Sitaaron se agey-allama iqbal

Sitaaron se agey jahan aur bhi hain,
Abhi ishq ke imtihaan aur bhi hain,
Tahi zindagi se nahin yeh fazaayen,
Yahan sainkarron kaarwaan aur bhi hain,
Qainaat na kar aalam-e- rang-o-buu par,
Chaman aur bhi hai aashiyaan aur bhi hain,
Agar kho gaya ik nasheman to kya gham,
Maqamaat aah-o-faghaan aur bhi hain,
Tu shaaheen hai parvaaz hai kaam tera,
Tere saamne aasmaan aur bhi hain,
Isi roz-o-shab main ulajh kar na reh ja,
Ke tere zamaan-o-makaan aur bhi hain,
Gaye din ke tanhaa tha main anjumann mein,
Yahan ab mere raazdaan aur bhi hain..