"Maana hunar se bezaar hoo,
Par lekh ki kabiliyat se nahi
Kabiliyat se bhi ab bekaar hoo,
Kyunki isse koi Sahara haasil nahi"
Pichle 12 saal se likhte aaya hoo yaha "thriller", "horror", "love drama" inhi genres pe likhta aaya hoo lekin ab typing ka dil nahi karta wo daur badal chuka jab likhne ke liye kalam uthana padhta tha par ab daur bahut hi alag hai jab Bina type kiye koi official kaam bhi nahi banta...
Main ek waqt tha bahut kahaniya likhta rehta tha....Naya Naya computer jo mila tha bachpan se hi likhne ka shouk tha lekin maine socha nahi tha ki likhne ka ek naya moqam main tayy kar lunga....novels toh kabhi chape nahi lekin forum writing ne meri kabiliyat ko chuttne nahi diya...main yaha likhta raha aur bas likhta raha aaj yaha taqreeban kayi kahaniya aur chuninda shayariya likh chuka hoo...
Par ab saal mein ek kahani toh kya ek saal mein ek plot bhi sochna bhaari lagta hai Ghar ke haalat aur zindagi ke ek sadme ne puri tarah Tod diya hai ki comeback karne ki iccha nahi hoti....erotica bhi likha hoo lekin owner ke ekdum se website shut down hone se meri anginyat kahaniya aadhi adhuri chori huyi aur saari ki saari rachnaaye delete...unhone mujhe is qadr Tod diya ki aur likhne ka mann nahi hua
Lekin yoindia ne hamesha Sahara diya yaha likhta raha halaki Mann nahi hota tha kamyabi bhi bahut waqt baad haasil huyi lekin ab un jaise readers bhi yoindia chodh gayab ho chuke...
Plot dus dimag mein ghumta hai aur jab type karne ke baithta hoo toh ho nahi paata isi mushkil se do kahani "haavi" aur "anjaan abtak likh paaya.....ek waqt Aisa tha ki ek ke baad ek stories main post karta tha ab ek bhi sahi se likh bhi lu ho nahi paata...
Ek wajah aur bhi hai wo hai mera computer ka kharab ho jana aamtaur par hamesha aksar hota tha lekin Ghar ke haalat aur khud ke gussail mizaaz ke wajah se maine computer bhi waapis na liya aur na theek kar paaya...mera data jismein kahaniya bhi thi jinhe maine future ke liye store kiya tha ki kabhi re-post karunga wo bhi chali gayi...dil tut gaya aisa laga apaahij ho gaya hoo itni mehnat ek jhatke mein agar hath se chali jaaye to kya kahe?
Badnaseebi badkismati ne mera picha kabhi nahi chodha haalat aise baddtar maine jhele hai ki mujhe iccha hi nahi hoti thi ki main motivate hoo aur kuch kar pau..ab baaki hai toh bas khud ki saasein jo jald hi thame to mujhe is faani duniya se azadi mile...log kehte hai uparwale ko yaad karo ibadat Karo lekin jitni pabandiya aur kaayde khud ki kaum mein hai shayad kisi aur dharam mein ho...savr karna maine sikha nahi aur bhulaana kisi ko mere liye aasan nahi
"Wo zindagi hi cheen liye,
Aur kehte hai sukoon dhundho"
Kabhi kabhi toh aisa lagta hai insan hi insaan ko janbhujkar aisi dharmik baaton se gumrah karta hai kisi depressed tute insaan ke problems ko nivaran karne ki jagah aise aise cheezo mein dil lagane kaha jata hai jaha chahkar bhi wo dil na lagaye...
Khair baat lekhni ki ho rahi thi ek hi baat yoindia admin aur baaki sadasyo ko kahunga ki main keh nahi sakta ki main aage likh paunga ki nahi aur is liye pehli dafa maine Aisa kuch likha hai taaki aap log samjhe yoindia admin samjhe aur bewajah mere na login kayi mahino tak na karne se meri id blacklisted na ki jaaye baaki main yoindia platform ka shukraguzar jisne mujhe ye platform mein jagah di
Mujhe avsar diya apni kabiliyat ko yaha likhne ka thank u so much yoindia admin and yoindian family members
Regards
Asif biswas
on eTI community..
