apun ka india, bole to mast hai baap 8)

hindi ka istemmaaaaal karein, aise likha rehta hai, papa ke bank mein
budhdhu  :D

Hmmmmm....
Baat ho rahi hai mere Bhaarat ki......

Hum jo duur pardes mein baithe hain,
to kya bataayein ki kya kya bhuule aur kya kya yaad raha...
bas yun kahiye ki jab fursat mili,
tab sab kuch yaad aata chala gaya...
jee chaahta hai ki ghanto baith ker,
woh choti choti baatein yaad karein...
jis se dil ko har khushi mehsoos hoti hai.

Lekin aisi khush naseebi humaari kahaan,
fursat kam hai,
baithney ka waqt hota hi nahi.
lekin jaane se pehle bas yeh hi kahoongi ki...

Mat roko!
Mat roko...Inhe paas aa jaane do....
yeh mujhse milne aaye hain...
mein khud na jinhe pehchaan saki,
kuch itne dhundhley saaye hain...

"Beebo" ke dupattey ke taarey,
yeh chehra banno boodhi ka,
yeh tukda maa ki choodi kaa,
alsaayi hui rut saawan ki,
kuch sondhi khushbu aangan ki,
ek tooti rassi,jhooley ki,
sulgi si angeethi jaadon mein,
ek chehra kitni aadon mein,
kuch chaandni raatein garmi ki,
ek lab pe baatein narmi ki,
kuch naam watan ki galiyon ke,
kuch naazuk shikanein aanchal ki,
ek khoyi kadi afsaano ki,
kya jaane kab ki chot lagi,
ek challa peeli rangat ka,
ek locket dil ki surat ka,
woh khat jo meine kabhi na padha...

mat roko...
mat roko,inhe paas aa jaane do,
yeh mujhse milne aaye hain...

Love
Aarzuu.....

Shukriya.....Dhanyawaad.....Thank you....

ab humare desh mein hi is tarah koii khule dil se tareef kar saktaa hai....

Right?