Tum Mujhse Milne aaogi..........

[vipul kumar]

Jab gulshan ke sab gul apne paimaan-e-wafaa ho jayenge....
Tab shiishmahal ke panno par kuchh ghazale.n likhi jaayengi....
Jab tod ke saare rishto.n ko tum mujhse milne aaogi...
Tum Mujhse Milne Aaogi....

Tab indra.dhanush ki belaa me malhaar sunaaye jaayenge...
Raato.n ki kaali syaahi me kuchh rang ud.aaye jaayenge....
Uski julfo ke saayo par kuchh geet banaaye jaayenge....

Ghum aandhiyo me ud jaayenge, Paavan rishte jud jaayenge...
Rukh aansuo.n ke mud jaayenge....

Haatho.n me sunaharaa chaand liye, tum mujhse milne aaogi....
Tum mujhse milne aaogi......

Main uske saath bhi tanhaa tha, Main uske baad bhi tanhaa hu...
Aankho me hansta dikhta hu, ghazalo.n me rotaa rahtaa hu....
Uske aane ki aas liye kayi khwab sanjota rahtaa hu....
 
Kaliyo.n ke kabaa khul jaayenge. Ghum aansuo me ghul jaayenge....
Mere saare jakhm dhul jaayenge....

Barkhaa ki chandni raato me, tum mujhse milne aaogi...
Tum mujhse milne aaogi......
Tum mujhse milne aaogi......!!





-V!PuL YaaRa
www.safhaa-e-dil.blogspot.com