INTEQAM - A sequel to "Hifazat" & spin-off to "Geraft" ( love crime thrill tale)

Alina sidiyo se niche basement mein utari uske piche uske kuch aadmi aur wo Islam ka khaas langda aadmi langdata baisakhi ek haath mein liye niche utara, waha bulb jal rahi thi jaha beech kursi par bandhi mishti thi aur uske haath pao rassiyo se jakade huye they jabki munh kapra se bandha hua tha wo gehri saas le rahi thi, oose dheere dheere hosh aa raha tha, Alina oose ektak dekhne lagi fhir sawalat bhari nazaro se Rajesh ki taraf dekha

"Ye monit ki wohi bandi hai jo uske sath jagah jagah fhir rahi thi, ye dono saale ek hotel mein chupe huye they wo toh steward apne khabri ka janne wala nikla toh usne bataya"

Mishti ekdum se hosh mein aati chillane ki koshish karne lagi apne haath pao chudhane lagi usne ek baar tamam waha chehro ki taraf dekha khaskar Alina ki taraf, wo jaan chuki thi woh kahan thi, is wajah se hi monit oose apne sath le jana nahi chahta tha us kothe se, par oose parwah nahi thi par dil mein dehshat toh tha ki wo log uske sath kya karne wale they? Tabhi ek jhannatedar thappad Rajesh ne uske chhere pe de maara wo kursi samait gir gayi do aadmiyo ne oose uthakar kursi ko sidha kiya

"Wo saala ab hamare haath ayega mere aadmi wohi mauzud hai wo log oose bhi adhmara kar laa hi rahe honge"

Tabhi uska phone Baja usne phone uthaya fhir jaise jaise uske chehre pe raunak aane lagi, "great le aao oose"......itna kehkar usne phone rakh diya wo khushi zaahir karta Alina ki taraf mukhatib hua

"Wo bhi pakda gaya hamare aadmiyo ne oose apne geraft mein kar liya Alina, ab hum oose tadpa tadpa kar maarenge aur puchenge ki aakhir wo hamare piche kyu tha?"

Alina lajawab huye bina reh na saki, wo janti nahi thi ki mishti ko utha Lana sirf monit ko jaal mein fasakar waha laana tha, jabki safdar ke hisab se plan ke mutabiq kal ki Tariq ko rally mein Chowdhury ko marwa dene ke baad unke khoon ka ilzam Alina pe lagake dushmano ka chaara banakar oose, wo aur Rajesh uski looti daulat liye underground hone wale they, Rajesh ne mishti ke munh se kapra nikaala

"Tum log ka kabhi bhala nahi hoga tujhe toh kutte ki maut maarega woh sun le kameene tu oose nahi apni maut ka saaman le aa raha hai oose yaha laakar aahhh"

Rajesh ne uski gardan dabochi wo daant peeste huye oose dekh raha tha,...."sali do take ki chinaal mujhe gaali degi ab dekh tere saamne uska kya hashr karunga main tu bas dekhna"

Rajesh mishti ke gale ko aur kasskar dabane laga toh Alina ne gusse mein aakar chillaya Rajesh ki pakad dheeli nahi huyi toh usne aage aakar Rajesh ko jhinjhodte huye piche dhakela aur oose gusse se dekhne lagi Rajesh hakbakaya oose ghurrne laga

"Bhulo mat ki yaha tumhari boss bhi khadi hai ek ladki par haath uthate huye sharam nahi aati kaise mard ho tum? Maana dushmani hai par itne bhi andhe mat ho jao ki gunaah hi kar baitho"

"Tu..tum iske liye mujhe bura bhala keh rahi ho"

"Awaz Kam Rajesh sarhadi ye mat bhulo ki tum mere liye kaam karte ho so do as I order you"

"Y..yes mam"

Mann hi mann gusse aur apmaan mein jalta Rajesh piche hat gaya...."sab yaha se jao aur jab hamara aadmi monit ko liye laute toh oose yaha le aana".....Alina ke kehne par tamaam log waha se Rajesh ke sath chale gaye, Rajesh bas intejar mein tha ki kab safdar ka contract killer Chowdhury ko shoot karega aur fhir Alina ko fasayega, oose dimag se us waqt Kaam lena tha is apmaan ka badla wo Alina se baad mein bhi oose maarkar le sakta tha, sabke chale jaane ke baad Alina mishti ki taraf mukhatib huyi

Wo uske paas kursi liye baithi uski aankho mein jhaakne lagi, "kya lagti ho uski?".....mishti subak rahi thi uske gale pe aur Gaal pe haath ka laal nishan pad gaya tha

"Koi nahi lagti par ab wo mere liye farishta hai Mera apna hai jisne mujhe kotha ke us daldal se nikaala mujhe naam diya uske liye meri choti si Jaan kurbaan ho jaye mujhe koi gila nahi"

"Janti ho jiske sath tum ho wo ek khooni hai"

"Toh aap log kaun se izzatdar ho? Agar wo galat hai toh uski wajah aap log ho aap logo ne ek bhole bhaale insan ki zindagi tabaah kar daali"

"Tum kya kehna chahti ho? Maine uski kabhi surat tak nahi dekhi main toh kya Abba ke purane aadmi bhi oose nahi jante kis baat ka badla le raha hai wo mujhse jawab do?"

"Tumhari wajah se uski biwi ahana aur woh marrte marrte bacha uska chehra jal Gaya wo log toh apna zindagi jee rahe they tum janti ho uske biwi ke pait mein ek baccha tha tumne to apne badle ke liye koi kasar nahi chodhi ye tak na socha ki wo waqayi wohi hai ki koi aur jise samjhkar tumne maut ke ghaat ye sochkar utaara ki wo wohi Asif hai"

Alina ek tak oose ghurne lagi...wo ekdum se khadi huyi aur behcain ho uthi, "y..yani wo ladka Aasif hai wo maraa nahi zinda hai wo monit asal mein"

"Haan haan Alina khan Islam yahi naam hai na tumhara? Wohi Aasif hai Amsterdam ke gangster casinar ka wo khaas aadmi jise!"

"Bas main sab janti hoo casinar ka bhaanja Sam mere Abba ke liye ek zamane mein kaam karta tha usse hi mujhe malum hai pehli dafa jab maine malum kiya ki mere Abba ko kisne maara toh mujhe uska huliya dikhaya gaya maine fauran pehchana tabhi oose budapest mein maarne maine aadmi bheja lekin sirf oose"

"Nahi uske sath sath ahana ka bhi qatal hua uske bacche ka bhi aur tumse uski koi dushmani nahi thi wo toh tumhe janta bhi nahi tha tumne toh ek humshakal chehre ke chalte ek pura begunah ka parivar aag mein jhok diya toh kyu wo insan badla na le? Tumhare Abba pe baat aayi toh tumne pure sheher mein aadmi dauda diye aur tumne toh uska pura parivar cheen liya oose besahara kar diya, wo fhir tumhe aur tumhare aadmiyo ko kyu chodhe? Alina tum mujhe yahi khatam kar do kyunki main oose marrte nahi dekh paungi aur tumhare aadmi isse pehle meri mitti palit kare meri izzat loote jiski kabhi izzat rahi nahi isse acha mujhe maar do pls"

Wo rone lagi uske zazbat dekh Alina buri tarah ghabrake do kadam piche hati ye wo kya keh rahi thi? Humshakal? Lekin usne saaf pehchana tha oose, usne fauran mishti se ahana ki babat pucha, jispar usne bataya ki uske phone par ahana aur Aasif ki kheechi tasveer thi jo uske aadmiyo ke kabze mein thi, Alina ne apne aadmiyo ko awaz di fauran ek uska phone lekar aaya usne sim bahar faika phone band tha, usne fhir gallery mein jaake check Kiya to Alina chaukte huye oos tasveer ko dekhne lagi wo Aasif ki tasveer thi, usne langde aadmi ko waha hukam dekar bulaya jisne us tasveer ki shinakat ki usne steamerboat par us raat Asif aur uski kabze mein rakhki bandi syeda arnisha ko dekha tha oose uska naam yaad aa gaya, us tasveer mein wo ladki nahi thi usne byaan kiya

"Nahi Alina memsahab ye wo nahi hai us Asif ki bandi bangladeshi thi main saaf pehchan sakta hoo aur haan uska naam syeda arnisha tha, Islam sahab ne uske sasural waalo ko maarkar waha se humne oose agwah kiya tha ye wo ladki nahi"

"Kya? Toh ye ladka ye ho sakta hai na wo Asif? Chehra oosi se milata julata hai par uske baal itne lambe nahi they aur aankhe bhuri nahi thi lekin 80 pratishat ye uski tarah dikhta hai"

Alina jaise aasman se giri wo wohi dhamm se kursi pe baith gayi, yaani ek khoon ke badle usne bhul se ek begunah ke parivar ko maara tha yakeenan wo casinar ka aadmi tha uska khooni tha lekin uska Alina se koi lena dena nahi tha, mishti ne oose aashif aur ahana ki prem kahani fhir sunai jispar ab oose apni bhul ka yakeen hua Sam kaun sa Naik tha uske mama kaun se Naik they? Wo bhi toh Chowdhury ko barbaad karne uske yaha khaas aadmi banke baitha tha? Usne uski beti ko bhi kharab Kiya tha ek zamana aisa tha ki mann hi mann Alina oose chahne lagi thi lekin wo bhi toh Abba ke najayaz dhandhe mein shareer unhi ki bure fitrat ki tarah tha, aaj jo uske sath uske Abba ke sath guzari unke kiye ki wajah thi, waqayi kya mila tha itna khoon bahakar? Ab oose aisa lagne laga ki usne khamokhah Chaudhary ko nuqsan pahuchaya monit uske piche tha wo fass chuki thi, toh asal Asif ab bhi zinda tha uske pahuch se dur na jaane kahan tha? Ab uske badle ki koi wajah nahi bani thi? Ab wo bhi apne Abba ki tarah gunah ke daldal mein dhass rhai thi uska anjaam bhi kuch waisa hona tha, usne chillakar Rajesh ko bulaaya

Rajesh niche aaya wo Mann bhari kiye uske paas aaya toh Alina ne aage badhkar oose thappad maara us awaz ki gunz saare hall mein fel gayi wo hadbadaya oose dekhne laga, "u bloody scoundrel kisse puchkar ahana ko maara tha tumhe sirf Asif ko maarne bheja tha tumhare enthusiast ki wajah se tumhare uksaane ke wajah se maine ek nirdosh ko apne Abba ka khooni Maan baithi aur gunaah kara"

Rajesh jaise aasman se gira tab Alina aansu ghule oospe chillate huye tamam pichli baat dohrai, ab toh Rajesh ko sanp sungh gaya yaani asli Asif maraa hi nahi aur bewajah ek aur dushman unke piche laga tha, oose apna plan fail hota nazar aa raha tha, "abhi ke abhi isi waqt ise yaha se jaane do aur humare yaha se nikal jane ki tayyari karo"

"What? Alina are u out of ur!"

Alina ne ek kadi ungli se oose dikhaakar qeher bhari aankho se dekha, wo thook ghottne laga "Abba mera mara tha badla lene ka irada mera tha tum gair ho aur mere under mein kaam karte ho so don't try to act like my family jaisa keh rahi hoo waisa karo"

"Nahi ho sakta itne aasani se agar hum yaha se jayenge toh safdar ukhadh jayega tamaam baat Chowdhury ko bata dega aur Chowdhury hamare piche!"

"Main wo sab seh lungi tumhe bemaut marrna hai tob shouk se maro but I m going now do as I say aaj hi ki flight se!"

Tabhi dhamaka hua wo log chauk uthe Rajesh ne banduk nikaal li Alina oose ghurrne lagi oosne oose roka, par usne parwah nahi ki wo bhaagta sidiyo se upar chala gaya aur wo langdata aadmi banduk nikaale alina ke paas aa khada oose cover karne laga, waha Alina ke aur aadmi aa gaye aur unhe ghair liye, unhone bataya ki kisi ne unke adde pe humla kiya tha, mishti mann hi mann muskurane lagi uska monit waha aa pahucha tha,

Bishal safdar apne us hall jaise bade kamre mein baitha biryani khaa raha tha, ki tabhi waha uske bache kuche aadmi dono bandi ladkiyo ko waha leke aaye, bishal ne saamne jab dekha toh wo chehek ke utha,

"Waahh khush aamdid khush aamdid Alina memsab kaisi hai aap? Sab khairiyat toh hai?"

Alina ke haath pao bandhe wo Moshtande oose daaye baaye taraf se thaame huye they, usne ghinna bhari nazaro se bishal ki taraf dekha aur munh fhair liya, tab uski nazar mishti pe huyi jiske hath pao bhi bandhe they, bishal paas jaakar haath dhone laga aur fhir dono ke kareeb aaya usne fhir apne aadmiyo ki taraf tawajjoh diya,

"Rajesh maara gaya bhaijaan adde pe koi nahi bacha wo saala hathyarband hokar aaya tha, jaise taise in dono ko leke hum yaha aane mein kamyab huye warna Darr tha ki kahi x gang ke log bhi na pahuch jaaye"

"Plan abhi fail nahi hua hai Chowdhury ab bhi marega, aur ye toh acha hua ki kuch saaman khud hi hat gaya warna hum toh waise bhi Rajesh ko maar hi dete hahaha"

Bishal ko hassta dekh Alina hairat se oose dekhte huye bol uthi, "tumhare behkaawe mein aaya na wo, tumne oose mujhe dhoka Dene ke liye uksaya laanat hai mujhe apne aap par ki tumhari madad maine li, kya chahte ho tum?"

"Hahaha tumhari daulat meri jaan jab mujhe malum chala ki tumhara mansuba kya tha? Aur tum kiski beti thi? Toh mujhe ek umeed dikhne lagi ek aisi umeed jisse main is sheher mein Islam aur Chowdhury ke baad ek naye sirhe se apna empire khada karta, par Chowdhury ki taqat dugni thi wo c.m tha oose maarna itna aasan nahi, aur toh aur mujhe gair kanooni karobar ke liye dhair saari daulat chahiye aur tumhara business toh Siberia mein bhi hai isliye maine Rajesh ko badhkana shuru kiya tumhare khilaf, waise bhi tum apne baap ke raah par Jana nahi chahti thi usse khunnas tumhare orders ke wo hamesha khilaf tha tum khoon kharabe ke khilaf thi, tum gair kanooni dhandhe ke khilaf thi jiska satta tumhara baap ke liye is state mein ek samay mashur hua, lekin tumhare paas badle ki aag thi tum chowdhury ko barbad karna chahti thi aur main oose maut ke ghaat utarne ka tamnnai  isliye maine tumse haath milaaya kisi ki zurrat nahi is state mein uske khilaf jaane ki, ab toh maine uske khufiya x gang se nipatne ka bhi intejam kar liya, waise bhi ab yaha Mera kuch raha nahi aaj nahi to kal Chowdhury ki maut ka khulasa hota naam Mera bhi uchalta lekin tabtalak main bahar desh se yaha par hukumat karta meri taqat Chowdhury aur Islam se kai aage hoti, hahaha fhir uske baad meri dhaak khufiya us syndicate jaisi international crime organisation tak banti jisse mujhe aur fayda pahuchta aur in sabke liye mujhe tumhari zarurat thi yaha ke ilaake ka chota sa Bhai aur desh ke crime lord banne mein bahut faraq hota hai"

"Tum apne napak mansubo mein kabhi kamyab nahi hoge mere Abba tumhari tarah sochte they Rajesh ne bhi kuch aisa hi socha anjaam dekh lo unka bishal"

Bishal ne qeher bhari nazaro se Alina ki taraf dekha aur pas akar uske gaal pe hath phairne laga, Alina kasmasayi wo piche hone lagi lekin uske gunde oose kasskar thaame huye they, mishti bechain ho rahi thi

"Hmm khair tumhare sath wohi hoga jaisa maine Rajesh ke sath plan Kiya tha tumhe shikar ka chaara banakar hum x gang aur khoon ke pyaase Chowdhury ke maut ke baad uske aadmiyo aur kayda kanoon ke liye chodh denge tamaam sheher mein jo abtak khoon kharaba hua usmein tumhara naam joda jayega tum fasogi aur saza bhi tum paogi isliye tumhara Zinda rehna zaruri"

Tab uski mishti pe nazar huyi usne oose sar se pao tak dekha "toh monit ki rakhail ho waise kyu piche pada tha wo in logo ke"......,bishal ne Alina ki taraf ungli uthate mishti se pucha

Mishti ne koi jawab nahi Diya....."bahut nuqsan kiya us haramzade ne mera mere aadmiyo ko maara mujhe dhamki di thi na bachega nahi woh yaha aadam katte aur pura mohalla uspar Tut padega"

Fhir bishal ne apne khaas aadmi jo Alina ko thaame piche khada tha us bodybuilder ko apne pass bulaya, "in dono ko yaha se sidha hamare private yacht par le jao aaj ka ugta Suraj Chowdhury ka aakhirat banega, main wohi pahuchta hu, taaki yaha monit ki maut ke swagat mein koi kami na reh jaaye

Mishti ekdum bechain ho uthi, wohi Alina ki halat aisi thi jaise oose faasi lagne wali ho, kaash usne badle ka rasta na apnakar wapis  chale jana chahiye tha,

                                ----------

Agli subah Zoro shoro se election ke liye sheher mein Chowdhury ki badi rally nikli thi, wo phoolon ki maala pehna truck pe mauzud tha jabki charo taraf public uski party ke sadasyo aur uske aadmiyo ki achi khasi bheedh jami thi, truck ki raftar raingte huye kachue jaise thi, achi khaasi bheedh jami thi police ka saqt pehra tha Chowdhury ke aas paas bhi kuch hathyarband black commando khade they, chowdhury haath uthata sabka abhivaadan kar raha tha bhari shorgul ho raha tha, kayi dair baad palki samane ke munch tak pahuchi jo khule maidan mein bana tha charo taraf bheedh thi, police ka saqt nizam waha tha, bheedh pe paini nazar thi manch ke aage kayi akhbar aur news channels ke live prasaran ke liye cameraman khade Chowdhury ko shoot kar rahe rhey munch par utarkar apne kayi chote bade karyakarta ke sath chalte huye kursiyo pe unke baithte hi Chowdhury saamne wali kursi pe ja baitha,

Oose pata nahi ki kayi feet dur safdar ka vilayat se aaya ek sniper shooter ek uche imarat pe aise laita chupa tha jiska sniper ka nishaana sidha Chowdhury par tika tha, oose saqt hukam tha ki Chowdhury ka mic par aakar bhashan dene ke beech mein hi ekdum se fire karna tha, jisse bekhabar Chowdhury aaram se baitha nischint tha kyunki waha uski suraksha ke kade intejamat they, aas paas ki chato par bhi Durbin lagaye kuch x gang ke aadmi tainat they lekin unke nazaro mein abtak wo safdar ka shooter nahi aaya tha kyunki wo kayi feet duri se Chowdhury par nazar gadaye tha,

Host ne fhir logo ko sambodhan karte huye fhir Chowdhury ko mic pe aake kuch Chand shabd kehne ke liye bulane laga, Chowdhury hath jodta khada hokar logo ki taraf dekhta mic ke pass Aya fhir sidiyo pe chadhta mic pe bhashan dene laga, log oose sunne Lage to koi uske naam ke naare laga raha tha, wo tamam virudh netao ka naam lekar unke khamiyo ko aur unke charitra pe khichadh uchaal raha tha, wo state ko aur behtar banane ka vaada kar raha tha aur ek baar fhir jeet khud ki saaf zaahir kar raha tha, udhar shooter ne kalai pe ghadi ki taraf dekha aur fhir aankh lens pe focus kiya usne Chowdhury ko aur bhi zyada apne nazaro mein kareeb kiya aur fhir trigger pe ungli rakhta uske seene ko nishana banane laga, tabhi click ki awaz huyi toh wo thithaka uske bheje pe ek naal lagi thi, wo mudkar apne sar par khade shaks ko dekh nahi paya wo koi aur nahi x gang ka second in commander tha,

"Kya socha nazar nahi aayega tu? Tamam imarato pe hamari paini nazar thi khaaskar kayi faasle dur in maarto par bhi goli chala lekin kandhe par khabardar agar Chowdhury ke seene ko goli pahuchi toh"

Wo bhauklaya usne hukam ka anusaran kiya aur trigger kheecha goli sansanaati sniper se nikli aur sidha munch pe khade Chowdhury ki kandhe pe goli lagi, ye goli lagna uska plan tha taaki sarkar aur janta ko  ye lage ki safdar jiska naam wo batane wala tha usne uske past rival marhum islam ki beti ke sath milkar uska qatl karna chaha par ganimat goli galti se kandhe pe lagi, Chowdhury ke kandhe se khoon fawarre ki tarah bikhra wo kandha pakda dard mein tadapta wohi gir pada, pubic mein bhagdadh mach gayi log bhaagne lage police munch par daudhti huyi aayi karyakarta zakhmi Chowdhury ko sambhaale unhe uthaaye jaldi jaldi munch se utaarneage kahi se bheedh mein ambulance dakhil huyi aur Chowdhury ko ambulance mein dakhil kar diya gaya, wohi us imarat par sniper shooter ki laash padi thi Chowdhury ko goli maarte hi uske bheje pe goli chala di thi us second in command x gang ke aadmi ne,

Wo furati se imarat se nikal chuka tha kuch hi dair baad waha police malumat karte pahuchi toh ek sniper shooter waha mara pada paaya gaya padtal mein malum chala ki goli oosi ke banduk se nikli thi, lekin hairat ki oose kisne maara tha? Aur kisne bheja tha?

Waha Chowdhury jab aspatal pahucha tob stretcher par wo ek hi naam ukadhti saanso ko kheechta bolta raha safdar ke aadmi Islam ki aulad ke sath milkar mujhe maare, meri maut se oose jo fayda pahuchna tha agar aisa hai to main apna naam chunav aur Rajneeti se bahar leta hu, is baat ne press reporter aur unke karykarta ko bishal safdar ke khilaf ek pukhta hathyar de diya tha, ab sarkar bishal safdar ke khilaf action lene Jaa Rahi thi, governer ne jaise wo byaanat zakhmi Chowdhury ka suna toh usne fauran safdar ke naam ko neta ki kursi aur party se nikal bahar karte huye oosi waqt suspend karwa diya, uske khilaf chargesheet tayyar hone lagi uski geraftari ab mehez waqt ki baat thi,

Udhar bishal safdar ko jab sabkuch malum jaise chala toh wo tilmila utha usne fauran apne kapre pehente huye banduk apne patloon mein koste huye ak-47 ka hathyar uthaya, ab uspe jaan ka khatra tha uska shooter nakam kaise ho gaya kisi ne zarur mukhbiri ki thi? Kaun? Sochne ka waqt nahi tha uske paas, tabhi oose balcony mein kisi ki aahat sunai di wo tehra aur banduk ek taraf rakhkar balcony ke paas aaya tabhi khanak se sheesha tuta aur monit uske saamne aa khada hua wo na jane kaise uske aadmiyo se bachta pichwade ke raste chala aaya piche bara sa neher khulta tha jo dhaka port tak jata tha, wo paani ke raste waha shayad chupte pahucha tha tabhi usne banduk uthani chahi toh monit baagh ki tarah uspar jhapta, bishal uske sath hatha payi karne laga, bishal ki taqat prachur thi usne sar ka vaar monit ke munh pe kiya aur sidha kohni ka vaar karke oose gira diya usne daraz se apna wala chura bahar nikala

"Saala plan fail hua toh kya ab yaha se main niklunga bhi aur tere tukde bhi karunga, Kasai ki tarah kaatunga tujhe janta nahi mere ko pehle main logo ko isi chure se kaantta tha aise nahi boss ban gaya main sabka"

Monit ne apna chura bahar nikaala aur oose  lalkarne laga dono ekdusre pe Tut pade, unki hathapayi se idhar udhar ka saman tutkar bikharne laga monit ko maarne mein chura sofey pe jaa ghusa jise kheechte huye bishal ne furati se monit ke seene pe laat maarkar oose gira dala uski pahuch banduk tak aayi lekin monit banduk hath mein le chuka tha, tabhi bhaari dhamaka hua bahar goli bari ki awaz shuru ho gayi, tabhi ek aadmi bachta bachata andar pahucha jo shayad bishal ko agaaah karne aaya tha,

"Bhaijaan bhaagiye hamare ilaake mein hamare ghar mein x gang ke log ghus aaye hai hamare aadmi unhe maar rahe hai par wo log yaha pahuche aap!"

Uski nazar monit pe teher gayi, monit ne fauran oose shoot kar diya, tabhi bishal ne monit par goli chalai monit aaundhe munh piche gira oose dekhne ka bishal ke paas waqt nahi tha wo apne admi ki lash ke upar se bahar jhaanka waqayi niche goliya chal rahi thi, aur x gang ke log aur uske aadmi katleaam macha rahe they ab wo jagah uske liye mehfuz nahi thi, bishal ne sidiyo pe aate x gang ke aadmiyo ko pehchana aur sidha ak-47 se unpar goliya daag di, dhadh dhadh ki awaz ke sath wo log wohi cheekhte huye gir gaye, bishal ne niche dekha usne apne aadmiyo ki bhi parwah nahi ki aur tabadtod goliya chala daali tamam logo par, uspe bhi goliya jab chali to wo ghabrata hadbadata girte padte wapis kamre mein aaya usne ek baar monit ki taraf dekha jo shayad goli khaa gaya tha, aur waha bina piche mude dekh apna chura nikaale balcony se niche pichwade ke lawn mein jhaaka waha rassiya bandhi thi niche uske do teen admi mare pade they  usne oosi rassi ka sahara liya niche pahucha aur fhir nazaro se bachta lawn ki diwar fhandkar tang Gally mein utarkar bhaaga waha raste mein ek aadmi gaadi mein dakhil ho raha tha jise piche se bishal ne chaku ghopkar maar diya aur oose tang gally mein faika fhir gadi ka darwaja kholkar jaldi se andar baitha aur waha se ye ja wo ja,

Monit hosh mein aa chuka tha bulletproof vest ke chalte goli oose lag nahi paai thi, wo bhaagta balcony ke paas pahucha fhir khud rassiyo se niche utara aur fhir lawn ko fhaandkar neher mein khadi us motorboat ja sawar hua oose samjh nahi aaya tha ki bishal kahan bhaaga tha? Wo janta tha wo sheher se faraar hone ki koshish zarur kar raha tha kyunki Chowdhury ko maarne ke baad sheher ko usne apne khilaf kar liya tha,

Udhar bishal safdar ka pura ilaaka gangwar mein jhulas raha tha kayi parivar ko goli lagi log gharo mein band ho gaye, katle aam mach raha tha dono taraf se goli chal rahi thi kayi x gang ke logo ko Kasai jaise bishal ke gunde maar chuke they jabki tabhi unke aadmiyo ko zyada se zyada maar Dene ke baad x gang unpar haavi ho paaya aur unhe qatal kar bishal safdar ke pure Ghar ko channe lage wo upar pahuche toh waha bishal safdar ka namonishan nahi tha tabhi waha police force aa pahuchi aur unhone firing shuru kar di kuch x gang ke gine chune log bhaag sake lekin police ne tamam logo ko wohi shoot kar diya unke kuch jawan bhi ghayal huye bishal safdar ka ghar unhone kabza liya par safdar gayab tha, uske saare aadmi dhair ho chuke they aur waha x gang ke kayi log bhi maare Jaa chuke they, unhone bishal safdar ko faraar mujrim ghoshit kiya

                              ----------

Wo sheher ke ulte taraf ka ujaad bandargaah tha, jaha us waqt dopahari ki dhoop tej pad rahi thi, kahi panchiya dur awaz dete huye samundra ke upar hawa mein dur udti jaa rahi thi, wohi dusri taraf sheher ka nazara dikh raha tha, us waqt samundra mein kuch machware kashti liye dur fhir rahe they, wohi bandargah se kayi haath dur ek veeran yacht samundra mein khadi thi, halaki usmein bishal safdar ke kuch hi aadmi mauzud they aur khud bishal safdar bhi, wo sab chatt par mauzud they jabki uske hathyar band aadmi Durbin se sheher aur aas paas ki taraf nazare gadaaye huye they, taaki kisi bhi harqat ko fauran bhaanp sake wo sheher mein wanted they aur ab Chowdhury aadmi ke saath saath police bhi unke piche thi,

Bishal safdar bhaagkar yacht tak pahuch chuka tha, oose malum chala tha ki piche uske ghar mein kitni tabahi machi thi uske adhiktar supporter aur aadam katte assassin maare Jaa chuke they, ab uske paas gine chune log they, police thamti toh uska encounter karti Chowdhury ke aadmi toh oose wohi goli se bhun dete, ab oose kaise bhi karke? Desh chodhna tha aur uska moqam tha Alina ki daulat apne naam kar Siberia bhaag Jana aur piche Alina pe saara ilzam lagake chaare ki tarah apne shikariyo ke liye chodh dena, uske chehre pe kharoch tha aur wo apne kalai pe monit ke diye zakhmo ko saaf kar raha tha, usne muskurakar saamne farsh pe baithi dono ladkiyo ki taraf dekha jo bandhi bandi bani huyi uske saamne pesh thi, wo fhir mishti ki taraf dekhne laga,

"Saala Tera mard toh bada saqt jaan nikla re Alina khan ke adde par se bhi Bach Gaya mere ghar salamat pahuch gaya saala kaun sa dhatu se bana aadmi hai woh?"

Mishti us halat mein bhi muskurayi fhir usne bishal ko lalkarte huye kaha "tere jaise chattis mard ko wo akele dekh sakta hai tu usko janta hi kitna hai? Wo Aasif hai jo kabhi tum logo ki tarah kisi ka aadmi tha"

"Kya?"......bishal ke manaspatal mein shikar aayi oose pichli ghatna ka wo Asif yad aane laga jo is sheher mein huye tamam gangwar aur khoon kharabe ki wajah bana tha

"Kahi tu us Asif ki to bat nahi karti jo tere baap ko maara?"

"Nahi safdar wo nahi ye oosi ki tarah hubahu dikhta wo insan hai jise samjhne mein maine bhul ki aaj wo meri wajah se hi yaha Aya hai"

Is bar Alina ne oose apni taraf dhyan khechte huye kaha, "iska matlab ye monit kahi us mashoor casinar ka admi toh nahi jisne apne hi boss aur daaya hath Salim Inayat ko"

Ab waqayi wo saqte mein aa gaya kyunki Chowdhury ka Asif Shaikh aur us Amsterdam ke gangster Bhai casinar ke us Aasif ko wo janta tha usne uske kisse ko suna tha, "toh tune ye nateeja nikal liya ki wo wohi Asif hoga jisne tere Abba ko mara jabki wo asal mein toh oosi ki tarah ek aur peshewar mujrim tha"

Alina ne sar jhuka liya oose andar hi andar aatam glani ho rahi thi, "hahahaha ek Asif to Mila nahi uske badle dusri aafat gale laga li koi baat nahi main oose khud inhi haatho se jaan maarkar yaha se niklunga, ab uski dastan mere hatho khatam hogi"

Usne Alina ki taraf aage badha aur jhukkar gun ki naal se uske chehre ko sehlane laga, "chal ab sign kar tamam un papers par jo teri tamam daulat mere naam kar sake taaki Siberia Jane ka rasta mera aasan ho"

"Hargiz nahi"....usne apne kalai pe bandhi rassi ko umaithte huye chillaya

Do aadmi aage aaye unhone ooske bandhe hath khole, oose farsh se uthaya aur zabran ek taraf laaye ek ne uske hatho mein pen diya jabki dusre ne uske hath ko apne hatho mein le liya, aur uski ungli ko bedardi se modne laga, Alina rone lagi lekin unhone parwah nahi ki mishti ne uthne ki koshish ki toh bishal ke khas us Moshtande bodybuilder ne oose wohi thaam liya aur uska gardan dabochkar ooske maathe ko farsh par sata diya,

Bishal ne chura nikaala aur uske ungli pe kheecha khach se khoon baha aur wo tadapte huye rone lagi tab bhi oose thaama aadmi oose chodha nahi, uske pen thame haath se usne oose fhir jabran sign karne kaha

"Sign kar jaldi warna is baar ek ek ungli kategi Teri"

Rote subakte Alina ne papers par sign kar diye toh jaise vijeta ki jeet sa bishal tahaka lagane laga usne uske haath se paper kheecha aur uske gaal ko jabran chumne laga tamam aadmi hass rahe they, Alina ungli thame wohi girkar rone lagi, bishal ne apne Moshtande aadmi ko Hawas bhari nigah se mishti ki taraf dekhte huye paaya,

"Kya re achi lagi? Jaa le ja ise cabin mein aur kar le hasrat puri waise bhi kaun sa isko rakhkar mujhe ab koi fayda hai?"

Mishti chillane lagi aur wo moshtanda oose kandhe pe thaama sidiyo se niche cabin mein le jaane laga, Alina gulabi aankho se oonhe jata dekhne lagi toh usne bishal ke aage haath joda,

"Uska kya kasoor hai? Dekho bishal wo maar dega oose, uski aisi aziyat kharab mat karo"

"Hahaha uske baad apun ka number hai na wo toh R**di hai R**di kitno ke sath soyi mitti palit ho bhi jaaye kya vaanda hai lekin tu toh kunwari hai na? Tujhe Aise marrne thodi dunga aakhir tu mere itne kaam aayi aur waise bhi kisi bhi kunwari ladki ko bina uske kunwarepan ke maut dena sarasar nainsafi hai hahahaa"

Alina ekdum apne kapro par hath rakhkar aur sikud si gayi ooske dil ki dehshat tej ho gayi ab wo uske sath jo khaana kharabi karne wala tha usse uski rooh kaanp uthi kaash us waqt uske pass gun hoti to wo khud ko goli maar leti, niche mishti ko cabin mein us gunde ne laakar giraya fhir darwaja lagaya mishti piche hone lagi, gunda oose khaa jaane wali nazaro se ghurrne laga aur ek ek kar apne kapde utarne laga tabhi mishti ki nazar uske jeb mein phase phone par huyi, ab chahkar bhi wo apni izzat kisi aur ko nahi de sakti thi ab wo monit ko apne shouhar jaisa manne lagi thi, wo ab wo dhandhewali nahi rahi thi jiski izzat koi bhi lut jaaye, usne tarqeeb Sochi aur muskurayi

"Hahaha kya hua? Bas akad dheeli ho gayi aa gayi apne chinal pane par tu bhi kiska de rahi thi? Uska jiski kutte ki maut likhi hai arre humse mili hoti toh Rani banake rakhte tujhe lekin tune ek vilayati ka sath diya"

"Bhul ho gayi usne kayi sapne dikhaye acha ghar achi zindagi main uspe marr Mitti dekh ye mere liye koi pehli dafa nahi jo main roungi chillaungi tujhe jo karna hai kar le lekin mujhe mat maar dekh dushmani tere boss ki us bande se hai alina Khan se hai mujhse nahi, main hoti kaun hoo uske raste ka kaata banne wali"

Wo moshtanda uske taraf lapakne laga usne kasske uski kalai thami, aur oose saree utaarne kaha, jispar wo na nukur karne lagi usne mishti ko apne kareeb kheecha uska pallu kheechkar utar faikha aur uske gale aur gardan ko chumta uski peeth pe bandhi blouse ki doriya kholne laga, apmaan se jalti aansu ghule mishti ne oose roka nahi usne mauke ka fayda uthaya aur uske jeb se phone nikaal liya, hawas ki aag mein andha us gunde ki nazar uske hath par na huyi jo piche se uski jeb se phone nikal chuki thi...