Aur Main Marr Gaya.....

by Aryaan on June 15, 2005, 03:12:05 AM
Pages: [1] 2  All
Print
Author  (Read 3612 times)
Aryaan
Guest
Main pehli baar aaj ek choti si "love story" le kar hazir hoon, itna tajurba nahi hai kahaniyan likhne ka, isliye
agar koi choti moti ghaliti nazar aaye tau dar-guzar kijiye ga!

"Aur Main Marr Gaya"

Aaj yun lag raha hai jaise main apni maiyet ko apne kandhon par liye chala ja raha hoon ...!!! Koi aasra dene waala nahi koi sahaara dene walaa nahi ...!!! Na kisi ne mera janaza uthaya na kisi ne namaaz parhai ..!!! Tan Tanha ... Main chal diya bas ...!!! Marr gaya main ..!!! Thori door chala tha ke ik Qabristan nazar aaya main ne wahan ka rukh kiya..!!!!

Dekha tau Qabristan mein bohat jagah thi ..... Main bhi apne hissey ki jagah dekh kar apni Qabr ko khodna shuroo ho gaya ..!!!! Jab Qabr taiyaar huwi aur main Qabr mein utarney laga tau aawaz aayi ...!! "Kaun ho ? kahan se aaye ho ? aur kyun zinda dafan kar rahe ho khud ko" ?

Main ne kaha..
" AashiQ hoon, Jahan-e-IshQ se aaya hoon .... Aur Main aaj jeete jee marr gaya ...!!! Isi liye khud ko dafan karne aaya hoon ...!!! "

Qabr ne kaha..
" Chaley jaao yahan se ... Main tum ko nahi rakh sakti ... Tum tau aashiQ ho tumhara tau imaan mohabbat tha na ... Tumhara tau jahan mohabbat tha ... Tum wohi ho jis ne junoon se chaha tha kisi ko ... tum wohi jo jis ne pooja tha kisi ko ... tum wohi ho jo din raat bas mohabbat mohabbat karta tha ... tum wohi ho jo har saans mein uss ka naam liya karta tha, tum wohi ho jis ki nass nass mein bas wohi mohabbat thi tumhari ...!! Tum wohi ho jis ka maQsad bas mohabbat tha tum wohi ho jis ne Mohabbat ki khatir sab kuch bhula diya tha ...!!

Tum wohi ho ...!!! Haan tum wohi ho ... Jo tumhein rakh liya main ne tau kya ho ga jaante ho ? Tum murda jism se bhi usi ka naam pukaaro ge ..!!! Tum maro ge nahi ... Tum aashiQ ho, kabhi ishQ bhi marta hai kya ? tum meri mitti se mitti ho jaao ge par ishQ tumhara woh zinda rahe ga, tum mere paas nahi aa sakte.. jaao ..!!!"

Qabar ne mujh se itna kuch keh diya keh main hairaan khara dekhta raha ... kuch kehne ko nahi tha ... Socha ke haan main tau aashiQ hoon, mujhe Qabr kaise Qubool kare gi ... Qabr tau murdon ko Qubool karti hai mera ishQ tau zinda rahe ga... Main ne yehi soch kar phir sawaal kar daala

" Koi tau raasta ho ga na ... Tum mujhe marne do ... Koi tau raasta nikalo mujh ko batao main wohi karta hoon ..!!! "

" Raasta kaisa raasta tumhara ishQ marr nahi sakta ... Kya tumhari mohabbat choar sakti hai tum ko ? "

Main muskuraya aur kaha ....
" Chor diya .... Meri mohabbat ne aaj mujhe choar diya mujh se apna munh moar liya .. Tabhi tau marne aaya hoon warna uss ke saath main tau jitne bhi saal, jitne bhi din, jitne bhi lamhey, jitne bhi janam mil jayein woh kam hain "

Qabar zor se mujh par hansi ...!! aur kaha

" Jeete jee marr jaye ga soch le "

Main Qabar ke iss jawaab par phir kuch keh na saka aur uas ka seena chaak kar ke lait gaya ... Apne hathon se khud par mitti daalne laga ... Main ...Main Be-Bas sa mehsoos kar raha tha ke kisi ne mujhe dafnaya bhi nahi ... Kher mitti daalta raha Qabr musal'sal Qeh'Qahey laga rahi thi ... aur main ..!!!
Be-hiss ban kar mitti khud par dalta jaa raha tha..!!! Ansoo tham nahi rahe they ...!!! Behtey ja rahe they shayed ek ek Qatrey mein mera lahoo tha ...!!! Aur uss lahoo ki ek ek boond mein Usi ka ishQ, Usi ki mohabbat shaamil thi ...!!!!!!!!

Daf'nana khud ko kis Qadar mushkil hota hai, zindagi mein pehli aur aakhri baar tajurba kar raha tha main ..!!! Woh musalsal yaad aaye ja rahi thi..!!!! Sooraj dhala main apne uper manon mitti phenk chuka tha bas meri ankhon ka hissa baaqi tha keh achanak koi thokar aayi ...!!!!! Aur kuch mitti meri aankhon par aan giri ... Par jab dekha tau meri mohabbat meri Qabr par khari thi ..!!!

Wohi mohabbat meri jo meri nass nass mein sama chuki thi ... Wohi mohabbat meri...Ke jis par mujh ko maan tha mujh ko fakhar tha .. Wohi mohabbat meri jo mera junoon mera ishQ thi .. Woh jo mere naaz uthaya karti thi ...!!!! Wohi mohabbat meri jo mere dil ko apni Hatheliyon mein chupaya karti thi ...!!! Usi mohabbat ne aaj thokar se .. .Meri Qabr ko pur kar diya ..!!! Aur munh moar kar chal di ...

Meri saans ghutna shuroo huwi ... Ankhein bojhal si ho gain ...!!!! Aur phir jaane kis lamhey Uss ki woh thokar yaad aayi ... Dil mein dard utha ... Shiddat itni ke shayed seene mein hi toot gaya phoot gaya .... Aur Main Marr Gaya...!!!!!
Logged
Similar Poetry and Posts (Note: Find replies to above post after the related posts and poetry)
Aaj Main Ajnabi Sa Ho Gaya Hoon (Neelu) by waheed_rose2004 in Shayri-E-Dard
main bhul gaya by khilona in Shayeri for Dard -e- Bewafai
dubne gaya main by qayda in Shayri for Khumar -e- Ishq
Main Qurbaan Ho Gaya by waheed_rose2004 in Mazahiya Shayri(Funny Shayari) « 1 2  All »
Marr Gaya Koi !! by qadeer_junaid in Ghazals « 1 2  All »
sandhaya
Guest
«Reply #1 on: June 15, 2005, 04:15:52 AM »
wow Aryaan its very imotinal story
realy good aankhein bhar aai .............
Logged
Talat
Guest
«Reply #2 on: June 15, 2005, 08:04:50 AM »
bohot hi udaas aur aankhon me aansu laane wala samaan likha hai.....!!! Very Nice Aryaan :-(
Logged
sanya310
Guest
«Reply #3 on: June 15, 2005, 08:24:23 AM »
bohot hi touching hai Aryaan...kaash kabhi kisike saath aisa kabhi na ho! first time tumne story likhi hai but bohott hi achi hai...aur likho!!!
Logged
nidhi_yadein
Umda Shayar
*

Rau: 2
Offline Offline

Gender: Female
Waqt Bitaya:
1 days, 7 hours and 46 minutes.
~ nidhi ~

Posts: 5725
Member Since: Nov 2004


View Profile
«Reply #4 on: June 15, 2005, 09:34:49 AM »
Bohat hi touching,sad story likhi hai tumne aryaan,tareef karoon to kaise.Likhte rehna aise hi.Bohat accha likha hai.
Logged
Aryaan
Guest
«Reply #5 on: June 15, 2005, 10:58:53 AM »
Bohat bohat shukriya pasand karne ka Sandhaya, Talat, Sanya & Nidhi......

Ji haan thori sad tau hai, kya karta jo dil ke jazbaat they ek kaghaz par utar-te chaley gaye... aur lafzon ko toar phor kar yeh ek choti si kahani ban gai....
Logged
dolly
Guest
«Reply #6 on: June 15, 2005, 11:22:30 AM »
Bhaut Bahut achha likha hai ARYAANJI.......bahut hi achhi tarah se apne jasbaaton ko aapne piroya hai..............Keep writing.......aapki aur bhi rachnaaon(stories)..ko hum sab padna pasand karenge......aage bhi likhte rahiyega...........
Logged
nikki
Guest
«Reply #7 on: June 15, 2005, 11:28:30 AM »
bahut hi acha likha hai aapne Aryaan ji.....

kissi ne haal-e-dil kagaz par utara hai
yeh woh manzar hai mohabbat mein guzre hain jis par se
yeh kissi ke dil ka haal hai aur kissi ki aankhon ka mehaz nazara hai.........
Logged
Meena
Guest
«Reply #8 on: June 15, 2005, 03:15:58 PM »
wah!!!!!!! its beautiful aryaan ji!!!! itni sad itni emotions se bhari hai par sach me bohot hi acha likha hai apne!! keep it up mundeya!!!!

 :D
Logged
Aryaan
Guest
«Reply #9 on: June 15, 2005, 11:24:58 PM »
Quote from: "dolly"
Bhaut Bahut achha likha hai ARYAANJI.......bahut hi achhi tarah se apne jasbaaton ko aapne piroya hai..............Keep writing.......aapki aur bhi rachnaaon(stories)..ko hum sab padna pasand karenge......aage bhi likhte rahiyega...........


Thanx a lot Dolly.... aap ko pasand aai hamari yeh rachna..
well aainda bhi koshish karoon ga likhne ki.....Usual Smile
Logged
Aryaan
Guest
«Reply #10 on: June 15, 2005, 11:28:09 PM »
Quote from: "nikki"
bahut hi acha likha hai aapne Aryaan ji.....

kissi ne haal-e-dil kagaz par utara hai
yeh woh manzar hai mohabbat mein guzre hain jis par se
yeh kissi ke dil ka haal hai aur kissi ki aankhon ka mehaz nazara hai.........

Bohat bohat shukriya Nikki..... ji haan bilkul sach kaha hai aap ne, kisi ne waqei haal-e-dil kaghaz par utaara hai.....
Logged
Aryaan
Guest
«Reply #11 on: June 15, 2005, 11:30:16 PM »
Quote from: "Meena"
wah!!!!!!! its beautiful aryaan ji!!!! itni sad itni emotions se bhari hai par sach me bohot hi acha likha hai apne!! keep it up mundeya!!!!

 :D

Bohat shukriya Meena ...
Jahan dard ho, wahan emotions tau aa hi jaate hain na....pasand karne ka bohat shukriya....Usual Smile
Logged
isha_verma7
Guest
«Reply #12 on: June 16, 2005, 04:55:44 AM »
Oh WOW, samajh nahi aa raha tareef karu ya kuch aur.......bahut dard hai iss main......waise dard ke kabhi tareef nahi karni chaiya fir bhi yeh tareef ka kabbil hai.......MIND BLOWING.......yaar tumna toh rulaa hee diya :cry: .....itna dard.....iss ko toh kagaz main utarnaa ka liya bhi kafi heemat chaiya maan gayaa yaar tumko........GOOD JOB!!!
Logged
Aryaan
Guest
«Reply #13 on: June 17, 2005, 01:59:26 AM »
Quote from: "isha_verma7"
Oh WOW, samajh nahi aa raha tareef karu ya kuch aur.......bahut dard hai iss main......waise dard ke kabhi tareef nahi karni chaiya fir bhi yeh tareef ka kabbil hai.......MIND BLOWING.......yaar tumna toh rulaa hee diya :cry: .....itna dard.....iss ko toh kagaz main utarnaa ka liya bhi kafi heemat chaiya maan gayaa yaar tumko........GOOD JOB!!!

Bohat bohat shukriya Isha.........
Logged
jalpari
Guest
«Reply #14 on: July 10, 2005, 12:30:37 PM »
OMG Aryaan.. kia likha hai aap ne .... really very very nice.... so nice so touchy..... bohut hi khoob Aryaan......
Logged
Pages: [1] 2  All
Print
Yoindia ShayariAdab > Stories, Quotes and Related Stuff > General Stories > Topic: Aur Main Marr Gaya.....
Jump to:  


Get Yoindia Updates in Email.

Enter your email address:

Ask any question to expert on eTI community..
User
Welcome, Guest. Please login or register.
Did you miss your activation email?
December 23, 2024, 06:51:31 PM

Login with username, password and session length
Recent Replies
Shayri
by mkv
[December 22, 2024, 05:36:15 PM]
मोहब्बत लिखने की ,,,saah...
by saahill
[December 19, 2024, 08:27:42 AM]
तुम्हारे ख़्वाब ,,,,, sa...
by saahill
[December 17, 2024, 08:39:55 AM]
सुना था मोहब्बत ,,,, saa...
by saahill
[December 15, 2024, 06:04:49 AM]
साजिश नहीं ,,,, saahill
by saahill
[December 13, 2024, 06:54:09 AM]
zikar tumhara ,,,, saahil...
by saahill
[December 10, 2024, 08:23:12 AM]
khamosh ,,,, saahill
by saahill
[December 10, 2024, 08:22:15 AM]
Hyderabadi language
by Arif Uddin
[December 03, 2024, 07:06:48 PM]
parhezz ,,,, saahill
by saahill
[November 26, 2024, 08:47:05 AM]
mulaqaat nhi ho rahi,,,, ...
by saahill
[November 21, 2024, 09:01:29 AM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.121 seconds with 26 queries.
[x] Join now community of 8509 Real Poets and poetry admirer