Unknown Target...........masoom

Update 35

Karan aur Chirag Blue Cottage ki talashee lene lage. Pore Cottage me tota-fota saman idhar-udhar bikhra para tha. Shayad marne se pahle es shakhas ki killer se achchi khasee bhirant hui hogi. Aur isi bikhre huye saman ki wajah se karan gir pada tha. Warna wo aadme jo yahaaN se bhagkar jangal me gum ho gaya tha. Kabhi bhi es tarah bachke nahi bhag sakta tha. Karan use jaror pakar leta. Par kisee cheej me thokar lagne ki wajah se Karan gir pada aur us aadmee ko bhagne ki mohlat mil gayee.
.
Ab Karan ne apne sathiyoN ko jangal me use talash karne bhej to diya tha par use yakeen tha ki uske sathi nakam hi wapas aayege. Thori hi der me Chirag aur Karan ne pora Cottage chaan mara magar unke hath kuch bhi nahi laga.
.
Karan soch raha tha ki wo bhagne wala shakhas kuan ho sakta hai. Wo informer to bilkul nahee ho sakta kiyoNki informer itna pagal to ho hi nahee sakta ki unhe khabar karke yahee Cottage me unka intizaar karta rahe ki kab Police aaye aur wo yahaaN se bhage.
.
Jabki Karan ko pora pora shak tha ki Kamal ke murder me informer ka hath hai. Aese me informer itna bara risk le es baat pe bilkul yakeen nahi kiya ja sakta tha.
Agar wo informer nahee tha to kaun raha hoga. Karan soch raha tha.
.
Karan isi soch me gum tha ki uska mobile ring karne laga. Karan ne dekha Call Sikandar ki thi.

...................
(Jaaree.....)

Update 37

Etna kahkar Karan ne Call disconnect kar di. Ab Karan ko apni bewakufee pe afsos ho raha tha. Ye sochkar ki informer ne apne mobile ko switched kar liya hoga. Karan ne us number pe call karne ki koshish nahee ki thi. Aur shayad ye baat informer janta tha jiska fayda uthakar wo apna mobile Police Station ke field me hi fek gaya tha. Par usne aesaa kaise kiya hoga.. Karan esi soch me gum tha ki tab hi uske mobile pe message aane ki ton bajee. Karan ne dekha Sikandar ne use MMS bheja tha. Jisme usne  Sumit Verma ka photo bheja tha. Aur Sumit Verma wo hi shakhas tha jiska kata huaa sar Karan ke saamne kursee pe rakhkha tha.
.
Yani ki informer sach kah raha tha. Eska matlab usne ab tak sab kuch sach sach bataya hai. We charo Criminals Kamal ke sathi hai, aur ye Sumit Verma Urf Red 001 en sabka boss tha jiska sambandh 7 Stars Gang se hai. Agar aesa hai to iski kalai pe bhi 7 number bana huaa hona chahiye
.
Karan aage bara aur laash ka dahina hath uthakar dekha , uspe kuch bhi nahee guda huaa tha.  Fir Karan ne uska daya hath utakar dekha. Uske daye hath ki kalai pe 7 number guda huaa tha.
.
Ab Karan ko yakeen ho gaya tha ki ab tak jo bhi informer ne unhe sab sahi-sahi jankari di hai. We charo Criminals hi jhot bol rahe hai.
.
Karan ko kahi se Mobile bajne ki aawaaj aa rahi thi. Karan ne gaur kiya to wo aawaz laash ke paas se aa rahi thi. Karan laash ki aour bara. Aur laash ke upar se kapra hatakar ek taraf ko fenk diya.

...................
(Jaaree.....)

Update 38

Karan ne laash ke upar se kapra hatakar ek taraf ko fenk diya. Mobile ki aawaz laash ki pent ki jeb se aa rahi thi. Karan ne laash ki jeb se mobile nikala aur uski screen pe number dekha. Karan ko wo number jana-pahchana sa laga.
.
"Hello" Karan bola
.
"HaaN Hello, kaun bol raha hai" Dosri taraf se aawaz aayi Karan ko pahchanne me der na lagi ki ye kiski aawaz hai.
.
"Sikandar Tum..." Karan ne hairat se kaha
.
"Karan Sir aap, aapke pas ye number kaise aa gaya" Sikandar bhi hairat se kah raha tha.
.
"Sumit Verma ki laash ki jeb se mila.. Par tumhe ye number kahaaN se mila" Karan abhi tak hairat me tha.
.
"Sir aapne raat jo number diya tha. Mene socha use bhi try karke dekh loN sayad switched on aaye." Dosri taraf se Sikandar ki aawaz aayi
.
"Eska matlab ye number Kamal ka hai"
.
"Jee Sir"
.
"Sikandar tumne un charo Criminals se unki kalai pe gude huye 7 number ke baare me nahee pocha tha kya" Karan ne Sikandar se pocha
.
"Jee pocha tha sir"
.
"Kya bataya tha unhone"
.
"Sir ek ne bataya tha ki wo 7 saal se es Gang me kaam karta hai. 5 saal pahle uske boss ne uske paas ek aadmee bheja jo uski kalai pe 7 number god ke chala gaya. Par uske boss ne ye nahi bataya ki usne uske hath pe 7 number kiyoN gudwaya hai. Bakee teeno ne bhi lagbhag aese hi jawaab diye the"
.
"O.K." Etna kahkar Karan ne Call disconnect kar di.
.
Aur Chirag se bola.. "Es laash ki talashee lo.. Dekho eske paas se aur kuch bhi milta hai kya" Karan ke kahte hi Chirag ne uski talaashee leni suru kar di. Par laash se aur kuch nahi mila.
.
Sumit Verma urf Red 001 ki eb se Kamal ke mobile se milne se ek baat to bilkul saaf ho gayee thi ki iska murder bhi informer ne hi kiya hai. KyoNki jab un chaar Criminal ke baare me informer ne Karan ko Call ki thi to number Kamal ka tha. Aur es baar uski Call Sumit ke number se aayi thi. Jisse saaf pata chalta tha ki informer ne Sumit ko maarkar Kamal ka mobile Sumit ki jeb me rakhkha aur fir Sumit ke number se Karan ko Call karke Sumit ke murder ke baare me information di aur fir Sumit ka mobile Police Station ke field me fek ke gayab ho gaya. Informer ki himmat pe Karan ko hairat ho rahi thi.
.
Par ab ek baat aur bilkul saaf ho gayi thi ki Blue Cottage se bhag ke jaane wala informer nahi tha. KyoNki jis time Karan yahaaN aaya tha us time informer Police station ke aas paas hi hoga.
.
Par wo informer nahi tha to fir wo kaun tha. Karan ke dimaag me ye sawal ghom raha tha.

...................
(Jaaree.....)

masoom ji,
raha nahi jaa raha hai:---
pahla page padne mein aa gaya hai itnaa mazaa
malum nahin aage aapne kya kya rakha hai sajaa
yeh kahani CID ko bhi takkar dene ke hai kabil
bharpoor piroya gaya hai kabhi pyaar kabhi kaza.

ab yaar age kahani padne do na shesh fir....
ghansham das ahuja

Update 40

Ab Rajesh aur uske dosre sathi Karan ke najdeek aa chuke the. We Karan ke paas aate hee bole....."Sir hamne pora jangal chaan mara. Par hame koi nahi mila"
.
"Koi baat nahi.. Tum sab es Cottage ki talashee es tarah lo ki ek sui ke baraabar cheej bhi tumhari najro se na bach paye" Karan ne kaha.
.
HalaNkeee Karan khud Chirag ke sath es Cottage ki talashi ek baar le chuka tha. Par fir bhi usne ek baar aur talashee karwana achcha samjha.
.
Karan ki team apne kaam me lag gayi aur Karan usi car se tek lagakar kuch sochne laga. Jisme se Chirag ko wo lifafa mila tha.
.
Agar ye photo es car me informer ne rakhkhe hai to iska matlab saf-saf ye hi hai ki ASP Dev 7 Stars Gang ka member hai. Aur informer hame apne agle shikar ke baare me clue de raha hai. Ya wo hame Challenge kar raha hai ki Dev ko bacha sakte ho to bacha lo.
.
Aur jis tarah pichle do dino se Dev bimari ka bahana bana banakar Police station naam matr ko aa raha hai. Aur wo es kes me jayada intrested nahi dikh raha to ye bhi ho sakta hai ki wo khud hi informer ho. Ab wo en dono me se kaun hai ye to uski kalai dekhkar hi malom hoga. Karan soch raha tha.
.
Kareeb 30 minute tak Karan ki team Blue Cottage kee talashee leti rahi par unke hath kuch nahi laga.
.
Ab Karan ne laash ko post martem ke liye bhej diya aur Rajesh ko gaadee Shahar le chalne ko kaha. Shahar pahoNchkar Karan ne gaadee ek Mall ke aage rukwayi aur gaadee se utarte huye bola..."Rajesh tum RTO office jaao aur un dono cars ki detail lekar aao" etna kahkar Karan Mall me dakhil ho gaya. WahaaN se usne ek pyari si Jents Golden wrist watch karidi. Aur Mall se bahar aakar ek Aotu se Police Station aa gaya.
.
JahaaN use Sikandar ne bataya ki ASP Dev abhi-abhi kaheeN gaye hai. Aur we 2 ya 3 hour me lautkar aayege. Karan Dev ke lautne ka besabri se intizar karne laga

.................
(Jaaree)

keep it up..

MASOOM JI,
yakeenan yeh kahaani bahut hi achhee aur dilchasp ban padi hai,apko baar baar yeh poochhne ki avashyakta nahin hai ki kya vaakai?.ab yeh padne valon par hai ki ve beech beech mein comment dete hain ki nahin,main dekh sakta hoon ki kuchh hi members ne comment kiye hain visheshtaya mukesh ji ne.yeh bhi achha hai kam se kam apko yeh to lag raha hai ki aap jo likh rahe hai koi to unko pad raha hai, magar aap  hatotsahit na hon(mujhe yaad hai mukesh ji ne bhi ek baar aapko likha hai), jaroor kai log is kahani ko pad rahe honge. agar bhai, jo nahin pad rahe ho to is msg ko pad kar shuru keejiye padna,(kuchh panktiya ab tak na padne valon ke liye:-

      lambi kahaani ko dekh kar tum ghabrao mat
      nahi padi,koi baat nahin,ab to sharmao mat     
      yakeen karo isko padne mein aayega bada maja     
      ab samay kam hone ka bahaana tum banaao mat

maine ek page pada tha pahli sitting main baaki do sitting mein poore 8 page(40 updates) samaapt kar liye hain. besabri se itezaar hai apke agte update ka. bahut bahut shukriya yo india par hum sabko itna samay dene ka.
shubh kaamnaon sahit,
ghansham das ahuja