Aap Sab Se Mera Aik Sawaal

Mujhe khushi hai is baat ki ke aap sab ne mil kar is thread ko kaamyaab banay.
Main un sab ka shukr guzaar hon jinhon ne is topic par izhaar e khayaal kiya.

Sab ke saath mera bhi farz banta hai ki istopic par kuchh main bhi kahon.
Main ne ye dekha hai ke log mohabbat ko jazbaati ho kar feel karte hain.

Isi liye koi aag ka dariya kehta hai. Koi Junoon kehta hai. Koi Dimaaghi Khalal kehta hai. Koi Paagal pan kehta hai. Koi Ibaadat kehta hai aur isi tara.......

Sab ke apne apne khayaalaat hain. Sab ki apni apni fikr hai. Agar kisi se kisi ki fikr alag bhi ho to is mein mushkil ki baat nahin, fikr ka alag hona to natural hai.
Mainsab ki afkaar aur jazbaat ki qadr karta hon.

Mohabbat kya hai?

Kyon ki Main Mohabbat ko tang dili se, ya jazbaati ho kar feel nahin karta, is liye mere idraak mein

    "Mohabbat Kisi shai mein paayi jaane waali achhi(pasandeeda) sifaat se mutassir ho kar kisi ke dil mein paida hone wala wo ihsaas aur  jazba hai jo Kabhi us shai ki ta'reef karne,Kabhi us ke haasil karne, Kabhi us shai ke qareeb hone par uksaata (Aamaadah Karta) hai".

Aba agar kisi ko mujh se is topic par mazeed behs karni hai to kar sakta hai.

Hann mohabbat ke baare mein ye mera apna zaati khayaal hai jo. Bohot sochta raha hon main is topic par tab jaa ke kahin meri samajh mein ye aaya hai.
Mere khayaal se muttafiq hone ke liye shukriya.