Ye sahaara bhi boht ha sitm ejaad mujhy.QABIL AJMERI

Ye sahaara bhi boht ha sitm ejaad mujhy.
Tu ne samjha to sahi dar'khoor-e bedaad mujhy.

Saz-gaar aaye ga kaya aalam-e ejaad mujhy.
Apni parwaaz ka maqsad hi nhin yad mujhy.

Dekhna ha k wo kb tk na karen yad mujhy.
Tu bhi awaz na dena dil-e nashaad mujhy.

Husn-e masoom se ha shikwa-e bedaad mujhy.
Jese ab apni tamna bhi nhin yad mujhy.

Aek nazaary ka aalam to nhin yad mujhy.
Apni haalat hi dikha dy dil-e barbaad mujhy.

Ikhtiyaraat-e mohabt ko samjhta hun men.
Ap be-waja bhi kar sakty hen barbaad mujhy.

Umar-e rafta ka hr ik naqsh ubhr aaya ha.
Haye kyun chhairr diya ae dil-e nashaad mujhy.

Wo tawja wo inayaat nhin yad mujhy.
Ap ab shouq se kr sakty hen barbaad mujhy.

Jaany kaya bat mery dil men faramosh hui.
Jaany kaya bat dilaaty hen sitm yad mujhy.

Husn k aur bohat andaaz urra laaya hun.
QABIL ik tarz-e taghaaful hi nahin yad mujhy.

QABIL AJMERI

nice sharing

nice sharing