Maut Wafa Ki:General Stories

Jab Aligarh ke nazdeek they to maine poocha kis haal mein hain ,SN mein aap VM mein . ham loog bus se utre main rikshe ki janib lapka “are are itni bhi kia betabi kam se kam aik riksha ham ko bhi. Maine doosre rikshe ko bulwa liya . nauker itnee dair mein samman le ker aa gaya . Ham dono sath sath apne apne Halls ko rawana.jab rasta juda hone wala tha to “ab aap kab mil rahe hai” yeh itna achnak sawal tha ke main hadbada gaya ke kia jawab doon.aik dam zubaan se nikal gaya”jab aap fermain.”Itna sa jawab mager Gul ka chehra Gulnaar ho gaya tha jo mujhse chupa na rah saka.Mager meri himmat napad sakee--------------------
Kai maah guzer gaye ,Mujhe Gul ki yaad kai baar aayee mager himmat ka itna fuqdaan tha ke milne ki justuju kerne ke bare mein sooch sake.Aik din main apne dost Ahmer ke yahan baitha tha .Uski bahen ne chai dee to ham loog maze se chuskian le rahe they ke uski bahen ne aaker apni maa ka fermaan sunaya ke aap ko ammi yaad ferma rahin hain.Aur hansti chalee gayee. Who mujhe bilkul aulaad ki tarah chaheti theen . maine cup rakha aur unke room ki taraf badha jab wahan pahuncha to wahan koi nahin.mager uski hansi sun ker palta aur poocha’ mom kahan hain ‘,usne kabhi mujh se maazaaq nahin kia to kuch samajh mein nahin araha tha ke kia ho raha hai..Mom to bazaar gayee hain “ yeh kia mazaaq hai tum dande khau gee mujh se. itna kah ker jaise hi baher ki janib badha ke aik awaaz ne qadam rook liye” Javed Saheb adab”. Main chaunka zaroor wahan koi tha hi nahin aage badhna chaha ,ke aik jani pahchani se mere wojood ko hilane walii awaaz phir sunaiee dee”Aisee bhi kia berukhee ke salam tak na pahunche”ab jo ghabra ker palta to Gul samne khadee theen.Main kaha “Walekum adaab,aap aur yahan khairiat to hai”.”To kia aap ko hi doosti aur aane ka haq hai kia koii aur na aasakta hai na doosti ker sakta hai.aap ko koi zahmat hue ‘ Gul ne mere bakhiye udhed dale .main ne buakhlahat choopate hoaye kaha” Bhala aap ki doost aap basad shauq milain main kaun khamukha “ itni dair mein Ahmer bhi aagaya thaa bola aap dono ka taaruf karata hun .” maine kaha are pagal ham don aik hi shaher ke hain .To who aikdam se bola “aik jagah ke hoone ke baad bhi itnee dooriyan”uske is jumle per ham dono sitpita gaye aur dono bhai bahen ka tahka fiza mein goonj raha thaa.Thoodee dair baad maine utth te huye kaha Mere Hall ki meeting hai usmeinjana hai , mujhe ijazat.”Gul ne fauran kaha “ kal Sunday hai , kuin na koii prog. Bana liya jaye . aap log hostel aajaian phir baher chalta hain. Mere kahne se pahle hi Ahmer ne kah diya theek hai ham teeno aate hain aap tayyar rahain, ab mujhe bhi han kerni padee..
Doosre din jab hostel pahunche to Gul ko apna muntazir paya. Ahmer ne farun chutki lee”kia raat se khadi hain are ham loog aahi jate aisi bhi kia besabree thee”.Ham logon ka qaiqaha gunja aur Gul ka chehra dekhne wala thaa. Jo sharm se jhuk gaya thaa.Khair ham loog baher gaye , coffee pee aur do ghante baad khair se buddhoo room pa aaye.Aur baitha sooch raha tha mian javed yeh kia ho raha hai. Aap ki tabiyat to theek hai ye kia aa bail mujhe maar nahin ker rahe hain.mager dil kambakht kuch sunne ko tayyar hi nahin thaa.Dil aur dimaagh jaise aik doosre ke raqeeb aur dushman ban baithe hun . dimaagh ne dil ko bahut samjhaya mager wah re dil janab tas se mas nahin aur phir dimaagh ki shikaste phaash ho gayee, aur maine jame shahadat peene ka beeda utha liya.
Ab janabe dil ko chain kahan , bhadkaye jate hain uksaiye jate hain chaal ker achcha surat hi daikh lain baat na kerna.. Mager meri quwwate eraadee sath nahin de rahi thee.aikdin akela baitha aur dil per ajeeb si haul sawar thee ke chaal baher nika; javed . socha ahmer ke gher jain, nahin jana , phir achcha chaloo gul ke pass chalain mager uski bhi ijazat na mili . tai yeh hua bazaar chala jaye kuch cheezain bhi khatm ho gayeen thee aur kuch tabiyat bhi bahel jaye gee to janab bazaar ki taraf kooch kia gaya.aligarh ki aik aur khas baat haia koii mushkil se kisi mushkil hi mein akela bazaar jata hai aaj who bhi usool tood ker shaher rawana. Aik store se milk ka dabba utha hi raha tha ke”Asalam aliakum” bahut hi meethee si jani pahchaani awwaz kanoo se takraee dil to uchaal ker halaq mein aagaya . dil aur dimaagh ki gawahi ke bawajood palat ker deekhne ki himmat na ho saki kuinke yeh awaaz Gul ke aalawa kisi ki nathee..himmat juta ker nazer jo ghumaiee to Gul mere pahloo mein khadee theen.maine ghabra ker poochaa aap is waqt yahan khairiyat . Usne jawab diya” pata nahin dil bahut pareshaan sa thaa bas uthee aur yahan chalee aayee”.Meri besakhta hansee nika gayee. Who tajjub se mere hasne ki wajah dhoond rahi thee. Maine bataya” mera bhi dil ghabraya aur ghabrata hua yahan tak aagaya”itna sunna tha ke uske aankhoon mein chamak aur rukhsaar tamtamaa uthe.” To janab yeh baat hai, kisi ne sach hi kaha hai,dil ko dil se raah hooti hai”.aur dono khilkhila ker hans pade. Jaise dono ko dili murad mil gayee ho. Mager main aik baar phir ander hi ander kaanp gaya thaa. Yeh sach hai her shaks ke dil mein walwale hoote hain, khuahishaat hooti hain,tamanna hoti hai.Mager in sab baton ke sath sath uski apnee kuch majbooriain bhi hooti hain. Main tanaha gher ka kamau poot tha aur khane wale bahut, yeh sab sooch ker main ajeeb aaziyat mein mubtila tha. Ke Gul ki khanakti aawaz sunaiee dee “hazrat kia din mein khuwab dekh rahe hain kia koii aur bhi yahan hai jo baukhlahat tari hai.” Shaid meri dili kafiyat kuch bayan ker rahi thee . main apne hawaas mein wapas aate bola nahin main yahaan hi hoon sooch raha tha ke kia prog. Banayeen”. Main jo sooch raha tha who kis tarah zubaan per aata.
Chaliye koii si film dekhte hain.Chalain Bobby ki badi dhoom machi hai usi ko aazmate hain .Main is waqt hawa mein ud raha thaa Dimagh ghareeb pareshan mager dil ko to jaise bemaange muraad mil gayee ho.Ham loog seedhe theater gaye aur haal ke ander.Film ki kahani hamari kahani se juda nathee farq yeh thaa wahan ladka ameer tha yahan ladki.Film dekhte dekhte kab hamloogon ke hath aik doosre ke hath aagayee pata hi chala jab interval ki lights ne aankhain khooleen to hath bhi khul gaye.ab ham dono ki aik doosre se nazer milane ki himmat nathee.
Interval ka waqt badi tezi se guzar raha tha maine khamooshi se poocha chai ya coke, usne halke se tabbasum se kaha is waqt to coke hi chale ga aur ham dono muskura diye.do coke mangaye ab kisi had tak ham loog normal ho ker frank ki dahleez tak aagaye thay. Movie ke baad ham loogon ne saman khareeda aur phir pass baithne ka bahana chahiye tha “chaloo coffee peete hain .ham log restaurant mein ja baithe. Ham logon ne film per tabsara shuru ker diya.achanak Gul ne aik sawal ker diya”Kia loog sach mein istarah apni qurbani de daite hain..” Maine kaha”Yeh to muhabbat kerne waloon per hai who kis had tak ja sakta hai.Ager haqqiqatan muhabbat hai to woh jaan dene se daraigh nahin karega.”.Gul ne dhere se poocha kia aap kisi ke liye jaan de saktae hain”. Mera aik falak shigaf qahqaha goonja kea as paas ke loog hairat se dekhne lage. “ Are main itna khush naseeb kahan hon jo koii mujhe itna chahe ke sab kuch chood de”. Lekin usne doosra sawl daagh diya’,”man lain ger koii ho to”. Mere kan khade huyee maine anjaan bante huye poocha” aap kahna ya poochna kia chahetee hain”Usne nazrain uthain aankhon mein aankhain dali aur kaha” aap achchi tarah se jante hain main kia kah rahi haun . kia mujhe hi sab kehna pade ga aap itne zalim to nahin dikhaiyee dete,to itna kuin sata rahe hain.”uski itni si baat mere jigar ko kaat ker rakh gayee main tadap uthaa. Meri sans jahan thee waheen ruk gayee. “ are yeh aap kia kah rahi hain .kabhi soocha hai kahan aap kahan main Meri do waqt ki rooti ke lale aur sare gher ki zimme dari hai.mera aakhri saal hai kohloo hoga aur yeh bail.Kabhi soocha hai gher ka sara kaam aur meri pareshanian zimee darian, kia yeh mumkin ho ga ke qadam se qadam mila ker chal sakain I think no way. Aur main aapne jazbaat mein na jane kia kia bake jaraha tha ke gul aik dam khadi ho gayee aur uske ashk rawan they . jaise hi aansoo dekhe meri zubaan gung ho gayee hain yeh ansoo aur Gul ki aankhain . meri to jan hi sookh gayee . I m really sorry I was just gone crazy . main tumhari takleef nahin dekh sakta isiliye jazbaat mein pata nahi kia kah gaya .I m again sorry. Main usse mafi mange jaraha tha.. usne halke se mera hath dabaya aur chup rahne ko kaha. Ab mei aankhain bhi nam ho gaiyee theen maine poocha “ Tum hi faisla karo kia maine kuch ghalat kaha .”Tum mere jahannum mein kaise jio gee. Kabhi soocha hai. Gul ne kaha ab chup to hon aap sach kah rahe hain. Mager mujhe bhi to mauqa dain’ sunai raha mera sawal yeh to waqt hi bataiyega main aap ki tarah jhazbaati nahin hoon.” Hum log hostel ki taraf rawana ho gaye. Hostel ke paas maine usse phir ek baar maazarat ki ke pata nahin mujhe kya ho gaya tha ke apko itni aziat dee aur rula diya. Usne halke tabbasum ke saath kaha, “Is mein bura manne wali kya baat hai, jo sach tha wahi kaha. Mujhe khushi hai ke apne mujhe is kabil to samjha ke dil ki baat samne rakh dee.”

Main pareshan, ajeeb kashmakash mein mubtila kamre per pahuncha. Aaj zindagi ka ek naya rukh dekh raha tha. Aaj tak jo kissi se na keh saka, woh is film ne khudi kehla diya. Ab hum logon ki mulaqat her hafte hone lagi aur ek aisi mohabbat perwan chadne lagi jis ka meri nazron mein mustaqbil bilkul hi dark tha. Hum log ka aakhri saal tha. Tai hua ke ab ishq kum aur imtihaan ki tayari karni hai. Ager hum is waqt ishq mein kamiyab hue, duniya mein sivaye nakami ke kuch haat na ayega. Is baat pe hum dono besakhta has rahe the. Mager Gul ki halat kharab thi, woh kabhi kabhi besakhta milne ki khwaish mannd ho jaati thi. Waise mujhe bhi bahana chahiye rehta tha. Phir bhi kaafi zimadari ke saat, hum log apne imtihaanat mein lagaye.

Ajeeb ittefaq jab ghar wapas hue tab bhi saath the. Aur ek hafte ke baad, hum logon ka raaz raaz nahin raha tha. Sach hai, mushk aur mohabbat chupayi nahi chupti. Bahla ho kambaqt Gul ke nauker ka. Woh mujhe bulane aaya tha aur usne mere ghar aur Gul ke ghar badi saadgi se bata diya tha. “Bitiya kahin rahin thi, jao jaye ke bhaiya ko bulai lao. So hum gai rahin, unki mommy se kahin ke bitiya bhaiya ko bulawat hai aur idhar Gul ki maa se kehdiya ke bhaiya ko kuch khaan ke liye banale hin. Woh aarahin hai.” Khair, humare ghar walon ko koi kaas pareshani nahin thi. Sirf ek sawaal utta ke Gul is ghurbat aur kasmapursi ke alam mein yahan ka boojh utta sake gi. Beghair nauker aur asaish ke woh zindagi ko nibha payein gi. Ager tum aisa samajh te ho, to humko kya aitraaz ho sakta hai. Tumhari khushi mein hamari khushi hai. Main apni bahen ke saath gahe bagahe Gul ke ghar ho aata tha, magar asaar achche nahin they. Do mah ke baad, mera result aaya. Hum dono first division mein pass huey. To humare ghar walon ne ek choti si party rakhi jis ki khaas mehman Gul thi. Hum logon ne sare dinon ki kami puri karli. Ghar walon ne bhi her mumkin koshish ki ke tanhai naseeb rahe. Gul ne kaha, “Aaj ghar mein sab bahut khush hai. To kya rai hai sab ki?” “Mere yahan to sab tumko dil se chaha te hain. Tum batao, tumhare ghar ke kya halat hain.” Usne kaha abhi tak koi baat nahi hui hai. Aaj sab bahut khush hai, soch rahi hoon ke aaj poochne ki koshish karun gi. Usne ghar ja ker jaise hi baat ki, ek hungama mach gaya jis ki qawi umeed thi. Mager jawab mein usne bhi zid paker li aur atwati khatwati lekar na khana na baat kerna, na kissi ki baat maana, na suna, bas leti thi. Sab samjha rehe, magar uske samajh mein kuch nahin araha tha.

15 din baad mera appointment letter agaya. Ab mere kadam zameen per nahin per rahe the. Ghar mein jaldi jaldi sab ko bataya aur seeda Gul ke ghar bhaga. Jaise ander gaya, nauker ne bataya, bitiya to apne kamre mein hai, munh lapete hui padi hain. Na kissi se baat karti hain, na khati peeti hain. Maine poocha yeh kabse hai. Jis din se woh aap ke ghar se aayen hai, usne bataya. Sab khilaf hain, magar woh apne zid per dati hui hain. Achcha jao, batado ke main aaya hoon.

Jaise usne suna main aaya hoon, bhag te hui mere paas aayi. Uski maa ki shukl dekhne wali thi. Maine apna letter uske haath mein deh diya. Jaise hi letter padha, woh uchal padi. Apni maa se kaha, “Ab to naukri bhi mil gayi, woh bhi achchi si. Ab to khilane ka masla nahin hai.” Pata nahi kya hua ke ammi ke chehre pe muskurahat aagayi aur unno ne mera munh meetha kiya. Maine kuch dair Gul ko dharas dene ke baad ghar aagaya.

Meri posting Agra mein thi. Nai naukri 6 ma yunhi nikal gaye. Humare khutoot humare zindagi ka sahara the. Main bahut khush tha ke zindagi ki itni saari khushiyan ek saath mil rahi hain. Jab chutti lekar ghar aaya to Gul ki maa ke paas milne gaya to Gul ke israar per maine kaha, Khalajaan ab meri amanat mujhe deden. Dekha perda khamoshi se hil raha tha. Shaid woh Gul thi. Unki maa ne sawaal kiya, “Beta tumhari pay kya hai? Ghar pe kya dehte ho, khud tumhara kya karcha hai?” In sawalon ke jawaab ke baad, ek sawaal utta. “Tum khud hi batao beta, kya meri bachchi itne paison mein guzara ker le gi?” Gul ne fauran samne aake kaha, “Jab main aap se shikayat karun, to kahiye ga”. “Gul tum chup raho. Faisla mujhe kerna hai, tumko nahin. Main tumko jaante boojhte andhe kuain mein nahi dakail sakti hoon. Sabzade aap jaye, pehle is qabil ban ker ke meri beti is andaaz se to jee sake jis tarah hum logon ne pala hai. Aur yehi meri shaadi ki shart hai.” Maine nighan utta ker us ke bhete aansoon dekhe, uske kareeb gaya, uske ashk paunchte hue kaha, “Kya tumko mujhe pe yaqeen nahi hain. Ab yeh kadam is dehleez per jab hi aayen ge jab is qabil ho jaye gai. Tum mera intezaar kerna.” Main seeda ghar aaya. Ghar pe sab muntazir the ke jawaab kya milta hai. Sab ne yehi kaha, hum ko ilm tha ke who haan nahi karenge. Sab ne samjane ki koshish ki magar jab ishq ka bhoot sawar hota hai to iska anjaam do hi hote hain aur main wapas aake chala gaya.

Ab mujhe achche ki dhun mein muktalif jagaon per naukri ki talash jari karni padi. Ek Pune ki company mein achchi job ki offer mili aur main chala gaya. Kuch dinon ke baad, ghar se khat aaya, tum kahan ho, Gul ki shaadi kai jaga tai hui, magar usne her jaga sirf aur sirf inkaar hi kiya hai. Maine khat ko, sab cheezon ko nazar andaaz karke bas kuch ban ne ki dhun main lag gaya. Do saal ki anthak mehnat ke baad, main ek badi company mein manager ki ohde per kaam ker raha tha aur meri validan ka israar tha, beta kaafi din ho gaye hain, aake surat dika do. Aur main aaj is qabil ho gaya tha ke Gul ki dehleez ko phalang sakoon. Khair main ghar jaane ki tayari kee aur ghar pahunch gaya. Jaise hi ghar pahuncha, ghar walon ki khushi ko main alfaaz nahi pehna saka. Sab log tabad tod mere saman kholne per jut gaye. Her ek ko apna apna tofa derkar tha. Sab log khushi se naach rahe the magar mera zahen mera dimagh betaab tha ke kaise hi Gul tak pahunch jaaon. Maine baitreen libhas pehna, aur gadi nikal li aur Gul ke ghar ke taraf rawana. Raste bher hawai qile banata uda chala jata tha. Meri zindagi ki khushi ke sabse bada din tha, main khud ko sambhal nahi pada tha. Tarah tarah ke din ka khuwab jooq derjooq chale aarahe the. Sadak khatam hi nahi ho rahi thi. Khuda khuda ker ke uske derwaze tak pahuncha aur beghair khat khataye ander dakhil ho gaya.

Magar insaan kitna majboor hai, meri aaj samajh mein aaya. Ghar mein ek sogwari ka alam tha, maine Khalajaan ko khamosh aansoon pahunchte hue dekha to unse ansoon ka sabab dariaft kerne ke bajai poocha Gul kahan hai. Her ek khud mein khamosh, apni hichkiyan dabane ke nakaam koshish ker raha tha. Maine phir poocha, akhir baat kya hai, yeh sab is tarah kis ke sogh main ansoon baha rahe hain aur Gul kahan hai. Main Gul ke kamre ki taraf bhaga magar Khalajaan ne badker mera haath pakra aur gale lagaate hue kaha, Beta woh hume dhaaghemufarqat de gayi aur ek khat haath main thama diye. Meri to jaise saans hi rukh gayi thi. Khat haath mein jaata, wahin haath mein rukh gaya aur Khalajaan ko jhajhojdte hue kaha, “Aap ko itna bhayank masaq kerte sharm nahi aati, yeh kaise mumken hai. Us ne zindagi bhar saath nibhane ka wada kiya tha. Woh is tarah mujhe chod ker kaise ja sakti hai. Sach sach batain kya baat hai.” Unhon ne roti hui awaaz mein kaha, “Beta tum khud hi padh lo. Na mujh mein dum hai na taqat na himmat aur na hi itni ghairat bachchi hai ke kissi ko munh dikha sakoon. Main hi uski maut ki zimadar hoon”.

Maine khat khola aur padhna shuru kiya. Mere ansoon mein kuch dikhai nahi deh raha tha. Achanak jaise perche mein uski tasweer ubher aayi ho aur usne kehna shuru ker diya ho. “Mere Javed mujhe maaf kerde na. Main tumse juda ho ker zinda nahin reh sakti thi. Aur phir maine tumse waada kiya tha ke agar tum na mile to main kissi ki na banoon gi. Tumhe yaad ho ga, yeh hamari pehli mulaqat ki qasam thi. Gharwale tumhare do saal na aane aur khabar na milne se itna bazid the ke hafte mein do ladkon ko dikha rahe they aur pichle hafte ammi ne faisla suna diya ke ab tum haan karo ya na karo, maine nawab sab ke ladke se tumhari shaadi tai ker di aur agle mah tumhari shaadi hai. Bas main kya karti, tumhara koi pata hi na tha. Ab tum mera aakhri salaam qabool ker lo. Aur mujhse waada karo ke tum mujhe maaf kerdo gai. Main jaanti hoon ke tumhara jeena mushkil ho jaye ga magar main majboor ti Javed. Khudagawah hai, iske elawa koi chara nahin tha kyun ke main kissi aur ke saath ek din nahi jee sakti thi. Aaj tum ko apni Gul se ek waada kerna hoga, agar tum mujhe khush dekhna chahte ho, tum apni zindagi ka sahara zaroor dhund le na. Main bewafa nahi kehlani chahti thi, isliye maine yeh qadam uthaya. Dekho, tumko meri qasam hai, tum apna ghar zaroor abaad kerlena warna meri rooh ko chain nahi ayega. Mere Javed mujhe maaf kardena, main tumhare saath kadam se kadam mila ker nahi chal saki. Main kal bhi tumhari thee aur aaj bhi tumhari hoon.
Sirf tumhari Gul.”

Ab main khamoshi se qabrestan ki taraf chala ja raha tha aur yeh soch raha tha ke uske samne kis munh se jaunga, us ka samna kyun ker kersakoon ga, kya main uska kaatil nahi hoon.

Khatmshud.

Javed Arshad