha,

Teri ankhon main sham-e mekada leti ha angrrai,
Tere honton pe subh-e shadmani raqs karti ha,

Guzaari naz'aa k aalam main tu ne umer a QABIL,
Tere she'ron main lekin zindgani raqs karti ha.

QABIL AJMERI