Nishan partou kay sakhtyati mafaheem

[Dr Maqsood Hasni]

PURTOU

Par tavay khor say hai shabnam ko fana ki taleem
Main   bhi   hoon   eak    anaet    honay    tak

Partou assal ka aakass ya pershaein hota hai., assal nahain. jaisa assal waisa pertou. Goya shakal-o-surat main donoon kay say/matmasal hotay hain. Eak zindgi bakheshta hai to dusra bhi zindgi ata karta hai. Assal mout ka sodagar hai to os ka pertou bhi mout ki taraf lay jata hai. Es nishan ko deconstruct karnay say maloom hota hai kah pertou assal hi ka Enshara hota hai. Moratab honay walay asar ka ta’alaq izhaar say hai kah os ki noeat kia aur kaisi hai.

Ashya ki tarkeeb mutzad anasar say hoe hai es liay yah kehna kah falaan cheez seraf halakat say wabasta hai, darust nahain. Biokaimak thauri kay motabaq eak ki halaqat kisi dusray ka jivan banti hai. Zindgi ata karnay wali cheez main bhi mout ho sakti hai. Pertou ko mazeed teen zavioon say daikhnay ki zarorat mehsoos hoti hai:
                           
                   1-   Izhar kis noeat ka howa
                   2-   Zarorat  kis noeat ki hai
                   3-   Kis par kis qisam ka assar howa

Yah towaqqo rakhna kah sab par eak sa assar ho, khulli hamaqat hai. Donoon alag alag zaat kay hamal hotay hain. Donoon ki hajaat alag say hoti hain. Essi tarah donoon ki fitrat bhi alag honi chahiay. Kiya yah yazoori hai kah fana honay walay ko fana ki tamanna rahi ho gi?