saawan

Rimjhim kar girta hua paani,
judi har boond se ek kahani,
aakash ghir aaya hai aaj badalon se,
saawan ke janm ki hai ye nishani...

garaj rahe hain aaj ye badal,
machal rahi hai hawa hokar diwani,
goonj rahi hai awaaj kiski jaane wadiyon mein,
par lagti hai kuch jaani pechani ,
panchi chahkne lage hain hokar matwale,
saawan ke janm ki hai ye nishani..

khil uthe bhanti bhanti ke phool daliyon pe,
dharti ho chali hai aaj dhani dhani.
mahak gaya hai vatavaran chameli ki khusboo se,
belon ko bhi dekho chadi hai jawaani...

bhuj gayi hai pyas dharaa ki aaj,
kuch is tarah barsa hai paani,
jhoomne lage hain aaj nabh, jal, thal,
sunke koyal ki madhur vaani,
aakash ghir aaya hai badalon se
saawan ke janm ki hai ye nishani.....