Ghazal: Khuda bande se khud puche...(NM) - Iftakhar

Khiradmando.n se kya puchu.n k meri ibteda kya hai
K main iss fikr mein rehta hu.n k meri inteha kya hai

Khudi ko kar buland itna k har taqdeer se pehle
Khuda bande se khud puche bata teri raza kya hai

Mukaam-e-guftagoo kya hai agar main keemiyagar hu.n
yahi soz-e-nafas hai aur meri keemiya kya hai

Nazar aai.n mujhe taqdeer ki gehrayiaa.n issmei.n
Na puch Aye humnashee.n mujhse bachashm-e-surma kya hai

Nawa-e-subh-gaahi ne jigar khoo.n kar diya mera
Khudaya! jis khata ki yeh saza hai wo khata kya hai

Agar hota wo majzab-e-firangi iss zamaane mei.n
To 'Iqbaal' usko samjhata mukaam-e-Kibriya kya hai



* Khiradmand: Aqlmand
* Ibteda: Shuruaat
* Inteha: Had, Khatma
* Mukaam-e-guftagoo: Baatcheet karne ki jagah
* Keemiyagar: Chemist
* Soz-e-nafas: Saa.ns ki jalan
* Nawa-e-subh-gaahi: Subah ka gaana
* Majzab-e-firangi: Paagal Angrez
* Mukaam-e-Kibriya: Khuda ka mukaam

beautiful iftikharji.....