Tery dyaar main hum sar jhukaye phirty hain,QABIL AJMERI

Tery dyaar main hum sar jhukaye phirty hain,
Nigah-e naaz k ehsaan uthaye phirty hain,

Kisi ki zulf pareshaan,kisi ka daaman chaak,
Junun ko log tamasha banaye phirty hain,

Khyal-e manzil-e janaan teri dohai ha,
Abhi nigah main apny paraye phirty hain,

Qadm qadm pe liya intqaam dunya ne,
Tujhi ko jese gally se lagaye phirty hain,

Tumhen khabr bhi ha yaro k dasht-e ghurbat men,
Hum apna aap janaza uthaye phirty hain,

Nayi sehar k ujaaly bhi ajnabi nikly,
Nigah-e shouq se daaman bachaye phirty hain,

Fraaq-e dost salamat k ehl-e dil QABIL,
Nafs nafs ko zamana banaye phirty hain.

QABIL AJMERI