Haavi - The uncontrollable possession (Horror Story)

Chapter 14

Uske agle din hi main sumi ke saath bungalow se rawana hua pure raaste gaadi mein hum dono ke beech koi baatcheet nahi ho rahi thi sumi ka bhi mujhpar dhyaan nahi tha kuch dair baad ekdum se sumi ne mujhe toka uski saheliyo ko mujhe unke gharo se sath mein pick karna tha unki bhi haisiyat sumi se kayi zyada toh nahi thi lekin ameer ghar se wo log bhi thi….jab sab gaadi mein dakhil huye toh aapas mein hassi khushi ki chehel pehel shuru ho gayi..

main chupchaap drive karne laga….unmein se ek ne sumi se mere baarein mein sawaal kiya to sumi ne itna hi kaha ki main uske ghar ka caretaker hoo aur uske abba ne picnic ke liye ek naukar ke haisiyat se mujhe hi bheja tha...uske baad wo aapas mein baat karne lage mera unpar se dhyaan hat gaya…

kuch dair baad gaadi sheher ke bheed bhaad waale ghani awadi ko piche chodh junglo ke beech se guzarne lagi kuch dair baad sumi ke bataaye pate par main waha pahucha jaise hi sadak khatam hua toh raaste ubbad khabad shuru ho gaye fhir uske baad dikhne laga islam sahab ki dusri milkiyat jo is sunsaan ghati ke beech thi khubsurat sa bungalow main waha pehli baar aaya tha sumi ki saheliya bhi hairat se us ghar ko nihaar rahi thi...maine gaadi roki horn bajaaya toh paaya uspar taala laga hua tha….sumi ne mujhe chaabi di maine ek baar uski taraf dekha aur chaabi lekar gaadi se bahar nikla tej kadmo se gate ke paas aakar us mote taale ko kholne laga lagta tha jaise yaha na islam sahab aate they naa hi dekh rekh ke liye koi yaha rakhwala rakha tha…

taala khul jaane ke baad zanjeer waapis gate ke salaakho jaisi lohe pe lapaitkar maine gate ek hi jhatke mein dhakka dekar khol diya...ek bhaari awaaz ke saath lohe ka wo main gate khulkar alag ho gaya tab jaakar meri nigaah charo taraf huyi yakeenan islam sahab ki milkiyat aisi kayi ho sakti hai lekin ye unke ghar se bhi bada tha gate ke dono taraf bagaan tha jo junglo ke simana tak tha par waha diwaar khaadi thi charo taraf paid paude lage huye they compound ke hi raaste saamne ghar se pehle ek fountain nikalne ki safed murti bani thi jo kisi greece ki akriti thi...uspar dhool jama hua tha lagta tha saikdo waqt se usse paani nahi nikla tha bungalow bada faila hua tha lekin bare hi khubsurati se uski banawat thi bungalow ke theek saamne khula pahadh ka dhlaan tha jaha se sheher ki haseen vaadiya dikhti thi...ye bungalow aehen ghaati ke upar bana tha...main waapis ulte pao gaadi ki taraf pahucha gaadi mein baithte huye tej raftar se oose dwaar se andar daakhil kiya compound ka mod kaantkar saamne bungalow ke main darwaaze pe gaadi roki…

is beech sumi apni saheliyo ke saath bahar nikal gayi thi...main unke piche piche aaya darwaaje ki chabi sumi ne khud hi khol daali darwaja khulte hi hum andar aaye...jitni bahar se ghar khubsurat thi utna hi andar se bhi lekin aisa lagta tha ghar andar se saaf tha….malum chala ki islam sahab ne bahut pehle ghar ki saf safai karwa di thi lekin waha kisi ko teharne ki izazat nahi thi…

"wow sumi bahut hi badiya ghar hai yaar tu yaha kyu nahi rehti?"

"because of family sonal wo log mujhe akela chodhte hi nahi ye mere father ne tab banwaayi thi jab hum chote they aksar yaha picnic ke  liye aate they aur yahi teherte they par ab abba ko fursat nahi hai aur ammi toh aana hi nahi chahti lekin mujhe ye ghar bahut pasand hai"..........aisa lagta hai ki bas yahi reh jau aur kabhi waapis sheher na jau

sumi pure ghar ko mohabbat se nihaar rahi thi main uski taraf dekhkar waapis main darwaje se bahar nikalkar sidiya utare gaadi se unke luggage nikaalne laga sumi ne ek ek karke unhein sidiyo se upar aakar saare kamre dikhaaye ek guest house mein do ladki ko rehne ki jagah usne di….uski sab saheliyo mein koi tareef kar rahi thi toh koi mann hi mann ooske shaano shukat se jalan….wo log thak haarkar apne kamre mein aaram karne chale gaye

sumi bhi apne kamre ki taraf jaane lagi ki itne mein usne meri taraf dekha main khaamosh khada tha uske huqam ke intejar mein….wo mere paas aayi…."arre tumhe toh main bhul gayi thi tum ek kaam karo upar toh sab ladkiya stay kar rahi hai yaha to tum teher nahi sakte isliye niche ke living hall ka jo sofa hai wohi raat tumhein bitaana hai".......sumi ki baat sunkar maine sehmati mein sar hilaya

"accha jao aur dekho kitchen mein kya hai? yaha sabkuch available hai abba ne sab intejamat karke rakhe hai aaj raat ka khaana tum sabke liye banaoge filhal lunch ki tayyari karo bahut bhook lag rahi hai"

itna kehke wo apne kone waale kamre ki taraf badh gayi...yakeenan accha badla liya tha mujhse yun naukargiri karwaane ke liye haalaki main mazbur tha apne kaam ka hissa maante huye main thaka haara sidiyo se niche living hall ko ghurrte huye kitchen pahucha waha bahut cheezein padi huyi thi istemal ke liye working fride microwave oven sab intejamat tha aisa lagta tha jaise koi cheez ki kami na ho aisa intejam karwaya tha islam sahab ne….main apne kaam mein jut gaya kaafi soch vichaar aur unke pasand ka khaana banane laga...kuch 1 ghante baad faarig hokar table par khaana sajaane laga oose dhakkar main sidiyo se upar unki saheliyo ko bulaane pahucha lekin mujhe laga ki sumi ko hi iktila karna zyada behtar tha kyunki ghar ki malkin toh wohi thi…

main jab darwaja khatkhataake uska naam pukaara to usne mujhe andar bulaaya main jaise andar aaya toh mujhe khushbu si lagi bahut suhaani khushbu thi wo..maine charo taraf kamre ko nihaara….kaafi aalishan khubsurat saja bedroom tha saamne diwaar par sumi ki badi si tasveer lagi huyi aisi dilkash ada mein apne gale pe hath rakhkhe huye bade bade nigaaho se ghurr rahi thi….achanak maine theek niche usi diwaar se sati diwaan se juda bistar par razaai odhe chashma lagaye sumi ko koi novel padhte huye dekha usne mujhe sawali nigaho se dekha

"mam wo khaana tayyar hai?"......usne sehmati mein mujhe jaane ka ishara kiya main uske kamre se nikal gaya

kuch dair baad sumi apni saheliyo ke saath dining table pe baithi khaane ka lutf uthaate huye hass khel rahi thi….main unke beech khada chupchaap unhein kisi cheez ki zarurat pade isliye shashank khada tha…..har kisi ko mera khaana pasand aaya wo meri tarif kar rahe they sumi chupchaap khaa rahi thi usne ek baar meri taraf ghura aur waapis khaane lag gayi…

achanak ek choti kaali billi kahan se mere pao se lagkar sumi ke pao par lapatne lagi...sab billi ki awaz se table se niche jhaankne lage...sumi billi ko uthaakar oose puchkarne lagi

"arre ye kaali billi kahan se aayi?"......ek saheli ne sumi se pucha

"ye meri pet hai sabse azeez meri sissy hai yahi rehti hai mere abba ko billiya pasand nahi isliye ise kabhi leke jaa nahi paai"

"arre to ise khaana kaun deta hai idhar yaha to koi rehta nahi"....dusri saheli ne sawaal kiya

"hahaha toh kya hua meri sissy shikhar karke apni bhook mita sakti hai"......sumi uske baalon par haath phairte huye meri taraf aise dekhne lagi maano jaise mujhe hi daraa rahi ho main nazare dusri taraf mor li

khaana se farig hone ke baad unke uthte hi main jhoote plates uthate huye kitchen mein rakhne chala gaya...fhir wohi bramde mein baithkar apna khaana khaane laga...waaqayi ek waqt tha jab ma se unka haath bataane mein jhagda karta tha aur aaj dusro ke liye naukar ki trah unka khaana bana raha tha...aaj akelepan mein mujhe dukh ho raha tha...khair din dhal gaya raat ka bhi dinner khatam ho chuka tha par dair raat ko unke sone ka koi thikaana nahi lag raha tha

kamre mein aapas mein saheliya gappe lada rahi thi aur sumi beech beech mein hasskar unke sath atkheliya kar rahi thi main dining table pe apna khaana khatam karte huye bartan dhole kitchen mein chala gaya...achanak koi baat pe behas huyi sumi aur uski ek saheli rehana ke beech baat itni zyada badh gayi ki sumi fauran tamtamate hue gusse mein apne kamre mein chali gayi uski saheliya darwaja peette huye oose bulaane lagi lekin usne darwaaza nahi khola….main sabkuch sun raha tha main sidiya chadhkar fikarmand sumi ke kamre ke paas aaya uski saheliya darwaje ke bahar khadi oose pukaar rahi thi par sumi darwaja nahi khol rahi thi..mujhe fhir ek anchaha darr lagne laga islam saheb ne oose mere zimme bheja tha agar koi baat ho gayi toh musibato ka pahadh mujhpar hi tutna tha..

kayi dair mashkkat ke bawjud jab sumi ne darwaza nahi khola to sab thak haarkar apne apne kamre mein chale gaye...lekin main nahi gaya maine darwaja pe dastak dete huye baar baar sumi ka naam liya….achanak sumi ki kadakti awaz mere kaano mein padi aisa laga nahi ki wo sumi thi……"leave me alone".....usne dohri bhaari awaz mein jab mujhe kaha toh main siham gaya uspar zarur koi cheez haavi ho chuka tha…

main bina kuch kahein sidiyo se niche utarkar ek baar islam sahab ko call karne ka mann banaya kya maalum oose daure na padne lage un raato ki tarah lekin agar sumi ko malum chala toh wo mujhe nahi bakshegi aur islam sahab toh dandanate huye yahi pahuchenge kaafi mushkil khadi ho jayegi mann mein dua padte huye main living hall mein rakhke sofe pe aa laita ghar andhere mein dub chuka tha raat bahut gehri ho chuki thi...achanak mujhe kisi ki aahat lagi main ahiste ahiste chadar chehre se hataye charo taraf dekhne laga andhere mein kuch dikh nahi raha tha ek to itne bade hall mein akele sone mein mujhe neend nahi aa rahi thi aur sumi ka khauff alag dil mein ghar kar gaya tha…

achanak do chamakti aankhe dikhi main ghabrakar uski taraf ghurrne lga gaur karne pe ahesas hua ye wohi kaali billi sissy thi..maine oose bhagaya wo meow meow ki awaz nikalte huye sidiyo se upar chali gayi...main waapis lait gaya chand ki roshni halki halki khidki se ghar mein aa rahi thi...meri aankhe fhir bhaari hone lagi aur kab main neend ki aagosh mein duba malum nahi...achanak ek cheekh sunai di main ghabrake jaaga par ye cheekh sumi ki nahi thi..

main lights jalaye upar pahucha toh paaya ki sumi ki sab saheliya bahar thi maine unse pucha ki kya hua? toh unhone kaha ki rehana ki cheekh sunaai di par wo hamare saath kamre mein nahi hai...main sumi ke darwaje ki taraf dekha toh itne mein sumi bahar hairat se nikalte huye aayi aur hamari taraf dekhne lagi uska jhagda rehana se hi to hua tha..

"kya hua guyz tum sab pareshaan kyu ho?".....sumi ne aise anjaane se sawal kiya jaise oose kuch malum hi nahi chala

"arre sumi rehana ki cheekh sunaai di par wo hamare sath hamare kamre mein nahi hai"

"ho sakta hai bahar chali gayi ho"....sumi ne sonal se kaha

"lekin agar wo jayengi toh mujhe malum chalta sumi mam main to living hall mein hi so raha tha aur ghar ka darwaza bhi toh band tha wo jaati to darwaja khulne ki aahat hoti"

meri baat sunkar sumi mujhe aise ghurrne lgi jaise main sabko yakeen dila raha tha ki rehana ke sath kuch galat hua tha..main chup ho gaya toh uski saheliyo ne sumi ko toka

"dekh sumi oose dhundhna toh zaruri hai uski cheekh saaf sunaai di hai adam tum bahar pure compound aur bungalow ka daura karo hum oose ghar mein hi dhundhte hai"

"theek hai mam"......main uski saheli ki baat sunkar sidiya utarkar main darwaja kholkar bahar nikla itni raat gaye kohre ke is sard raat aur thithurti hawa mein wo kahan chali gayi thi? ya yahi kahi mauzud thi sumi ne hi to kahi daure mein oose kuch!......main rehana kaa naam pukaarte huye oose bungalow ke charo taraf dhundhne laga

jab bagal ki taraf aaya to main chilla utha meri awaz sunkar kuch dair baad waha uski saheliya aa pahuchi hamare theek samne rehana zameen pe giri padi thi uske maathe se khoon beh raha tha..sabne munh pe haath rakh liya ki aakhir ye hadsa hua kaise? maine jhukkar uski nabz tatoli wo zinda thi maine uski saheliyo ko bataaya itni raat gaye madad ki imdaad milna mushkil thi berehaal uski saheliyo ne oose kisi tarah uthaaya to meri nigah upar ki taraf balcony pe huyi sumi ektak is manzar ko dekh rahi thi lekin usne niche utarkar aane ki zehmat tak nahi ki uski aankho mein mujhe koi dukh nahi dikha mera yakeen aur pakka ho chuka tha…

rehana ke peeth aur baanh par bahut zyada chotein aayi thi sar halka sa phata tha isliye dawaai lagakar patti hi sirf maine kar diya uski saheliya uske hosh mein aate hi oosse sawaal karne lagi aakhir hua kya tha? to usne jo bataya wo behad darawana tha….wo gusse mein balcony mein khadi thi itne mein oose hawa ka jhoka laga usne piche mudkar ek behad khauffnak chehra jo kisi insaan ka to nahi laga aur uske turant baad oose oos cheez ne dhakka diya aur wo sidha niche aa giri usi ki cheekh thi wohh lekin ganimat jaan bach gayi thi itna sab kehne ke baad wo buri tarah darr gayi uski saheliya bhi yahi sochne lagi ye ghar haunted hai lekin main janta tha wo saaya jo sumi pe savaar tha oosi ne sumi ka badla rehana se liya tha..maine sumi ki taraf dekha jo gambhir sehmi roti darrti rehana ko dekh mann hi mann jaise khush ho rahi thi….

Agli subah jab main jaaga toh maine paaya ki jaise bungalow par koi nahi tha main hadbadakar upar kamre mein pahucha guest house khaali pada tha par sumi ka kamra khula pada tha par waha koi nahi tha….meri kuch samajh nahi aaya aakhir sab gaye kahan they? ho sakta hai ghumne

main bahar jab pahucha toh compound mein hamari gaadi waise hi khadi thi…fhir wo log apna saaman liye kahan chale gaye? dayi taraf nazar ki toh sumi ko dur pahadh ke kinare chupchaap khada paaya wo khaamoshi se ghati se niche dekh rahi thi...main uske paas daudte huye aaya...us waqt bhi hawao ka shor kaano mein lag raha tha

sumi ektak chupchaap saamne ki taraf gungunaate huye dekh rahi thi…."sumi mam wo aapki saheliya kahan chali gyi kahi ghumne par guest house khaali hai unka saaman bhi waha mauzud nah!?"

meri baat khatam bhi nahi huyi ki sumi ne baat beech mein kaanta..aur usne jo bataya wo mujhe hairat mein daalne ke liye kaafi tha

"wo log jaa chuke hai maine un sabko chale jaane kaha kyunki mujhe apni khushi mein hissedar nahi chahiye rehana ki tabiyat zyada bigad gayi thi maine unhein sheher chale jaane keh diya waise bhi yaha rehti toh darr darrke rehti mere bungalow ko haunted kaha tha un logo ne bas isi ki saza di hai unhein"

main samajh nahi paa raha tha sumi ke dimaag mein kya chal raha tha? ekdum se usne apni saari saheliyo ko bhaga diya jabki wo yaha unhi.ke sath samay bitaane aayi thi...main jaan chuka tha sumi aam ladki nahi thi oose rehana ki bhi halat ka parwah nahi hua

"ab main yahi kuch din akele rahungi mere liye nashta banao aur suno aage se namak theek se daalna mujhe unki tarah tareef karna pasand nahi"......sumi ki baat sunkar main gambhir hoke sar sehmati mein hilaaye bungalow ki taraf aane laga

sumi chupchaap muskuraye fhir gungunaate huye saamne ki gehri khaayi ki taraf dekhne lagi…

to be continued...

Chapter 16

Us sard bhari raat mein mujhe apne jism pe kisi ke savaar ho jaane ka bhaaripan mehsus hone laga saaf mehsus kiya ki us cheez ne mere jism se chadar ek jhatke mein kheechkar faikh di main kasmasane laga par mere haath pao mein jaan nahi thi wo mere pure badan par haath phair raha tha fhir jaise mujhe apne chehre pe kisi ki garam saansein mehsus huyi ek pal ko dhyaan mein aaya ki aisi garam saanson ko maine tab mehsus kiya tha jab sumi mere chehre ke paas apna chehra kareeb laayi thi…

wo garam saansein aur bhi tej mere chehre pe padne lagi...ab main kisi ki awaz mehsus kar raha tha wo jo koi bhi tha oose main khwab mein nahi haqeeqat mein mehsus kar raha tha achanak aisa laga jaise ab koi fasla uske aur mere chehre ke darmiyaan nahi tha...wo mere seene se lipati huyi thi aur mere badan par haath phair rahi thi achanak uski wohi dohraati bhari awaz kaano mein padi ab aisa laga jaise usne mujhe kasske thaam liya tha main uski pakad se azaad nahi ho paa raha tha main akadne laga mere gale se ghutti awaz maarein khauff se nikalne lagi apne chehre aur badan par uski garam saansein chodhne aur uske mulayam hontho ka ahesas ho raha tha maine ekdum se puri taqat jutaakar aankhe kholi toh main dehshat mein aa gaya..

main bhauklake cheekhte huye utha….us sard andhere living hall mein main akela sofey pe laita hua tha jise mehsus kar raha tha waisa koi bhi shaks mere upar sawaar nahi tha main hadbadaaye kabhi idhar kabhi udhar dekhne laga koi nahi tha gup andhera aur sannata shayad wo mera waqayi koi bura khwab tha maine chadar zameen pe faika hua paaya ho sakta hai karwat badalne pe niche gir gaya ho..

achanak ek baargi mann mein sumi ke kamre jaane ka khyaal aya dekhkar aata hun kahi wohi to nahi thi wo aam ladki nahi thi ek baar wo mere paas raat gaye aakar mujhe maarne ki bhi koshish kar chuki thi...main dabe pao sidiya chadhkar uske kamre ke paas aaya darwaja halka sa dhakelkar khola wo gehri neend mein dubi razaai odhe so rahi thi shayad mera hi khyal tha ki wo kuch der pehle niche aakar mujhpar sawaar huyi thi..

main darwaja sataaye waapis sidiya utarkar living hall pahucha sofey ke pehlu mein aakar dhair ho gaya...kayi dair tak oosi saaye ke baarein mein sochte sochte mujhe neend aa gayi…

Soyi huyi razaai odhe sumi ne achanak apni aankh ekdum se khol daali aur uske chehre pe ek kaatilana muskurahat aayi…

                                            ------------------

Agle din thoda dair se meri aankh khuli main kaam mein jut gaya saaf safaai ke baad sidha nashta banaakar tray mein sajaaye sumi ke kamre mein pahucha sumi us waqt bistar par waise hi soyi huyi thi maine darwaja khatkhataake oose awaz dekar jagaaya fhir uske paas aakar nashta bistar par rakha sumi coffee peete huye meri taraf dekhne lagi main khaamoshi se nazare jhukaaye khada tha..

"kya hua?".....sumi ne toka

"kuch nahi mam"

"toh tumhare chehre pe ye pareshaani kaisi? darro nahi islam sahab kuch nahi kahenge ki maine apni saheliyo ko bhaga diya aur tum mere sath yaha bungalow mein akele ho kal waali baat bhi main unhe nahi bataungi".....usne muskurakar jheel waale baat yad dilakar mujhe chedte huye coffee ki chuski lete huye kaha

main kuch nahi bola maine paas daraaz se dawaai uthaai aur oose dene laga….."mujhe dawaai nahi khaani".....usne munh sa banate huye kaha

"mam aapki tabiyat behtar ho jayegi waise bhi aapko kal raat bukhar tha pls mam le lijiye aap jaldi theek ho jaogi warna aapke abba ko pata chala ki aap bimaar hai aur maine aapki theek dhang se khyal nahi kiya to wo mujhe naukri se nikaal denge"

usne meri baat maante huye dawaai li….main nashte ki tray liye waapis jaane laga to usne mujhe awaz di…"yes mam".....main uski taraf palta

"mera itna khyaal rakhne ke liye shukriya and i m sorry ki itne waqt tak maine tumhe yun ill treat kiya pareshan kiya tumhe hamesha bezzat kiya"

"arre mam ye kya keh rahi hai? aur rahi baat ismein shukriya kaisi ye to mera farz hai isi ki aaude se to main yaha mauzud hoo aap logo ke diye se meri rozi roti chalti hai agar mujhse koi bhul huyi ho to main maanfi maangta hoo"

itna kehkar main muskuraaye jaane laga to usne jaate jaate bas itna kaha maalik ki di maanfi aur tohfe ko nakaara nahi qabul kiya jata hai...maine mudkar apne seene pe haath rakhke sar jhukaaya to wo muskurakar hass padi aaj pehli dafa uske chehre pe mere liye muskurahat thi aur mere dil mein khushi ki usne apni galti ko khud maan liya tha…

Isi tarah do din guzare main us bungalow mein uske saath saaye bankar rehne laga uska khyaal dekh rekh karne laga raat gaye uske sirhaane ke paas rehkar oose khilaana dawai dena baatcheet karna aisa karte huye uski tabiyat mein sudhaar aane lagi aur wo bilkul theek ho gayi mera bhi kaam mein mann lagne laga ab uske paas jaane se hichkichahat nahi hoti thi aisa lagta tha ki hum naukar malik nahi ek dusre ke dost hai main uske kehne pe ab uske saath khaane lag gaya..is beech usne ye qabula ki wo aam ladki nahi thi us raat ko jab usne mera gala ghotne ki koshish ki toh uski wajah mujhse sirf narazgi thi par na jaane kyu uska mann badla aur usne mujhe zinda chodh diya fhir rehem mein aakar usne mujhe khud uthaakar bistar par razai odhe behosh laita chodh diya aur wo oos darwaje se nikli bhi thi aur jaate waqt apni aafrupi taqato se usne darwaje ko andar s band bhi kar diya tha isliye mujhe yakeen kar pana mushkil lag raha tha usne fhir qabula ki uski zindagi mein main hi pehla aisa ladka tha jiske kareeb wo itne waqt tak rahi rehana ke sath jo kuch bhi hua tha uski bhi zimmedar wo khud thi kyunki wo dard dene waalo ko kabhi nahi bakshti thi usne fhir wohi bachpan ki kahani bataayi jo mujhko naukar kaka ne pehle bataayi thi...main sunkar afsos jaahir kiya lekin us masle pe baat kam hi cheda jo kuch uske sath hua tha ya jo cheez bhi uspar sawaar thi oose gehraai tak janne ki aur koi koshish maine nahi ki…

In do dino mein uska mere saath bartav bilkul badal chuka tha wo mere kareeb aa gayi aur ab ek naukar ki haisiyat se nahi dost ke haisiyat se peshane lagi thi….main uske is bartav se behad khush tha lekin ab bhi ek daayra banaye huye tha islam sahab ko agar malum chala ki unki beti mere nazdeek aane ki koshish kar rahi thi to ho sakta hai wo ye baat pasand na kare lekin jabtak hum oos ghar mein akele they tabtak kisi bhi kisam ki koi dikkat mujhe nahi thi..

Us shaam islam sahab ka mujhe call aaya ghar ke haalat ke baarein mein aur sab theek hai ki nahi unhone sawal kiya maine bejhijhak sab khairiyat hai bataaya unhe yahi laga ki beti ke sath unki saheliya ab bhi mauzud hai...sumi ko phone dene kaha sumi ne phone mere haath se lete huye unse kayi dair baat ki fhir usne phone cut kar dia usne kaha ki uske abba humhe waapis ghar bulaa rahe they unhone mujhe khaas huqam bheja tha ki agle saptah tak unki beti ko waapis sheher le aau maine sehmati mein sar hilaaya par sumi ka chehra udaas ho gaya tha kyunki wo waha se jaana nahi chahti thi..

Raat gehri ho chuki thi ghadi mein barah bajte hi tann tann karke ghanta baj utha...main kitchen se faarig hoke thaka haara kabse laite huye sofey pe takiya pe sar rakhkar chadar odhey karwat badal raha tha malum nahi sard khaamoshi chaayi thi...meri aankh bhaari hone lagi aur dekhte hi dekhte main so gaya..achanak gaye raat fhir sirhan mehsus karta hun apne pure badan par main kaanp utha koi thandi hawa ka jhonka jaise kisi ne mere kaan par fhuka ho maine aankhe nahi kholi par karwat badal li...achanak kisi ne mere badan ko chua jabki chadar odhe huye tha tabhi koi kasskar mujhse lipat gaya mujhe apne shareer pe fhir bharipan mehsus hua aur main mann hi mann khauff khaane laga kya ye sumi ho sakti thi? nahi ya uske upar ka wohi saaya! sochte sochte main ooske garam saanson ko dohri bhari awaz mein nikalti aahon ko saaf sunne laga uske baal mere chehre ke ird bikhare huye uska chehra mere chehre ke kareeb tha..

achanak maine haath badhaya toh uske peeth par mera haath tha maine aankh kholni chahi to usne kasskar mere aankho par haath rakh diya maine dheeme se kaha "kaun ho?".....par usne koi jawab nahi diya aur theek tabhi uske honth mere hontho se jud gaye...main kuch samajh nahi paaya mera jism mere kaabu mein nahi tha aur main ooske aur kareeb kheechta chala gaya usne mujhe apni aagosh mein bhar liya zazbaat aur hawas mein main itna malin ho chuka tha ki sacchai aur asliyat ko jaane bina usse nawaqif ho chuka tha…wo haqeeqat tha koi mera khwab nahi bahar baarish shuru ho chuki thi bijliya kadak rahi thi par mere kaano mein chute uske honth se nikalti siskiya sunaai de rahi thi wo mere chehre aur gardan seene ko chumte huye mujhse lipat gayi aur main bhi oose aur kasskar khud se lipat jaane diya na jaane us raat kab meri aankh lagi thi aur kab wo tufaan thama tha mujhe malum nahi….

Subah suraj ki tej dhoop mere chehre pe padi...main ekdum kasmasate huye haafte huye uthne laga toh maine paaya main sofey pe nahi tha wo koi laal resham ki moti razaai mere jism pe odhe huyi thi..main aankhe masalte huye hosh mein aakar charo taraf dekhne laga y..ye to living hall nahi sumi ka kamra tha...main bhauklaaye jab apne jism pe nigaah dalta hun to dang reh gaya mere jism pe ek bhi kapda nahi tha achanak mujhe ahesas hua ki main sumi ke bistar pe tha meri nazar bagal ki taraf jab huyi to main safed pad gaya us razaai mein sumi bhi mujhse lipati so rahi thi aur uska bhi kuch wohi haalat tha jo mera tha maine razaai uske badan se jaise hataakar jaayeza liya to kal raat hua wo sab waqya mere nazaro mein ghumne laga yaani ki wo saaya koi aur nahi khud sumi thi aur maine uske saath kal raat! ye kya kar daala tha maine? main ekdum se razaai odhkar nange jism bahar nikalke apna kapra dhundhne laga lekin waha mera kapra nahi tha paas rakhka paani se bhara glass maine uthaake oose ek saans mein pee gaya maare ghabrahat mein andar ke bathroom gaya aur waha apne chehre pe betasha paani maarne laga main samajh nahi paa raha tha aakhir aisa hua kaise? jo bhi hua wo galat hua wo meri zindagi barbaad kar sakta tha mujhe salaakho ke piche daal sakta tha islam sahab agar us waqt us haalat mein mujhe aur apni beti ko ek saath dekhte toh qeher naajil ho jata wo mera qatal kar daalte...main kamre mein lauta aur gaur karne laga kya in sab ke piche sumi ka haath tha aisa kaise par ho kyu nahi sakta? sumi aam insaan nahi hai main jaan chuka hoo to kya janbhujkar usne? par kyu?

maine sumi ko jagaane ka khatra mola nahi lekin oose malum to chalna hi tha main sar par haath rakhkar wohi baith gaya achanak mujhe ahesas hua sumi jaag chuki thi main oosse nazar nahi mila paa raha tha..

"s..summi mam ye sab kaise? kab?"........main bhauklaaye royi awaz mein oosse sawaal kar raha tha lekin hairani to tab huyi jab wo mujhe dekhte hi dekhte zor zor se hassne lagi main uljhan bhari nazro se oose dekhne laga

main itna to jaan chuka tha ki main ek bahut bhari musibat mein fassne wala tha...aur sumi ne ye sabkuch jaanbhujkar mere saath kiya tha….uski wo shaitani hassi jaise sabkuch byaan kar rahi thi...

to be continued….

Raat dhal chuki thi apni ukadhti saanson par kaabu paate huye sumi mere badan se alag huyi usne mujhe gulabi nazaro se dekha mere maathe par ungliya fhairte huye wo mere faile bazu pe sar rakhkar mere seene se lipat gayi usne kal din dhalte hi mujhe apni aagosh mein bhar liya tha aisa lag raha tha gunaah ko baar baar dohraane ki oose lazzat zabaan pe lag chuki thi...wo mujhse bejaan khilone ki tarah khel rahi thi...uski hawas thamne ka naam nahi le rahi thi aur main oosse khud ko dur nahi kar paa raha tha subah kareeban 10 bajne ko tha main nam nigaaho se apni barbaadi ko mehsus kar raha tha lekin kahi aisa lag raha tha main ab pura uske kaabu mein tha...achanak tej horn ki awaz huyi tyres ghassitte huye jaise zameen pe ruke main ekdum hadbada gaya aur sumi ki apne pehlu se dhakelte huye nange badan razaai faikkar paas khidki ke aaya sumi bhi sawali nigaho se chadar odhe apne badan par meri or dekhne lagi…

main dehshat mein aa gaya meri aankh fhati ki fhati reh gayi dwaar se gaadi andar islam sahab ki daakhil ho rahi thi…."ya allahh madad allah ab kya karu?".....khud se badbadaate huye main sumi ke kareeb pahucha paas bikhre kapde uski taraf uchaale

"jaldi kapre pehno tumhare abba aa gaye hai yaha par main isi din ke liye to darr raha tha niche darwaja laga hai mujhe aur tumhe aisi halat mein dekh liye to gazab ho jayega"

sumi hadbadakar bina kuch kahein apne bikhare kapre pehente huye uth khadi huyi...main jaise taise jeans aur shirt daalkar sharminda ka bhoj lete huye girte padte sidiyo se niche aaya aur fhir sidha main darwaja par pahucha darwaje pe dastak padti jaa rahi thi maine khud ke baal aur kapro ko theek kiya aur darwaja ek jhatke mein khola..

islam sahab dandanake meri taraf ghurrte huye andar aaye unka driver gaadi mein hi baitha hua tha dehshat se mera rom rom kaanp uth raha tha aisa laga jaise ab chori pakdi jayegi...main nazare jhukaaye unke piche piche aaya unhone charo taraf ghar ka jayeza liya...aur fhir meri taraf mude

"hmm darwaja khula kyu nahi tha? meri beti kahan hai sumi sumi"....unhone sumi ko pukaarte huye mujhse sawal kiya

"islam sahab sumi apne kamre mein so rahi hai aur billi ke khauff se darwaja band rakhta hun do baar kitchen mein nuqsan kar chuki hai".....meri baat sunkar islam sahab sofe pe baith gaye

"itni dair tak sumi soyi padi hai nashta wagaira kab karegi? kya tum oose jagaa nahi sakte they?"........unhone kadakkar kaha

"main unhe disturb nahi karna chahta tha"

"arre sumi ki sahelia nahi dikh rahi sab kahan hai?"......islam sahab ke is sawaal se main hadbada gaya

main kuch keh pata isse pehle wo uthe aur tej kadmo se sidiya chadhte huye upar ke maale jaane lage maine unhe rokna chaha par darr gaya...unhone piche mudkar nashta banane ka huqam diya...main sehmati mein sar jhukaaye waapis kitchen ki taraf chala gaya reh rehkar mann mein darr uth raha tha sumi kahi bataa na de kahi islam sahab ko kuch samajh na aa jaaye

kuch waqt baad maine dekha wo fhir niche utare is baar sumi unke gale lagkar unke saath thi…."abba aapka mere bina mann nahi lagta agle hafte ki to baat kahi thi aur aap aaj hi aa gaye"

"arre beta hahaha bas tumhare bina mann nahi laga accha ye batao itni dair se kyu soyi? koi taqleef to nahi huyi yaha pe waise bhi adam sahi se khaana wagaira de paata hai ki nahi? aur tumhari saheliya kahan hai?"

dono baap beti hass khelkar niche utar rahe they...mera darr thoda kam hua….main nashta dining table pe saja raha tha….dono kursi liye baith gaye…."darasal meri tabiyat thodi kharab ho gayi thi"

"kya? kaise?"......uske abba ne fikar se sawal kiya
"arre nahi abba aisa koi fikar wali baat nahi darasal halka bukhaar tha aur meri saheliya yaha se jaa chuki maine unhein chale jaane kaha"

"kya? adam tumne ye baat mujhse chupai? tum itne din yaha akele thi"....islam sahab mere rubaru hokar mujhse sawal kiye aur sumi ko dekhe main jhenp sa gaya

"arre nahi abba adam ne mere kehne pe baat chupaayi thi maine mana kiya tha ise aur isne mera behad khyal rakha accha khaana banane aata hai ise aur wo saheliya huhh kya kahu? wo logo ne kaha ye ghar haunted hai darasal rehana balcony se gir gayi thi oose kuch dikha tha"

sumi ki baat sunkar gambhir ho gaye islam sahab fhir meri taraf ghurrne lage main unhe aur unki beti ko nashta serve karne laga…"par abba darrne ki baat nahi isliye maine bhaga diya unhe dus baat banate afwah failaate"

"rehne do ab kuch kehne ki zarurat nahi"....islam sahab ne jaise uske saaye ki babat sochkar ye baat gambhirta se kahi thi main khamosh khada raha sumi meri taraf dekhte huye nashta karne lagi

nashta se faarig hoke islam sahab ne mujhe ghura…."tumne bataya nahi ki tum khaana bhi banaa lete ho".....unhe waqayi ye bat malum nahi thi maine haan mein sar hilaate huye bas yahi kaha ki main apni maa ka haath bachpan se bataate aya tha isliye khaana banana unhi se sikha tha...wo khaane ka jayeza lete huye jaise mujhse prabhavit huye they jabki main us ghadi kuch aur soch raha tha…

"main yaha aaj raat tehrunga aur main chahta hun ki ab sumi tum yaha se chalo akele rehna theek nahi tumhari ammi fikarmand hogi tumhari behane bhi aa chuki hai"

"nahi abba main itne jaldi yaha se nahi jaungi"

"par beta yaha akele karogi kya aur upar se tumhare parivaar ka yaha koi bhi nahi aur main tumhe yha akele nahi chodh sakta"......unka ishara meri taraf tha main gair ek jawan ladka unki jawan beti ke sath us ghar mein akela tha unki nigah meri taraf hi thi jabki main nazare jhukaaye kaam mein jut gaya tha

"nahi abba main yaha akeli nahi hoo adam bhi to hai aur adam koi gair nahi hai apne ki tarah khyal rakha hai isne mera..abba aapko meri baat pe yakeen nahi".....beti ke munh se meri tareef sunkar hairat mein pad gaye they wo jabki hamesha unhone oose mujhe sirf bezzat karte dekha tha wo kuch keh nahi paaye sumi ke zidd ke aage haar gaye

"theek hai par adam ki mujhe waha bhi zarurat hai main aisa karta hun tumari behan aur ek maid ko tumhara khyaal rakhne ke liye yaha bhej deta hun"

sumi lekin mana karne lagi mujhe darr laga kahi islam sahab ko shaq na ho jaaye sumi ne bas yahi kaha ki theek hai agar aap chahte hai to main aapke sath chalti hun par mujhe yaha akele waqt guzarna tha kisi aur ke sath nahi behane oose disturb karegi aur har kaam naukrani nahi kar sakti thi kyunki kahi laana le jaana ye kaam to kisi mard ko hi karna tha islam sahab samajh nahi paaye unhein apni beti ki mansik haalat ki fikar si huyi main un dono ke paas mauzud nahi raha taaki shaq ki suyi mujhpar na uth sake...islam sahab khamosh ho gaye to sumi mere kareeb na aane se pachtaate huye us ghadi apne kamre mein laut gayi….

                                             -------------

Main paudho ko paani daal raha tha ki itne mein islam sahab waha pahuche main unki taraf mudkar unke huqam ka intejar karne laga...unhone mujhe ghurrte huye kya hua tha rehana ke sath ye pucha? maine sabkuch us raat ki ghatna bataayi jise sunkar wo mann hi mann badbadaane lage….fhir meri taraf nazare uthaakar mujhe dekhne lage

"jabse sumi yaha aayi hai maine gaur kiya ki wo akele zyada rehna chahti hai aur tumse behave bhi uska badal gaya main nahi janta kaise? main tumhare zimmedari pe oose chodhkar gaya tha khair sumi ke yaha akele hone se mujhe fikar khaati rahegi kaltak hum yaha se nikal jaayenge tum jao aur dopahar ka khaana tayyar karo jao"

main huqam maante huye uljhan mein duba waapis ghar ke andar chala aaya sumi ke abba ko sumi ke bartav ke badalne ka shaq tha kahi wo ye na samajh baithte ki unki beti ke dil mein ab mere liye kya feelings thi...shaam hote hote sab kaam se faarig hone ke baad main islam sahab ko kamre mein soya hua dekh bungalow se bahar nikla us ucchi ghaati ke paas aakar niche khaai ko dekhne laga hawao ka ho ho karta shor kaano mein sunaai de raha tha abtak jo kuch mera sath hua tha wo kisi film ki tarah mere dimaag mein chal rahi thi..

achanak kisi ki pao ki aahat lagi maine mudkar dekha to sumi khadi thi…."kya hua adam yaha akele khade ho?"........sumi ne tatkal sawal kiya

"nahi kuch nahi".....maine nazare fhairte huye kaha

"darr rahe ho na ki abba ko kahi malum na chal jaaye hum dono ke rishte ke baarein mein theek hai aise mein wo akele hai unke paas jaakar sabkuch sach sach bata deti hoo"

"mam aisa mat kijiye mujhe bahut tension ho rahi hai unhein malum chala to wo mujhe maar denge"

"fhir wohi baat aur agar tumne mujhe dhoka diya to main tumhein pehle jaan se maarungi kuch nahi hoga main to bas tumse pyar karna chahti hoo tumhare paas aana chahti hoo jo zindagi tum abtak jeete aaye ho usse behtar zindagi tumhe dena chahti hoo"

wo kehte kehte mere kareeb aakar seene se lipat gayi…."mam pls mam chodhiye aapke abba dekh lenge"....main ghabraya oose khud se alag karte huye bola par usne aur kasske mujhe pakad liya uski zulfein mere gale se lag rahi thi main oose kasske khud se alag karna chaha to usne mere hontho se apne honth sataa diye main khauff khaaye oose nakam taqato se dur dhakela main haafte huye bola

"sumi sorry but pls samjho tumhare abba ko kaise raazi karogi wo kabhi ek naukar se apni beti ka rishta tayy nahi karenge kya tum chahti ho main marr jau to theek hai jo tumhe sahi lagta hai karo par mujhe apne abba ke qeher se bacha paogi?"

sumi ektak mujhe ghurrti rahi….."sumi main tumse jawab maang raha hoo batao"......lekin sumi ne koi jawab nahi diya wo ek ek kadam chalte huye mere kareeb aayi

aur usne mere kaano ke paas aakar kaha "wo tumhe maanenge bhi aur tumhe apnayenge bhi kyunki huqam unka ho par marzi meri hoti hai zindagi meri hai aur agar mere abba bhi na maane na toh unhe bhi raste se hata sakti hun".......kehte kehte uski awaz dohri ho gayi wo gusse mein aa rahi thi uspar kuch savaar ho raha tha us waqt hum dono ke siwaah waha koi nahi tha….main kuch samajh nahi paaya

"jaan de dungi agar tum na mile aisa dhaarna hai to bewakuf ho jaan le lungi agar kisi ne mujko tumse dur kiya ya agar khud tum mujhse dur huye toh tumhe bhi maar dungi"

main kaanp utha….main piche hone laga aur wo mere kareeb…."sumi kya kar rahi ho sumii sumi hosh mein aao".....main larkhara gaya gehri khaayi ke dhalaan ke paas mera pair tha

sumi azib nigaho se mujhe dekhkar muskuraye paas aate jaa rahi thi...main mana karne laga oose dur rehne kaha par wo nahi maani…."ab sabkuch mujhpar chodh do adam kya tum mere liye apni jaan jokhim mein nahi daal sakte?".....main samjha nahi uske baat ko aur tabhi usne ek karara dhakka mujhe diya aur main chilla utha

pahad ki dhalaan par aundhe munh girte huye main niche teji se jaa raha tha zameen se ragad khaate huye maine ek thos patthar pakad kiya mera aadha dhadh pahad se niche ki taraf tha sumi mujhse kayi faasle upar khadi thi….."summiii main marr jaunga pls bachao mujhee sumii"......main chillane laga sumi khaamosh mujhe dekh rahi thi samajh nahi aa raha tha usne aisa kyu kiya? ab meri jaan waqayi jaane waali thi us gehri khaayi mein girne ki kagaar par main tha haath cheelne ki kagaar pe pahuch chuke they bardasht se bahar tha waise latke rehna….maine minnat bhare nigaho se sumi ki taraf dekha to wo ektak mujhe ghurr rahi thi…

to be continued..

Chapter 19

Main dheere dheere sidiyo se bangle ke upar maale par pahucha jaise jaise main upar aa raha tha meri dhadakne tej ho gayi thi...kyunki wo dohraati bhaari awaaz baar baar reh rehke mujhe kaanpne pe mazbur kar rahi thi...achanak se khanaak se koi sheesha tuta sumi ke abba upar aana chah rahe they par unki biwi ne kasskar unka baanh thaam liya unke chehero pe apni beti ko leke fikar simati huyi thi unki nigaah meri taraf ghurr rahi thi..

main unhe upar se jhaankte huye dekhkar fhir kamre ki taraf badha...main darwaaje ke paas aaya aur ek hi baar mein oose dhakelkar khol diya darwaja jaise hi khula sumi jiske haath pao bistar pe laite ird gird rassiyo se bandhe huye they jiski kalaiyo ke paas khud ke lage naakhun ke nishaan they wo surkh gulaabi nigaaho se ghurrate huye dahadhi aisa laga jaise wo sumi nahi wohi uske upar haavi jinni thi...main oose dekhkar sihamkar thithak gaya mere chehre ko dekhte hi uske bhaav badalne lage uski aankhe shaant hone lagi usne haath pao patakna chodh diya jo rassi se jakade huye they usne jo kapra pehna hua tha shayad khud ko chot pahuchaane mein oose jagah jagah se phaadh liya tha….maine paaya ek nurse jo sihami khadi thi wo mere aane ki mauzudgi mein hi kamre se bahar chali gayi jaise oose mere aane ka intejar tha…

maine jaakar darwaja lagaya aur uske kareeb dil ko saqt karte huye kareeb uske sirhaane pe aake baitha uska chehra ekdum safed sa padh chuka tha aankho ke niche kaale ghere aisa mehsus hota koi zinda laash padi ho….maine uske bikhare zulfo ko chehre se samaita wo mujhe aansu bhare nigaaho se dekhti rahi...maine fauran rassiya khol di uski kalai cheel chuke they...rassiyo ke khulte hi wo mere gale lipate rone lagi pagalo ki tarah mere maathe chehre ko chumne lagi maine oose kaabu karne ki koshish ki usne mera chehra thaame royi nigaho se dekha

"sumi tum theek ho na? ye sab kya tha? kya hashr banaa liya tumne apna? agar main waapis lautta nahi toh?"

"ssshhhh aisa mat kaho main jaanti thi tum waapis aaoge mere liye main pagal hoo tumhare liye adam mujhe bas tum chahiye mere abba ne bahut koshish ki thi mujhe tumse dur karne ki iraada bhi banaa chuke they tumhein marr jaane dene ka lekin maine din raat ek kar diya tumhe waapis laane ke liye hahahaha hahahahahaa hahahaha"......wo kehte kehte pagalo ki tarah hassne lagi

main ooske chehre ko bas uljhan bhari nigaho se dekh raha tha…."maine kaha tha na us shaam tumhe pahadh se dhakka dete huye yaad karo".......maine sumi ki baat sunkar us shaam ki ghatna ko dobara yaad kiya jab sumi us pahadh se mujhe dhakka dene se pehle kuch baatein meri kaan mein usne kahi thi..

"wo tumhe apnayenge bhi aur tumhe maanenge bhi ab sab mujhpar chodh do"....sumi ne waise hi mere paas aakar mere kaano mein kehte huye mere kaan ko chum liya

main sumi ki taraf hairat se dekhne laga jab mujhe sabkuch samajh aane laga toh sumi muskurane lagi jab oose ahesas hua ki mujhe sabkuch samajh aa chuka tha….yaani ye sab kuch sumi ka plan tha

"lekin agar mujhe kuch ho jaata toh main coma mein 4 mahine tak bistar par pada tha agar marr hi jaata toh fhir tum mujhe kaise paa leti?"

"aaj jo tum zinda ho ise karishma hi samjho meri upari taqato ne tumhe bachaaya hai us din tumhare pahadh se gir jaane ke baad madad aane mein bahut waqt laga mere haalat ko dekhkar mere abba samajh chuke they ki main tumse pyaar karne lagi hoo mere khilaaf ho gaye wo dhamkaaye tak bhi lekin meri zidd aur upari taqat ke aage unki kahan chal paati? mujhse khauff khaa ke hi mujhe aise kamre mein band rakha tha unhone kayi waqt se yaad hai wo ojha baba"

us din islam sahab ke sath baithe us ojha ka aks mere dimaag mein ghuma…."wohi baba mera ilaaj kar rahe they unhone hi abba ko bataaya ki tum hi ek maatra wo mera ilaaj ho jo mujhe maut ke munh se bacha sakta hai mere abba ne mazburan hathyar daal diye tumhare theek ho jaane ke piche doctors ki team lagaa di main jaanti thi ki tum nahi bach paoge isliye main khud us raat tumhare paas aayi i.c.u ward mein jaha tum khud maut ke munh mein fase pade they meri wajah se maine tumhare dil par haath rakhkar apni upari taqat se tumhe zinda kiya aur aaj itne mahino baad tum mere paas theek hokar jeete jaagte chale aaye ho"

main sunkar khaamosh aisa lag raha tha ki ab kuch kehne ko bacha nahi sumi ektak mujhe muskurakar yun dekh rahi thi jaise koi baccha apne naye khilone ko dekhta ho...sumi mere gale lag gayi mere baazu mein chadhe plaster aur kandhe aur sar par chadhi pattiyo pe haath phairte huye dukh karne lagi….."bahut dard ho raha hai na tumhe par ab aur nahi ye dard rahega bas ab hamari shaadi ho jaaye uske baad hamari zindagi mein sirf khushiya hi khushiya hongi"

main chupchaap bejaan murti ki tarah soch mein duba tha aur sumi mere jaangh par baithkar pagalo ki tarah mujhse kasskar lipati huyi khush hamare aane waale sapne ke baarein mein soch rahi thi…

main sumi ko kamre se bahar laaya usne mera haath kasskar pakda hua tha mujhe thodi jhijhak ho rahi thi uske parivar waalo ke saamne par main chup nazare jhukhaye oose sidiyo se niche leke aaya uske phate kapro ki wajah se uspar maine usi ke almirah se nikaala ek shawl dhak diya tha apne abba ammi ke paas aakar sumi unke gale lipat gayi uske abba ammi oose itne din baad normal dekhkar bahut khush they uski behane bhi oosse lipatkar rone lagi mahoul zazbaat se bhara tha…

main ek kinaare akela khada tha mere zindagi ka faisla to ab tayy ho chuka tha chahe usme meri marzi shaamil thi ki nahi thi isse koi farq na islam sahab ko padta tha aur naa sumi ko main ek aise bavandar mein fass chuka tha jaha se nikal paana ab namumkin tha..zazbat ka mahoul jab guzra toh islam sahab mere kareeb aaye mere kandhe pe haath rakhke mujhe pyar se dekh muskuraya pehli baar unke nigaah mein apne liye pyaar dekha tha maine warna mujh jaise behaisyat naukar ke kandhe pe haath rakhna unke mazhab mein kahan tha?

"main thode der aaram karna chahta hoo mera sar bhaari ho raha hai kya main kuch dair ke liye apne kamre jaa sakta hun sir?"

"ab tum is ghar ke caretaker nahi hamare parivar ka hissa ban chuke ho ab sirf tumhe saare huqam sumi ke manne hai aaj se tum servant quarter mein nahi balki is ghar mein rahoge"

islam sahab ka munh main dekhne laga mujhe bahut azib lag raha tha kyunki waha khada har shaks mujhe hi hairaani se dekh raha tha sumi ki ammi aur uski betiya bhi khadi meri taraf dekh rahi thi aur sumi oose to sunkar jaise khushi huyi….mere waha jaane se pehle hi mera saaman banglow ke ek kamre mein pahucha diya gaya tha maine socha bhi nahi tha ki jis ghar mein meri haisiyat naukar ki thi aaj us ghar ka main ek sadasya ban chuka tha jin kamro mein pair rakhne ki izazat nahi thi aaj waha main apne ki tarah chal fhir raha tha munh haath dhokar jab main us aalishan bistar par laita toh mere dilo dimaag mein yahi baat ghum rahi thi ki islam sahab ke rishtedar jannewale jab unko pata chalega ki main unke ghar ka caretaker tha aur ab unke ghar ka daamad banne wala tha to unse unki izzat pe toh acha khaasa aanch lag jayega lekin unhe kahan parwah thi? par mujhe apni bezzati ka darr tha

us dopahar pehli baar main un logo ke saath baithkar lunch kar raha tha mujhe thoda azib lag raha tha par mujhe iski aadat dalni thi...sumi ka to ravayya hi badal gaya wo ekdum normal mere sath baithkar na nukur karke apni maa ke haath se khaa rahi thi uski behane bhi chupchaap khaa rahi thi islam sahab lekin chup they andar hi andar shayad mujhe apnana unhein itne aasani se shayd gawara nahi lag raha tha par beti ke wajah se chup they…

"adam kal tum sumi ke sath jaana aur apne liye naye kapre le lena aur agle hafte mere sath tumhe office chalna hai ab se tumhe wohi kaam karna hai"

main khaamosh bas sehmati mein sihma sar hilaaya ye koi sapna hi lag raha tha lekin isme meri marzi thodi na thi main aise kisi ka ghar jamaai bankar saari zindagi aisa ameer bankar to nahi jeena chahta tha..sumi ne zidd ki wo kahi ghumne mere sath jana chahti thi...par islam sahab ne saaf inkar kar diya main nahi janta tha ki usne guesthouse mein hum dono ke beech huye humbistari waali baat to keh nahi di thi lekin mujhe ahesaas tha ki aisa kuch unhe malum nahi tha wo to bas yahi samajh rahe they ki unki beti mujhe apna dil de baithi thi…

"abhi adam ki tabiyat theek nahi hai oose recover ho jaane do aur sumi zidd chodho ab tumhari shaadi hone waali hai shaadi ke baad jaha bhi tum logo ko ghumne jana ho bejhijhak jaana par abhi nahi".....islam sahab ne saqti se sumi ki taraf dekhte huye kaha

sumi chote baccho ki tarah munh latkaaye mayus ho gayi...sumi ki ammi bhi uske abba ke baat se sehmat thi...usne bhi apni beti ko samjhaaya aur main chupchap khaana khaane laga….

                                       --------------------

Shaadi ki bhi taariq nazdeek aa chuki thi aur mujhe bataya bhi nahi gaya...us dauran sumi apne parivaar waalo ki wajah se mere kareeb nahi aa paayi...main apne injuries se kahi hadtak recover kar chuka tha ghar ko sajaana shuru kar diya gaya tha aur main mann hi mann apne maa baap ka khyaal kar raha tha unhein to pata bhi nahi chalega ki meri zindagi kya se kya mor le chuki thi? aaj waaqayi khud ko besahara akela mehsus kar raha tha jabki khuda taala ne meri garibi mohtajiyat ko dur kar diya tha..is beech naukar kaka mujhse mile unhone bhi mujhe samjhaakar kaha ki ise apna kismat maan lo aur islam sahab ki beti se shaadi kar lo zindagi savr jaayegi warna agar unke marzi ke khilaaf jaane ki koshish ki to bach nahi paoge...main bhi hathyar daalkar kismat ke faisle ko maan chuka tha…

sumi mujhe apne sath bare mall lekar aayi waha usne apni pasand ka mujhe ek se ek kapra pehaankar dekhte huye unhe kharida...mujhe niqah se ekdin pehle tayyar karna shuru kiya gaya….mere itne waqt se ugi dhaadhi saaf karwaa di thi sumi ne..mere baal katwa kar unhe smoothening kar diya tha mere chehre ko bhi nikhaara gaya aur fhir mujhe contact lens diya gaya aur jo chashma itne waqt se main istemal karte aaya tha oose dustpin mein faikh diya gaya...jab main kaala coat matching suit aur pant pehankar aayene ke saamne khada hua to main ek alag hi shaksiyat dikh raha tha aankho mein neele frame ka chashma pehente hi main khud dhoka khaa gaya kya ye main tha?

sumi ki bhi tayyariya chal rahi thi oose dulhan ki tarah sajaane mein na hi sirf uski behane balki pura parlour ke team jaise aa mauzud huyi thi...oose tayyar kar rahi thi aur wo mann hi mann aaj behad khush thi uski ek aur zidd jo aaj puri hone waali thi mujhe apna banaane ki zidd…

niqaah ke din main wedding hall pahucha jab gadi se utarkar andar aaya toh sabki nigah meri taraf uthi un sabke saamne se guzara to har koi mujhe dekhta raha koi haath badhaakar mujhse gale mil raha tha to koi sawaali nigaho se aapas mein baat kiye jaa raha tha saamne islam sahab khade muskura rahe they unhone mera jaayeza liya aur impress hote muskurahat ke saath mujhe kursi pe baith jaane kaha unke saamne baithne mein mujhe jhijhak ho rahi thi par main baith gaya sumi ke intejaar mein..kuch dair baad sumi shaadi ke laal jode mein dulhan saji jab pahuchi toh sab ektak oose ghurne lage wo modelling mein kitni baar bridal hokar saji thi par aaj wo kayi zyada khubsurat aur hatkar lag rahi thi aur main mann hi mann soch raha tha ki us jaisi kamyab model aur ameerzaadi allah ne mere naseeb mein likhi thi...ye khwab shayad hi kabhi maine socha tha lekin na jane kyu mann hi mann khushi ke bajaay fikar aur khauff thi log bhi soch rahe honge ki apni itni khubsurat beti kyu wo mujh jaise ladke ke niqah mein de rahe they kaun tha main kya thi meri haisiyat? koi nahi janta tha waha….uski saheliya aur behane oosse baatcheet karte huye mere saamne wali rajgaddi jaisi kursi ke paas oose le jaakar baitha di...sumi ne itne jevarat aur ghunghat kiya hua tha ki shayad uski nigaah meri taraf nahi uth rahi thi lekin ekdum se usne mujhe muskurakar dekha us waqt bhi aisa laga jaise wo ekdum se uth khadi hogi aur daudte huye mujhpar savaar ho jayegi...achanak mere kandhe pe sumi ke abba ne hath rakhka maine banawati muskurahat di…

kuch dair baad niqaah ka rasm shuru hua lekin oosse pehle islam sahab kuch elaan karna chahte they mujhe apne kareeb khada kiya aur apni beti ko apne paas bulaaya wo saree thaame huye apne abba ke paas aa khadi huyi…"ladies and gentleman may i have your attention please aaj is mubarakbad mauke par aap sabse rubaru karaana chahta hoo mere hone waale son in law ko inka naam hai mr.adam shaikh aur ye hamare khubi kareebi dost ke ikalute bete hai jo india se belong karte hai sumi aur adam ke beech kab mulaqat huyi aur kab mulaqat pyaar mein badla mujhe andaza nahi mujhe sabit karne ke liye ye mere ghar mein caretaker bankar ghus aaye hahaha sounds funny aur jab mujhe asliyat ka malumat chala ki ye koi aur nahi mere jigari dost ke iklaute bete hai toh maine fauran faisla kiya ki ab inke rishte ko rishtedaari mein tabdil karne ka isliye aaj meri beti sumi ka haath main apne hone waale damaad adam ke haath mein deta hoo pls give a big applause to this newly wed couple"

taaliyo ki gunz ho uthi charo taraf log hasskar muskurakar hamari taraf dekh rahe they to koi jalan aur hadas mein mujhe kitni bezzati mehsus uswaqt ho rahi thi kya kahu? itna bara jhoot islam sahab ne kya kahani gadi thi sirf apni beti ke khaatir..unke chehre ki muskurahat bhi mujhe banawati lagi...dekhte hi dekhte hamara niqaah karwaa diya gaya uske baad jab saare rasm rivaaz pure huye toh mujhe aur sumi ko ikhatte khaane ke liye ek taraf ek saath baitha diya gaya sumi mujhe apne mehendi rachii haatho se khilaa rahi thi aur main chupchaap khaa raha tha maine bhi oose apne haatho se khilaaya...hum dono ke us pyaar bhare lamhe ko photographers kheech rahe they na jaane wo waqt kaise guzara tha?

hum waapis ghar jab laute to kuch aur rasmo ki adaayegi karwai gayi...sab janne waale aur rishtedar aur parivar waalo ke chale jaane ke baad dair raat hum apne kamre mein pahuche sumi dulhan saji apne bistar par jaakar sharmaaye baith gayi main waise hi khada raha phoolon se bistar saja hua tha….."aaj se jabtak hum yaha hai hum ikhatte mere hi kamre mein rahenge"......sumi ki khanakti chudiyo ki awaz ne mera dhyaan toda to maine uski baat suni maine kuch nahi kaha sumi ne mujhe apne paas aakar baithne kaha

"kya tum is shaadi se khush ho? ki aakhir hum ek ho gaye hai?"

"mere paas kuch kehne ke liye lavz chodhe hi kahan hai tumne sumi? aaj toh mann ki muraad tumhari puri ho gayi mujhe paa lene ki mere chahne ya na chahne se kya farq padta hai?"

"ab sirf tum mere ho ab tumhare zindagi mein na koi tha aur na koi hoga siwaay mere jabtak meri saansein hai tum bhi ho aur jis din nahi us din tum bhi nahi chahe mujhe tumhein maarna hi na kyu na pade?"

uski baat ne mere rom rom ko kaanp diya tha..usne kasskar mujhe apni aagosh mein bhara aur main bebasi mein na chahte huye bhi uski taraf kheechta chala gaya...hamari zindagi ek naye sirhe se us din shuru huyi thi dekhte hi dekhte main badal gaya maine bhi haalat aur kismat ko maan liya tha…niqah ke kuch din baad se hi main islam sahab ke yaha managing director ki kursi sambhaal li unhone mujhe kaam sikhaaya main padha likha tha meri sujh bujh aur kaam karne ke jazbe se unhe behad pasand aaya unka ravayya mere sath pehle se thoda badal gaya jis baat se mujhe koi farq nahi pada ye sab unki beti ke badaulat tha….

main bete ki tarah unke business mein unka saath dene laga business mein hote munaafe ko dekhne ke bawjud mujhe kabhi ye nahi laga ki unhone mujhe apne bete ki tarah maana tha wo to bas sumi ke saamne hi jaise pretend karte they mujhe apnaane ka warna aise toh unhe mere se koi matlab hi nahi tha..maine apni puri imaandaari jitna unke sath business mein ki utna sumi ka rishta nibhaane mein bhi ki...dheere dheere main unke ghar mein ghul mil gaya abhi niqaah ko huye kuch waqt guzare they ki sumi ne mujhe ek din bataaya ki hum alag ho rahe hai kyunki wo nahi chahti thi ki hamare beech koi aur bhi rahe isliye hum shift ho rahe they...maine kuch nahi kaha

agle mahine tak hum gharwalo se vidaa liye apne naye ghar ki taraf pahuche saath mein naukar kaka bhi they jinhe islam sahab ne hamare dekh rekh ke liye muhayya karaya tha pure raaste gaadi mein sumi mere kandhe par sar rakhkar baazu jakade muskura rahi thi driver ne gaadi theek sheher se bahar ki jaate raste ki taraf mudi kuch dair mein mujhe hairani huyi ki hum wohi dobara aaye they jaha se meri zindagi mein tufaan shuru hua tha wohi sheher se dur usi ucche ghaati pe basi sumi ki wo guesthouse jaha kabhi pehle main sumi aur uski saheliyo ko picnic par laaya tha...main hairani se sumi ka munh dekhne laga aur sumi bas meri hairani ko dekh muskurayi

Gaadi rokkar naukar kaka bahar chale gaye zanjeer kholkar lohe ke fhatak ko ek dhakka dete hi wo tikhe shor ki awaz mein khulkar alag ho gayi hamari gaadi teji se compound ka ghaira kaantkar saamne ghar ke darwaje pe aen aakar ruki main aur sumi gaadi se utare kuch nahi badala tha waha par badala tha toh hamara rishte pehle main naukar ke haisiyat se waha aaya tha aur aaj waha ke chote malik ke haisiyat se...sumi main sidiya chadhkar naukar kaka ke darwaja khulte hi andar pahuche naukar kaka saaman lene bahar chale gaye aur sumi aur main sidiya chadhte huye upar aaye...sumi ne kone wala kamra khol diya kamra khushbu se mehek raha tha bistar sofa keemti furniture kamre se juda har saaman apni jagah salihat se pada hua tha saamne aalishan bistar upar badi si frame mein jadi sumi ki gale pe haath rakkhi ada mein ek modelling tasveer thi us kamre mein main pehle bhi aa chuka tha aur us bistar par main sumi ke sath kayi raat beeta chuka tha achanak khidki ke parde khulte hi bahar ki tej dhoop kamre mein dakhil hui….sumi ne meri taraf mudkar dekha mera dhyan tutte hi maine uski taraf dekha

"aaj se hum yahi rahenge kaisa laga mera surpise? socha ye secret rakhu ki hum dobara yaha rehne waale hai maine kaha tha na tumse mujhe ye jagah bahut pasand hai ab humhe koi rokne wala nahi koi tokne wala nahi sirf main aur tum aur koi nahi"

sumi ne kehte kehte mere seene pe sar rakh diya maine oose khud se alag nahi kiya...itne mein meow meow karti usi kaali billi ki awaz mere kaano mein padi...maine piche mudkar dekha toh sissy thi..sumi oose uthaakar pyaar karne lagi…."hey baby dekha maine tumse vaada kiya tha na hum waapis aayenge ab hum kahi nahi jaayenge sab saath rahenge isi ghar mein oh u missed me i miss you too muaahhh"......sumi oose chumte huye sehlaakar ek or rakh deti hai wo kaali billi mere pao mein aakar lipatne lagti hai sumi hasskar kehti hai shayad ab wo mujhe bhi manne lagi hai maine sirf muskuraya aur ooske ruye ko sehlaate huye main uthkar bistar pe uske bagal aa baitha

hum us din se wohi rehne lage...main wohi se islam sahab ke office jaane laga pure din meri raah taakti sumi baitha karti thi ki main kab ghar aaunga phone itni dafa karti thi ki main aaziz hi aa jata tha lekin kuch kehta nahi tha oose...mujhe laga ab sab theek ho jayega ho sakta hai sumi ki haalat bhi sudhar jaaye uske upar haavi wo cheez bhi utar jaaye lekin sahi mayno mein ye khwab mein tabdil hoti haqeeqat mere liye shaap ban jaayega maine socha nahi tha kuch din hum dono ka rishta normal raha lekin dheere dheere sumi ka bartav mere saath jitna diwaana ho raha tha utna hi saqt bhi ab dheere dheere mujhe ahesaas hone laga ki haqeeqat suhaane khwab jaisi khushnuma nahi hoti balki kadwi sacchai se bhari hoti hai jo asliyat ka ahesaas karaate hi raungte khadi kar deti hai..

to be continued…..

Chapter 21

Us raat sumi ke pehlu se jab main alag hua toh uska phone baj utha usne laite laite phone par flash number dekha aur call receive kiya kuch dair wo phone pe vyast ho gayi fhir usne phone cut karke meri taraf pyaar bhari nigaaho se dekha main lekin apne mein hi gum razai faikhe kapre pehnne laga par sumi waisi laiti apne nagn jism par chadar dhake gungunaati rahi main jaise hi mudkar uski taraf dekha to usne uthkar chadar thaamein apne seene par mere peeth par sar rakhkar mujhse lipat gayi..

"pata hai adam hamare shaadi ko itna waqt ho gaya par hum kahi bahar hill station wagaira ghumne nahi gaye honeymoon toh manaaya hi nahi behane bhi keh rahi thi ki jiju ko bolo aapko le jaaye kahi ghumaane to maine decide kiya hai ki agle mahine mein hum bern jaa rahe hai for outing"

main uski baat sunkar chaunka oose ghurrne laga usne mujhe sawali nigaaho se tokte huye kaha "kya hua? aise kyu dekh rahe ho? kya tumhe switzerland ki haseen vaadiya pasand nahi"

"n..ahi nahi toh aisi baat nahi lekin abba ko to bata dete ki hum ghumne bahar jaa rahe hai main company ka m.d hoo par unki izazat lena jaruri hai"

"wo sab chodho decide ho chuka meri travel agency se baat ho chuki hai tickets agle hafte tak mil jaayenge u just get ready samjhe"....sumi ne meri baat ansuni karte huye kaha

main khaamosh ho gaya kehta bhi oosse kya? haalaki mera safar par jaane ka koi mood nahi tha lekin sumi ke har baat ko order ki tarah manna bhi zaruri tha..maine oose naraaz nahi kiya...sumi haskar karwat badle sone lagi aur main kashmkash mein duba reh gaya…

                                                ----------------

Sumi aur meri flight us shaam switzerland ke haseen vaadiyo ke beech bane aalishan airport par land huyi…..ye pehli dafa tha jab videsh aaya tha naye log nayi jagah aisa lag raha tha jaise kitno baad acha mehsus kiya ho….kadaake ki sardi padi thi main aur sumi jacket odhe apne hotel pahuche hamara intejaam pehle se kiya hua tha...apne hotel ke room mein pahuchkar main aalishan room ko ghurrne laga sumi jaakar parda khole bahar andhere mein dubi chakachaund sheher ko dekhne lagi…

waiter kuch hi dair mein khaana room mein le aaya….main aur sumi dinner se faarig hokar bistar par aaram karne lage...main bahut thak chuka tha isliye neend ne mujhpar ghar jaldi kar liya..gaye raat neend jab tuti toh maine paaya sumi mere jism se lipati mere seene pe haath phair rahi thi...maine sumi ka haath hataaya to usne zabran fhir haath rakh diya

"sumi main thak chuka hoo mujhe kuch dair sone do pls"
"tum mere aaram ke liye ya khud ke aaram ke liye yaha aaye ho bhulo mat ki mujhe naraaz karne ka kya anjaam hoga?"

mera shareer ne ek jhurjhuri li darr se main khauff se aankh band nahi kiya sumi ne hasskar aur mujhe apne kareeb kheech liya...sumi aisi hi thi mujhe khilone ki tarah istemaal karti thi aur main chahkar bhi oose rok nahi paata tha….

agli subah jab utha toh sumi so rahi thi main bathroom mein jaakar fresh hokar bahar aaya to darwaje pe knock hua...ek vilayati hotel staff darwaje pe khada tha mera abhivaadan karte huye usne bataaya ki hamare ghumne jaane ki gaadi niche hamare intejaar mein khadi hai fhir wo chala gaya maine sumi ko jagaaya aur thaka haara kapre pehente huye tayyar hua

us din hum kayi jagah ghumne gaye switzerland ke haseen vaadiyo pahado aur museums aur castle wagaira dekhne ke baad shaam tak hum waapis laute sumi to bahut khush thi aur mera bhi mann kahi hadtak sumi se hat gaya tha hum fhir dinner ke liye hotel ke niche restaurant pahuche...waha ek reserved table par baithte huye sumi ne apni aur meri pasand ka kuch order diya jab waiter serve karke chala gaya to main chupchaap khaane laga achanak khaa hi raha tha ki itne mein sumi ne mujhe khaate huye kaha

"adam kal hamari shaadi ki pehli saalgirah hai".....main sunkar chaunk utha kaise bhul gaya tha main?

"h..han waqayi waqt bahut jaldi guzar gaya hamare rishte ko eksaal ho gaya pata hi nahi chala"

"isi khushi mein hum yaha aaye hai ekdusre ke saath time spend karne acha kal ek surprise hai tumhare liye mere sath chaloge na?"

main samajh nahi saka sumi kahan le chalne ki baat keh rahi thi surprise kya fhir sumi kahi mujhe taqleef dene waali koi darawani harqat karne waali thi ek pal ko uski kaatil muskurahat se main darr gaya wo ektak mujhe ghurr rahi thi usne mera haath thaam liya maine muskurakar sehmati mein sar hilaaya lekin mann hi mann darrta raha

agle subah main hotel se thoda tafreeh ke liye akele bahar nikla tha sumi us waqt so rahi thi to aise mein kuch waqt akele guzaarna mujhe bhi bhaaya...main sheher ke dukaano ka jaayeza lete huye road par ghum raha tha itne mein ek dukaan dekha main andar gaya wo jewellery ki dukaan thi meri haisiyat kisi laayak toh thi waha kharidne ki maine ek anguthi pasand kiya sumi ke liye...aaj hamari saalgirah jo thi maine to niyati ko maan liya tha na jaane kyu? sumi se pyaar kar raha tha jabki dil janta tha uska pyar kitna taqleef daaye hai oosse to nafrat karne mein bhi khauff lagta hai khair mann mein socha sumi ko surprise dunga aisa khud se kehkar maine wo anguthi gift wrap karne kaha dukaandar ne badhiya se oose pack kar diya main oos tohfe ko jeb ke hawaale kiye paisa adaygi ghar waha se waapis hotel pahucha…

sumi kamre mein nahi thi oose dhundhte huye main bahar lobby pahucha receptionist se puchne pe usne mujhe inform kiya ki wo bahar gaadi mein aaphi ka intejar kar rahi hai jaldi jaiye main acha keemati suit pehna red tye ko theek karte huye bahar pahucha sumi gaadi mein mere intejaar mein baithi thi main uske bagal mein baith gaya…"kahan gaye they? mujhe to laga yaha aake mujhe chodh dene ka irada bana liya tumne?"

"kya sumi kaisi anaap shanaap baatein kar rahi ho? ye anjaan desh mein main tumse dur kaha jaunga aur jaunga bhi kyu? agar tum mujhe suprise de sakti ho to main kyu nahi?"

sumi ne muskurake mujhe dekha mujhe raahat huyi ki usne mujhe kuch nahi kaha wo keemati kaali gown pehne huye thi aur uske lambe nakhuno mein laal nailpolish aur hotho pe laal lipstick ka rang kisi gaadhe khoon ki tarah lag raha tha wo mujhse lipati intejar mein thi ki kab hum apne manzil pahuche….jald hi gaadi bandargaah ke paas aakar ruki uske baad hum gaadi se utare gaadi wala chala gaya….sumi mera haath pakde paas boat lage qataar ke beech pier ke paas le gayi...maine paaya toh wahaek yacht khada tha do manzila khubsurat bara sa aur usmein koi bhi nahi tha siwaay hamare hone ke…."aao mere saath".....usne kehte huye sailorman ki taraf ishara kiya

ek palla lakdi ka hamari taraf yacht se juda faika gaya jo paani ke upar bridge ki tarah rasta ban gaya…..hum uspar ahetiyat se chadhte huye yacht par pahuche sailor ne sumi ka haath thaamein ooska swagat karte huye yacht par oose utaara main theek uske baad kudkar utara...sailorman ne us lakdi ke palle ko aadmiyo ke saath utha diya fhir usne humse thodi baatcheet ki aur apne niche waale cabin mein chala gaya…..grrr grrr karti motor ki bhaari shor sunaai di aur uske theek baad yacht tej gati se bandargaah chodh paani ko cheerte huye theek beech samundra ki taraf badh gaya dur sheher hota dikh raha tha charo taraf panchiya ud rahe they…

main sumi ke sath ek room mein pahucha…."to ye tha surprise sumi?"......maine pucha

"hmm aur pata hai ye intejam abba ne karwaaya hai khaas hamare liye aur yaha koi bhi nahi siwaay hamare ab humhare celebration mein koi dakhal andaazi nahi karega naa hi koi disturb"......sumi kehte kehte mera haath thaamein mujhe kursi par bithaate huye mere saamne baith gayi

achanak mausam mein tabdili aane lagi din kab dhalne laga maalum nahi chala ab badalo mein garazan shuru ho gayi thi bijliya chamak rahi thi...sailor ko saqt aadesh tha ki wo hamare kehne ke bina humhe disturb na kare….sumi itni khush thi ki usne Champaign ki botal kholte huye ek ek jaam tayar kiya main peena nahi chahta tha par oose mana karna mere bas mein nahi tha….maine ek jaam jaise taise khatam kiya lekin wo jaam pe jaam peeti rahi paas stereo mein halki halki music baj rahi thi hamare table pe jal rahi mombatti achanak se yacht ka hilne dulne se girkar bhuj gayi main oose uthaane ka upkaram kiya toh sumi ne dhyaan mera apni taraf karte huye mere baazu se mujhe uthaakar mere gale lagte huye mujhse dance karne ki zidd karne lagi ooske aankhe laal laal doro se bhari thi lagta tha nasha uspar chadh chuka tha

"accha tum ab batao mere liye kya surprise hai?"

maine hasskar oosse alag hote huye ghutno ke bal ek taang mode uske saamne jhukkar ek tohfa uske saamne jeb se pesh kiya wo hairat se dekhkar oose uthaaye kholne lagi jab usne kholkar paaya ki wo koi hire ki jadi anguthi thi to uski aankhe aansuyo se bhar gayi…

"i love you sumi chahe hamare beech jaisa bhi rishta abtak guzara ho lekin tumne meri zindagi savaari hai ye chota sa tohfa hamare salgirah par qabul karo"

itna kehte hi maine uthkar uske haatho mein wo anguthi pehna di...sumi fhafak fhafak kar rote huye mere gale lag gayi….."tum mujhse itna pyar karte ho adam i really love you too i really love you"......usne apne aansu poche aur muskurakar meri taraf dekha

"aaj ek baat tumhe kehna chahti thi aaj tumne mujhe zindagi ka sabse khaas tohfa diya hai sirf ye anguthi aur apne pyaar ke izhaar se nahi apni nishaani bhi dekar"

main samajh nahi paaya usne hasskar apne pait ki taraf haath rakha…."adam ye hai mera asli surprise i m pregnant aaj hi maine tumhare namauzdgi mein maalum kiya ye sabse bada tohfa hai"

meri aankhe jazbat se bhar gayi aur maine oose apne gale laga liya sab taqleef dard jo usne mujhe diya main bhul gaya tha...achanak yacht zor se kaanpta hua ek taraf ulatne ki kagaar par jaise ho gaya main sumi se bichadakar hadbadata farsh pe girke ulatte huye diwaar se jaa takraya...sumi chillake gir padi maine ooske kareeb pao ke bal chalkar oose thaama jab yacht fhir sidha hua to kisi tarah darwaaje se bahar nikle...toh main dang reh gaya wo badalta mausam bheeshan tufaan mein badal chuka tha hawaaye tej chal rahi thi ho ho karti hawao ke shorr mein pura vatavaran gunz raha tha samundra ka paani ubaal khaa raha tha daye aur baaye ki taraf yacht jhul raha tha paani mein tairta hua….kinaare se bahut dur they hum...tabhi ek bijli sidha sheeshe pe aa lagi khanaak se sheesha tuta aur sailor ki cheekh sunaai di

main daudta hua railing pakde hilore maarte bekabu yacht par uske cabin pahucha waha aag lag chuki thi machine mein na jaane kaise circuit chingaari maar raha tha? ye ekdum se khushi bhara lamha koi haadse mein tabdil ho chuka tha...maine sailor ko uthaaya oose gehri chot aayi thi usne kaha ki yacht ke machine mein aag lagne se control kho chuka hai yacht ab ek taraf teher chuki hai ab paani ke hi zabran se ye tairte huye kahi bhi jaa ultegi ye sunkar main khauff se kaanp utha main daudta hua sumi sumi chillate huye bahar aaya

tej barsaat se hum dono geele yacht ke room se bahar bheegte huye aaye…."sumi ek kaam karo emergency call karo"........."call lag nahi raha adam phone kaam nahi kar raha"

"oh damnit ab kya karenge?".......maine sumi se jawab maanga wo uljhan mein sihamne lagi

maine dur dur tak dekha andhere mein nazare daudaayi chillaya cheekha lekin kaun aata madad ke liye kise hamari awaz us  bheeshan tufaan mein beech samundra se sunaai de sakti thi?....achanak sailor ke room se zor ki awaaz huyi jaise dhamaka hua ho theek tabhi pure yacht pe aag failne lagi….main aur sumi dehshat se us aag ki lapato ko aate dekh rahe they itne mein yacht ne samundra mein hichkhole khaaye aur main girta padta railing thaame latak gaya jabki sumi waapis room ke bheetar jaa dakhil huyi…."sumi waha se niklo bahar aane ki koshish karo"...maine bahar se chillaya

"nahi adam tum bhi yaha aa jao lagta hai yahi hamari niyati mein tha hum marr jaayege adam aa jao mere paas yaad hai us suhaag raat mein maine kya kaha tha?"

"pagal mat bano sumi get out of there"......maine chillake uthte huye kaha yacht par se

"yahi kaha tha jis din main marrungi tum bhi mere sath is duniya se jaoge"......sumi pagalo ki tarah rote cheekhte huye keh rahi thi...itne mein aag sumi ke room tak pahuch gayi main dauda kareeb aaya achanak samundra ke fhir hilore se yacht baayi taraf girne laga main diwaar se takraake sidha railing pe jaa gira kisi tarah uthkar ghassitte huye sumi ke cabin pahucha achanak aag ka palla theek saamne gir pada mere..pure room mein aag ki lapatein fail chuki thi sumi aag ki dehshat se ek taraf khadi mujhe pukaar rahi thi maine uthkar us aag lage palle ko hataana chaha kyunki wo darwaaje pe gira tha aur na main andar jaa paa raha tha na sumi bahar aa sakti thi...dheere dheere yacht aag aur dhuye se bhar gaya kahi dur siren aur sitiyo ki awaz sunai dene lagi lagta tha beech samundra mein lagi hamare yacht ki aag ko dekhkar madad pahuch chuki thi wo log paas aana chahte they par aag itni fail chuki ki vispot hone ke darr se wo dur se paani ka fawwara faikh rahe they maine chillate huye unse madad maanga

maine mudkar dekha sumi behosh zameen pe gir gayi thi wo maa banne waali thi oose yun besahara chodhkar main nahi bhaag sakta tha maine sheesha paas rakhke jalte lakdi ke palle se tod diya sheesha tutkar bikhar gaya main andar kuda sumi ko uthaane laga usne mujhe kasske pakad liya

"chalo sumi yaha se nikal chale"....maine oose behoshi haalat se uthaana chaha
"sorry adam hum kahi nahi jaayenge marr jaayenge ekdusre ki baahon mein ab yahi hamari aakhirat ka faisla hai".....sumi ne gambhir hokar jawab diya

"shut up sumi himmat mat haaro utho kuch nahi hoga"
"agar main marri toh tum bhi mere saath jaoge aur yahi mera tumse aakhri huqam hai".......uski baat sunkar main ghabra gaya usne kasskar mere baazu ko jakad liya aur pagalo ki tarah mujhe ghurrne lagi

"sumi chodho mujhe sumii ye kya pagalpan hai? sumi aag fail chuki hai pure yacht mein hum nahi bach paayenge humhe yacht fauran chodhna hoga"

"t.tumhe tairna kahan aata hai adam us din yaad hai maine tumhari jaan khud bachayi thi taalab mein kudkar aur is beech gehre samundra mein tair paana tumhare liye aasan nahi marr jaoge bemaut isse accha hai hum yahi ekdusre ki baahon mein dum tod de"

"sumi no tum pagal ho gayi ho madad pahuch chuki hai wo kareeb kisi bhi waqt aa jayenge utho chalo bahar"

"nahii nahiii".....sumi zidd karne lagi pagalo ki tarah mujhe jakade rahi main oose apne se dur karne laga oose samjha paana ab mushkil tha

uske upar us aalam mein bhi wo cheez haavi ho rahi thi achanak ek zor ka dhamaaka hua mere kaano ke paas aur theek tabhi sumi mujhse alag hoke mera naam chillaye bheeshan aag mein kahan lupt ho gayi us dhamaake ki taqat ne mujhe lagbhag yacht se bahar de faikha mujhe kuch nahi dikh raha tha mera jism railing se takraya aur main ulatte huye sidha samundra ke paani mein jaa gira kaan mein kahi wo cheekh sumi ki aakhribaar sunai di thi uske baad maine mehsus kiya ki yacht pure dhamaake ke saath ud gaya aur uske malwe aasman mein kayi dur uchalte huye sidha paani mein jaa gire….mujhe kuch hosh nahi raha tha aankhe band ho chuki thi aur paani ki gehraaiyo mein main na jaane kahan dubta chala gaya….

                                        

Final Chapter

Zaara ka us din mann bahut dukhi tha us dukhad bhari adam ki aapbeeti ko sunkar oose ab samajh aaya ki adam waaqayi galat nahi tha..zaara ne un sab waqyo ko yaad kiya jo uske sath ghata tha wo saaya ka oose daraana fhir ekdum se uske khwab mein aana us raat aayene mein wo baat jo likhi usne dekhi thi "don't get into deep" aur uske baad us din us bathroom ke aayne mein adam ki dusri biwi jo ki shaiza ki rooh thi jo oose agaah kar rahi thi….fhir uska eka ek bimaar pad jaana waaqai zaara ekpal ke liye siham uthi wo chahkar bhi adam ki koi madad nahi kar sakti thi

sadme mein usne us raat dhang se kuch bhi nahi khaaya aur waise hi apne radio show ke liye office dair raat ko cab pakde nikal gayi….waha bhi pahuchkar pure waqt usne mehsus kiya ki pehle ki tarah koi saaya oose ahesas nahi ho raha tha jabki wo andhere sidiyo se gail parking area ka mor kaantte huye upar pahuchi thi...show shuru hua to usne dhyaan dusri taraf karte huye apne chehre pe fhir muskurahat laakar audience se baatcheet karne lagi

show khatam hone ke baad wo gumsum sidiya utare office se nikali hi thi ki uska phone baj utha….zaara ne phone number check kiya toh number oose international laga usne jab phone uthakar kaan se sataaya to eka ek us jaani pehchani awaz ko sun uske chehre pe khushi ki leher daud gai...uske aankh khusi ke aansu se bhar gaye phone par koi aur nahi uska lambe samay se  intejar karta mohabbat mauzud tha uska premi jo london oose chodhkar kayi saal pehle usse vaada liye chala gaya tha

"zaara kaisi ho?"
"kahan they tum? mujhe laga maine tumhe"

"maine yaha aakar aise koi bhi din nahi jo tumhe miss nahi kiya aur janti ho meri naukri acche firm mein lag chuki hai ab main yaha puri tarah se settle ho chuka hoo zaara i m so desperate to say ki main agle hafte waha pahuch raha hoo hum shaadi karenge aur is baar main tumhe apne saath hamesha hamesha ke liye le jaunga na ab koi duriya rahengi aur naa hi koi faasle hamare pyaar mein…..ab aur savr mat karna zaara"

zaara kuch keh nahi paayi oose yakeen nahi ho paa raha tha ki uska pyaar uski zindagi mein waapis laut aaya tha…"hello zaara are u hearing me?".......ekdum se zaara ne zazbaat pe kaabu paate huye oose jawab diya jaise uske jaan mein jaan aayi gaadi mein kareeban aadhe raste usne apne premi se baat kiya jab phone se faarig huyi to uske zehan mein adam ki wo baat ghumi jo usne oose pehli mulaqat mein kaha tha….."wo waapis aayega zaara tum fikar mat karo wo bahut jald london se waapis tumhare liye aayega".......kaano mein gunzti rahi adam ki wo jaate waqt kahi baat zaara ekpal ko adam ke liye fikarmand hokar khaamosh subakti rahi…

                                    --------------------

Gehri raat ko us sunsaan vaadiyo mein gup andhera aur khaamoshi chaayi huyi thi kahi dur kutton ki haww haww karti rone ki awaz sunaai de rahi thi….adam apne bistar par gehri neend ki aagosh mein duba pada tha achanak uski band aankhe fhadakne lagi gala sukh sa raha tha adam ke khwab mein abtak huye uske saath sumi se pehli mulaqat se leke abtak ke saare waaqye ghum rahe they...achanak ekdum se usne apni aankhe khol daali

koi gungunaa raha tha uske ghar ke saamne wala lohe ka fhatak jo shaam mein hi usne apne haatho se band kiya tha wo tikhi shorr ke saath aahiste aahiste khul raha tha adam uth baitha fhir kisi ke gungunaane ki awaaz koi aurat gaa rahi thi itni raat gaye kahi!.......adam ne razaai faikha aur khidki ke paas aakar bahar jhaanka uski aankhe fhati ki fhati reh gayi compound mein dakhil hoti oosi kaale gown mein jo us haadse mein sumi ne pehna tha adam ko oose pehchanne mein koi shaq ab raha nahi…

wo bhaagta hua sidiyo se utara aur girte parte fisalte huye usne main darwaja khola waha koi nahi tha...adam oose sab jagah talashne laga ab wo saaya puri tarah se dikhne laga tha….adam chillane laga "summi sumiii kahan ho tum dekho sumii main pagal ho jaunga kyu khel rahi ho mere zindagi ke saath kya chahti ho sumiii?"

adam pagalo ki tarah sumi ka naam pukaarte huye oose pure bagaan mein bungalow ke charo taraf talaash kar raha tha uske dil se jaise darr nikal chuka tha….achanak wo thithaka aur usne saaf dekha ki kohre ki us chadar mein ek saaya uske taraf hi kareeb badh raha tha wo gungunaaye jaa rahi thi..aur adam uske kareeb aate ooske chehre ko gaur se ghurrne laga jaise jaise wo kareeb aane lagi uska chehra saaf nazar aane laga wo koi aur nahi sumi hi thi jeeti jaagti maano us haadse mein wo marri hi naa thi...adam patte ki tarah kaanp utha

"teri chahat se koi bhi chahat nahi
kyunki ismein koi banawat nahi
mujhko paana hai usko kisi haal mein
mujhko paana hai usko kisi haal mein
ispe jaan bhi gawaane ki parwaah nahi

aye meri zindagi tu mere saath hai
aye meri zindagi tu mere saath hai"

sumi wohi gaana gungunaate huye adam ke paas aa rahi thi jise us din usne gaadi mein suna tha aur adam se kaha tha kicoose ye gaana bahut pasand aaya….adam ko yaad aaya to oose jhatka laga uski pairo ki aahat kareeb aake teher gayi wo adam ko ghurrne lagi adam kaanpte huye larkharaye zabaan mein sawaal karna chah raha tha

"s..sumi ye tum ho nahi tum nahi ho sakti tum to marr chuki thi oos raat"......adam ki apni hi awaz vaadiyo mein do do baar gunz rahi thi

par sumi ektak oose muskuraye dekh rahi thi….adam khaamoshi se usse ek kadam piche hata to wo aur ek kadam aage aayi adam dheere dheere bhaagne laga usne bina piche mudkar dekhe dehshat se dahadhta hua wo main darwaje ki taraf pahucha charo taraf dhua uth raha tha oose yaad aaya us raat shaiza ne bhi kuch aisa byaan kiya tha adam pagalo ki tarah sidiya chadhte huye apne kamre pahucha darwaja kasske lagaaya aur bistar par uthte huye razaai odhkar kaanpne laga

"nahii nahii wo nahi aa sakti wo marr chuki hai nahi aa sakti marr chuki hai nhi nahii"

achanak kisi ne bahut kareeb se oose awaz di adam kaanpte huye mehsus kar raha tha apne upar kisi bhaaripan ko achanak uske kaan ke paas aakar un hontho ne aahiste se kaha…"adam".....adam bhauklaaye jaise muda uske razaai par hi jaise sumi lipati huyi usko dekhti muskurate huye oose nazar aayi….adam jor se chillaaya usne oose dhakelna chaha lekin bahut dair ho chuki thi wo uske ab geraft mein tha sumi ne kasskar uske seene par baithte huye uske dono haath aise jakad liye ki adam ko apne haath kisi bhaari cheez se bandha mehsus hone laga….dekhte hi dekhte sumi ka chehra uske chehre ke ekdum kareeb aa gaya aur kareeb aur theek tabhi adam ki haulnaak cheekh pure bungalow mein hi nahi saari vaadiyo mein gunz uthi…uske baad sab kuch khaamoshi mein tabdil ho gaya