NAZM ALAMA IQBAL.QABIL AJMERI

ALAMA IQBAL

Wo deedah'war k jis ne tajalli nikhaar di
Zar'ron ko aaftab-e darkhsha'n bana dia.

Wo chaara-saaz jis ne kiye tajarbaat-e nou
Har dard ko zamaanat-e darma'n bana dia.

Wo baghba'n jo apni naseem-e khayal se
Shaam-e chamn ko subh-e bahaara'n bana dia.

Wo dil'ruba k jis ne badall di sar'shat-e dil
Takleef ko nishaat ka saamaa'n bana dia.

Wo falsafi jo apni khudi ki talash main
Arbaab-e dil ko mehram-e yazdaa'n bana dia.

Wo mard-e haq'parst,mitaa kar jo tafarqay
Islamiyon ko sirf musalma'n bana dia.

Ab karwaa'n ki baang-e ddara par nazer nahin
Sab kuchh ha us ki qoum musalma'n magr nahin.

QABIL AJMERI