Nishan agla waqt kay sakhtyati mafaheem

[Dr Maqsood Hasni]

AGLA WAQT

                                   Aglay waqtoon kay hain yah log enhain kuch na kaho
                                   Jo   may -o- nagma   ko  andoh -e- raba   kehtay   hain

“Agla waqat” ko guzray waqt kay maenoon main liya jata hai. Guzra waqat , mojooda waqt say zayida taraqqi yafta nahain hota. Aglay waqt kay liay nazariyaat main tabdeli aa jati hai. Essay bosida khasta aur ghalt qarar diya jata hai. Aaj kay liay agla waqt mar chucka hota hai. Yah sab darusat sahi, likin agla waqt, mojoda waqat kay liay eak tajarba zaroor hota hai. Guzray waqt kay log, halaat, mamlaat aur hawadass eak mufroza hi to hain. Es nishan kay pas-e- sakhat yah haqiqat khari hai kah agla waqt es liya galat hai kah wo apni puri haqiqat kay sath khul giya hai kah wo galat kayoon hai.

Log guzray waqt ko kayoon yaad kartay hain?
Es liay kah oon ki os kay sath jazbati wabastgi mojood hoti hai. Aglay waqt ka apna life set up tha. Es life set up maim adjust  shakhas mojooda waqt say ossi waqat haz hasil kar say ga jab mojooda ko aglay main mad-e-gham kar day gay ya mojooda ko aglay main malahzah karay ga. Ghalib bhi yahhi keh rahay hain kah wo aglay waqt main hi reh rahay hain. Nagmah-o-meh, andho bherhatay hain. Ashaq kayoon’kar chahay ga kah os kay eshaq main kami aa’ay. Haan albatta yah zaroor hai kah ab (Mojooda) nagmah-o-meh hasab-e-zaroorat yaeni hasab-e-hajat andho main azafay ka sabab nahain bantay kah ashaq ko andho bharnay say farhat ka ehsass ho. Manzoor Abasi ka kehna hai:
                 
“ Meh-o-nagma ki andho rabae ka sha’ir khud qa’el maloom hota hai
                  likin khullam khulla kehna nahain chahta  lehaza mana mazammat kay
                  liay yah asloob ekhtayar kiya kah meh-o-nagma ki andho rabae kay qa’el
                  aglay zamanay kay loog hain. Ehtaraman enhain bura na kaho.”

Pas-e-sakhat yahhi haqiqat wazay hoti hai kah agla waqt aaj bhi (ba’toor tajarba) ehtaraam ka haq’dar hai.

[Rishi Agarwal]

Nice and excellent

[Dr Maqsood Hasni]

es tovajo k liay ehsan'mand hoon.
Eshvar ki kirpa say aap ki yah mohabat aur tovajo mairay liay bani ray.