Saz-gaar aaye ga kaya aalam-e ejaad mujhy.QABIL AJMERI

Saz-gaar aaye ga kaya aalam-e ejaad mujhy
Apni parwaz ka maqsad hi nahin yad mujhy.

Dekhna ha k wo kb tk na karen yad mujhy
Tu bhi awaz na dena dil-e nashad mujhy.

Husn-e masoom se ha shikwa-e bedad mujhy
Jese ab apni tamna bhi nahin yad mujhy.

Aek nazaary ka aalam to nahin yad mujhy
Apni haalat hi dikha de dil-e barbad mujhy.

Ikhtiyarat-e mohabat ko samajhta hon main
Ap be-waja bhi kar sakty hain barbad mujhy.

Umar-e rafta ka hr ik naqsh ubher aaya ha
Haye kyun chhair diya a dil-e nashad mujhy.

Wo tawaja wo inayaat nahin yad mujhy
Ap ab shouq se kr sakty hain barbad mujhy.

Jaany kaya bat mery dil main faramosh hui
Jaany kaya bat dilaaty hain sitm yad mujhy.

Husn k aur bohat andaz urra laya hun
QABIL ik tarz-e taghaful hi nahin yad mujhy.

QABIL AJMERI