Yaadgar E Bachpan

Bachpan ka jamana hota tha,
Khusiyon ka khajana hota tha.

Chahat chand ko paane ki,
Dil titliyon ka diwana hota tha.

Khabar na thi kuch subah ki,
Na shamo ka thikana hota tha.

Thak haar ke aana school se,
Par khelne bhi jana hota tha.

Daadi ki kahani hoti thi,
Pariyon ka fasana hota tha.

Barish me kagaj ki kashti thi,
Har mausam suhana hota tha.

Har khel me sathi hote the,
Har rishta nibhana hota tha.

Papa ki wo daante galti par,
Mammi ka manana hota tha.

Gam ki juban hoti thi,
Na jakhmo ka paimana hota tha.

Rone ki wajah na hoti thi,
Na hasne ka bahana hota tha.

Na rahi ab wo jindagi.....
jaisa BACHPAN KA JAMANA hota tha.

Apka Apna,
Piyush Saxena "Azad"
09837010456

Good one Piyush Ji

beautiful