AAFAT - A tale of horror (Horror story)

Chapter 1

Wo do manzila imarat thi jiski khidki se bahar aati roshni saaf zaahir kar rahi thi ki us kamre mein rehne wala insan abtak itni raat gaye soya nahi tha.....roshni apne kamre mein idhar se udhar tehel rahi thi wo bechain thi gale aur maathe pe pasina tha jabki us waqt Mausam sard tha...wo ek gore rangat ki saaf suthri nain naksh waali mushkil se 26 saal ki umar ki naujawan ladki thi,

Uske dil ki dhadkan oose us waqt apne kaano tak sunaai de rahi thi uski bechaini kisi anchahe dehshat ki thi jispe wishwas karna kisi ke bas ki baat nahi thi...usne chaha ki wo apne dosto ko phone karke bataa hi de ki kareeb 2 din se uske saath kuch azibogarib ghat raha tha lekin kaun yakeen karta? Kyunki aisa tajurba toh sirf ooske sath hi ghat raha tha kahin in sab ki wajah wo to nahi! Uska naam zabaan pe laana oose aur bhi dehshat mein daal raha tha fhir usne apne Mann ko samjhaaya kaise aakhir kaise ho sakta hai wo toh ab is!

Itne mein achanak kadakti bijli ki gargarahat ne oose daraa diya wo sihmi huyi ekdum se khulti khidki aur oosse bheetar bahar se aati tej ho ho karti hawao ke jhonke ko mehsus karne lagi khidki hawa ke thapedo se khul rahi thi band ho rahi thi usne khauff bhari nigaho se bahar ke neemandhere ki taraf ekbaarki jhanka aur fhir ahiste ahiste kareeb aayi fhir ekzordar jaise bijli ki gargarahat huyi aur jaise sard hawa uske kaano mein gunzte huye uske pure tanbadan se guzar si gai,

Usne aasman ki taraf bahar jhanka aasman badalo se ghira tha aur aandhi chal rahi thi jiski dhool se uski aankhe michmicha gayi fhir usne aankhen ponchte huye abhi sar uthaya hi tha ki oose andhere sadak par kai awara kutte apne hi imarat ke bahar fatak ke kareeb khade dekha wo ek saath haww haww karte huye roye jaa rahe they...theek tabhi bijli kadki aur usi waqt roshni bahut zyada Darr gayi usne jaldi se haath bahar kiya aur khidki ko mazbuti se bheetar ki taraf kheecha aur fhir lagaya kundi chadhate huye jaise uski saans mein saas aayi aise hi bechaini aur ye manhus raat har taraf se oose khauff dila raha tha,

Roshni abhi mudkar bistar ki taraf jaa hi rahi thi ki tabhi light chali gayi ekpal ko uska rom rom sihar utha beech beech mein aati bahar se kadakti bijli ki roshni andar sheesho se dakhil hoti toh oose apni parchai diwar mein kaafi darwani si lagti...kaash wo bhi hafte pehle apne parivar ke sath unke rishtedar ke yaha ghumne chalo jati lekin apni premi ki mohabbat mein geraftar usne akele rehne ka faisla kiya tha kise pata tha us hafte bhar mein kya kuch uske zindagi mein ghata tha wo abhi khud pe kabu kiye aage badhi thi ki usne diwar pe apni parchai ke sath ek aur parchaai dekhi wo kisi aur ka saaya tha iska matlab tha koi waha tha,

Roshni thithak gayi maano oose kaanto to khoon nahi usne kaanpte huye bari bari nigahe nikale piche ki or palatna shuru kiya aur wo palatti gayi piche mudte hi jaise uska chehra safed pad gaya aankhe katoriyo se bahar ubalne jaisi ho gayi aur ek haulnaak cheekh uske gale se pure imarat mein jaise gunz uthi,

Saamne ek daayan jaisi aurat jiske baal bikhre huye andhere ke bawjud sheeshe mein uski jalti khoon ugalti wo chubti nazarein roshni pe hi thithaki huyi thi....uska kamra kayi foot upar tha khidki ke bahar koi chajja wagaira bhi nahi tha toh kya wo waqayi utni lambi waha khadi thi ya fhir wo hawa mein tair rahi thi....cheekhte huye wo ulte pao bhaagi darwaja dhakelte huye wo sidiyo se niche fisalte bachte huye baar baar upar sar uthaaye niche utari pure Ghar ke mein andhere ki wajah se kuch dikh nahi Raha tha achanak uska pair kisi cheez se takraya aur woh sidha zameen pe munh ke bal gir padi, ek karaahat uske gale se nikli aur wo dum saade zameen pe dard se padi rahi,

Bijli ki roshni beech beech mein pure hall mein pad rahi thi usne subakte uthte huye ek baar kanpti nazaro se sidiyo ki taraf dekha achanak oose apne kamre ka darwaja ahishte ahiste aur khulta nazar aaya darr se uski aankhe fhat padne ko huyi wo langdaayi taang ki chot thaamein kitchen ke taraf lapki aur waha diwaar se satkar khadi ho gayi usne dheere dheere hall ki taraf upari sidiyo ke paas dekha toh nazara aur bhi dehshat bhara tha,

Wohi saaya us aurat ka sidiyo ki taraf kamre se bahar nikalte huye aa raha tha aur aisa lag raha tha jaise wo chal nahi Rahi thi uski dono taangein hawa mein jaise tair rahi thi wo saaya dheere dheere niche ki taraf aa raha tha roshni ka pura badan tharr tharr kaanp raha tha ye oose koi bura khwab lag raha tha usne kitchen ke paas padi chaaku ko utha liya aur fhir koi chupne ki jagah talashne lagi waha se bhag paana asan nahi tha phone upar hi reh gaya tha wo na apne maa baap ko call kar sakti thi aur na kisi aur ko!

Wo waise hi dubki khadi rahi kayi waqt guzar gaya lekin us saaye ne kitchen ki taraf ka jaise Rukh nahi kiya, kya wo bhi ghaat lagaye bahar hi mauzud thi usne apni ankho se saaf saaf uska huliya dekha tha wohi jism wohi chehra wohi kapre lekin wo nahi ho sakti thi wo to kabka!

Fhir bijli kadki aur is baat roshni bhi kaanp uthi zehan todte huye wo aage badhi jab koi harqat usne hoti na dekhi...usne bahar jhaanka hall neemandhere mein duba tha achanak uski nazar table ke upar padi torch par huyi jo usse kuch hath dur thi...wo jhat se torch pe haath maarte huye kabu mein kiye usko jala uthi...usne sarsari nigaah se hall ke charo taraf roshni faiki koi nahi tha lekin jo uski aankho ne dekha wo kya tha? Achanak uske piche koi darwaja charr charati awaz ke saath khulne laga...

Usne palatkar torch kitchen ki taraf maari kitchen ka nichla ek daraaz ka darwaja adhkhula pada tha aur wo khaali tha lekin daraaz khula kaise? Wo apne kadam kitchen ki taraf badhaa hi rahi thi ki tapp tapp karti koi geeli cheez uske maathe se lagke farsh pe giri...usne apne maathe ko chua toh torch ki roshni mein oose dekhne lagi wo khoon tha!

Roshni ki gardan apne aap upar ki taraf uthne lagi uski aankho se dehshat se aansu aane lage they...kisi ghurrati dohri awaz oose apne kaano mein behad kareeb se sunaai dene lagi uska kaanpta haath torch wala jab upar utha toh usne saaf dekha us kharoch se bhare chehre ko us saaye ko jiske Nukile naakhun ke panje diwaar ko thaame chipke huye they wo ektak roshni ki taraf ghurr rahi thi roshni chilla uthi aur torch uski haatho se fisalkar zameen pe gir pada aur usi waqt kaan ke parde ko fhaad dene waali cheekh ke saath wo saaya roshni pe jhapat pada

                       -------------

Police ki flying squad ki team jo qatal ke daste se taluq rakhti thi us waqt us do manzila imarat ke saamne aa khadi huyi waha pehle se hi qatal ke jhaanch karta doctors photographers waha apne kaam mein jute huye they....imarat ke andar waha ke kisi logo ko andar dakhil hone nahi diya gaya tha....inspector marghoob apni cigarette ka kassh lete huye mauka e vardat pe pahucha jaha laash padi huyi thi wo safed chadar se dhaki thi lekin chadar khoon se lathpath thi....raat dhai Baja tha jab sote se oose headquarter ke phone call ne jagaya tha aur qatal ki babat inform Kiya gaya tha waha uska sub-inspector chupchaap aaspaas ki taraf muana kar raha tha laash hall ke aen beecho beech padi huyi thi ek taraf sidiyo ke paas ek pital ka bara sa phooldan ludka pada tha,

Marghoob ne ek baar pure Ghar ko nazaro se hi charo taraf phairte huye ghura aur fhir laash ke paas jhukte huye chadar hataya ek pal ko wo dekhne ki taav na la saka chehra buri tarah kharocho se cheela hua tha aur jism ka bhi kuch wohi haal tha aisa lagta tha qatal kisi khooni janwar ne kiya ho,

Marghoob ne laash dhakte huye doctor ki taraf sawali nigaho se dekha doctor apne khoon se sane gloves ko utarte huye baayi jeb se rumaal nikaalkar jaise apne chehre pe aaye pasine ko ponch raha tha is baat ko usne note kiya,

"Laash ko buri tarike se zakhmi kiya gaya hai chehre pe jaise kisi nukhile dhaar naakhuno se cheera gaya hai wohi haal gale aur chaatiyo pe bhi kiya gaya hai aur kalaai pe kaatne ka nishaan hai jise dekhkar aisa lagta hai ki khooni ne khoon peene ki koshish ki hai oosi wajah se maut bhi huyi aisa violent case maine kabhi handle nahi kiya it must be committed by an animal"

"Ya fhir koi sociopath psychopathic dimaagi mareez kyunki aam insan to qatl aisa nahi kar sakta khoon peene waali baat kya wo koi narbhakshi hai?"

"Agar aisa hai toh fikar ki baat hai ye haalat kisi aur ke saath ho sakta hai bhala koi aadamkhor yun sheher mein khula ghum raha ho toh!"

"Sir ye dekhiye"

hawaldar sub inspector aur inspector marghoob ko upar se awaz lagaa raha tha...dono sidiyo se upar pahuche jaha ek kamra tha jo yakeenan maktula ka tha waha chaukhat par pahuchte hi sab saqte mein aa gaye pure farsh par sindoor aur khoon bikhra hua tha aur koi gol nishaan sa charo taraf bana hua tha uske dusri taraf suiya nimbu mein dhasi huyi thi aur us nimbu se khoon behke jaise sukh chuka tha marghoob ne ek nimbu rumaal ke sahare uthaake oose dekha

"Humne upari manzil ki Chanbin shuru hi ki thi ki is kamre mein humhe ye sab dekhne ko mila"

"Ye sab toh tona totka aur kaala jaadu jaisa hai kya ye ladki raat gaye akele mein ye sab kar rahi thi"

"Is nimbu se khoon kaise aa sakta hai? Aur agar ladki ki jaan kisi aadamkhor ne Li toh uske kamre mein ye sab kahan se aaya? Kya ye kaam qatil ka hai?"...marghoob ab bhi us suyi chubi nimbu ka muana karte huye kehta hai

Doctor bhi us nimbu ko bade hairat se dekhta hai ek pal ke liye oose bhi aankho pe yakeen nahi hota ki nimbu se ras ki jagah khoon nikla tha doctor ke kapkapate haath mein nimbu ko dekh marghoob samajh jaata hai ki doctor bhi kaale jaadu aur totke jaisi cheez se khauff khaata hai wo un tamaam cheezo ko ikhatta karke evidence ke taur pe samaitne kehta hai...

Apne sub inspector aur doctor ke saath niche utarte huye marghoob sawal karta hai ki qatl ka malumat kaise chala?

"Raat bhaari aandhi chal rahi thi uske bawjud dedh baje ke lagbhag ek haulnaak cheekh sunaai di jo pure ilaake mein faili wo shayad victim ki cheekh thi kuch log awaz ki khoj mein yaha is makaan ke saamne pahuche toh unhe fhatak andar se band Mila"

"Jab gate band tha khidkiya lagi padi thi toh qaatil andar kaise aa paaya?"

"Ho sakta hai wo pehle se hi ghaat lagaye baitha ho"

"Chalo Maan bhi liya toh yaha se bhaaga kaise? Jab yaha khidkiya darwaje aur fatak andar se badastur band tha toh bahar nikal paana kaise mumkin tha yaha koi aafrupi darwaja to nahi aur chatt ka darwaja bhi band hai kya us aadamkhor qatil ko aasman nigal gayi ya zameen"

Sub inspector se jawab dete na bana lekin jo baat usne kahi oose sunkar inspector marghoob bhi chaunk utha

"Hum bhi hairan hai sir ki aakhir qatil gaya kahan? Khair fhatak ko thela gaya lekin wo andar se band tha kaafi awaz bhi di gayi lekin koi bahar nahi nikla tabhi PCR mein kisi ne phone lagaya humhe ikhtila kiya gaya hum yaha pahuche toh police karmiyo ne hi fhaandkar lohe ka fatak khola jo andar se band tha aur fhir ghar ka main darwaja todne ke baad hall ke farsh pe ye laash mili aur aaspaas Jama khoon par ek kaali billi sar jhukaaye oose chaant rahi thi"

"Wo billi kahan hai? Kya wo maktula ki paltu janwar hai toh fhir usne apni hi Malkin ko shikar kaise banaya mehez ek billi itna kuch to nahi kar sakti"

"Hum khud ghabra Gaye they oose laash se hataaya to wo kisi kamre ki taraf bhaagi fhir hum laash aur baaki ghar ke ird gird ki Chanbin karne lage lekin humhe kahi aisa kuch nahi mila aur jabtak aap aaye upari kamre ka kuch aisa manzar dekhne ko mila kya ye koi tantrik ka kaam lagta hai?"

"Agar kisi insaan ka kaam hai toh wo kahan gayab ho sakta hai aur kaise? Aur wo kaali billi bhi gayab kuch samajh nahi aa raha khair ab toh raat hi guzar gayi laash ko fauran lab bhejo aur iske parivar waalo ko inform Karo aur ladki ka rishta kis kis gairo se tha aur kaisa tha mujhe sab Janna hai"

"Sure sir humhe pata chala hai ye iklauti beti hai aur iske maa baap chutti manaane kisi rishtedar ke yaha Gaye huye hai unki gair haziri mein ye ladki aksar ghar pe mohalle waalo ko akeli hi paayi jaati thi baaki kareebi gair mein kaun dost hai aur kaun saheli ye pata hum laga lenge"

"Gud"

Kehte huye inspector marghoob abhi makaan se bahar kadam rakhne hi wala tha ki achanak kahi se hawa ka jhoka us safed chadar se hata to uski nigaah fhir us zakhmi  ladki roshni ke chehre pe padi kisi hawaldar ne aage badhke uske chehre ko dobara dhak diya tufaan tham chuka tha savera hone wala tha....marghoob us suyi chubi khooni nimbu wo gol nishaan farsh pe bikhre wo khoon aur sindur, roshni ke zakhmi laash ko sochte sochte kab apne ghar lauta oose malum hi nahi chala...

Chapter 3

Wo ek silsila ban chuka tha ekdusre ke kareeb aane ka aisa kabhi nahi hua ki usne mujhe na kaha ho aur na mujhe pehel karni padi ho, wo aksar mere hi ghar aaya karti thi aur ek dafa main uske ghar gaya tha waha pahuchte hi jaise wo mere gale se lipat gayi kayi ghanto tak hum ekdusre ki aagosh mein lipate rahe,

Shaam kab huyi pata hi nahi chala main uthkar jaane laga kya pata uski maa kahi ghar pahuch jaati aur humhe ikhatte dekh leti, lekin shoumi ne kasskar mujhe thaam liya...humare upar sirf ek chadar thi uske badan ki garmi mujhe usse dur nahi hone de rahi thi usne mujhe gaal par aur gale pe chumte huye apna sar mere seene pe rakh diya wo mere kasrati badan ko sehla bhi rahi thi mere haath bhi uske badan ko sehla rahe they, achanak mujhe ahesas hua ki uski aankhen nam thi

"Kya baat hai shoumi ro kyu Rahi ho?"

"Mujhe lagta hai ki main tumse kisi din dur na ho jau"

"Hahaha arre sweetheart main toh tumhara hi hu lekin filhal mujhe jaane do tumhari maa aa gayi toh"

"Darro nahi wo aaj dair se aayengi mujhe phone pe subah bataya tha unhone ? Anyway isliye chaho kuch aur waqt!"

Main uske sar ko apne seene se hataate huye uthne laga "nahi shoumi main bahut thaka hua hoo aur kal college jaana hai"

"Mat jao na".......wo mujhse aur kasskar lipat gayi

"Acha jante ho mujhe tummein kya acha lagta hai tumhara ye gatheela badan tumhare ye honth aur tumhari ye nazarein jisko dekhkar hi main tumse attract huyi thi"

Wo meri aankho mein jhaankte huye keh rahi thi aur main bas muskuraye aksar ladkiya kuch itni zazbat ho jati thi jo bhi mere kareeb aayi thi lekin uske kehne mein obsession tha diwangi thi, maine pyar se uske chehre ko sehlaaya aur usse ijajat lete huye aakhir uske ghar se ruksat hua,

Puri raat main uske baarein mein sochta raha na jaane kyu ab mujhe kuch theek nahi lag raha tha mujh jaisa ladka jo ek daal ka panchi kabhi raha nahi uska yun ek hi ladki ke sath saari zindagi ke liye Jud jaana nagawar sa lag raha tha maine socha ki usse baat karu lekin fhir mujhe uske dil todne waali wo baat lagti aur mujhpar uski jawani ki jaise taasir lag chuki thi,

Main uske Bina reh nahi paaya aur apni jismani zarurat ke liye uske paas pahuch gaya oose toh jaise pehle hi malum tha ki main uske Bina reh nahi sakta tha hamare beech fhir taluqat chalte rahe lekin jab bhi main farig hokar uske pehlu se uthta toh mera mann usse dur ho jane ko karta main soch bhi leta ki ye aakhri baar lekin wo aakhri baar kabhi aakhri nahi hota tha,

Us din main uske pehlu se alag hokar bistar se uth khada hua jaane ke liye kapre pehenne laga to usne apni saree theek karte huye mujhe muskurake dekha oose mera chehra utara hua laga to oosne sawal kiya

"Kya baat hai jaan? Kuch pareshan se lag rahe ho?"

Main kuch der chup raha fhir uski taraf dekhte huye khade khade hi kehne laga

"Dekho shoumi jo kuch hamare beech ho raha hai wo sahi nahi main ab aur ye sab karna nahi chahta main soch raha tha ki hum!"

"Break up kar le rishta tod le kyunki tumhara mujhse jee bhar gaya apne aadat ke tehet ek hi jism ko baar baar raundte ukta ho chuke ho aur mujhse panaah chahte ho isn't it?"

Usne jo kuch kaha aisa laga jaise oose pehle hi samajh aa gaya tha main hairan huye Bina reh nahi paaya mere ghabraye chhere ko padhte huye wo jaise azib tarah se muskurane lagi halaki us waqt oose gusse mein tilmila jana chahiye tha mujhpar fhat padna chahiye tha lekin aisa kuch bhi nahi hua mujje jawab dete na bana hontho pe zabaan phairte huye maine inkar mein sar hilaaya

"A .aisa k..kuch nahii hai tu..tum galat samajh rahi ho shoumi main bhala aisa kyu karunga tumhari zindagi ke saath!"

"Main tumhare baare mein bahut kuch janti hoo guddu ladkiyo ko kharab karne ki tumhari hobby aam hai"

"Kisne kaha tumse Aisa?"....mere zehan mein college ke dosto ka aks ubhara lekin koi oose janta nahi tha toh fhir oose malum kaisa chala?

"Kisi ne nahi aur tum darro mat main tumhe kuch nahi kahungi lekin guddu tum meri zindagi ke pehle mard ho jisne mera dil mujhse Cheena hai isliye tum chaho na chaho main tumse dur nahi ho sakti aur kabhi na ho paungi aur na humhe koi ekdusre se dur kar sakta hai"

Wo mere kareeb aayi mere peshani se leke gaal par apni ungli se sehlate huye kehne lagi main kasmasa gaya to kasskar wo mere seene se lipat gayi main na chahte huye bhi usko khud se alag na kar paaya lekin meri mansha yahi thi ki main usse dur ho jau,

                      -------------

Main kisi ke aage ye bat nahi keh sakta tha warna Mera mazak ban jaata jo meri aadat thi usmein ekdin mera fassna to tayy tha ab mujhe ye bhi darr sataane laga ki kahi shoumi is rishte ko aage badhane keh de kahi ye baat mere gharwalo ko na malum chal jaaye Mera ek college ka jigri dost tha Aziz college ke baad hum ekaant mein baithe toh maine usse shoumi ke baare mein sabkuch bataya

"Arre yaar tu bhi khamokhah darr raha hai oose Han kehne ki zarurat nahi"

"Lekin yaar wo haath dhoke mere piche padi huyi hai tu hi bata main kya karu?"

"Dekh Bhai pehli baat to uska number block kar aur jaha tu akela rehta hai waha se ghar khaali kar de maa baap ko kehna makan malik se locha aur bhi dikkatein aur jaha tum dono ki pehli mulaqat huyi us gym ko nakki karne ka gudbye bol Dene ka fhir dekhta hu saali tere piche kaise padti hai?"

"Par agar wo college pahuch gayi toh"

"Dekh Bhai jaise jaise duri banayega samajh jayegi abhi nadan hai diwangi jhaadh rahi hai jab Aashiqui ka bhoot utarega na apne aap sambhal jaayegi aisi ladkiyo ka dil todna zaruri hota hai ki tu oose ignore kar raha hai toh bas samajh jayegi warna tu janta hai aage kya hoga blackmail"

Aziz ne mujhe daraate huye kaha..."bolegi pregnant hoo fhir tujhse shaadi ki zidd karegi agar ye bhi na hua toh fhir paiso se blackmail jaise jonk ki tarah zindagi bhar khoon chusti rahegi"

"Nahi nahi aisi to nahi hai wo"

"Tu saale itni ladkiyo ke sath tafreeh Kiya tujhe tajurba bhi nahi ki har ladki ek jaisi nahi hoti aisi bholi bhali masum ladki hi gale ka fanda banti hai meri maan dur ho jaa isi mein bhalaai hai"

Bhola toh Aziz tha jise shoumi ka andaza nahi tha inspector sahab mujhe ye makul raaye dene ke baad kahi na kahi mujhe hausla aa gaya aur maine oosi pe amal bhi kiya kamra Khali karke kahi aur shift ho gaya saare contacts tod liye ek baar bhi gym ka rukh na kiya us ilake se hi dur ho gaya socha kuch waqt sheher se bahar apne maa baap se milane chala jata to theek rehta...

Lekin main galat tha itna aasan kahan tha? usse nijaat paana main har din mehsus karne laga ki mujhe ghabrahat aur bechaini hone lagi aisa lagta jaise koi mera kaleja kheechta reh rehke shoumi ka chehra nazaro mein ghumne lagta dil usse milane ke liye beqarar hone lagta main nahi janta tha ki ye kaise mumkin tha? Kya kahi mujhe usse mohabbat to nahi hone lagi thi aisa tajurba mujhe kisi bhi ladki ke sath nahi lagta tha bechaini se har raat main karwat badalta par mujhe neend nahi aati thi aur hairat to tab hone laga jab koi na koi bahane se shoumi ka chehra mere nazaro ke saamne afrupi tarike se dikhne laga kabhi phone screen pe toh kabhi internet chalate waqt kisi site ki ads pe, toh kabhi Facebook par jabki main tamaam social media platform se oose block kar chuka tha maine internet chalana kam kar diya samajh nahi aa raha tha kya ho raha tha?

Parivar ke sath baithta to ittefaq se maa kuch aisa keh deti jo baat kabhi shoumi ne mujhse kahi thi ek din t.v pe koi film chal rahi thi jo ki romantic thi achanak usmein heroine ne hubahu wohi baat kahi jo shoumi ne mujhse kahi thi "tum chaho na chaho main tumse dur nahi ho sakti aur kabhi na ho paungi aur na humhe koi ekdusre se dur kar sakta hai" main ye sunkar dang reh gaya kya mere sath koi mindgame khel raha tha? Ya ye sab mere dimaag ka fitoor tha ya koi misunderstanding thi jis ittefaq ko main kuch zyada le raha tha,

Lekin kaise bhi karke mujhe shoumi ko ignore karna tha maine phone se uski tamaam apne sath rakhki tasveere delete kar di thi aur hairat tab hua jab ek baar folder kholne pe wo tamaam ki tamaam tasveer salamat thi maine fhir unhe delete karna chaha toh error show karne laga aisa lag raha tha jaise taqdeer mujhe usse dur nahi hone de rahi thi na chahte huye bhi main usse dur nahi ho paa Raha tha

Is beech shoumi ka mujhe dobara koi call kisi bhi ajnabi number se nahi aaya aisa laga jaise maamle ko wo samajh chuki hogi Mera number na mil paane pe ho sakta tha wo mujhe dhundhne purane makaan aayi bhi ho aur main waha na mila hu kahi na kahi oose lagne laga hoga ki maine oose dhokha diya hai ab uske rubaru hone se mujhe Darr lagne laga agar wo mere saamne aa jaye to kya hoga? Kaise qeher banke tutegi mujhpar? Ye sab sochke jism sihar raha tha,

Kuch din guzre bhi lekin haalat har raat gaye waise hi ho jaate they dil koi kheechta tha mann bechain hone lagta tha zindagi kaatne ko daudti thi kuch acha nahi lagta tha lagta tha kitna akela hu? Shoumi ka tassavur apne aap dilo dimaag pe haavi hone lagta na chahte huye bhi main oose yaad karta un tamaam wahiyat palo ko bhi jab hum dono humbistar hote they, ab mujhe sukoon nahi lag raha tha

Aur ek raat....main bistar se utha apna Seena pakde aisa lag raha tha jaise koi mere kaleje ko kheech raha tha baar baar shoumi ka chehra aankho ke saamne ghum raha tha kya mujhe guilt thi ya fhir waqayi mujhe mohabbat hone lagi thi? Nahi ye bas ek kashish thi maine mann ko samjhaaya lekin mera mann na maana ki main oose pyar karta tha aisa lag raha tha achanak laga jaise shoumi mujhe awaz de rahi thi...maine daayi taraf dekha hawao se parde ud rahe they khidki khuli reh gayi thi bijliya chamak rahi thi aasman garaz raha tha aise hi mujhe neend raat gaye kayi dino se nahi aa rahi thi aur aaj bechaini bahut zyada lag rahi thi,

Main khidki ke paas aaya toh hawao ke thapede mujhe apne chehre pe lagte mehsus huye maine khidki lagani chahi toh dekhta hu koi saaya hamare ghar ke saamne waale maidan mein khada tha gaur se dekhte hi jaise main kaanp utha barish hone lagi bijliyo ki ek Tej roshni mein maine dekha ki wo saaya shoumi ka tha palak jhapakte hi wo saaya gayab kya koi wehem tha? Shoumi itni raat gaye mere ghar kaise pahuch sakti thi oose toh malum bhi nahi tha mere maa baap Kahan rehte they? Main khidki mazbuti se lagaye niche pahucha ghar ka darwaja kholkar torch saamne ke maidan pe maara do kadam bahar nikalne jhaaka bhi par neemandhere mein sunsaniyat ke siwah waha kuch nahi tha koi bhi nahi tha,

Us raat main so nahi saka wo mera wehem nahi tha maine inhi aankho se shoumi ko khud ko ghurrte bahar khada paaya tha fhir wo kahan gayab ho gai? Mere mann ki ghabrahat kai zyada badh gayi thi...par main kisi ko apne haalaat bata nahi sakta tha, us raat ke baat mujhe kuch nahi dikha lekin meri taqleef badhti jaane lagi itni badh gayi ki main waqt se pehle hi wapis sheher jald se jald jaane laga maa baap ne roka bhi lekin main kisi bandish mein tha maine unki baato ki parwah kiye bina bas itna kaha ki mujhe wapis jaana zaruri hai mujhme huye badlaav se wo log thode pareshan huye par kuch samjh nahi paaye, kaash main unhe bata paata ki main ek bhaari musibat mein apni hi karni se fass chuka hoo,

Main sheher lauta par kuch din college nahi gaya kamre mein pure din band rehne laga dosto ne call karke mujhse sawal kiya ki main Kahan tha? Kyun college nahi aa raha tha par maine unhe kuch nahi bataya na kisi ko ghar aane kaha na jane mujhe kya ho raha tha? Kyu main ab sabse dur hota jaa raha tha? Achanak us raat Mausam fhir bigada barish ho rahi thi main bijliyo ki kadkadahat sun raha tha aankhe munde andhere mein bistar pe pada tha ki tabhi wo awaz mere kaano mein gunzi "guddu mere paas aao guddu mere paas aao main intejar mein hoo tumhari shoumi tumhare bina adhuri hai aa jao"

Main hadbadake uth baitha mera kaleja aisa dhadak raha tha jo apne kaano tak mujhe sunai de rahi thi maine saaf kisi ko bolte suna phisphis karke jaise koi hawao mein keh raha tha kamre mein koi nahi tha ye sab kya ho raha hai?...maine chadar ek taraf faikha bistar se utha apne badan pe shirt daala jeans pehna aur bina kisi taraf dekhe main ghar waise hi sataaye bechaini se raat gaye ghar se bahar nikla daudta bhaagta main Sadako pe na jaane kitni dair se bhatak raha tha main apne hosho hawas mein nahi tha achanak maine ek taxi roki jo nashe mein dhutt tha usne pehle inkar kiya lekin maine oose zyada paise offer kiya toh wo maan gaya na jaane mujhmein kya junoon sawaar tha...kuch hi dair mein main shoumi ke ghar ke saamne khada tha,

Maine ye tak na socha ki uski maa ghar pe hogi ghar neemandhere mein duba tha maine shoumi ke khidki ki taraf dekha aur kisi tarah diwar se lage pipe pe chadhne laga kisi tarah main jab upar pahucha toh kamre ki khidki ko maine apne aap khulta paaya main dang reh gaya kyunki saamne shoumi khidki khole khadi thi uske chehre se yun lag raha tha jaise oose meri itni raat gaye waha aamad ki khabar pehli hi lag chuki thi...uska chehra vichlit na hua ki main itne waqt baad yu raat gaye choro ki tarah uske khidki se ghar mein dakhil ho raha hu, na jane kyu par mera dil gawahi de raha tha ki kahi na kahi oosne hi mujhe apni taraf kheechte huye bulaya tha par ek hi sawal akhir kaise?

Chapter 5

Main do din tak shoumi se milane uske paas nahi gaya na uski maa ke gair haziri mein uske ghar, na mujhe uski taraf se koi paigam aaya na wo mujhse milane ko aayi, aisa lagta tha jaise mauli sahab ki di huyi tabeez oose mujhse dur rakhne ki dhaal ban gayi thi lekin kya waqayi wo kaala jadu karti hai aur agar aisa tha bhi toh mauli sahab ne mujhe ye bhi bataya tha ki oose sabkuch malum chal jata hai kya wo gusse mein fhir mujhpar koi tona totka karegi? Us raat ki baat mujhe yaad aayi jab usne kaha tha "yad rakhna ki maine tumhari saari khataaye jaankar bhuje maaf kar di warna agar main chahti toh mujhe rulane waale ko kabhi na bakashti"

Dil hi Dil mein main un baaton ko yad karte hi sihar jaata tha, lekin mauli sahab ne mujhe saqt hidayat di thi ki main usse kayi gaz dur rahu maine unke kahe mutabik apne Ghar ko charo taraf se unke diye surah se baandh diya....agle din college ke baad dopahari mein main canteen ke paas baitha soch mein duba tha ki achanak aziz waha pahucha uske chehre pe koi darr nahi dikha to main nischint hua ki oose shoumi ne koi nuksan nahi pahuchaya, maine oose shoumi ki maa se mulaqat ki saari baatein kahi ye tak bataya ki Maine apna ghar baandh liya hai, wo khush hua

"Yaar maine bhi apna ghar baandh liya acha kiya tune jo usse faasle banaye wo achi aurat nahi hai aisi aurato se toh dur hi rehna chahiye acha uski maa ne aisa kyu kaha? Chal ye bhi ek bahane se acha hua ki wo tujhe aur apni beti ke taluqat ko pasand nahi kar rahi"

"Nahi Aziz mera dil nahi maanta aisa lagta hai wo mujhe apni beti se dur rehne ki hidayat kisi aur wajah se de rahi thi shayad unhe Mera bhala dikhta ho ya apni beti ka raaz unhe malum ho lekin mera ab bhi dil gawara nahi karta ki wo kaala jadu karti hai ya wo koi witch hai"

"Dekh ye tu nahi tujpe haavi hone ki koshish karta uska kaala saaya hai wo tere dil ko maayil kar rahi hai taaki tu uske paas dobara chala jaaye"

Main bhi sehmat hua Aziz mere liye bahut fikarmand tha kaash usne mere zyadti maamle mein itna dakhal na diya hota toh shayad wo aaj!

Din pe din bitne lage haalat pehle jaise normal guzar rahe they aisa lagta tha jaise shoumi khud sambhal chuki thi usne mujhse dobara kattayi Milne ki koshish nahi ki ye azib masla dekh main mauli sahab se mile Bina na reh saka main is baar akele unke yaha pahucha wo gambhir hoke sabkuch sunte rahe, fhir unhone kehna shuru kiya

"Ye khamoshi kisi aane wale gazab ka agaaz kar rahi hai wo yun chup nahi baithegi aakhir ye uski amaal ka sawaal hai agar wo tujhe bas mein nahi kar paayi toh uski khud par jaise laanat hogi"

"Lekin mauli sahab usne mujhse khud koi taluq rakhna chodh diya hai us shaam uski maa se milane ke baad se hi usne meri taraf ka rukh jaise band kar diya"

"Galat fehmi hai teri wo tera itni aasani se  picha nahi chodhegi lekin tu meri bataye pe amal karte rehna dur rehna usse aur ab ho paaye toh is sheher se bhi chala Jaa"

"Lekin mujhe darr lagta hai kahi wo mujhe kuch!"

"Jab tak tere baazu par ye tabiz hai wo tujhe kuch nahi kar sakti lekin wo tujhe mukammal darayegi taaki tu uske paas chala Jaa par tu jaana nahi khud ko itna mashgool kar le kisi karobar mein ki tujh tak wo pahuch hi na bana sake"

"Pichli baar dur hua to usne mujhe waqayi bahut daraya tha mujhpar aisa kuch kar diya tha ki main uske paas jaaye Bina reh nahi paaya"

"Usse nijaat ka rasta bas Mera bataya amal hi hai baaki uski taqat se ladna aasan nahi jaan tak jaa sakti hai wo tujhpe puri tarah kaabiz hona chahti hai chala ja aur apna khyal karna"

Main waha aur na tehra sawalat aur darr ke saaye mein main waha se ruksat hua shaam ho chuki thi main bus pakde apni ghar ki taraf jaa raha tha ki itne mein tyre phata aur bus ek taraf jaa ruki main bahut zyada baaki passengers ke sath ghabra gaya tha....ab mujhe ghar jaane ka koi aur rasta ikhtiyar karna tha raaste par chalte huye mujhe mehsus ho raha tha ki koi mera picha kar raha hai,

Main mudkar piche dekhne laga waha koi nahi khada tha main abhi thoda teji se chalne hi laga ki itne mein khyal aaya ki main shoumi ke ghar ke paas hi tha na jaane kyu mujhe azib si ghabarat hone lagi wohi khidki wohi pipe ka rasta jisse main chadhkar uske kamre mein pahucha tha main na jaane kyu waha se dur chale jaane ke bajaay uske ghar ke aad mein jaate galiyare ki taraf badha taaki saamne se jaane par agar wo imarat mein ho toh mujhe kahi se dekh na le,

Main janna chahta tha kya wo waqayi kaala jaadu karti thi andhera hone laga tha, us waqt uski maa ki mauzudgi ghar mein ho sakti thi jisne mujhe saaf apni beti se taluqat rakhne mana kiya tha...jaise hi main pichwade ki taraf aaya Ghar se uske todfod aur chillahat ki awaz sunai di main sakdum diwar ki aut mein khada sunne ki koshish karne laga awaz dabi dabi si aa rahi thi do log aapas mein jhagad rahe they maine himmat karke us khidki ke sheeshe se aad hokar dekha jisse bheetar hall aur upar jaati sidi ki taraf ka nazara dikhta tha maine dekha shoumi ek safed laal para saree pehni huyi hai uske baal khule hai aur wo bahut gusse mein hai dusri taraf uski maa sihame khadi apni khauff ko dabaaye nakami oose chup karaa rahi hai, vartalap unki bhasha mein chal raha tha jo meri samajh jitna aaya usse saaf tha ki wajah main tha aur shoumi Jaan chuki thi

"Tumhari wajah se ooska Shaq yakeen mein tabdil ho gaya kyu kaha tumne? Ki mujhse dur raho bata diya na tumne oose ,ki main kya hoo aur kya karti hoo?".....shoumi aise aankh nikaalke keh rahi thi jaise uspe kuch sawaar ho wo maa ki taraf kadam badha rahi thi uski maa ekdum kaanpte huye piche hat rahi thi,

"N..nahi nahi maine kuch nahi kaha oose, tu tune toh is ghar ko barbaad kar diya Teri wajah se tere baba chal base"

"Aik bhi baat tum nahi kahogi warna jaan se maar dungi bhul jaungi ki tera aur mera koi rishta bhi hai"

"Aajtak tune yahi to kiya pehle apne baap ko khaa liya aur ab mujhe bhi khaana chahti hai main kya janti nahi ki tu kya karti hai? Teri wajah se do baar mujhe ghar badalna pada kitni musibatein uthane pade pata hai aas paas log kya baatein banaate hai"

"Mujhe kuch nahi sunna jisne bhi baatein banaaye wo kutte ki maut mare ye meri Puja hai mera dharam hai"

"Toh chali Jaa is ghar se"

"Tujhe na dur kar du khud se"

Maine saaf shoumi ke daant ko kitkitaate dekha uski maa jaise darrne Lagi wo beti ko apne se dur rehne kehne lagi lekin shoumi ne palak jhapakte hi ek ulte haath ka jo thappad apni maa pe uthaya usse uski maa ghass khaake cheekhti ek kursi pe jaa lagke zameen pe gir gayi, main kaanp utha

"Aaj ke baad tu kisi ko kuch nahi keh sakegi kyunki ab tu mere kaabu mein rahegi maa nahi hoti toh tujhe bhi maut ke ghaat utaar dene mein waqt nahi lagta"

Ye sab dekhne ke baad main waha tehera nahi na jane kyu mera dil dhaadh dhaadh karke bajne lage...kaano tak mujhe apni dhadkan sunaai dene lagi main waha se bhaag nikla.....us raat main so nahi saka shoumi ka wo bhayankar sach mere zehan Mein kaundh raha tha uski maa waqif thi ki uski beti kya karti thi? Shoumi ka aisa bhayankar rup ab toh maine faisla kar liya shoumi se hamesha ke liye dur chale jaane ka,

Main aksar ghar mein andhera hone se pehle aa jata college ke baad bhi kahi aur chala jata taaki agar shoumi mujhse milane bhi aaye to main ghar par na milu maine phone tak uthana chodh diya internet chalana na ke barabar kar diya taki bhule bhangte uska koi message mujhe na mile,

Jald hi exams huye aur main usse farig hoke Ghar chala gaya lekin waha bhi mere saath pehle jaisi koi anhonee nahi ghati ab mujhe lagne laga shayad shoumi ne waqayi mujhe chodh diya tha maine Rahat mehsus ki, mauli sahab ki baat main lagbhag bhul gaya Aziz se bhi ab wo sab baatein main nahi karta tha, jald hi graduate hone ke baad main wapis sheher aaya toh maine ek firm mein naukri talash li taaki main tamaam uske khyalaato se dur reh pata, waha Aziz bhi aakar mere sath naukri karne laga zindagi khushnuma guzar rahi thi, isi beech meri zindagi mein aayi roshni usse meri dosti huyi lekin maine koi pehel nahi ki haalaki main ab pehle jaisa nahi raha tha mujhe apne gunaho ki saza mil chuki thi isliye main har ladki se dayra banake rehta tha, Aziz bhi ek ladki se mohabbat kar baitha jiska naam shabnam tha, office ke baad wo ooske sath idhar udhar ghumne fhirne chala jata tha isliye main akela ho jata  toh tanha hi ghar ka rasta tayy karta,
                               
                                --------
Ek shaam roshni mujhse safar ke dauran mili hum baatcheet karte huye metro mein dakhil huye train thodi khaali thi isliye hum apne sit par baith gaye main aksar kam bolta tha usse lekin usne idhar udhar ki baat  kehte huye mujhe toka wo mujhse kuch sawal karna chahti thi,

"Kaho roshni kya baat hai?"

"Dekho guddu hum kayi waqt se sath mein kaam kar rahe hai aur hum ache dost bhi hai lekin main ek baat notice karti hoo ki tum janbhujkar tanha rehte ho kabhi lunch ke waqt toh kabhi chutti ke baad tum kisi se baat nahi karte aur fauran apne ghar chale jaate ho maine tumhare dost Aziz se bhi pucha par wo baat ko taal deta hai kehta hai tum sharmile ho lekin maine gaur kiya hai ki tum hum sab se hass khelke baat karte ho lekin ek dayra banakar rakhte ho Aziz tumhara purana dost hai lekin wo to aisa nahi ulte meri saheli shabnam se kuch hi waqt mein usne dosti kar li aur wo abhi couple hai"

"Dekho roshni agar tum ye kehna chahti ho ki main janbhujke tumse main dur rehta hu to aisi bat nahi hai meri aadat hi aisi hai"

"Par shabnam ne mujhe bataya tha ki tum pehle aise nahi they yakeenan Aziz ne oose bataya hoga ki tum college ke waqt kafi khushmizaz aur dosti karne wale shaksiyat they"

"Dekho Aziz mera dost hai isliye kuch bhi kisi ko mazak mein keh deta hoga mere baarein mein par ye sach hai ki main jaisa aaj hoo kal bhi tha"

Roshni kuch keh nahi payi aur main oose kaise samjhaata ki mauli sahab ki baat main abtak nahi bhula tha ki mujhe har ladki se dur rehna hai taaki meri upar rahi aafat unke piche na pad jaaye haalaki ab haalat pehle jaise nahi they na mujhe shoumi ka malumat tha ki wo ab kis haal mein hai? Usse mile kayi waqt ho chuka tha aur usne bhi maano mujhe dhundhne ki koshish nahi ki thi,

"Dekho roshni main tumhara dil nahi dukhana chahta tha par kuch baatein aisi hai ki main chahkar bhi tumhe nahi batana chahta"

"Toh tum maante ho koi baat hai? Tum kya mujhe apna dost nahi maante"

"Manta hoo aur isliye main nahi chahta ki meri wajah se kisi ki hassti khelti zindagi pe koi aafat aaye?"

"Aafat kaisi aafat?"

"Ye baat tumhe Aziz hi behtar samjha sakta hai mujh mein himmat nahi lekin vaada karna ki sabkuch janne ke baad tum kabhi bhi kisi ke aage ye baat nahi kahogi aur mujhse bhi dayra banaake rahogi"

Itna kehke main chup ho gaya jo kuch aakhri mein maine kaha tha oose sunkar shayad uska dil tut gaya ho lekin wo dil tut Jana behtar tha uski zindagi bikhar jaane se, uska station aa gaya aur wo uthkar jaane lagi lekin mudte waqt usne fhir muskuraya aur mujhe bye kehte huye chali gayi bas faraq itna tha ki uski aankho mein aansu ghul chuke they, main samajh gaya tha uske dil mein mere liye feelings thi aur sach pucho toh mere dil mein bhi uske liye feeling hone lagi thi par maine oose kabhi kaha nahi tha,


                         --------------

Aziz ne mujhe chutti ke din maari zidd mein apne aur Shabnam ke sath ghumne le aaya main na chahte huye bhi unke sath ho liya lekin pure waqt mera ukta raha tha Aziz chahta tha ki main sabkuch bhulkar dobara naye sirhe se zindagi ka lutf uthau par main ab pehle jaisa nahi raha tha,

Hum restaurant ke ek table pe baithe huye they ki itne mein waha roshni pahuchi main oose dekhke hairan hua....Aziz muskurake oose mere bagal waali seat pe baithne ko bola Maine bhi muskurake oose hello kaha tabhi ekaek mahoul mein tabdili aayi aur Aziz ne mera dhyan kheecha shabnam bhi jaise sab cheezo se waqif thi,

"Guddu yaha hum charo hi hai isliye tu ye mat samjhna ki koi bahar ka Banda hai jaise mujhe malum hai waise shabnam ko malum hai aur ab roshni bhi hamare Raaz se waqif hai roshni ne mujhse tere ateet ke baarein mein bahut sawal kiya tha lekin main ise taalta raha main janta hoo mauli sahab ne kya kaha tha? Lekin maine iske dil mein tere liye fikar aur pyaar dekha maine roshni ko sabkuch bata diya hai isliye behtar hai ki tujhe kuch chupane ki zarurat nahi"

Maine roshni ki taraf dekha roshni ne sehmati se muskuraya main Aziz ki taraf tawajjoh diya...."main yahi chahta hun ki hum beeti baat bhul jaye aur kehna nahi hoga ki ab wo aafat humse bahut dur piche reh chuki hai"

"Tu bhul raha hai Aziz ki mauli sahab ne kya kaha tha?"

"Main janta hoo ki wo tera picha itni aasani se nahi chodh sakti thi lekin ye bata ki wo abtak Teri pahuch se dur kyu hai? Dekh ho sakta hai jitna humhe laga utna kuch ho nahi"

"Haan Aziz sahi keh raha hai ho sakta hai wo koi psychopath ho aur aise andhwishwas par aankh mundke yakeen nahi karna chahiye"

"Main samjhta hoo shabnam ki tumhe Aisa lagta hai lekin Aziz se pucho ki maine kya kuch nahi jhela hai agar wo sab jhoot tha andhwishwas tha toh main usse dur kyu nahi ho paaya? Oose sabkuch kaise malum tha?"

Shabnam se jawab dete na bana is baar roshni ne mujhe toka

"Mujhe parwaah nahi ki aage kya hoga guddu? Lekin main tumse alag nahi ho sakti main tumhe is haal mein nahi dekh sakti"

"Roshni lekin!"

"Main kuch kehna nahi chahti agar tumhari zidd hai to meri bhi zidd hai ki main tumhara saath nahi chodhna chahti cause i"

Aakhri shabd kehte uska chehra laal ho gaya sharam se usne nazare nichi kar li Aziz aur Shabnam bhi jhenpte huye ekdusre ko dekh muskurane lage aur main uski baat sunkar hairan huye Bina nahi reh paya usne izhar karne mein waqt nahi lagaya tha,

'accha ye sab chodho aur chalo film dekhne chalte hai and u guys don't be late jaldi aa jaana"...shabnam ne humhe ekdusre ke nigah mein uljha chodh Aziz ko kohni maari

"Haan Maine bhi tickets le liye they hum charo ke"....Aziz muskurakar uthne laga aur Shabnam bhi uski baanh pakde wo dono waha se jaane lage

Unke jaate hi roshni ne mera table pe rakha haath apne haatho mein liya...main kuch keh nahi paaya...."chale".....roshni ne meri nazaro mein dekhte muskurakar kaha

"Chalo"

Us din ke baad se roshni aur main ekdusre se pyar karne lage hum sabkuch bhulaakar ekdusre se pyar kar baithe ye baat Aziz aur Shabnam se chupi na rahi, ab hum sab ikhatte ghumne fhirne lage aisa lagta tha jaise khoyi huyi khushiya wapis laut aayi thi ab main bhi dheere dheere shoumi ko beeta kal samjhkar bhulaane laga zindagi bas yun hi guzar rahi thi us beech maine apne us baanh mein bandhe tabeez ko kabhi utaara nahi jab bhi oose dekhta tha toh bhula kal bure sapne ki tarah saamne aa jata tha, lekin main oose roshni ke sath waqt bitaake bhul jata tha,

Ek din roshni aur main kahi park mein ghum rahe they toh baaton hi baaton mein maine usse niqaah ka sawal kiya ye sunkar ki main usse shaadi karna chahta hu wo mere gale se lag gayi main bhi chahta tha ki ab hum aur zyada intejar na kare aur ek pak rishte mein bandh jaaye taaki koi bhi buri nigaah ya aafat humhe juda na kar sake,

"Main aaj hi maa baba se baat karungi lekin kya itne jaldi ye faisla?"

"Dekho roshni aaj nahi to kal humhe ye kadam uthaana hi hai Kya tum nahi chahti ki main aur tum ek ho"

"Haan guddu main bhi yahi chahti hoo u have no idea the amount of happiness u given me today"

Hum ekdusre ke gale lagke zazbat ki rau mein beh gaye lekin main nahi janta tha ki waqayi tufaan abhi aaya kahan tha?

To be continued....

Chapter 7

Main oose bas ghurrta Raha aur wo bhi mujhe muskuraye khamoshi se, fhir usne chuppi todi aur baithne ka izhar kiya, main hadbadaya mujhmein himmat nahi thi ki main koi bahana karke waha se chala jau isliye maine haami bharke oose baithne ka ishaara kiya aur yun uske saamne baitha jaise main uske kiye abtak sab cheezo se nawaqif tha,

"Kaise ho? Aakhir mujhse break up kar hi liya na tumne?"

"Aisi baat nahi hai m..main tumhare ghar us shaam gaya tha tumh..ari maa ne mujhe tumse taluq rakhne mana kiya tha"

Oose yun laga jaise main saaf jhoot bol Raha tha kyunki wo pehle hi sabkuch Jaan chuki thi isliye toh us din usne apni maa par haath uthaya tha maine apne baaye bazu pe bandhe tabiz ko asteen ke bahar se chune laga to jaise wo khilkhilake hass padi main samajh nahi paya kya wajah thi? Kya oose tabeez ka bhi malumat tha jise main uske aur apne darmiyan dhaal samajh raha tha?

"K..kya hua?"....maine sawal kiya

"Aisa lagta hai jaise tumhe mujhse Darr lag raha hai"

"N..nahi toh bhala kyu?"

Kuch der tak hamare beech baat nahi huyi...toh usne hi kaha "agar koi aisi baat thi toh keh sakte they? Ki maa ne tumhe kuch kaha tha"

"Nahi main tumhare aur unke beech jhagda nahi chahta tha"

"Unki himmat nahi ki wo mujhse jhagda kare".....shoumi ki ghurrti nigah ko dekh main pehlu badalne laga us shaam uski maa ke sath jo usne Kiya wo mere nazaro mein ghum Gaya tha

"Acha aajkal kya kar rahe ho?"

"Jaise tumhe nahi pata tum toh mere gharwalo ke paas tak pahuch gayi unhe ye bataya ki hum shaadi Karne waale hai  tumhe unka pata kisne bataya tha?"

"Kyu? Main untak pahuch nahi sakti?"

"N..nahi aisi baat nahi lekin tumne jhoot kyu kaha?"

Ek pal ko laga jaise wo fhat padegi aur chilla chilla ke mujhse kahegi ki kya hum ekdusre ke saath nahi they? Kya tumne jaanbhujkar mujhse duri banake ye samjha maine tumhara picha chodh diya?...main hadbada sa gaya hontho pe bechaini se zubaan phairne laga,

"Kya tum mujhse shaadi nahi karna chahte they? Us raat kaise tum hi yu pipe ke sahare khidki se mere ghar daakhil huye mujhse izhaar Kiya ki main tumhare bina!"

"Main apne hosho hawas mein nahi tha tum behtar janti ho tumne aajtak mujhe uska jawab nahi diya tha"

Shoumi chup rahi wo bas mujhe ghurrti rahi, "yaha kaise aana hua?"....maine baat ka rukh dusri taraf kheecha

"Bas yu hi ittefaq se Kone par baithi thi ki tum mil gaye isliye tumse milane yaha aayi"

Maine fiki muskurahat dete huye kaha "darasal main ab naukri karne laga hoo ek firm mein jo ki mere ghar se bahut dur hai wohi zyada waqt guzarta hai isliye main chahkar bhi waqt nahi nikaal paata"

"Isliye break up kar liya?".....shoumi ne ekdum se jab kaha toh main siham gaya wo gambhir thi

"N..nahi toh maine socha ki main tumhe waqt nahi de paunga aur main bahut zyada career ko leke tension mein tha maine chaha pehle main apne aage ke baare mein Sochu"

"Tum toh mujhse ek din bhi milane nahi aaye na mujhe contact Kiya aur na koi message keh to sakte they"

"Mujhe laga farig hunga toh ek din tumse milane aaunga"

Shoumi chup rahi toh main uthne laga "Mujhe ab chalna chahiye ek project pe kaam kar raha hoo colleague se bhi Milana hai"

"Itne jaldi"

"Kaam ka sawal hai anyway main fhir tumse milunga"

"Tum mujhe ignore kar rahe ho?"

Maine gambhir hoke oose dekha aur fhir na chahte huye bhi muskuraya "aisa kabhi ho sakta hai shoumi tum apna khyal rakhna hum jald hi milenge see you soon"

Main ek pal bhi waha teherna na chahta tha main tez kadmo se waha se jaane laga toh shoumi ne jo aakhir baar sawal kiya usne mujhe rukne pe mazbur kar diya "akele ho ya koi aur bhi hai ab zindagi mein?"

Maine mudkar oose dekha aur mazbuti se sar hilaya lekin uski nigaho mein mujhe yakeen kahi nahi dikh raha tha usne muskuraya...main gale se thook ghontte sihamte restaurant se bahar nikla aur bagal se guzarte rickshaw ko hath dikhaaye baith gaya maine piche mudkar bhi na dekha ki wo waqayi mere piche thi ya nahi...acha hi hua ki roshni waha nahi pahuchi thi warna wo uske nazaro mein aa jati, shabnam ke sath jo hua uske baad se ab mujhe roshni aur Aziz dono ki fikar ho rahi thi,

                                -----------

Bijliya kadak rahi thi aisa lagta tha tufaan aane wala tha roshni apne kamre mein baithi kursi pe anmane bhaav se phone pe apni aur meri tasveere dekh rahi thi kitne khushaal pal guzare aur fhir kahan se achanak buri nazar unke rishte pe lag gayi kaise shabnam ke sath kya kuch ghata? Kitne khush thi woh? Aziz ke sath shadi karne ka usne bhi khwab dekha tha? Apni saheli ke aise haulnaak anjam ka sochte hi uska kaleja kaanp utha kya waqayi in sab ke piche wo kaali jadugarni thi jo uske pyar ke zindagi mein kabhi uska ateet thi, kya waqayi wo itni khatarnak hai? Kya wo kahi oose bhi? "Nahi nahi ye kya fizul baat hai wo toh uski pahuch se kahi dur hai usne toh kabhi uska chehra tak nahi dekha lekin wo toh guddu ke maa baba tak pahuch chuki thi toh fhir us tak kyu nahi pahuch sakti thi? Bachpan mein usne kayi dafa aisi waqyo ko suna tha lekin kabhi daayan kaala jadu tona totka aisi cheezo pe usne yakeen nahi kiya tha, oose ekdum se khyal aaya ki shaam ko oose guddu se milane jaana tha maa ke sath haath bataane mein wo kaise bhul gayi thi? Usne phone karke guddu se maanfi maagne ke lehze se message chodha par wo online nahi tha, na jane kabse wo restaurant mein intejar karte karte wo kab chala gaya hoga aur wo thi ki bekhabar badkhyalo mein mashgool thi,

Itna kuch hokar hata tha sabke dimaag par bhari mansik dabaav pada tha aur aise mein  bhul usse bhi huyi thi Aaj itvaar tha to unke paas tanhaai mein kuch waqt guzarne ka mauka tha roshni udaas mann se uthkar kamre se jaane lagi thi ki achanak oose apne pair bhari mehsus huye,

Itne bhaari ki wo oose kai wajandar lagne lage uska pair sun ho chuka tha wo bhauklaye ghabraye apne dono pao ko tatolne lagi aisa lag raha tha jaise oose falaria ho gaya tha uske pao apne aap fhulne lage aur karishmai dhang se itne bade ho gaye ki wo ek kadam bhi uthaane mein nakam reh gayi,

Roshni pareshan hone lagi aur wohi zameen par girkar apne pao ko dabane lagi oose koi bhi dard nahi mehsus ho raha tha ooska dil reh rehke ghabraye ja raha tha achanak oose khaasi uthne lagi wo uth bhi nahi pa rahi thi aur khaasi badhti jaa rahi thi aur dekhte hi dekhte usne itni zor se khaasa ki khoon ke saath thook mein suyi zameen pe girne lagi wo ekdum hataash ghabrayi chilla uthi,

Uske ammi abba kamre mein bhaagte huye aaye aur apni beti ka wo haalat dekh sannate mein aa gaye maano unhe apni nazaro pe yakeen nahi ho raha ho, roshni khoon ugalte huye rone lagi uski ammi ne kasskar ooske Peeth ko thapthapaya farsh pe khoon mein pada suyi dekh wo dono ghabra Gaye..dusre hi taraf uska pao badhta ja raha tha uske abba ne uske pao ko chua to wo unhe koi bimari lagi, roshni buri tarah darre roye jaa rahi thi,

                                 ----------

Agle din kisi bure khwab sa jaaga main mayusi se office chalne ki tayyari karne laga, maine roshni ko phone milaaya uska kal raat ka message aaya hua tha maine padhke yahi socha ki acha hua wo aayi nahi thi warna khaamokhah shoumi oose dekh leti, shoumi ka kal yun Milana mujhe ittefaq nahi laga main sochte sochte nashta kiye office pahucha jab lunch period hua toh roshni ke cabin mein oose dhundhne pahucha lekin wo aaj aayi nahi thi lekin usne koi tabiyat kharab ka zikar to nahi kiya ho sakta tha ki jo kuch hamare sath ghata usse wo waqayi pareshan ho gayi thi, shaam ko sidha office se main uske ghar pahucha aur uske naukar se mila, to usne jo roshni ki babat kal raat ghati thi wo sabkuch byaan kiya,

Main bhaagte teji se sidiya chadhke ghabraaye roshni ke kamre mein aaya waha uske abba ammi ek taraf khade they aur roshni bistar par beshud laiti thi uske pao pe pattiya chadhi thi ek taraf doctor baitha tha mujhe waha dekhkar uske abba kareeb aaye

"Ye kaka niche kya bata rahe they? Ye roshni ko kya hua uncle?"

Uske abba ne sabkuch bataya ki kal raat kya hua tha? Oose hospital le jaya na ja saka kyunki pao is qadr fhul gaya tha ki wo chalne ke layak bhi nahi thi..aur sabse bhayank waqya toh ye tha ki oosne khaaste waqt khoon ugala tha jismein suyi thi meri haalat to aise jaise kaato to khoon nahi toh kya uska bhi anjaam shabnam ki tarah ya usse bhi badtar hone wala tha, main royi nigaho se roshni ke paas aake baitha

"Dekhiye dawaai ke asar se abhi ye behosh hai aur ise behtar hai ki zyada se zyada aaram karne dijiye maine pao ka examine kiya hai kal scan aur reports ho jayegi but pao ko cheerne ke bawjud usmein koi mawad nahi nikla aur hairat ki baat koi khoon nahi ye kis tarah ka infection hai i must consult with senior doctors kal ise hospital le jaya jayega and about coughing of blood and needles this is absolute bizarre case i have never seen such thing in my entire life"

"Kya meri beti ko koi lailaaj bimari hai?"

"Keh nahi sakte kal hi is baat ki pushti ki jayegi Abhi filhal ye normal hai aur ise bedrest ki zarurat hai"

Uske abba doctor ke sath bahar chale gaye par main jaan chuka tha ki ye koi mehez hadsa nahi tha roshni ke sath jo kuch bhi ho raha tha koi tona totka tha, roshni ki maa mere kareeb aayi fhir unhone Jo kuch kaha wo mujhe aur saqte mein daalne laga

"Kal pure din ye bilkul theek thi guddu aakhir ye sab kya ho raha hai? Mujhe kuch theek nahi lag raha aisa lagta hai jaise kisi ne meri roshni ke upar kaala jaadu kar diya hai kya maine dekha nahi? Main iske abba ko kaise samjhau ab koi amaali hi meri beti ki jaan bacha sakta hai pehle iski dost shabnam jo pagal ho gayi uske baad bhi bahut azibogarib ghatna ghati thi aur ab, sach batao guddu kya baat hai? Kya tum kuch jaante ho?"

"Nahi aunty lekin main yakeen dilata hun roshni ko kuch nahi hoga kuch bhi nahi"

Main itna kehke roshni pe ek nigaah daale waha se zazbat ki rau mein ruksat ho gaya piche uski ammi mujhe tokti rahi lekin main waha tehra nahi, mere andar shoumi ke liye nafrat badhti ja rahi thi usne kayi hadd paar kar di thi aur ab mujhe oose har haal mein thaamna tha,

                               ---------

Main pure iraade ke saath uske ghar ke saamne khada tha wohi barsaati raat thi badal garaz rahe they main bheegta hua sidiya chadhkar uske chaukhat pe khada hua fhir darwaje pe zor zor se dastak di, uski maa jaise sote se jaagte huye aayi living hall mein ujala hua aur fhir darwaja kholte hi unki nigah mujhpe thi maine unke chehre pe dekha aisa laga jaise wo kisi bhaari sadme mein jee rahi thi, ek pal ko mujhe dekhke wo chaunk uthi fhir badastur mujhe ghurrti rahi,

"Shoumi kahan hai?".....maine sard lehze se kaha

"T..tum yaha itni raat gaye kya chahte ho?"

"Mujhe shoumi se milana hai abhi aur isi waqt"...maine unki parwah na karte huye andar unhe saamne se pare hatate sidiyo ki taraf jaane laga

Wo hadbadayi mere piche aane lagi..toh maine unhe wohi rukne ka ishara kiya meri gussail nazaro ko dekhke jaise wo ek baar ke liye siham uthi, main dandanate huye sidiya chadhkar upar jaane laga mujhe darr nahi tha aage kya hone wala tha? Uski maa kahi police ko na phone kar de aise kayi sawalat ko main nazarandaz kar upar pahucha maine niche jhaanka uski maa aise dehshat se dekh rahi thi maano sidiyo ka rukh karna bhi unhe gawara nahi tha main unki nazaro ko padhte huye galiyare ki taraf badha aur kamre ke darwaja adkhula tha maine oose dhakela andar koi light nahi jal rahi thi balki dhu dhu karti bistar ke saamne aag jal rahi thi charo taraf haddiya sindoor aur beech mein kankaal jispe ek mombatti jal rahi thi aur theek saamne maa kaali ki wo durlabh murti jise koi bhi dekh leta uska dil siham uthta,.

Shoumi theek saamne kaale saree mein maathe pe lamba tilak lagaye baithi ankhe munde mantro ka jaap kar rahi thi bijli ki tej roshni mein jalti aag ke kareeb maine ek kaali gudiya dekhi jiske dono pao pe raakh aur suyi lagi thi aisa bhayavah manzar ko dekh main puri tarah kaanp utha main nahi janta tha shoumi ko meri aamad ki khabar lag chuki thi ki nahi, us waqt mere sar par khoon savaar tha roshni ka haalat mujhse dekha nahi gaya tha,

Main andar pahucha mere kadamo ko sun wo gussail nigaho se aankh kholi uske kajal lagi bari bari gulabi ankhe mujhe ghurrne lagi aisa laga jaise wo koi masum shoumi nahi koi tantrikni ho, mujhe dekhte hi uske chehre ka rang badla aur wo ahiste ahiste uthkar khadi huyi,

"Tumi akhane?"

"Haan main waah shoumi waah maine socha nahi tha ki tum itna gir jaogi us shaam main tumhare ghar aaya tha maine dekha tumne apni maa ke sath kaisa bartav kiya? Ab mujhe sabkuch samaj aa chuka ki kyu mera kaleja koi kheechta tha kyu koi mere kaan mein tumhara naam leta tha? Kaise main pagalo ki tarah tumhare pass aa gaya tha wo to is tabeez ne mujhe abtak Rokke rakha lekin tum nahi ruki tumne shabnam ki zindagi barbad kar di aur ab meri dost ko bhi nuqsan pahucha rahi ho hai koi jawab tumhare paas?"

"Haan haan ye sab maine kiya? Sirf tumhe paane ke liye aur tumne kya Kiya? Mujhe khilone ki tarah istemal kya laga tumhe ki tum mujhse dur reh paoge arre tumhare wo amaali bhi mera kuch nahi bigaad paaye aur ye baazu mein bandha tabeez bhi ab tum khud utaarkar faikoge aur tab khud inhi ghutno par mere paas raingte huye aaoge mujhse apni jaan bakshaish ki bheek maangne"

"Main tumhe kya samjhta tha aur tum kya nikli? You are a bloody witch lekin ab nahi main tumhe ab kisi aur ki zindagi barbaad nahi karne dunga mujhse problem thi na toh mujhe jaan se maar deti unhein kyu?"

Shoumi tilmila uthi aur usne fhir dahadhte huye kaha "kyunki tumhare dost mujhe tumse dur kar rahe they wo ladki jiska tum us shaam restaurant mein intejar kar rahe they aur mujhse jhoot bole ki tum yun hi waha aaye they, uske sath tum shaadi karne waale they par ab nahi tumhare ek dost ko maine uski mohabbat se mehrum kar diya aur ab roshni ki baari hai ab uska marrna tayy hai fhir wo tumse mehrum hogi dekhna chahte ho"

Shoumi ne wo kaali gudiya uthaai aur fhir ek suyi usne daant peesti nafrat bhari nigaho se muskuraya aur dheere dheere us suyi ko us gudiya ke gale mein le jaane lagi, isse pehle ki wo uske gale mein wo suyi ja dhasti main uspar jhapat pada shoumi ekdum se mere geraft mein aa gayi, main uske haatho ki suyi ko kisi tarah gudiya tak chune nahi de raha tha....wo dohri awaz mein chilla rahi thi mere haath par katne lagi taaki wo mere changul se chutt jaati,

Hathapayi mein main gudiya uske haath se aakhir cheenne mein kamyab raha aur bahar ki taraf bhaaga kisi anarth ki soch mein shoumi mere piche daudi...."guddu ruk jao warna theek nahi hoga guddu"

Main galiyare se sidiyo tak pahucha ki usne mujhpe piche se hamla kiya lekin main raste se hat gaya toh wo sidiyo ki taraf niche girne ki kagar pe pahuch gayi maine oose piche se thamna chaha lekin uske kalai ki chudi mere haatho mein fisalte huye aa gayi   girte uska sar dayi taraf ki diwar se ja laga aur fhir wo ghass khaake sidiyo se niche girti rahi aakhri sidi ke farsh pe jakar uska jism tehra wohi suyi gardan mein jaa dhasi jo uske haatho mein thi..kuch hi pal mein mahoul sannate mein aa gaya uski aankhe khuli tehri reh gayi thi aur sar par gehri chot ka nishan aur gardan par dhasi wohi tikhi lambi suyi jiske koro se khoon nikal raha tha,

Main hataash uski maa ki taraf dekhne laga aur wo apni beti ke mare huye shareer ki taraf main jaise taise sidiya utarkar unke paas aaya aur haath jodkar rone laga wo waise hi patthar bani sadme mein khadi rahi, unki aankhe nam thi main shoumi ke kareeb baitha bijli ke roshni uske chehre pe padti toh uski tehri khuli nigah dikhti, maine kaanpte huye uska nabz chua wo marr chuki thi,

                             ------------

Chapter 8

Us ghatna ke baad jaise sabkuch badal chuka tha, main kahi na kahi khud ko shoumi ke maut ka zimmedar samjhta tha haalaki jo kuch bhi hua tha ek hadsa tha, lekin mujhe shoumi ki maut ka eka ek sadma lag gaya tha kitno bhi ho wo mere kabhi kareeb thi, jo kuch bhi usne Kiya tha nafrat ke hadas ke zor mein kiya tha, roshni ka pair apne aap theek ho gaya aur fhir oose dobara kuch nahi hua Aziz bhi shabnam ke sadme se ubhar chuka tha aur kayi waqt baad hum teeno ek saath office ke canteen mein baithe they,

"Jo kuch bhi hua usmein tumhara nahi shoumi ka dosh tha par yakeen nahi hota ki uski maa ne tumhare pe koi ilzam nahi lagaya"

"Unhe apni beti se kaafi taqleef thi roshni, koi maa apni beti ko khona bhala chahegi lekin unhone toh apni beti ko oosi din kho diya jis din usne kaala jaadu karna shuru kar diya wo uske kaam ke saqt khilaf thi"

"Lekin aakhir oosne ye sab sikha kaise?"

"Jo bhi uske saath beeti acha hua us jaisi aurat ka anjaam toh isse bhi badtar hona chahiye jo dusro ki khushiya cheene uske chalte aaj meri shabnam pagalkhaane mein padi hai"

Aziz apne zazbat pe kaabu na pa saka aur subakne laga main aur roshni oose samjhaane lage...."dekho Aziz jo hona tha ho gaya ab aage ka khyal karo allah ne chaha to shabnam bhi theek ho jayegi hum itne bare musibat se bahar nikal gaye wohi bahut hai warna hum sab tabaho barbaad ho jaate"

Roshni ne bhi meri baato se sehmati mein sar hilaaya...Aziz uthkar chala gaya uska mood waqayi bahut kharab tha roshni ne mere haath pe haath rakha

"Guddu mujhe khauff tha jo tumne byaan kiya agar wo suyi us gudiya ke gale mein chuba deti toh kya main aaj"

"Aisa mat kaho roshni mera dil us manzar ko soch kaanp Jata hai yakeen nahi hota ki shoumi ki ye asliyat janne ko milegi wo toh uparwale ka rehem tha ki kuch hua nahi warna hum ek dusre ko kho dete"

"Allah ka shukr hai ki unhone humhe ek aafat se nijaat di"

Maine bhi fiki muskurahat dete sehmati mein sar hilaaya lekin kahi na kahi mujhe dukh tha, roshni ne fhir niqaah ki babat pucha to maine bas itna hi sochte huye kaha ki filhal toh humhe us baarein mein nahi sochna chahiye abhi ek hadsa hoke hata hai kuch waqt guzar jaane do uske baad hi hum dekhenge, roshni chahti to nahi thi par wo mujhe waqt dena chahti thi oose meri haalat ka malumat tha isliye usne sabr kar liya,

Kuch din guzare aur haalaat dobara normal ho gaya is beech main shoumi ke wajud ko kayi had bhula chuka tha lekin tanhaai mein baithte hi wo mere zehan mein aane lagti toh Mera pura badan kaanp uthta tha, Aziz ka naukri mein mann nahi laga aur usne naukri chodh di, wo ab tanhai mein zyada waqt guzarne laga shabnam ko kho dene ka sadma oose lag chuka tha, idhar mere aur roshni ke beech pehle jaisa rishta na panap paya na jane kyu humare milane ke bawjud main usse mohabbat nahi kar pata tha, is baat ko kayi dafa roshni ne zabaani iqraar bhi kiya lekin main oose samjha nahi paata tha kya byan karta? Ki mujhe dukh kis qadr tha? Maine socha waqt ke sath main bhi ubhar jaunga aur usse jald se jald niqah kar lunga kyunki ab koi darr nahi tha, lekin main galat tha,

                               ------------

Badal garaz rahe they aur aandhiya chal rahi thi shaam se Mausam bigada hua tha, main thaka haara apne ghar lauta aur ghar ke kaam se nipatkar bistar par lait gaya, neend ne aakhir mujhko ghair liya aur uski aagosh mein main dubta chala gaya,

Ho ho karti hawao ka shorr jaise kamre mein dakhil hua meri band aankhen michmichane lagi mera pura badan sihar uthne laga achanak maine dhundhlaat se aankh kholi daaye taraf ki khidki khul gayi thi bahar paid yun hawa se jhum rahe they ki mujhe wo kafi darawana dikhta mehsus hua tufaan sard hawaye faila Raha tha jo kamre ke bheetar aa rahi thi us hawa mein ek shor gunz rahi thi, maine uthna chaha lekin neend mujhpar aisi taari thi main uth na saka maine aankhe band kar li,

Bijliya kadak uthti toh pura Kamra tej roshni se bhar jata, main fhir neend mein dubta gaya aur is baar maine dekha wohi sab ghatna ghatte huye shoumi ki gussail nigaah  mujhe agaah karna fhir us sui ko gudiya ke gale tak uska le jaana Mera usse hathapayi uski dahadhti awaz aur fhir ek haulnaak cheekh aur fhir uska sidiyo se niche gir Jana uski tehri wo aankhe, uske gale mein dhasi wo suyi, uski maa ke wo khauff se pathrai wo aankhen, mera pura badan kaanp utha shoumi jaise hass rahi thi hasste jaa rahi thi wo mere kareeb aa rahi thi aur kareeb main buri tarah tadapne laga uski aankhe dheere dheere puri kaali ho gayi,

Uske kamre mein pade wo kankaal wo sindur wo suyi wo insaani khopdi....khoon pe behti wo suiya, uske beech shoumi mujhe ghurrte huye tahaka lagati hass rahi thi uski aankhe dekhne ka mujhmein jaise himmat nahi tha fhir achanak mujhe apne badan pe kisi ke raigne ka ahesas hua badal jaise usi waqt zor se phata ho,

Wo sapna nahi tha Haqeeqat tha kisi ne mere chehre ko apni zeeb se chaata ho main sihar gaya meri aankhe khul nahi paa rahi thi aur dekhte hi dekhte kisi ne mere jismo ke tamaam hisso pe nakhun se kharochna shuru diya,

"Aaaahhhh"…main chillate huye utha pura chehra pasine pasine tha wo mehez khwab tha kamre mein koi nahi tha main uthkar bathroom aaya kaisa bura khwab tha wo? Lagta hai main sadme se abhi ubhara nahi tha reh rehke mujhe hallucinations ho rahe they shayad,

Achanak batti jalate hi maine apne nange badan par kharoch ke nishan dekhe gehre jaise kisi ne nakhun se pure badan ko nocha ho kahi kahi jagah se chamdi cheeli huyi thi jisse jalan uthti kya maine ye khud apne sath? Lekin mere ungliyon ke nakhun itne nukile nahi they toh fhir kisne?

Main waapis bistar par aakar lait gaya pehle khidki lagayi fhir aakar sone laga maine chadar odh liya ghadi ki suyi khat khat karke awaz kar rahi thi, tufaan tham chuka tha, kuch hi der mein meri aankhe bhari hone lagi,

Achanak aisa laga jaise koi dabe pao se mere sirhane ke taraf aa raha tha kuch kadam chalte hi awaz band aisa laga jaise wo khamoshi se khada meri taraf rukh kiye tha, fhir dekhta hoo shoumi ko wohi haseen pal wo hawas bhari raat wo ekdum se mere saamne nange badan aakar khadi ho gayi aur dekhte hi dekhte main uske gale lag gaya ki achanak mujhe apne peeth pe nakhun chubta mehsus hua is qadr chubta ki wo dhass raha tha maine oose apne se dur dhakela wohi kaali aankhen aur tahaka lagati uski hassi main usse dur bhaagne laga to har taraf wo khadi thi waise hi haalat mein uski tahaka lagati awaz har taraf gunz rahi thi...."nahi nahi chup ho jao chup ho jao".....main kaan mein Thaame bebasi se ghutno ke bal baithkar rone laga tabhi achanak meri neend khuli

Wo sapna tha uff aisa lag raha tha jaise Aaj raat kaatna mushkil tha, kyu ho Raha tha ye sab? Kya ye mera wehem tha? Shoumi ki dehshat is qadr mujhpe havi ho gayi thi ki mujhe wohi baar baar bure khayalo mein dikh rahi thi...achanak aisa laga jaise chadar mein mere sath koi aur bhi mauzud tha wo mujhse kasskar lipat gayi mujhe koi wehem nahi tha darwaja band khidki maine khud kuch waqt pehle band ki thi to ye kaun tha?

Main sihamte nazaro se piche palatkar Gardan mode dekhne laga toh mujhe kisi ki garam saansein mehsus huyi chadar mein kuch nahi dikh raha tha lekin jab maine gaur se us chehre ko dekha toh mera kaleja jaise munh ko aane ko ho gaya wo shoumi thi usi nagn halat mein uski kaali nigaaho se ghurti uska pura badan safed pad chuka tha aur uske muskurahat itni khaufnak thi ki main byan nahi kar sakta, uski dohri bhari awaz mujhe yakeen nahi ho raha tha wo toh marr chuki thi fhir kaise? Main ekdum se zor se chillaya aur usse dur hone ki koshish mein bistar se gir pada chadar ek taraf gir gaya aur bistar par koi bhi nahi, ek pal mein jaise uska wajud gayab ho gaya,

Bijliya chamak rahi thi aur main tharr tharr kanp raha tha achanak mujhe ahesas hua ki mere bazu mein bandha tabeez meri kalai pe latak raha tha aur wo nocha hua tha main ekdum khauff se sihar gaya main puri raat so nahi paaya kamre ka fhaira lagata raha par koi bhi nahi tha wo shoumi thi maine inhi aankho se oose dekha tha mehsus kiya tha, kisi ko keh pana aasan nahi tha Aziz waise hi sadme mein tha aur roshni kitne waqt baad normal huyi thi aise mein meri ye baatein unhein aur daraa deti isliye maine khamosh rehna behtar samjha ho sakta tha main hi galat hoo, lekin har raat mere saath wohi ghatna baar baar ghatne lagi aur is qadr ghatne lagi ki main so nahi pata tha,

Ab lagta tha jaise shoumi marrkar bhi mujhe haunt kar rahi thi usne mera picha nahi chodha tha aur ab wo mujhe har roz jaise tadpane lagi thi, mere na chahte huye bhi wo mujhpe haavi hoti thi, aur usi bhayankar roop mein mere kareeb aati thi mere jism ko nochti thi aur mujhe jinsi aur jismani taqleef deti thi, subah jab main uthta tha to pehle se zyada khud ko kamzor aur daraa mehsus karta tha mujhe ab akele rehne mein khauff lagne laga tha aisa lagta ki kahi se wo rooh mere saamne aa khadi hogi,

Ek din roshni aur main tanha ek cafe mein baithe they kafi waqt baad hum milane pahuche they warna oosne gaur kiya tha ki maine usse bhi Milana kam kar diya hai wo mujhe ghurr rahi thi jaise uske mann mein koi sawal ho

"Ye tumhare chehre ko kya hua?"

"Matlab"....main bhauklaye apna chehra chute kaha

"Tumhara jism kamzor lagne laga hai guddu jaise tumhe khoon ki kami ho rahi hai tumhare aankho ke niche kaala ghaira pad raha hai kya hua hai? Tum raat bhar sote nahi"

"H .Han mujhe neend nahi aati"

"Tum mujhse kuch chupa rahe ho? Kaho kya baat hai? Kam se kam mujhe to bata sakte ho jante ho aajkal tum mujhse milate bhi nahi kya ho gaya hai tumhe?"

"Main nahi janta roshni bas main yahi chahta hoo ki kuch theek nahi ho raha main tumhe fikar mein nahi chodhna chahta lekin baat ko samjho kuch baatein aisi hai jo main bata nahi sakta"

"Theek hai mat batao apna nahi maante na mujhe to main jaa rahi hoo tum badal gaye ho guddu aisa lagta hai ki tum usse ab bhi pyar karte ho isliye uska dukh tumhe andar hi andar"

"Roshni bina soche samjhe kuch bhi mat kaho"....main aise gusseein dhahada ki aas paas ke log mujhe dekhne lage roshni aise mujhe ghur rahi thi jaise wo main nahi koi aur tha

Roshni aansu ghule nigaho se kawadte huye waha se chali gayi main samajh nahi paa Raha tha ki ye maine kya kiya? Main andar hi andar ghutne laga ki achanak kaan mein kahi aas paas se wo gaana sunai diya wohi gaana jo aksar shoumi gungunati thi main bhauklaye charo taraf dekhne laga meri nigah restaurant ke diwaro pe lage speaker ki taraf uthi, us gaane mein na jane aisa kya tha ki mujhe shoumi baar baar tassavur mein aane lagi, main waha ek pal na tehra aur waha se ghar ki taraf nikal gaya,

                           -----------

Shaam dhal chuki thi Aziz apni gaadi pe baitha beer ki chuskiya leta hua apne ghar ki taraf tej raftar se jaa raha tha, tez music chal raha tha aur Aziz saamne raste ki taraf dekh raha tha pichle itne waqt mein jo kuch bhi uske sath ghata tha wo oose yaad kar raha tha, jo kuch bhi shabnam ke sath us raat beeta tha oose sochte hi dehshat uthne lagti thi jab wo shabnam se mila tha to shabnam ka yun oose pagalo ki tarah fhatkar dena, nazaro se dur chale jaane kehna uska daura padna, suicide karne ki koshish aur fhir pagalkhaane jaana sab uske zehan mein ghum raha tha,

Usne maatha jhatka ab shabnam to gai toh kya hua koi aur sahi? Aur wo dayan kya naam tha uska? sumanta shoumi bhi zinda nahi thi toh oose kya darr? Yahi sochta hua wo mann hi mann itminaan mehsus kar raha tha kam se kam shoumi ki maut ke sath uske shabnam ka badla pura ho chuka tha uske dil ko sukoon mil raha tha ab toh guddu se bhi mulaqat na ke barabar hota tha lekin wo ab uski tarah tanha kahan tha? Roshni uske zindagi mein thi agar wo akele ghutt bhi raha hoga toh roshni uske sahare ke liye uske kareeb hogi, ek baar Aziz ne socha ki agar usne apne dost ka sath na diya hota oose us ladki shoumi se nijaat dilaane ke liye aamil ke pass na le gaya hota to ho sakta tha aaj shabnam uske sath hoti? Mann hi mann fhir Aziz ne aise khyalaato ko jhatka shayad oose nasha ho gaya tha wo kuch zyada hi sochne laga tha, Aziz ne chaha ki aaj wo club jaaye aur waha khub piye taaki saara gam wo bhula sake aur agar ho paaya toh fhir kisi anjaan ladki ke pehlu mein aaj raat wo guzaar le,

Achanak ek Tej horn ke saath ek truck theek uske saamne aa pada toh Aziz ne daayi taraf gaadi ghumai tyre ghisste huye aziz lagbhag pakka sadak se utarkar kacche sadak pe gaadi ko le utara uski gaadi hichkole khaane lagi to jaise Aziz ne gaadi pakki sadak par chadhaate huye ekdum se break lagayi wo to acha tha seatbelt thi warna uska munh sidha steering wheel se takrata, gaadi ruk chuki thi Aziz kanpne laga agar mauke pe usne gaadi ko moda nahi hota to truck ke niche uski gaadi hoti aur wo khud bhi sochke jaise uska jaan sukh Gaya,

Andhera Cha chuka tha Aziz darwaja khol bahar nikla truck dur dur tak kahi dikhai nahi de rahi thi truck driver ko gandi gaaliya deta hua Aziz waapis gaadi mein baitha uska Sara nasha utar chuka tha ab wo ahetiyat se steering thaame gaadi sidha chala raha tha achanak oose usne dekha samne sadak par koi saaya khada haath dikha raha tha wo pas pahucha itne sunsaan highway pe ye ladki kaun hai? Usne gaadi uske pass roki ladki ne jhukkar muskurake oose dekha Aziz ko wo chehra jaana pehchana laga par uski meethi muskurahat ne oose kuch sochne na diya,

Aziz ne paaya ki usne khule gale ka tight top pehna hua tha aur ek neeli skinny jeans wo pehne huye thi jiski belt pe ek bhediye ki shakal bani huyi thi, Aziz uski jawani dekh apne hontho pe zabaan phairne laga aisi kamseen kam umar ki haseen usne pehle kabhi nahi dekhi thi uske baal ghunghrele they par sunhere rang se ghane they,

"Aap mujhe sheher chodh denge? Meri friend logo ne mujhe jaanbhujkar yaha chodh diya aur bhaag gayi"

"Oh koi baat nahi waise bhi aapko itni raat gaye yaha lift nahi milegi koi badmash piche pad gaya toh aur bhi musibat aaiye"

"So sweet of you"

Itna kehke wo Aziz ke bagal mein baith gayi gaadi apni gati se badh rahi thi, Aziz ne uski taraf dekha to usne muskuraya, Aziz ne gaur kiya ki wo apne gore gore pairo ko sandle utaare aapas mein sehla rahi thi, Aziz jhenpne laga uske dimaag mein galat khayalat aane lage,

"Waise karte kya hai aap?"

"Kuch nahi bas khaali hoo abhi abhi ek naukri chodhi hai soch raha hoo father ka business hi sambhalu waise aap kahan rehti hai?"

"Janne waalo ke dilo mein"...usne itne dilkash Ada se apni kajal nigaho se Aziz ko dekha ki wo sharmaye Bina reh nahi paaya

"Hahah mazak acha karti hai aap waise myself Aziz Ahmed"

"Hmm and i m sumanta shoumi"

Eka ek Aziz ne break zor se lagaya Aziz sihamkar hadbadaye us naam ko sun us ladki ko ghurrne laga...wo ladki kuch nahi bol rahi thi ektak Aziz ko ghurrti rahi

"Kya hua? Gaadi kyu rok di".....usne aankh nikaale shaitani muskurahat se pucha

"Kaun shoumi? Tum kahi!"

"Hahahahah hahahaha hahaha hahaha"

"T..tum hass kyu Rahi ho? Aise kaise ho sakta hai tum toh marr chuki thi na fhir zinda!"

Achanak uski chubti tahaka lagati hassi ruki to uska pura chehra safed padne laga aur wohi surkh kaali aankhen Aziz ka jaise kaleja munh ko aane laga, usne darwaje se bahar nikalkar bhaagna chaha lekin darwaja khul nahi paa Raha tha,

Ab oose apni maut saamne dikh rahi thi, shoumi ne apne lambe nakhun bhare panjo se uske chehre pe hamla kiya...Aziz ki haulnaak cheekh pure gaadi mein gunz uthi aur woh wohi seat pe gir pada uske gardan aur chehre se khoon tapak raha tha shoumi ne kareeb aakar uske gardan ko dabocha aur apne daant se uske gardan ko kaat khaaya....Aziz tadapta raha uski geraft mein chatpatata raha lekin wo uska khoon peeti rahi, gaadi ke darwaje se khoon tapakne laga sheesho par khoon hi khoon bikhara hua tha us sunsaan raat us veeran jagah mein sirf Aziz ki dard bhari dahadh gunz rahi thi jo kuch dair baad sannate mein kahin dub gai

                            ---------

Jab main mauka e vardat par pahucha toh mera pura badan kaanp utha subah ka akhbar maine padha tha uske front page par dil dehla dene wali khabar thi ki sheher ke paas highway pe ek lawaris gadi mein ek laash buri haalat mein paayi gayi thi jispe anginat kharocho ke zakhm they aur gale mein daant se kaatne ka gehra nishaan jisse aisa laga ki kisi ne maktul ka khoon Piya tha, police mauka e vardat ko ghaire huye thi laash chadhar mein lipati ambulance par rakhi jaa rahi thi, maine gaadi ki taraf dekha waha khoon hi khoon tha, main munh par rumaal rakhke waha kuch der hi khada reh paya mujhe badbu se ubkiya aane lagi thi,

Main police inspector ke pass pahucha aur oose apna tarruf karaya

"Ji main Aziz ka dost newspaper mein ye khabar chapi to main yaha chala aaya oose hua kya tha? Kisne uska qatal kiya?"

"Dekhiye hum abhi postmertum tak kuch keh nahi sakte lekin laash ki jo anjam huyi hai wo mere rooh mein kisi insaan ke bas ki nahi jismo pe aise kharoch hai jaise kisi jungli janwar ne shareer ko pura cheer fhaadh dene ki koshish ki ho aur fhir gale pe kaanta ho gale ka maas bhi gayab tha jis bhi aadamkhor janwar ne uska khoon Piya hoga usne uska maas tak gale se ukhadh diya"

Sunkar jaise main dehshat se ro pada police ne mujhe sambhala fhir sabse tajjub ki baat jo unhe lagi wo ye thi ki gaadi ke niche sindur tha aur ek nimbu suyi dhasi huyi jisse khun nikalke jam sa gaya tha main us suyi chube khoon se sane nimbu ko police ke haatho mein rakhke rumaal mein dekh safed pad gaya kya ye shoumi ki harqat thi? Pehle mujhe bura khwab dikha aur ab Aziz ki maut toh kya wo apna badla le rahi thi?

Maine phone karke roshni ko sab bataya aur oose akele rehne mana kiya mujhe nahi pata tha ki ye sab kya ho raha tha? Police to apne Chanbin mein lag gayi lekin koi maakul jawab nikaal paana unke liye utna aasan nahi tha main janta tha shoumi ab hum mein se kisi ko bakashne waali nahi thi mujhe kisi bhi tarah apne se zyada roshni ki fikar thi tabhi achanak mere zehan mein Aziz aur mujhe diya aamil ka wo tabeez ghuma...main ambulance ke paas aaya jo rawana hone wala tha na chahte huye bhi maine us chadhar ko hataya jo Aziz ki laash pe dhaki jaa chuki thi, uske daaye baazu khoon se lathpath they aur tabiz uske baazu par kahi nahi dikhai de rahi thi...main jaan chuka tha ki ab aafat hum sabko ghair chuki thi aur ab koi bhi zariya roohani ilaaj kaam nahi aane wala tha....

To be continued..

Chapter 10

Inspector marghoob guddu ki tamaam kahani ko sunkar ye samajh nahi paa Raha tha ki waqayi wo sacchai thi ya uski mansik pagalpan se kaha koi jhoot, wo tayy nahi kar paa Raha tha ki qatil waqayi koi insaan tha bhi ya nahi pehle oose ye koi sazish ki bu lagi, lekin ab pukhta tha ki jo kuch guddu ne kaha tha uske tamaam sabut us baat ki taraf ishara dete they ki koi aadamkhor janwar nahi koi aisi cheez thi jo insaan toh barabar thi hi nahi, case ulajhta laga marghoob ne ek baar ki guddu pe Shaq kiya ki shayad wohi is sazish ke picha hoga, lekin wo to khud kisi victim se kam nahi tha jiske sath azibo garib waqayat ghatte ja rahe they,

Lekin farz ke tehet oose is case ko hal karna zaruri tha warna ye case bhi un gumnamo case ke naamo mein dab jata jise kabhi suljhaya nahi Jaa paya police ki nakami marghoob ko bardasht nahi thi, lekin ek baar usne socha ki agar ye Haqeeqat tha to wo ek marri huyi aurat ko kaise kaabu kar pata?
                              ---------

Us dopahar Sub inspector marghoob se mila aur usne roshni ke postmertum report oose saunpi, jise padhne ke baad Shaq ki koi gunzaish nahi thi ki roshni ka qatal kisi aam insaan ke bas ki nahi thi marghoob ne sub inspector se pichle kayi arsa pehle uske aur guddu ke dost Aziz ki maut ke bhi postmertum report maange jise shaam tak sub inspector ne oose laake diya, marghoob ne Aziz ki laash ki tasveerein aur report padha ek baar usne nazare fhair Li, laash is qadr baddtar haalat mein roshni se bhi zyada thi,

"Waaqayi Aziz ki maut hubahu roshni jaisi thi wohi kharoch jismo pe kaantne ke nishaan aur waha bhi sindur aur nimbu mein chubi suyi aur usse behta jama khoon kya wajah ho sakti hai aise azgaib haalat ke piche"

"Forensic doctor ne us nimbu ka muana kiya usmein khoon aane ki koi gunzaish nahi thi unhe bhi samajh nahi aa raha aisa kaise ho sakta hai?"

Marghoob khamosh raha wo report padhke faisla nahi kar paa Raha tha ki waqayi tehkikat aage badhai ja sakti hai ki nahi...."roshni ki laash ko unke parivar waalo ko saunp diya gaya hai aur uska boyfriend guddu aaj aspatal se discharge bhi ho chuka hai apni girlfriend ko mitti dene wo zarur jayega kya aapko lagta hai ki?"

"Nahi mujhe bhi aisa laga tha par guddu koi sazish mein shamil nahi wo ek mansik bimar tha apne hi dost aur girlfriend ko bewajah maarna wo bhi is tarah namumkin hai"

"Janaab agar gustakhi maanf na ho to ek baat arz karna chahta hun"

Marghoob ne oose apalak ghura ishara tha ki wo keh sakta hai, sub inspector ne kursi pe pehlu badla aur kaha

"Wo nimbu mein dhasi suyi uspar khoon jamna dono hi wardat par milana aur to aur  ye dono rahasmayi mautein guddu ke teeno dosto ke sath jo ghata aur fhir guddu ka yun pagal kar dene wala byaan kya ye sab kisi tona totka ka nateeja ho sakta hai?, Jaise kisi ne inpar kaala jadu kar diya ho? Dekhiye kanoon iski izazat nahi deta ki hum aisa maan le par kya hum is baat se muqar sakte hai ki tamaam sabut aisi hi baaton ki taraf saaf ishara kar raha hai"

"Main sehmat hoo tumhari baaton se aur samajh nahi paa Raha ki ab kya karu?"....marghoob kursi se utha aur tehelte huye khidki ke kareeb diwaar se sate khada hoke kehne laga usne baaton hi baaton mein ek cigarette sulgayi

"Humare senior officers tak agar ye report pesh bhi ki jaaye to wo saaf humhe hi nakabil kahenge ki hum aisi fizool baaton pe gaur kar rahe hai jiska koi sar pair nahi aur hum yahi nateeja nikaale baithe hai ki qatil asal mein koi daayan hai koi bhatakti rooh hai jisne tamaam qatal ko apne badle ke tehet anjaam diya"

Inspector marghoob jaise guddu ke byaan ko hi soch raha tha...."aapko kya lagta hai sir? Humhe aage kaise tehkikat badhani chahiye?"....sub inspector ne sawalat bhare nigaho se marghoob ki taraf dekhte huye pucha

"Us ladki shoumi Ki maa mujhe usse Milana hai uska pata mujhe guddu ne bataya tha main usse Milne jaa raha hoo aur us aamil ko bhi yaha lao jiske paas guddu ka dost Aziz oose leke gaya tha"

Tatkal sub inspector hukam ki taamil karta waha se ruksat hua, marghoob ne bhi waha zyada dair teherna gawara nahi kiya, wo guddu ke bataaye shoumi ke ghar ki taraf rawana hua,

                                --------

Marghoob us imarat ke saamne khada tha jo shoumi ka uske zindagi mein ghar tha, marghoob na jane kyu kalma padhte huye ek ek sidi chadhta chaukhat par pahucha aur usne darwaje ke pare lagi ghanti bajai kayi waqt baad darwaja khula aur saamne kisi maansik sadme mein ghiri ek adhedh umar ki aurat fike rang se utari saree pehne uske saamne khadi thi, marghoob ko malum tha wo shoumi ki maa thi beti ko kho dene se zyada wo oose guddu ki tarah mansik tanaav mein grast lagi...wo aurat sawalat nigaho se apne saamne vardi pehne marghoob ko ghurrne lagi maathe pe uske bal pade,

"Aap?"

"Ji namaskar main inspector marghoob ek qatl ke case ke sisile mein taftish karte huye mujhe aapke paas aana pada kuch Chand sawal hai jo mujhe aapse puchna hai"

Shoumi ki maa marghoob ko andar le aayi jaha aate hi oose pure Ghar mein ek veerana mehsus hua bhari dopahari mein ghar andhere mein duba tha wajah khidkiya darwaje band they siwaay us darwaje ke jaha se marghoob ne ghar mein dakhila paya tha, marghoob ne dekha ki bagal upar jaati sidiya thi jaha guddu ke mutabik wohi se upar uska kamra tha aur unhi sidiyo par shoumi girkar marri thi aur jism farsh pe aake tehra tha,

Wo shoumi ki maa ke sath ek living hall mein Aaya aur sofey pe baitha shoumi ki maa ne oose paani laake diya jise marghoob ne qabul kiya,

"Dekhiye main shoumi ki maut ke silsile mein yaha nahi aaya mujhe malum hai ki wo ek hadsa tha lekin kahi na kahi main hi janta hoo ki wo haalat kiske wajah se khade huye they? Eka ek raat ko guddu yaha aaya aur aapki Puja karti beti ke kamre mein ghus gaya waha dono mein takraar huyi aur nateeja shoumi ka uspe fhat padna wo aapa kho baithi aur guddu ko maarne ki koshish mein khud sidiyo se fisalkar niche Jaa giri"

Shoumi ki maa ka chehra fhak padh Gaya oose yakeen nahi tha ki sacchai ek policewale ko malum thi usne bechaini se pehlu badla....."dekhiye darriye nahi main shoumi ke sisile mein yaha nahi aaya balki uske dost guddu se jude kuch kareebi dosto ki maut ki taftish mein yaha Aya hoo"

"Haan ye sach hai meri beti kala jadu karti thi maine oose kayi dafa mana kiya lekin darr lagta tha ki kahi wo mujhe bhi koi nuqsan na pahuchaye uske chalte hamara ghar barbaad ho raha tha kayi dafa humhe ghar badalna pada log hamare yaha aane se darrte they tarah tarah ki baatein banate they maine apni beti ko kho diya mujhe dukh hai aur ye sadma zindagi bhar rahega lekin mujhe uske charitra se nafrat hoti thi, wo jo kuch bhi karti thi main uske saqt khilaf thi wo ladka guddu koi pehla uske zindagi mein nahi aaya tha main maa hoke ye baat apni marhum beti ke baarein mein keh rahi hoo par ye sacchai hai jisne bhi usse dosti karke oose chot pahuchai ya oose dhoka diya toh uska wo hashr hua ki main byaan nahi kar sakti, kisi ladki se oose koi hadas ya jalan huyi toh usne unhein bhi nahi baksha, maine apni beti ko kaafi samjhaaya ki ye sab mat kar par uspar jaise shaitan sawaar ho chuka tha, raat gaye wo Puja karti rehti thi mujhe uske ghar mein rehne se bhi darr lagta tha, aur tabhi guddu uske zindagi mein aaya jise wo dilo jaan se chahne lagi us raat wo gusse mein aaya tha lekin yakin jaane usne meri beti ka qatal nahi kiya"

"Aap janti bhi hai ki aapki beti marrkar bhi guddu aur uske dosto ka picha nahi chodhi Aziz aur roshni ko bemaut usne maar dala sirf isliye ki unhone guddu ko usse alag karna chaha"

"Main janti hoo inspector ki uski rooh bhatak rahi hai ye uspe shaap hai jo kuch usne zindagi mein kiya use marrkar bhi mukti nahi mil sakti wo aise bhi bechain bhatakti rahegi mujhe afsos hota hai ki maine oose janam diya main isliye aisa keh rahi hoo kyunki main sab janti hoo"

Marghoob khamoshi se uski maa ko ghurr raha tha, "aapki beti ko aap apne pati ki maut ka zimmedar manti hai aisa kyu?"

"Kyunnki uske inhi harqato ki wajah se uske pita ki maut huyi thi aajse 20 saal pehle ki baat hai tab hamara parivar khushaal tha shoumi us waqt bahut choti thi jab meri maa mujhse milane aayi maine unse apni behan rumi ke baarein mein pucha jo Assam mein byaahi gayi thi, meri maa ne saaf mujhe usse milane mana kiya tha lekin main apni behan se bahut pyar karti thi maine suna tha ki wo aur uska pati kamrup kamakhya jaa base they badi zidd main shoumi ke pita se kare apni behan ke paas pahuchi kamrup kamakhya mein ek prachin kaali mandir hai jaha kayi barso se kaala jaadu sikhte aur hote aaya hai kamrup kamakhya se jude kayi ilaako mein jaadu tona kiya jata hai, meri behan waha ek chote se ghar mein rehti thi, mera parivar ne uske parivar se tamaam naata tod liya tha jab main uske paas pahuchi to wo meri behan nahi koi tantrikni zyada lag rahi thi

Wo mujhe dekhke khush to huyi par mujhe dhakka tab laga jab usne bataya ki uske pati ko mare huye do baras ho chuka tha wo akeli reh Rahi thi maine apni behan ko madad karna chaha lekin unse inkar kar diya mera haath pakde shoumi uske paas thi jise usne khub pyar kiya par us raat jab shoumi bistar par na mili to main sote se uthe bahar aayi rumi ke kamre se jalti aag ki roshni dikh rahi thi maine adkhule darwaje se kamre mein jhanka to dang reh gayi meri behan kaala jadu kar rahi thi aur ek sar Kate murge ka khoon ek insani khopdi pe daal Rahi thi aur meri beti bhi ooske paas baithi ooske tamam harqat ko sammohit si dekh rahi thi,

Main kuch keh na saki darre sihame main andar aayi aur apni beti ko daantkar fhatkar kar apne kamre le aayi rumi lekin kuch nahi boli lekin mujhe malum chal chuka tha ki shoumi ka dimaag rumi ne apne kaabu mein kar liya tha meri beti ab wohi rehne ki zidd karne lagi maine mana kiya, rumi ne mujhe samjhaya lekin mujhe bhi apni behan se nafrat hone lagi thi main jaan chuki thi ki uska pati kaise mara tha? Wo oosi kaala jadu ka shikar hua tha main sihame darre shoumi ko ghar le jaane lagi toh rumi baadha daalne lagi mera rumi se jhagda ho gaya aur main usi waqt shoumi ko liye waha se nikal gayi, uske baad jo hua uski maine kalpana nahi ki thi dheere dheere shoumi badi hone lagi to wo apni mausi rumi se milane ki koshish mein uske yaha mere bin bataye jaane lagi maine uska apni behan se milane pe pabandi kiya toh wo mujhse aise peshane Lagi jaise main uski dushman thi, dekhte hi dekhte shoumi ne apni mausi se sikhi tamaam tone totke karna shuru kar diya aur woh khud apni mausi ke naksho kadam par chalne lagi, ek raat uske pita ne oose kamre mein jalti aag ke paas Puja karte dekha woh kala jadu seekh Rahi thi uske pita gusse mein aaye aur unhone balti bhar paani aag mein daal diya aur us tamaam sindur kankal khopdi pe thokhar maari shoumi dahadhte huye apne pita ko yun ghurrne lagi jaise kitna bada gunah unhone kar diya ho shoumi ke pita ne oose agaah kiya ki aage se agar usne aisa kuch bhi kiya toh wo oose ghar se nikaal denge, shoumi khoon ka ghunt peeke reh gayi lekin main janti thi kuch bahut galat hone wala tha

Us raat wo ghar aa rahe they ki unki gadi ka accident hua aur wo".......kehte kehte shoumi ki maa tassavur karte rone lagi fhir apne aansu ponche

"Tamaam kaanch ke tukde unke jism aur chehre pe betartib dhase huye they jism buri tarah zakhmi tha, unki wohi maut ho chuki thi meri beti ne hi mere pati ki jaan li thi inspector"

Marghoob ke paas waha janne ke liye kuch nahi bacha tha wo roti shoumi ki maa ko chodh unhe bina kuch kahe waha se jaane laga toh shoumi ki maa ne piche se toka marghoob ne palatkar shoumi ki maa ki taraf dekha

"Main bas itna hi keh sakti hu ki wo us ladke ko nahi chodhegi jo bhi uske aade aayega bemaut marr jayega inspector wo oose kattayi nahi chodhegi"

Inspector marghoob kuch keh na saka aur shoumi ki maa ko ghurrta wo waha se ruksat hua,

                     ------------

Chapter 11

"Kya naam bataya aapne? Marghoob mujhe apna dost bataya arre Haan maa woh darasal aaj hi nikla hoo na to shayad mere gair mauzdgi mein wo aaye honge acha kuch kaha apse? Kuch bhi nahi bas mere baarein mein pucha ki main waha aa raha tha? Okay theek hai maa main naye sheher se fauran aapke yaha aa jaunga itne waqt se kaam mein uljha tha"

Kehte kehte guddu ka gala bhar aaya kaise kehta? Ki pichle kitne maah uske saath kya kuch nahi guzara? Uski naukri chali gayi uski dost roshni ab is dunia mein nahi thi kya keh paata unse? Ki kitni badi aafat uske bete ke piche thi jo uski maut ke saath hi thamta, achanak dukaan ke kone mein upar rakha tv chal raha tha jispar khabar aa raha tha,

Guddu ki tamaam tawajjoh us tv screen pe gayi jismein usne khun se lathpath marghoob ko stretcher par laitaate huye ambulance mein jaate dekha, ghatna shaam ki thi jab ek beqabu truck raaste mein tamaam apne samne aati gaadiyo ko chapait mein le raha tha usi waqt sadak paar karte ek police inspector us truck ke samne aa guzare haalat sambhalne se pehle hi inspector ne bachne ki koshish ki par truck ki chapait se khud ko bacha nahi paaya aur bheeshan takkar se wo hawa mein uthta hua sidha daayi taraf ki sadak par jaa gira, unhe gambhir chotein aayi thi aur mauke pe hi ambulance pahuch gayi thi wo beqabu truck aage jaake ek paid se jaa takraya aur tham gaya, jab driver ka malumat kiya to usmein koi driver na mila, wo truck break fail thi aur uske dhundhe driver ke byaan ke mutabik kisi kharabi ke chalte truck beqabu ho gayi thi jis wajah se oose beech raaste par kudna pada aur uske baad jo hua aafrupi dhang se ghata, inspector ka naam marghoob hai jo sheher ke jaane maane ilaake ke police adhikari hai aur kisi taftish ke tehet us ilaake mein pahuche they, lekin maamla ye hai ki unki gaadi sahi salamat sadak paar dusri taraf khadi thi to wo sadak paar kar kahan jaa rahe they?, Aspatal mein unka ilaaj chal raha hai aur unhein gambhir roop se ghayal bataya jaa raha hai, ab unke hosh mein aate hi kuch malum ho sakta hai,

Guddu jaise aasman se gira ye wohi ilaaka tha jaha wo rehta tha to iska matlab hadsa hone se pehle wo oose talashne aaye they par kyu? Kya unhein uski kahani pe yakeen aa gaya tha? Kya ye haadsa bhi shoumi ka kiyadhara tha wo beqabu truck jismein koi driver nahi ittefaq nahi ho sakta ki usi waqt sadak paar karte inspector marghoob us truck ke saamne aa gaye, guddu ab buri tarah ghabraane laga usne paaya ki uska phone band ho chuka tha wo maa se baat karte karte kab phone cut kiye wo khabar dekhne laga tha oose pata hi nahi chala,

Hadbadahat mein uske haath se chai ka glass fisal ke zameen pe gir pada chai aur kaanch dono bikhar gaye, guddu sihamne laga usne khud pe kaabu paate huye dukandar se maanfi maangi aur oose uska phone dete huye tute glass aur chai ki kimat Ada kiye waha se apna saaman uthaaye sadak ki taraf chalne laga dukandar oose hairat se dekhe jaa raha tha,

Oose apna pao bhari mehsus ho raha tha, paidal Safar tayy karna oose bhaari lag raha tha aaj jaise charo taraf neemandhera kuch zyada tha Chand ekdum badalo ke saaye mein chup sa gaya tha, saare waqayat uske zehan mein ghum rahe they shabnam ka pagalkhaane jaana, Aziz ki dardnaak maut, roshni ki wo buri haalat mein paayi laash jise wo aaj subah dafnane se pehle dekh paaya tha uska kharoch se bhara chehra, aur fhir shoumi ka oose har raat daraana uski har ek baat uske zehan mein chal rahi thi, kya waqayi ab kuch hona baaki tha yaa uski bhi maut nischint thi, us raat rooh kaanpta wo waqya jo shoumi ne oose dikhaya tha uske seene ko phaadhkar jo khoon se sana uska kaleja apne haatho mein liye usne nikaala tha, apni maut ka tasavur karte hi guddu darre sehme wohi thithak gaya ab oose raat gaye us sannate bhare raste mein khauff hone laga, ab toh inspector marghoob bhi uske haatho ka shikar ho chuke they na jaane wo hosh mein aa bhi payenge ki nahi, sochta guddu do kadam aage badha tha ki oose apne piche ek auto aati dikhi,

Guddu ko umeed nazar aayi usne haath dikhaya to auto uske paas aakar ruki itni raat gaye auto ka milana hi kisi khudai madad se kam nahi tha, guddu ne jhukkar dekha wo itni garmi mein kambal lapaita koi aadmi tha jiske haath aage accelerator par they,

"Wo railway station tak jaana tha bhaiya aap chodh denge jitna bhi lagega main pay kar dunga"

Us auto driver ne kuch nahi kaha na usne guddu ki taraf dekha bas haath ke ishaare se auto mein baith jaane keh diya, guddu mann hi mann sukoon mehsus karta saaman auto ke piche rakhkar sawar hua, auto tez gati se waha se aage badh chali, aage rasta aur bhi andher bhara tha wo ek gumnam ilaake mein tha jiske dono taraf bare bare paid aur jungle they, guddu ko samajh nahi aa raha tha ki wo aage kya karega? Bas kisi tarah wo train mein sawaar ho jaaye fhir aage ka faisla wo wohi tayy karega,

Achanak apni soch se nikalta usne auto driver ko dekha jo bina kuch kahe kayi dair se auto us sunsan sadak par chalaye ja raha tha station toh abtak aa jana chahiye tha toh fhir wo oose kahan le ja raha tha?

"Oh bhaiya ye kaun se raste le jaa rahe ho aap? 11 bajne ko hai station toh kuch 1 mile hi dur tha na"

Auto waale ne koi jawab nahi diya guddu pareshan hone laga usne oose gaur se dekha lekin uski nazaro tak ko wo dekh nahi paaya kahi wo kisi dusre musibat mein toh nahi fass gaya tha

"Bhaiya auto yahi roko main aapse kuch keh raha hoo auto yahi rokiye mujhe aage nahi jaana aap sun nahi rahe oh bhaiya"

Guddu ne aage badhke ooske peeth pe thapthapaya to oose azib sa laga maano jaise usne kisi saqt cheez ko chua tha us harqat ko karte hi autowaale ne auto rok di..guddu auto se utara aur uske samne aa khada hua,

"Ye kya laga rakha hai aapne? Tabse aapko keh raha hoo station jaana hai aur aap hai ki  ek ajnabi sunsan sadak par muje liye jaa rahe hai main already bahut late ho chuka mujhe malum bhi nahi ki abhi mujhe train milegi ki nahi aur aap mujhe station na le jaakar kahan liye ghum rahe hai? Itna lamba rasta toh nahi tha arre main aapse kuch puch raha hoo jawab dijiye"

Wo auto wala khamosh tha bas saamne ki taraf wo dekh raha tha, guddu ne charo taraf nigah daudaayi wo koi ujaad jagah si thi charo taraf ghane paid they aur ek taraf rasta jaa raha tha,

"Ye kahan le aaye aap mujhe? Yaha dur dur tak koi nahi arre sun bhi rahe ho tum"

Guddu ne chidchidaate huye uske badan se lapate kambal ko uske badan se puri taqat se kheechkar jaise utaar faika to woh safed pad gaya, ab oose samajh aaya kyu? Uske peeth par haath rakhte hi oose kuch chubta sa laga tha, kyunki saamne auto ki driving seat par koi insaan tha hi nahi ek nar kankaal tha jiska pura badan safed haddi tha,

Itne der se wo jis auto mein Safar kar raha tha woh koi insaan nahi ek murde ka kankaal chala raha tha, guddu chilla utha wo dehshat se waha se bhaaga haanfte sans ukadhte raasto par daudta wo us auto se kayi dafa dur aa pahucha, usne ek jagah teherkar apni ukhadhti saanso ko kheecha aur apne dhadakte dil ko seene pe hath rakhkar sehlaane laga, usne ek baar palatkar dekha uska wo picha nahi kar raha tha, ab wo bhatak chuka tha uska saaman piche usi auto mein reh gaya tha usne charo taraf dekha saamne ek ujaad imarat thi,

Oose darr tha ki koi bhi jungli janwar na aa jaaye wo sihamta pasine pasine larkharaye us imarat ke chaukhat par pahucha darwaja khula pada tha usne phone se roshni jalayi aur andar jhaanka wo imarat shayad saalo se yu hi ujaad pada tha wo haafta andar pahucha waha dhool ki parat jami thi kayi taraf bujhe kayi dino ke cigarette pade they aisa lagta tha wo jagah nashediyo ka adda tha, usne jayeja liya lekin waha us waqt koi bhi nahi tha, ganimat thi ki uska phone uske paas tha usne waqt dekha to aadhi raat ho chuki thi, usne socha tha ki wo abtak station pahuch chuka hota par na jaane kaise wo us aafat mein aa ghira?

Wo kankaal oose kahi na kahi shoumi ka kiya koi kala jadu hi laga, kya waqayi wo ab bhi mehfuz tha? Aaj Chand ki roshni jaise thi hi nahi pura fiza andhere ki aagosh mein duba tha apne past ko yaad karta sihma guddu wohi diwar ke ek kone par ja baitha aaj raat kaise bhi guzar jaaye toh shayad din tak oose koi madad mil sakti thi, usne ek baar apni location dhundhni chahi toh uske hosh ud gaye wo sheher se bahut dur tha aur kisi anjaan jagah par tha jaha siwaay junglo ke kuch bhi nahi, bahar itni raat bhatakna bhi khatre se khali nahi tha, achanak fhir uski aankhe bhaari hone lagi wo so nahi sakta tha ek to wo ujaad imarat hi oose daraa rahi thi aur upar se shoumi ki rooh ka khyal oose kapni de raha tha, lekin aankhe bhaari hoti chali gayi jaise koi madhoshi uspar taari ho chuki thi

                              ----------