Nishan bagh'bani kay sakhtyati mafaheem

[Dr Maqsood Hasni]

BAGHBANI

Likht-e-jigar say hai rag her khar-e-shakh-e-gul
Ta’chand ?   Baghbani  - e - sehra     karay    koe

Baghbani kay liay kuch cheezain lazam qarar pati hai:

1-   Pehlay say mojood podoon ko mehnat-o-kawash say sencha ja’ay
2-   Na’ay poday laga’ay jaein
3-   Bagh ko mahdood say la’mahdood ki taraf iqdam kiya ja’ay
4-   Na’ay aur poranay podoon ki hafazat ki  ja’ay
5-   Bagh ki tazein aur aaraesh par towajah di ja’ay
6-   Sabza-e-begana ko okhar phaonka ja’ay

Baghban ki mehnat-o-kawash kay  sath mosam, aab-o-hawa aur zameini ki qowat daitay hain. En main koe bhi cheez mayassar na aa’ay to bagh phal phul nain sakta. Ostaad tulba par es liay mehnat karta hai kah os kay talab alam insani samaaj ko koobsurat aur taraqi yafta bana dain. Os ki mehnat bhi bagh’bani say mamasal hoti hai. Dosri taraf talab ilam ka zehni lagao aur towajo na ho to ustaad ki mehnat rang na la sakay gi.

Moashrat sudhar, insan ko emrani asoloon ki pabandi karnay ko kehtay hain. Boraeoon ko chon chon kar katam karnay ki koshesh kartay hain. Agar moashra aazadi, moqablay ka zajba aur emrani asoloon say na’bald ho to es surat main moashrat sudhar kiya kar sakain gay.

Doctor mareez ko bachanay kay liay her harba tariqa ehktiyar karta hai. Agar mareez main jinay ki tamanna, moot say mohlat aur assal adviyaat mayassar na hoon gi, wahaan doctor ki doctorri kiya karay gi.

Qaidi ki rehae kay liay wokala aur worasa her mumkin koshesh kartay hain agar qaydi qaid say manoos ho giya ho, rehae ka talab na ho ya phir iqbal-e-juram kar lay aisay main wokala aur worasa ki kosheshoon ka natija kiya baramad ho sakay ga.

Daraj-e-bala morozaat ka matlab yah hai kah baghbani kay mafaheem ki daryaft kay liay bagh kay motalqaat ko nazar andaz nahain kiya ja sakta. Bagh hi nahain to baghbani kaisi? Bagh kisi qudrati kaji ka shakar hai to baghban ki baghbani kay mafaheem wazay na ho sakain gay.

[madhuwesh]

Bahut bahut khoob Maqsood ji,very beautiful creation,excellent

[Dr Maqsood Hasni]

shukarreya janab,
Eshvar aap par aaghi kay darwazay khulay rakhay.