Yoindia Shayariadab - Sharing Poetry of Hearts.

Unknown Target...........masoom

by Masoom Shahzada on August 13, 2012, 03:29:02 AM

Yoindia ShayariAdab > Stories, Quotes and Related Stuff > General Stories > Topic: Unknown Target...........masoom

Pages: 1 ... 7 8 9 10 [11] 12 13 14 15 ... 19

Author

(Read 36832 times)

masoom shahjada

Guest

«Reply #150 on: November 02, 2012, 10:36:07 PM »

Update 53
"... Jo party me nahi hone chahiye the. Pahle finger print the Raj Bhagwat ke jo ek din pahle se City Hospital me admit the. Jiske gavaah uske ghar ke naukar hai. Aur khud maine hospital ki Vedio photej dekhi to es baat ki pusti ho gayi ki Raj Bhagwat hospital ke bed se hila tak nahi tha. Par usse kuch baat ho pati usse pahle hi brain hemrej se uski maut ho gayi. Ye sab pahle din huaa.
.
Dosre din subah malom hua ki jo dosre finger-print paaye gaye the we Kamal naam ke kisee shakhas ke the jo 7 saal pahle 6 maah ki saza kaat chuka tha. Par tisre finger-print kiske hai ye malom nahi ho saka kyonki uska koi criminal record nahi tha.
.
Fir usi subah kisee P.C.O. Se kisee ki call aayi jisme bataya ki khandhar me ek lash milegi. Aur wahaaN se wakai ek laash mili jo Kamal ki thi. Aur jiski kalai pe 7 number guda huaa tha.
.
Fir usi raat ke lagbhag 10:30 PM par Kamal ke number se kisee ki mujhe call aayi jisne bataya ki Safed Bonglow me Kamal ke 4 sathi jamaa ho rahe hai. Us raat hamne un chaaro ko arrest kar liya. Par jab unse baat ki gayi to kahani hi badal gayi. Unhone bataya ki we charo alag-alag gang ke member hai. Par jis tarah Kamal ki kalaai pe 7 number guda hua tha theek usi tarah un chaaro ki kalaai pe bhi 7 number gude huye the. Jiska Bahut torture karne pe bhi we koi bharosemand jawaab na de paaye.
.
Aur fir agli subah kisee unknown number se usi informer ki call mujhe dubara aayi jisme usne bataya ki Blue Cottage me Kamal ke Boss Sumit Verma urf Red 001 ki laash milegi jiska sambandh 7 Stars gang se hai. Baad me malom hua ki wo number jisse informer ki call aayi thi wo Sumit Verma ka tha. Aur wo mobile esi Police Station ke field se baraamad kiya gayaa. Aur wahaaN Cottage se Sumit Verma ki jeb se Kamal ka mobile mila. Aur Sumit Verma ki kalaai pe bhi 7 number gudaa huaa paya gaya.WahaaN Cottage me koi aur bhi mojud tha jo bad-kismati se Police ke hath nahi aa ska.
.
Fir usi shaam C.B.I. Ne ye kes apne hatho me le liya. Aur raat me Dev Sir ki ek Acsident me maut ho gayi.
.
Aur kyoNki mujhe es kes se alag kar diya gaya tha esliye kal maine es kes pe koi kaam nahi kiya"
Karan ne pichle 4 din ki report Anita ko sunaayi. Usne R wale locket aur Dev ke photos ko chorkar usne Anita se sab kuch bataa diya
.
"Tumne R wale locket ke baare me kuch nahi batayaa. Jo Shani Malhotra ki Lash ke paas se mila tha" Karan ki pori baat sunne ke baad Anita ne Karan se pocha
.
Anita ke es sawaal se Karan ghabraya aur thok nigalte huye bola..."Wo madam, bhol gaya tha"
.
Anita Karan ke chehre ko bare gor se dekh rahi thi. Karan ko ghabraate dekh wo samajh gayi ki koi na koi garbar jaror hai. Esliye wo kuch tej lahje me boli...."Bhol gaye the ya jaan-bojhkar nahi bataaya. Tumhaare chehra bataa raha hai ki tum us Locket ke baare me kuch jaante ho"
.
Anita ke sawaal ne to Karan ka sar hi chakra diya. Par wo Shaan ka naam kaheeN nahi aane dena chaahta tha esliye ekdam samhalaa aur bola..."Madam, Us Cottage se jahaaN se Sumit Verma ki laash mili thi. WahaaN ek car se Dev sir ke kuch photo mile the. Ye baat maine C.B.I. Se bhi chupaai thi. Kyonki mujhe apne department pe hi shak ho rahaa tha. Par esse pahle ki kuch malom ho pata Dev sir ki ek road acsident me maut ho gayi. MaiN aapse ye baat chupa rahaa tha. Esliye aapko aesa lag rahaa tha jaise maiN aapse kuch chupa rahaa hoN." Karan es baar samhal-samhal ke bola tha jisse uska shak dor ho jaye
.
Par Karan ki baato se Anita santust nahi huyi thi ye baat uske chehre se saaf malom ho rahi thi. Par Anita ne us Locket ke baare me fir kuch nahi pocha tha. Wo kisee gahree soch me dobi rahi aur bahut der baad boli..."Maine Inspector Shaan ke pichle shaandaar record ko dekhte huye uska suspension cancel karwa diya hai.Wo ab es kes pe tumhare sath kaam karega. Tum use call karke aaj aur abhi re-join karne ko kaho"
.
Karan Shaan ko es Shahar se dor rakhna chaahta tha par Anita to use esi kes pe lagaa rahi thi. Par Karan agar kuch bhi kahta to Anita ka shak uspe gahra jaata esliye wo bola..."Jee madam"
.
"Aur yaad rakhkho mujhe bahut jald result chahiye warna..." Etna kahkar Anita ne apni baat adhori chor di
.
Par es warna ka matlab Karan achche se jaanta tha.

.............................
(Jaaree.....)


	Logged

Similar Poetry and Posts (Note: Find replies to above post after the related posts and poetry)
	My mind sails, through an unknown sea! by abdbundeli in English
	Na Kamal-e-Fun Hi Mila Mujhe - Not Mine (Shayr Unknown to me) by fernsk in Shayri-E-Dard
	A shared poetry-writer unknown by tamanna1 in Share:Love Poetry
	apnay badlay huway lehjay ki wazahat karna- Unknown by ghayal_shayar in Urdu Poets « 1 2 All »
	saathoN ki kasoor ho geya--Unknown by ghayal_shayar in Pain in Love : Punjabi poetry

masoom shahjada

Guest

Re: Unknown Target...........masoom

«Reply #151 on: November 02, 2012, 10:45:24 PM »

Update 54
"What... Aa.... Aap sach me pagal ho" Riya shocked si chillayi
.
"HaaN maiN pagal hoN par tumhae pyaar me" Shaan ne sanjeedgi se kahaa. Es waqat uska lahja aur chehra dono cheekh-cheekh kar kah rahe the ki wo sach bol rahaa hai.
.
Riya ek pal ko Shaan ki baato me kho gayi. Par agle pal hi uski najro ke saamne subah ka wo manjar ghom gayaa jisme wo uski mammi ke lab chus rahaa tha. Jise yaad karte hi wo nafrat se boli........"Tum kam se kam apni gandi jubaan se pyaar jaise pakija rishte ka naam lekar use sarmshaar mat karo"
.
Riya ki baat sunkar ek lamhe ko Shaan ke chehre pe ek saaya sa lahraya. Jise usne jaldi se chupa liya aur bola...."Pyaar jubaan se nahi dil se kiyaa jata hai meri jaan. Ek baar tum mere dil me jhank kar dekho tumhe apne liye etna pyaar najar aayega. Jitna duniya me paani bhi nahi hai"
.
"Mujh se aesi behuda bakwaas dubara ki to sach kah rahi hoN. Gaal pe ek jordaar thappad maruNgi. MaiN bilkul bhi nahi sochugi ki tum Sanjana ke kyaa lagte ho" Riya gusse me pagal si hote huye boli
.
"Arre tum maaro to sahi tumhare mulayam mulayam hatho se pitne ke liye mere gaal kab se taras rahe hai" Shaan uski aur thora sa jhukte huye bilkul kisee majnu ke andaaj me bola
.
Ab we Sanjana ke ghar tak aa chuke the. Riya ne uske monh aur lagna achchaa nahi samjha. Aur wo car ka gate kholkar andar chali gayi.
.
Shaan use jata dekh kar muskurata raha. Jab wo andar dakhil ho gayi to khud se bola.... "Kash me tumhe bataa pata ki maiN tumse kitni muhabbat karta hoN. Tumhaare liye kitna tadapta hoN. Kash maiN tumhe bataa pataa ki mere dil ki har dharkan tumhaaraa naam le-lekar dharkti hai. Mere khoon ka har katra tere ishq ko mere pore shahir me failaaye rakhta hai.
Kaash ki maiN tumhe bataa pata....."
.
Fir wo apni car se utar aur us room me pahoNcha jo Sanjana ne use diya tha. Room me phonchkar Shaan ne apni jeb se rumaal me lipti huyi wo rivolver nikaali aur aese hi ek safe jagah chipa di.
Aur fir room se niklaa aur apni car tak aaya aur car ko start karke ek taraf ko daura di
.
Udhar Riya Sanjana se baate kar rahi thi..
"Ye Shaan kuch pagal bhi hai kyaa" Riya ne Sanjana se pocha
.
"Kyaa matlab hai tera" Sanjana aese andaaj me boli jaise use Riya ki baat bilkul samajh na aayi ho
.
Jawaab me Riya ne raaste wali saari baat use kah sunayi.
.
Jise sunkar Sanjana muskurayi aur boli..."Tujhe malom nahi Shaan ek Police Inspector hai. Usne unko smoking ke liye nahi balki kisee aur wajah se mara hoga. We jaror bahut bare mujrim hoge"
.
Shaan police inspector hai, ye baa Riya ke liye kisee dhamaake se kam nahi thi. Wo kuch der tak kuch bolne ke kabil hi nahi rahi.
.
Riya ko hairaan hote dekh Sanjana boli..."Tu to aaj Shaan bhaai ke saath date pe jaane wali thi. Fir yahaaN mere ghar kyaa kar rahi hai"
.
"Tu ne mujhe pagal samajh rakhkha hai kyaa jo maiN shadishuda logo ke sath date karti firoN" Sanjana ki baat sunkar Riya tunak kar boli
.
"Tujhe kisne bataaya ki Shaan shadishuda hai" Sanjana hairan si hote huye boli
.
"Kal khud Shaan mujhe apne bete Shiva se milaane le gayaa tha" Riya Sanjana ki baat sukar chonkte huye boli
.
"Shaan Shiva ka baap nahi hai" Sanjana boli
.
"To kyaa Maa hai. Shayad Bhagwaan bhi inshano ki tarah naye-naye experiment kar rahe hai. Tab hi to Shiva ka janam Shaan ki wife ke bajaaye Shaan ki kookh se karwaya" Riya majak uraate huye boli
.
"Ab, agar tu apni chooNch band rakhkhe to Shiva ki asliyat, Main tujhe bataao" Sanjana ne chirkar kahaa
.
"OH! To kya Shiva bhi kisee naye prakar ka jeev hai. Bhagwaan ko shayad aaj-kal koi kaam nahi hai. Esiliye naye-naye jeevo ka aviskaar karne me lage huye hai" Riya abhi bhi serious nahi thi. Wo Shaan ka mazaak uraa rahi thi yaa shayad us par apna gussa nikaal rahi thi
.
"Shiva Shaan ka beta nahi bhateejaa hai, idiot" Sanjana thora gusse me boli. Use Riya ka es tarah Shaan ka majaak uraana bilkul achchaa nahi lag rahaa tha
.
Ab choNkne ki baari Riya ki thi. Sanjana ki baat sunkar Riya jo ab tak haNs-haNs kar Shaan ka majaak ura rahi thi ek dam gung si rah gayi
.
"Shaan ke papa pahle Faizaabad me rahte the....." Sanjana ne Riya ko chup dekh bolna suru kiya
.
"Kya Shaan Faizaabad se hai" Sanjana se apne purane shahar ka naam sunkar Riya choNkte huye boli
.
"HaaN Shaan ke papa pahle jahaaN tum rahti thi usi shahar me kisee company me manager the. Shaan ke high-school karne ke baad, Shaan ke papa ko unki company ne Kota shahar bhej diya.
.
Shaan ke papa ke bas do hi aoulaad thi, Shaan aur uske bare bhaai.
Shaan ak to ghar me sabse chota tha. Dosre wo hai hi etna khobsurat ki kisee ko bhi dekhte hi us par pyaar aa jaye.
Esiliye ghar me sab Shaan ko jaan se bhi jayaada chaahte the..
Aur Shaan bhi sabse bahut pyaar karta tha.

...........................
(Jaaree....)


	Logged

masoom shahjada

Guest

Re: Unknown Target...........masoom

«Reply #152 on: November 02, 2012, 10:58:03 PM »

Update 55

".....Aur Shaan bhi sabse bahut pyaar karta tha.
.
Par use ak bahan ki kami hamesha mahsos hoti thi. Jab uske bhaai ki shaadi huyi to ye kami uski bhabhi ne aakar pori kar di.
Shaan ki bhabhi Shaan ke laad bilkul bari bahan ki tarah uthati thi. Shaan ko bhi bhabhi ke roop me ek bahan mil gayi thi.
.
Shaadi ke do saal baad Shaan ki bhabhi ne ak bachche ko janam diya. Wo kahte hai na ki bachche apne paripar me hi kisee par jaate hai.
Shiva bilkul apne chaacha Shaan pe gaya tha. Shaan ke jaise hi nain-nakas aur sakal-ao-surat. Bas wo khobsurati me Shaan ke jaisa nahi tha.
Shaan to bhatijaa paakar bahut khush tha. Bas pore din Shiva ke sath khelta rahta.
.
Shaan ke bhaai reporter the. Ak baar unke haath kisi khatarnaak gang ke khilaaf kuch saboot mil gaye the. Par unki kismat kharaab thi, eski bhanak kisi tarah us gang ko bhi lag gayi.
.
aj se 5 saal pahle, ek sham Shaan Shiva ko park me khilane le ke gaya tha. Ki we gangester Shaan ke ghar aaye aur Shaan ke Bhaai-Bhabhi, Mammi aur papa sabko goli maarkar. We saboot cheenkar le gaye.
.
Shaan us waqat totkar bilkul bikhar gayaa tha. Use Karan aur Shaan ki ek bahut gahree dost Rani ne kisee tarah samhaala.
.
Rani bechaari ne bhi apne maa-baap bachpan me hi kho diye the. Esliye wo jaanti thi ki bin Maa-Baap ke bachcho ki kitni khawahishe monh tak aane se pahle hi dam tor jaati hai.
.
Shaan aur Rani ne faisla kiya ki we Shiva ko kabhi khabar nahi hone dege ki uske Maa-Baap mar chuke hai.
.
Shaan ne apna purana ghar chor diya aur nayaa ghar lekar Rani aur Shiva ke saath us me sift ho gaya.
.
Rani ne apni padaai chor di aur Shiva ko bilkul apne bachche ki tarah pala.
.
Abhi pichle saal hi Shaan ne Shiva ka admission es shahar me karwaya aur apne liye ek ghar khareedkar usme sift ho gaya. Rani abhi bhi usi puraane ghar me rah rahi hai.
.
Karan aur mujhe chorkar kisee ko bhi nahi pata hai ki Rani aur Shaan shadisuda nahi hai. Aur Shiva Shaan aur Rani ka nahi balki Shaan ke bhaai ka beta hai.
.
Rani Shan aur Shiva se bahut pyaar karti hai. Aur Shaan bhi Rani ko baht chaahta hai. Fir bhi jaane kiyOn dono ne ab tak shadi nahi ki hai" Sanjana ne apni baat pori kar ke Riya ko dekha. Riya ki aankho se aansu bah rahe the.
.
Riya Rani aur Shaan ke baare me soch rahi thi.
Ek taraf Rani jisne apne pyaar ke liye apna career barbaad kar daalaa tha aur Shaan aur Shiva ko samhaala tha.
To dusri taraf Shaan jo apna sab kuch gavaa ke bhi muskura sakta tha. LogoN ko haNsa sakta tha.
.
Riya ke dil me Shaan aur Rani ke liye bahut izzat paida ho gayi.

..............................
(Jaaree....)


	Logged

masoom shahjada

Guest

Re: Unknown Target...........masoom

«Reply #153 on: November 03, 2012, 12:10:54 AM »

Update 56

Shaan apni car tej raftaar se bhagaye ja raha tha.
Usne apni car ak Hospital ke aage roki.
Aur hospital me enter ho gaya.
Usne hospital ke staff se us shakas ka photo dikhate huye pocha ki kya ye abhi-abhi es hopital me admit hua hai, jise abhi kuch der pahle Shaan se larte huye usi ke sathi ne jakhmi kar diya tha.
.
Pahle to unhone jawaab dene me aana-kani ki par jab Shaan ne btaya ki wo police inspector hai tab unhone bataaya ki, ki wo aadmee es hopital me admit nahi huaa hai. Shaan ne unhe apna mobile number diya aur ye kahte huye hospital se nikal aaya ki agar ye aadmee es hospital me admit ho to use call kare.
.
Uske baad Shaan ak ke baad ak pore 4 hospital me gaya. Par wo kaheeN admit nahee tha.
.
Shaan ab soch raha tha ki agar wo suspend na hota aur Riya uske saath nahoti to wo us mujrim ko aese hi nahee jaane deta.
.
Ab Shaan ne apni car ka rukh J.K. Hospital ki taraf kar diya tha. Abhi Shaan apni car J.K. Hospital ke aage rok hi rahaa tha ki uska mobile...."Hame jabse muhabbat ho gayi hai... Ye duniya khoobsurat ho gayi hai" kar karke bajne laga
.
Shaan apne ak hath se car ka gate khola aur dosre hath se mobile apni jeb se nikaalte huye niche utra. Shaan ne dekhaa Call Karan ki thi
.
"Hello" Dosri taraf se Karan ki aawaj aayi
.
"Abe kaisa hai tu" Shaan bola
.
"MaiN to theek huN. Par aaj tumhe kya ho gaya hai. Tum to hamesha tum se baat karte the. Aaj abe aur tu kya kya bol rahe ho" Dosri taraf se Karan ki kuch hairatjada si aawaj aayi
.
"Sab teri wife ne sikhaya hai"
.
"Tumhara suspension cancel ho gaya hai. Ab tum Raj Bhagwat wale case par mere sath kaam karoge. Tum aaaj hi yahaaN aa jao" Karan Shaan ki baat ka jawaab diye bina bola
.
"Tu ne kya mujhe apna nokar samajh rakhkha hai" Shaan ne jra sa tej lahje me kahaa
.
"Kya matlab"
.
"Koi matlab nahi. MaiN aa rahaa huN" Shaan Karan se baat karte-karte Hospital me recepsion ke paas aa gaya tha. Esliye Shaan ne Karan se aur koi bakwaas nahi ki aur Call disconnect kar di
.
Shaan recepsion ki taraf baraa ki piche se kisee ne kisee ko pukara..."Vikraant kahaaN ja rahe ho"
.
Ye naam sunte hi Shaan ko yaad aaya ki wo aadmee jisse subah Shaan ki bhirant huyi thi uska naam bhi Vikraant hai. Shaan subah se uska naam baar-baar yaad karne ki koshish kar rahaa tha par use yaad aa hi nahi rahaa tha.

.
Shaan ne recepsion pe vikraant ke baare me malom kiya to malom hua. Abhi mushkil se ak ghante pahle wo yahaaN admit hua hai. Shaan ne uska room no. Pocha aur us room ki taraf chal diya.
.
Shaan jab us room me phoNcha to dekhaa Vikraant behosh paraa hai. Aur use khoon charayaa ja raha hai.
.
Shaan ne doctor se baat ki, Doctor ne bataaya kal subah use yahaaN se chutti de di jayegi.
.
Shaan Doctor se ye maloom karke teji se baahar nikla aur apni car ki taraf aaya. Car start karke usne Sanjana ke ghar ki taraf maur di.
.
Aur can se bluetoot lagate huye, Sikandar ko call lagayi..
"Hello, Shaan sir kaise hai aap" Dosri taraf se call pick karte hi Sikandar bola
.
"Main ekdam mast hu. Tum sunaao tumhare kya haal hai"
.
"Main bhi theek huN sir"
.
"Tum bilkul abhi leave lo aur pauri ke liye niklo" Shaan bola. Shaan es waqat jis shahar me tha uska naam pauri tha
.
"Sir, bilkul abhi leave lene ke liye to koi bahaana chahiye" Sikandar kuch der sochne ke baad bola. Use bhi malom ho chuka tha ki Shaan ka suspension cancel ho chuka hai. Aur wo ye bhi soch raha tha ki Shaan use kisee bahut jarori kaam ke liye pauri bula rahaa hai. Par kuch der tak sochne ke baad bhi jab use koi bahaana na sujhaa ki leave kaise li jaaye to use Shaan se ye bolna hi paraa
.
"Kah do tumhara hone wala bachcha, rashta bhatak kar pauri pahoNch gaya hai. Tum use lene jaa rahe ho"
.
"Sir, meri to abhi shadi bhi nahi huyi hai"
.
"OH, aesa hai kyaa... To kah dena.. Tumne apni 2 bachcho ki kunwaari girl-friend ko pahli baar pragnent kar diya hai. Uska pati tumhari jaan ke piche par gaya hai. Esliye tumhe apni jaan bachane ke liye ... Ye shahar chor ke jana par raha hai"
.
"Sir leave hi leni hai na.. Abhi le leta huN. Par pauri kis liye aana hai" Shaan ki betuki baate sunkar Sikandar jaldee se bola ki kahee shaan sir fir se suru na ho jaaye
.
"YahaaN J.K. Hospital me ak aadmee jiska naam Vikraant hai, room no. 19 me admit hai. Jiski photo mene abhi tumhare number pe M.M.S. Ki hai. Tumhe us par najar rakhni hai. Usse kaun milne aata hai. Aur Hospital se dis-charge hone ke baad wo kahaaN jaata hai. Sab information mujhe deni hai" Es baar Shaan sanjidgi se bola tha
.
"O.K. Sir"
.
"Or haaN tum leave mere kahne pe le rahe ho aur pauri aa rahe ho. Iska jikr kisee se bhi mat karna. Karan se bhi nahi"
.
"O.K. Sir"
.
"Abhi tak O.K. Hi kar rahe ho jaldi leave lo aur Shaam se pahle-pahle yahaaN aa jaao" Etna kahkar Shaan ne Call disconnect kar di
.
Call disconnect karne ke baad Shaan ne Chiraag ka number dial kiya.

................................
(Jaaree....)


	Logged

masoom shahjada

Guest

Re: Unknown Target...........masoom

«Reply #154 on: November 03, 2012, 12:21:04 AM »

Update 57

Call disconnect karne ke baad Shaan ne Chirag ka number dial kiya.
3-4 bail jaane ke baad Chirag ne call pick ki. Aur call pick karte hi bola..."Hello"
.
"Hello" Shaan bhi bola
.
"Mubarak ho sir aapka suspension cancel ho gaya"
.
"Ye karnama kisne anjaam diya"
.
"Hamari nayi ASP ne"
.
"KiyoN purane wale ka transfer ho gaya kyaa" Shaan thori hairat se bola use Dev ke acsident ke baare me nahi pata tha
.
"HaaN sir unka transfer to es duniya se hi ho gaya hai" Chirag bola. Aur uske baad Chirag ne Shaan se Dev ke acsident ke baare me bataya
.
Chirag ki baat sunkar Shaan ke labo par ek dilkash muskurat aakar baith gayi. Aesa lag rahaa tha jaise wo koi baat jaan gaya ho. Jise sochkar wo muskuraye ja raha ho.
.
"Nayi ASP kaun hai. Aur kaisee hai"
.
"Naam Anita hai. Bahut karak aur gusse wali hai. Duty join karte hi Karan sir ki waat laga di hai"
.
"Maine abhi-abhi, tumhe 2 photo M.M.S. Ki hai. Chech karo. Agar enka koi criminal record hai to mujhe inform karo" Shaan ne etna kahkar Call disconnect kar di
.
Shaan ne Chirag ko call lagane se pahle use Vikraant aur uske sathi ki photo MMS kar di thi
.
Ab Shaan Sanjana ke ghar pahoNch chuka tha. Shaan ne apni car roki aur Dev ke baare me sochta huaa apni car se niche utra aur ghar me dakhil ho gaya
.
Ghar me dakhil hote hi Shaan ne dekha Riya aur Sanjana saamne hi chair pe baithee huyee bate kar rahi hai. Aur dono ki aankhe nam hai.
.
Shaan ne Riya ki aankho me nami dekhi to tadap ke waheeN gate pe khara rah gaya. Uski aankhe bhi nam hoti chali gayi.
Kuch der tak Shaan waheeN khara Riya ko dekhta raha. Fir apni aankhe saaf ki aur ek thandi saans lekar, dhire-dhire kadam dono ki taraf baraa diye
.
"Bhabhi, MaiN jaa raha hoN" Dono ke paas pahoNchte hi Shaan bola
.
Riya aur Sanjana Baate karne me khoyi huyi thi ki unhe Shaan ke aane ka pata hi na chala tha. Shaan ki aawaj sunkar dono chonkee.
Aur Sanjana Shaan ko uljhee huyi nigaho se dekhti huyi boli.."KahaaN ja rahe ho"
.
Riya ki nigaahe bhi Shaan pe tiki huyi thi. Wo bahut hamdardi se Shaan ko dekh rahi thi.
.
"Kota, mera suspension cancel ho gaya hai"
.
"Wow... Par aaj hi chalna hai kya" Sanjana khushi se ujhalte huye boli
.
"Aaj hi nahi balki abhi chalna hai"
.
"Par maine to abhi packing bhi nahi ki hai. Packing karne me to bahut der ho jayegi. Aur mammi bhi abhi market gayi huyi hai" Sanjana pareshaan si boli. Sanjana ki mammi apne sath mobile nahi le jati thi.
.
"To aap yaheeN rahe. Mera abhi jana bahut jarori hai" Shaan kahta huaa apne room ki taraf bar gaya
.
Sanjana pareshaan si use jaate huye dekhti rahi. Sanjana ne time dekha 11:30AM ho rahe the.
.
"Riya tum Shaan ki packing karne me madad karo. Etna MaiN Shaan ke khaane ke liye kuch banaati huN" Sanjana ne Riya se kahaa. Aur kahte hi kitchen ki aour bar gayi
.
Riya ne Sanjana ko jaate huye dekha aur Shaan ke room me aa gayi.
.
Abhi wo kamre me dakhil hi huyi thi ki saamne ka manjar dekhkar uski haNsi chut gayi.
Shaan jaldee-jaldee apne kapre beg me thosne laga hua tha.
.
HaNsee ki aawaj sunkar Shaan ne apna sar uthakar dekha to Riya ko be-tahasha hanste huye paya.
Riya ka khilkhila-kar hansta hua chehra kuch etna khoobsurat lag rahaa tha ki Shaan use ek-tak dekhta hi rah gaya
.
"Laao beg mujhe do, MaiN karti hoN paking" Riya Shaan ki taraf barte huye boli
.
Shaan ne kisee robot ki tarah beg Riya ko thama diya aur piche hatkar bed pe baithkar pyaasee-pyaasee nigaho se Riya ko dekhne lagaa.
.
Shaan Riya aese dekh rahaa tha jaise, wo Riya ko apni nigaho me basa lena chaahta ho. Apni sanso me utar lena chahta ho. Apne dil me apni dharkano me hamesha ke liye use kaid kar lena chaahta ho..
.
Riya apna sar jhukaye packing karne me lagi huyee thi. Wo Shaan ko nahi dekh rahi thi. Achanak packing karte-karte Riya boli...."Rani kaisee hai"
.
Riya ki aawaj sunkar Shaan hosh me aaya. Par wo Riya ki baat sahi se sun nahi paya tha esliye bola..."Kya kaha aapne abhi"
.
Shaan ke monh se apne liye aap sunkar Riya chonki aur apna sar uthakar use dekha. Aur fir kuch der baad boli......"Rani kaisee hai"

--------------------
(Jaaree...)


	Logged

masoom shahjada

Guest

Re: Unknown Target...........masoom

«Reply #155 on: November 03, 2012, 12:35:35 AM »

Update 58

Wo naqaabposh jisne maar-maar ke Dev ka peshaab nikaal diya tha. Aaj Kota Shahar ke ak bahut bare Bonglow me , ak naram-naram bed pe laita huaa hai.
.
Par ye Bonglow wo wala Bonglow nahi hai jisme usne Dev ko bandhak bana rakhkha tha.
.
Us bonglow me to koi chiriyaa bhi dikhayi nahi de rahi thi. Par es bonglow me to bahut chahal-pahal hai. Ghar me nokaro ki ak fauj kaam karne me lagi huyi hai.
.
Abhi wo shakhas uthne ke baare me soch hi raha tha ki room ka gate kholkar uski nihayat haseen biwi andar dakhil huyi. Aur uske paas aakar uske galo ko chumte huye boli..."Ajeet darling aaj office nahi jana hai kya. 11 bajne ko hai. Ab to uth jaao".
.
Ajeet ne kuch kahne ki bajaye use apni aur ko kheeNchaa. Wo kisee khilone ki tarah uske upar aa giri.
Usne kuch bolne ke liye apna monh kholna chaha. Par Ajeet ne uske labo pe apne lab tika diye jisse uski baat uske labo me hi dabkar rah gayi.
.
Kuch der baad jab dono alag hu'ae to Dono ki sanse bahut tej chal rahi thi. Kuch der me jaakar jab un dono ki sanse normal huyi to . Uski biwi boli...."Aap bhi na jab bhi dekho, tab hi suru ho jate hai". Etna kahkar wo narajagi se baahar jaane lagi
.
"Aapko dekhkar khud pe control karna to bahut julm hota hai" Ajeet bed pe baithe-baithe hi uske piche se chillaya
.
Jise sunkar uski biwi ke chehre se banwati narajgi ud gayi aur. Aur labo pe ek pyari si muskurahat aa gayi. Wo jate-jate ruki aur apni gardan ghuma ke bari ada se ek najar Ajeet pe dali.
.
Ajeet to uski es ada pe mar hi mita. Wo bed se jaldi se utra aur uski taraf bara. To wo muskurate huye bhaag gayi.
Ajeet bhi uske piche bhaga. Par jab apne room se baahar nikla to dekha saamne se uski beti aa rahi hai. Jise dekhkar Ajeet waheeN ruk gaya. Aur uski biwi use aguntha dikhate huye chali gayi
.
Uski beti uske hi taraf aa rahi thi. Jaise hi wo uske taraf aayi. Ajeet bola...."Beta aaj aap school nahi gaye"
.
"Papa dil nahi kar raha tha" wo bachchi bari masomiyat se boli
.
"Kya huya hai hamare bete ke dil ko" Ajeet ne jhuk kar bare pyaar se apni beti ke gaal ki kiss lekar kahaa
.
Kuch der tak wo apni beti se baate karta raha. Aur fir apne room me aa gaya. Aur kuch hi der baad wo tayyar hokar apni car ko Bonglow se nikaal rahaa tha.
Bonglow se car nikaalne ke baad wo dhire-dhire apni car road pe chalaane laga.
.
Aur usne apni jeb se apna mobile nikala aur ek number dial kiya.
.
Jald hi dosri taraf se call recieve ki gayi. Aur aawaj aayi.."Hello Boss"
.
"Hello, Vicky informer ke baare me kuch malom hua" Wo gurraaya. Es waqat uski aawaaj se darindagi tapak-tapak ke gir rahi thi
.
"Jee nahi Boss, abhi tak C.B.I. Waale bhi kuch malom nahi kar paaye hai" Dosri aour se Vicky ki aawaj aayi
.
"Unse kah do ya to bahut jald informer ko dhond nikaale warna unhe goli maar di jayegi"
.
"Jee Boss maine Police ko bhi informer ki talaash me lagaa diya hai"
.
"O.K. Aur tum log bhi hath pe hath rakh ke mat baithe raho. Informer ko talaash karo warna tum sab ke haath per kaat daaluNgaa" Ajeet dahaara
.
"Jee Boss, ham bhi use dhoNdhne me lage huye hai" Vicky ki kaNmpti huyi si aawaz aayi
.
"Theek hai, maiN rakhta huN" Etna kahkar Ajeet ne Call dis-connect karni chaahee par dosree taraf se Vicky ki aawaj sunkar use rukna para
.

Vicky kah rahaa tha.."Boss..Boss... Sunu.... Ek jaruri baat hai"
.
"Kyaa hai"
.
"Boss, Red 001 ka murder jis din huaa. Usse pichli shaam. Uska jhagra monty se huaa tha"
.
"Ye Monty kaun hai"
.
"Shahar ka ak mamoli gunda"
.
"Kitne larke hai uske paas"
.
"Chaar"
.
"Shaam tak we charo es duniya me nahi hone chahiye. Aur Monty mere paas jinda pahoNch jana chahiye. Agar aesa na huaa to tum sabko maut ka zaam pila dunga" Ajeet gusse ma dahara aur Call disconnect kar di

----------------------
(Jaaree...)


	Logged

masoom shahjada

Guest

Re: Unknown Target...........masoom

«Reply #156 on: November 03, 2012, 12:46:41 AM »

Update 59

Shaan ke monh se apne liye aap sunkar Riya chonki aur apna sar uthakar Shaan ko dekha. Aur fir kuch der baad boli...."Rani kaisee hai"
.
Riya ki baat sukar Shaan ko samajhne me der nahi lagi ki Sanjana uski jindagi ke kuch panne Riya ko suna chuki hai.
.
"Achchi hai" Shaan ne chota sa jawab diya
.
"Aap bahut khus-hnaseeb hai jo aapko Rani jaisee lover mili hai. Jo apne pyaar, apni chaahat, apni muhabbat ke liye koi bhi kurbani de sakti hai. Usko hamesha kush rakhna" Riya pore kholush se boli. Jabse usne Sanjana se Rani ke baare me suna tha. Wo usse ek lagaav sa mahsos kar rahi thi
.
"Agar kisee tut-kar bikhar chuke inshaan ko koi samhaale. Aur use samet-kar fir se jindagee ki taraf laaye. Aur wo use khush na rakh paaye to wo bahut bad-naseeb hoga. Aur bad-kismati se aesa bad-naseeb maiN bhi hoN" Shaan dard bhari aawaj me bola. Uski aankho me aansu se aane lage the. Jise chipaane ke liye Shaan ne apna chehra dosri taraf mor liya
.
Par Riya uskee aankho me nami dekh chuki thi. Shaan ki aankho ki nami ne Riya ke dil pe asar kiya. Uske dil me ek ajeeb si baicheni si hone lagi.
.
"Aapki baat ka kya matlab hai" Riya Shaan ki bat ka matlab nahi samajh payi thi. Esliye use Shaan se pochna paraa
.
"Choro en bekaar ki baato ko, ye bataao, aapne kabhi kisi se pyaar kiya hai" Shaan ne etna kahkar apni najre Riya ke chehre pe tika di. Aur bari bekarari se Riya ke jawaab ka intizaar karne lagaa. Uska dil bhi Riya ka jawaab sunne ke liye tej-tej dharakne lagaa tha.
.
"HaaN maiN apne boy-friend se pyaar karti hoN" Riya packing karte-karte boli. Wo es waqat apna sar jhukaaye packing kar rahi thi
.
Riya ki baat sunkar Shaan ka dil kirchi-kirchi ho gaya. Uska khoobsurat chehra murjha gaya aur aankho se aansu bahne lage.
.
"Kaun hai wo" Shaan ek dard bhari aawaj me bola. Shaan bahut koshish kar rahaa tha ki kisee tarah uske aansu ruk jaaye par paani par kisi ka jor hota hai kya. Pani to jab ufaan pe aata hai to bahta chala jata hai, aur apni raah me aane wali har cheej ko barbaad kar jata hai. Aur Aaj aansu'ao ke paav taley Shaan kuchlaa ja raha tha
.
Shaan ki dard bhari aawaj sunkar Riya ne apna chehra uthakar Shaan ko dekha to Shaan ro rahaa tha...Riya kuch der tak Shaan ko ajeeb najro se dekhti rahi fir boli.."Sameer, par aap ro kiyoN rahe hai", Ab Riya use kya bataati ki wo jisko chaahti hai. Uske baare me kuch nahi jaanti. Esliye use jaldee me jo naam yaad wo hi le diya
.
"Wo... Aankho me kuch gir gaya hai" Shaan ne etna kahaa aur bed se uthkar. Tej-tej kadam uthata huaa bathroom me guns gaya.
.
Riya hairaani se Shaan ko bathroom me jaate huye dekhti rahi. Aur fir kuch na samajhne ke andaaj me apne kandhe uchkaa diye
.
Ab Riya packing complete kar chuki thi. Esliye Shaan ke room se nikal kar kitchen me aa gayi aur Sanjana ki madad karne lagi
.
Udhar bathroom ke andar Shaan roye jaa rahaa tha. Jitne aansu wo apne chehre se saaf karta usse jyada aansu jraa hi der me uske galo pe fail jaate. Shaan ka rote-rote bura haal ho rahaa tha.
.
Etna rona to use jab bhi nahi aaya tha jab usne apni family ko khoya tha. Kareeb 20 minute tak Shaan aansu bahaata raha. Uske baad usne ragar-ragr ke apna chehra paani se dhoya aur baathroom se baahar nikla.
.
Bathroom se baahar aakar usne dekha ki Riya packing karke jaa chuki thi.
.
Shaan ne wo rivolver jo Vikraant ka tha wo bhi apne beg me rakh liya.
.
Aur fir kuch der tak bed pe aese hi baitha raha uske baad usne beg uthakar apne kandhe pe latkaya aur apne chehre pe ek banaawati muskurahat sajaata hua apne room se baahar nikla
.
Par baahar nikal kar usne charo taraf najar doraai to use koi najar nahee aaya. To wo "Bhabhi... Bhabhi aap kahaaN hai" Kah kar chillane laga
.
Shaan ki aawaj sunkar Sanjana kitchen se nikli.. Aur Shaan ko beg latkaye dekh kar boli...."Shaan etni jaldee kahaaN ja rahe ho. Bas 5 minute aur ruko. Khana tayyar hai. Khana kha kar jana.. Aur ye aapki aankhe laal kiyoN ho rahi hai"
.
Shaan bathroom me bahut der tak rota raha tha. Esliye uski aankhe surkh ho gayi thi
.
"Wo aankho me kuch gir gaya tha. Aur ek minute bhi rukne ka time nahi ha. Mujhe aaj hi duty join karni hai" Shaan jaldee se bola. Wo ab Riya ka saamna nahi karna chaahta tha. Use dar tha ki kaheeN Riya ko dekhte hi uski aankhe fir se barsaat na karne lage.Esliye wo jald se jald yahaaN se nikalna chaahta tha
.
"Par aapki to dono aankhe laal ho rahi hai. Kya dono aankho me kuch gira hai"
.
"Jee haaN bhabhi, dono aankho me kuch gir gaya tha"
.
"Abhi mammi bhi nahi aayi hai. Mammi ke aane tak ruk jaao" Sanjana boli
.
Un dono ki baate sunkar ab Riya bhi kitchen se baahar aakar Sanjana ke sath khari ho gayi thi
.
Riya pe najar parte hi Shaan ke dil me ek huk si uthi. Aur uske chehre se muskuraahat gaayab hone lagi. Par Shaan jald hi samhala aur banawati muskurahat ko dobara apne chehre pe sajaata hua bola.."Nahi ab ek second bhi aur nahi ruk sakta"

--------------
(Jaaree...)


	Logged

masoom shahjada

Guest

Re: Unknown Target...........masoom

«Reply #157 on: November 03, 2012, 12:59:43 AM »

Update 60
Riya pe najar parte hi Shaan ke dil me ek huk si uthi. Aur uske chehre se muskuraahat gaayab hone lagi. Par Shaan jald hi samhala aur banawati muskurahat ko dobara apne chehre pe sajaata hua bola.."Nahi ab ek second bhi aur nahi ruk sakta"
.
Aur bare-bare kadam uthaata hua ghar se baahar aa gaya. Saamne hi uski car khari thi. Wo apni car tak aaya aur car ka pichla door khol ke car ki pichli seat pe apna beg rakhkhaa aur door band kar diya. Fir car ka agla dawaja kholkar driving seat pe baith ke car start ki.
Aur Sanjana aur Riya ki taraf ek fiki si muskurahat uchalte huye car aage bara di.
.
Car jaise hi aage bari uske chehre pe chayi huyi muskurahat ki rosni kam hone lagi aur kuch hi palo ke baad pori tarah bujh gayi.
Ab uske chehre pe dard, gam aur udasee ka andhera chaa gaya tha.
.
Uske seene me ajeeb tarah ka dard ho raha tha. Use Aesa lag raha tha jaise uska dil kirchee-kirchee ho gaya ho. Aur we kirchiyaaN uske seene me chup rahi ho.
.
Uska dil baar-baar bhar aa raha tha. Bari mushkil se wo apne aansu roke huye tha. Par jaise hi uski car shahar se nikli to uska jabt jawaab de gaya. Sabr ka daaman jo wo majbotee se thame huye tha . Uske hath se chut gaya.
.
Uski aankhe bhar aayi. Aur saamne ka rasta dhundhla-dhundhla najar aane laga. Es dar se kaheeN acsident na ho jaye, usne apni car road ke kinaare rok ke khari kar di, aur apna sar sterring se tika kar be-aawaj aansu bahaane lagaa.
.
Uski blue-blue aankho se moti tutkar uske gaalo pe girne lage. Aur kuch hi der me uska chehra aansu'ao se pora tar ho gaya.
.
Na jaane kitni der tak wo aese hi aansu bahaata rahta ki uske mobile pe musalsal bajte.."Baithe-baithe rone ki... Rut hai pagal hone ki..." ne uska dhayan apni aour kheeNcha.
.
Shaan ne apni jeb se mobile nikala aur screeen pe number dekhne ki koshish karne laga. Par aansu'ao se labrej aankho se use kuch bhi nahi dikh paya.
.
To usne apne ek haath se apni aankhe saf ki aur dekha. Screen par Chirag ka naam jagmaga raha tha.
.
Shaan ne mobile seat pe rakhkha aur beg se bottle nikal ke thora sa pani piya. Aur fir apne rumal se chehra achchi tarah saaf kiya. Aur bottle fir se beg me rakh di.
.
Etna Shaan ne ye kaam kiya etna call end ho chuki thi. Shaan ne hath barake seat se mobile uthaya hi tha ki uska mobile fir se..."Baithe-baithe rone ki... Rut hai pagal hone ki" karne laga
.
Shaan ne call recive ki aur mobile ko kaan se lagaate huye bola... "HaaN bolo Chirag, kya raha"
.
"Sir, aapne jo photos bheji thi, unme se ek ka naam Vikraant hai. Jispe 3 baar murder ka kes chalaa hai. Par kabhi saza nahi ho payi" Dosri taraf se Chirag ki aawaj aayi
.
"Thik hai, dosre ke baare me btao"
.
"Sir, uska koi criminal record nahi hai"
.
"O.K."
.
"Koi aur order sir"
.
"HaaN, Raj Bhagwat ki party ki wajah se jitne bhi log mare the. Unke naam, kaam ,address aur unka Raj Bhagwat se kya rishta tha. En sabki report aaj shaam se pahle-pahle mujhe mil jaani chahiye"
.
"O.K. Sir mil jayegi" Chirag bola
.
Chirag ki baat sunkar Shaan ne bina kuch kahe Call Disconnect kar di.
.
Chrag se baat karte-karte uska mind kuch-kuch divert ho gaya tha.
.
Shaan ne bluetooth ko apne ek kaan se lagaya aur apne mobile se use connect karne ke baad Karan ka number dial kiya aur apni car ko start karke aage bara di
.
2-3 ring jaane ke baad call recieve ki gayi.
Aur Karan ki aawaj aayi..."Hello Shaan, kahaaN ho"
.
"Bas abhi-abhi pauri se nikla hoN" Shaan bola. Ab usne apne lahje ko khushgavar bana liya tha. Koi kah hi nahi sakta tha ki. Kuch der pahle ye shakas bachcho ki tarah bilak-bilak ke ro raha tha
.
Esse pahle ki Karan Shaan ki baat ka jawaab deta. Shaan khud hi dobaara bola..."Waise maine tere baare me kuch suna hai"
.
"Kya suna hai" Karan ki kuch hairan si aawaj aayi
.
"Ye hi ki aaj subah tu, nayi ASP pe line maar raha tha. Esliye usne teri waat lagaa di" Shaan maje lete huye bola
.
"Kya kah rahe ho yaar. Maine to use sahee se dekha bhi nahi. Tab usne mujhe etna kuch sunaa diya. Agar line maata to jaan se hi maar deti"
.
"Oh! Sit ye baat thi kya... Maine to es baare me bhabhi se bhi discuss kar liya hai" Shaan bare sanjeeda lahje me bola. Par uske chehre pe shaharat naach rahi thi
.
"Abe saale tuje discuss karne ke liye koi aur nahi mila tha" Karan gusse me bola
.

"Aa gaya na tu bhi ABE aur TU par. Subah mujhe lecture de rahaa tha" Shaan ne Karan ko chiraya
.
"Abe aur Tu ko goli maar. Pahle ye bata tujhe ye bakwaas karne ke liye Sanjana ke alawa koi aur nahi mila tha" Karan thora gusse aur thori si pareshani me bola
.
"Mili thi na Aunty, par maine socha ki Aunty thori young hai. Par bhabhi to bilkul teri umar ki hai. To teri haalat achche se samajhti hai. Esliye maine bhabhi aur Aunty me se bhabhi ko chuna" Shaan pore maje le rahaa tha.
Aur dosri taraf Karan ki haalat kharab ho rahi thi.

--------------
(Jari...)


	Logged

masoom shahjada

Guest

Re: Unknown Target...........masoom

«Reply #158 on: November 03, 2012, 01:18:23 AM »

Update 61
Aur dosri taraf Karan ki haalat kharaab ho rahi thi.
.
"Shaan tum pore pagal ho. Tumhe ye bakwaas Sanjana se karne ki kya jarurat thi. Tumhe pata hai Sanjana aesi baato pe kitni jaldee yakin kar leti hai. Ab wo meri haalat kharab kar degi... Aur yakinan ab wo tumhare sath nahi aa rahi hogi." Karan bahut pareshaan sa bol raha tha.
.
Dosri taraf Karan ki haalat dekh kar Shaan apni hansee ko bari muskil se roke huye tha.
.
"Sath aana to bahut door bhabhi ne to kasam khayi hai ki ab tumhara ye tharki chehra tamaam umar nahi dekhegi. Aum mujhe tum se kahne ko kahaa hai ki jis pe line maar rahe the ab usi ke saath rah lege"
.
Shaan ki baat se Karan kuch etna pareshan ho gaya ki uske sar me dard hone laga. Use achchi tarah malom tha ki Sanjana sab kuch nardaast kar sakti hai. Par agar uski najar dhke se bhi kisi larki pe par gayi aur use pata chal gaya. To kyamat aa jaati thi.
Use etna sunati thi ki use najar uthakar khud se baat karne ke kabil bhi nahi chorti thi. Aur fir naraj alag ho jati thi.
Aur khana pina chor deti thi.
Aur fir hafto se pahle nahi maanti thi.
Wese to baahar Karan se achche achche murim darte the par ghar me Sanjana ke gusse aur narajagi Karan ki jaan sukha deti thi
.
"Abe kahaaN kho gaya. Chal kes ke baare me mujhe sab kuch bta" Kafee der tak Shaan Karan ke boolne ka intizaar karta rahaa par jab Karan ne kafi der tak bhi uski baat ka jawaab na diya to Shaan ko bolna hi para
.
"Tum yahaaN aa to rahe ho, khud file study kar lena" Karan mari-maro aawaj me bola
.
"Ye parne-varne ka rog apne bas ka nahi hai. Mujhe to apni pori investigation ke baare me tum hi bataaoge, wo bhi abhi" Shaan apne mast andaaj me bola
.
Shaan ke kahne pe Karan sab kuch use bataa ta chala gaya.
Shaan chup-chap driving karte huye uski baat sunta raha. Jab Karan chup hua to Shaan kuch der tak kuch sochta raha fir bola..."Tum kabhi kisi bhoot se mile ho"
.
"Nahi" Karan bola.
.
"To tayyar raho bahut jald tumhari mulaakat Dev ke bhoot se hone wali hai"
.
"K... Kya matlab hai tumhari baat ka" Shaan ki be-tuki baat sunkar Karan bola
.
"Tu matlab matlab bahut karti hai meri jaan... Arre haaN matlab se yaad aaya. Maine bhabhi se kuch nahi kahaa hai. Tu tension mat le"
.
"Kya sach" Karan khushi se aese chillaya jaise use duniya-ao-jahaan ki sari daulat mil gayi ho
.
"thori der ruk" Shaan ne kahaa
.
"Kya hua" Karan ne hairani se pocha
.
"Tolkar dekta hoN ki 100% sach bola tha maiN ya thora bahut jhot bhi mila hua tha" Shaan ne hanste huye kahaa
.
"Tum bhi na Shaan" Karan ne kahaa
.
"Wese yaar maine to ter manoranjan ke liye thora sa majaak kiya tha. Par teri haalat to kasaai ke saamne katne ko khare huye bakre ki si gayi thi" Shaan ne Karan ka majak uraate huye kahaa
.
"Kaminey tune mera manoranjan nahi kiya tha, meri jaan hi nikaal di thi" Es baar Karan bhi hanste huye bola
.
"Tu ek kaam kar" Shaan achanak hansna band karte huye bola
.
"Kya"
.
"We chaaro criminals jo tune band kar rakhkhe hai. Apne-apne boss ke baare me kuch nahi jaante"
.
"HaaN unhe bahut maara, bahut torture kiya par yehi rat laga rakhkhi hai ki we apne boss ke baare me kuch nahi jaante" Karan bola
.
"Tu unse unke under kaam karne wale unke sabhi aadmiyoN ka naam, pataa aur jo bhi wo jaante ho poch aur note kar le" Shaan kuch sochte huye bolaa
.
"Theek hai, maiN abhi ye kaam karta hoN" Karan bola
.
"O.K. Bye" Shaan ne etna kah kar Caal disconnct kar di
.
Shaan ko Karan se baat karte-karte 1 hour se jayaada ho gaya tha. Esliye uska gala sokh raha tha.
Shaan ne apni car road ke kinaare roki aur pichli seat pe rakhe huye apne beg se paani ki bottle nikali aur paani piya
.
Paani peene ke baad Shaan ne wo bottle wapis beg me rakh di.
.
Uske baad apne mobile se Rajesh ka number dial kiya aur car start karke aage bara di...

-----------------
(Jari...)


	Logged

masoom shahjada

Guest

Re: Unknown Target...........masoom

«Reply #159 on: November 03, 2012, 01:32:58 AM »

Update 62
Uske baad mobile se Rajesh ka number dial kiya aur car start karke aage baraa di
.
Jald hi dosri taraf se call recieve ki gayi aur Rajesh ki aawaj aayi.. "Hello Sir"
.
"Hello Rajesh, kaise ho"
.
"Aapki duwa'ao se bahut achcha hoN, sir"
.
"Apni jindagi meri duwa'ao ke sahare aage mat baraa warna bahut pachtaana parega. Kuch mahine pahle maine ek shakhas ko duwa di thi. Pataa hai uske sath kya huaa" Shaan ne apne khash style me kahaa. Es waqat wo full masti ke mode me tha. Subah se bahut aansu baha chuka tha esliye ab thora muskurana chaahta tha
.
"Kyaa huaa tha Sir, us aadmee ke sath" Rajesh ne utsukta se pocha
.
"Kal uski biwi ne ek bakri ke bachche ko janam diya. Ab tu bhi meri duwa'ae chaahta hai. To chal tujhe duaa deta hoN ki tumhare hone wale bachcho ka baap bhi tumhari hi biwi ki kokh se janam le"
.
"Sir aap bhi na too much ho" Rajesh jhepta huya sa hanste huye bola
.
"Chal ek baat btaa" Shaan thori der tak hanste rahne ke baad ek dam serious hote huye bola
.
"Pochiye Sir"
.
"Teri koi Girl-Friend hai"
.
"Nahi Sir, Meri koi Girl-Friend nahi hai" Rajes thora sarmate huye bola
.
"Aur teri biwi ki koi girl-friend hai, yaa wo bhi tere jaisee hi hai" Shaan ne Rajesh pe tanj kiyaa
.
"Nahee Sir, wo mere jaisee nahi hai, uski to 3-3 girl-friend hai"
.
"Saale tu ekdam nalayak aur nikamma inshaan hai. Mardo ke naam pe kalank hai. Teri biwi ki aurat hokar 3-3 girl-friend hai. Aur teri mard hokar ak bhi nahee. Sharm aani chahiye. Tujhe kisee gande naale me kodkar apni jaan de deni chahiye" Shaan banawati gussa hote huye bola
.
"Sir koi kaam tha kya" Rajesh jaldee se bola ki kaheeN Shaan fir se suru na ho jaye
.
Par Shaan use aaj saste me maaf kar dene ke mode me nahee dikh rahaa tha. Wo bola..."Kaam to hai par tu kar nahi paayega"
.
"Sir, aap bataao to sahi, MaiN jee-jaan lagaakar us kaam ko karne ki koshish karuNga"
.
"Are you sure?"
.
"100% sure, sir" Rajesh pore confidence se bola
.
"Kal subah mera year 1111 ka 5 ka ek doller letrin ke gadde me gir gaya tha. Wo mera bahut lucky doller hai. Tumhe use baahar nikaalna hai"
.
Shaan ki baat sunkar to Rajesh ke tote hi ur gaye. Wo jaldee se bola..."Sir, ye kaam to mujh se nahi ho payega. Koi aur kaam ho to bataa'eye"
.
"Ak kaam aur tha"
.
"Boliye sir kyaa kaam hai, wo kaam me jaror karuNga" Rajesh fir se pahle jaise confidence se bol rahaa tha
.
"Tu mere saath kal delhi chalna. Meri girl-friend ko kuch real photos chahiye. WahaaN Red-Fort ke sabse unche maale se tum neeche kudna. MaiN tumhari photos lunga" Shaan bare sanjeeda lahje me bola
.
"Sir agar es kaam ko karuNga to MaiN to sidhe upar pahoNch jaaoNga" Rajesh bola
.
"Abe saale jab upar se neeche kodega to niche hi girega na, upar kaise jaayega" Shaan thora gusse me bola
.
"Sir, mera matlab tha agar etni upar se neeche kuduNga to maiN mar jaaoNga. Aur mar kar to sab upar hi pahoNchte hai na" Rajesh Shaan ki gusseli aawaj sukar thora darte-darte bola
.
"Tujhe kaise pataa ki mar kar log upar jaate hai.. Kyaa tujhe kisee murde ne aakar bataaya hai" Shaan ne Rajesh se pocha. Es baar lahja kuch naram tha
.
"Sabhi aesa kahte hai sir"
.
"Chal bahas nahi karte, sidhe practical karke dekhte hai. Tu aesa kar abhi mar ja. Aur marne ke baad tu upar jata hai to mujhe call karna. Fir mujhe teri baat pe yakin aa jayega" Shaan ne Rajesh ko bahut achchaa raashta sujhaya
.
Rajesh kuch na bola usne chup rahne me hi bhalaai samjhee.
Es baar shayad Shaan ko bhee uski haalat pe kuch raham aa gaya. Esliye usne jis liye use phone kiyaa tha wo baat karne laga
.
"Tumhe Karan ne R.T.O. Office bhejaa tha, kya raha" Shaan ne sanjeedgi se pocha
.
"Sir, we do car jo hame, blue cottage ke saamne se mili thi. Unme se ek car to khud Sumit Verma ki hai. Aur dosri car kisee Vivek Khatri ki hai" Rajesh ne jawaab diya
.
"Unka address mila R.T.O. Office se"
.
"Jee sir mila. Sumit Verma ne to usi Blue Cottage ka address likhwaa rakhkha hai. JahaaN se uski laash mili thi"
.
"Aur Vivek Khatri ne"
.
"Sir, usne esi shahar ka address likhwaa rakhkhaa hai"
.
"Theek hai, tum sabse pahle Vivek Khatri ke ghar ka address mujhe message karo. Aur uske ghar jaao. Vivek to wahaaN mila mushkil hai. Aas-parosh se jitni ho sake uske baare me info ekkatti karo aur uska koi photo mil jaaye to bahut achchi baat hai"
.
"O.K. Sir"
.
"Abhi tak OK hi kar rahe ho gaye nahi" Etna kahkar Shaan ne Call disconnect kar di
.
Shaan usse time kaatne ke liye etni bakwaas karta raha tha. Abhi bhi use Kota pahoNchne me kam se kam 2 hours aur 30 minute aur lagne the
.

Shaan ne apne mobile me Bashir Badr ki gazal play ki aur sunne laga
----------

Main bhi shaayad bura nahee hota
Wo agar bewafa nahee hota
.
Jee bahut chaahta hai sach bole
Kyaa kare hausla nahee hota
.
Kuch to majboriyaN rahi hogi
Yu koi bewafa nahee hota
.
Raat ka intizar kaun kare
Aaj kal din me kyaa nahee hota

------------
(Jaaree...)


	Logged

ahujagd

Maqbool Shayar

Rau: 4

Offline

Gender: Male

Waqt Bitaya:
6 days, 1 hours and 34 minutes.
Posts: 842
Member Since: May 2005

Re: Unknown Target...........masoom

«Reply #160 on: November 03, 2012, 01:56:16 AM »

masoom ji,
thanks, ab aayega majha padne ka, I will come back to the thread later on.
ghansham das ahuja,


	Logged

masoom shahjada

Guest

Re: Unknown Target...........masoom

«Reply #161 on: November 03, 2012, 02:03:20 AM »

Update 63
Vicky, ak aesha shatir inshaan jisne 50 se jyada murder kiye the aur tarah-tarah ke gair-kanoni kaam karta tha aur karwata tha par police ke paas uska koi criminal record nahi tha.
Bas police ko ye pataa tha ki koi Vicky hai, jinka bahut se murder ke piche haath hai, par ye Vicky kaun hai, unhe nahee maloom tha
.
Vicky kaun hai ye kuch logoN ko chorkar koi nahee jaanta tha. Unme se ak tha Vicky ka boss Ajeet
.
5 foot 7 inch kad, rang gora aur achche tagre badan ka maalik hai Vicky. Vicky Ajeet ke bharosemand aadmiyoN me se ak hai
.
Vicky ke kaam karne ka tareeka bahut unique hai. Wo aavaaj badalkar apne saathiyoN se baat karta aur unhe kyaa karna hai wo bataaba aur fir khud alag-alag bhesh badal kar unke saath us kaam ko anjaam deta
.
Ab aap khud hi sochiye jiske baare me khud uske aadmee jaankar naa jaante ho, uske baare me koi aur kyaa jaan sakta hai
.
Subah Ajeet se baat karne ke baad Vicky ne apne saathiyoN ko call lagai thi aur unhe Monty ko talaash karke Caal karne ko kahaa tha
.
Dophar ke baad uske ak aadmee jiskaa naam Krish tha, uskaa Call Vicky ke number pe aaya
Vicky ne call recieve kee
.
"haaN bool" Vicky apni aawaj badal kar us khaash andaaj me bolaa . Jisme wo apne saathiyoN se baat karta tha
.
"Vicky Bhaai! Hamne Monty ko talaash kar liya hai. Wo es waqat meri najro ke saamne hai" Dosri taraf se Krish ki aavaj aayi
.
Fir Vicky kuch der tak Krish ko kuch samjhata raha
.
Jab Vicky apnee baat poree kar chuka to Krish bola..."Aesa hi hoga Vicky bhaai"
.
"Aur suno vahaaN maiN John ko bhej rahaa hoN. WahaaN jo karna hoga, wo maiN John ko samjha dungaa" Vicky ne kahaa aur Caal disconnect kar di
.
Call disconnect karne ke baad Vicky room me gaya aur moche lagayi, aankho pe lance lagaye. Aur gaalo pe cream lagaa ke khud ko kuch aur goraa banaaya. Aur sar pe lambe-lambe baalo wali wig lagayee. Aur apne aap ko miror me dekha, ab wo John ban chuka tha
.
Apne es roop me wo 2 baar apne aadmiyoN ke saath kaam kar chuka tha
.
Ab wo room se niklaa aur apni bike uthayi aur us jagah chal diyaa. JahaaN kuch der baad uske saathi Monty aur uske aadmiyoN ko lekar aane waale the
.
Dosree taraf Vicky se baat karne ke baad Krish ne mobile apnee jeb me rakhkhaa aur Monty ki aour barne lagaa, jo kuch door apni bike pe baitha sigret pee rahaa tha
.
Krish uske paas jake rukaa aur bolaa..."Kyaa aap hi ka naam Monty hai"
.
"HaaN maiN Monty hoN, par tu kaun hai" Monty bare style se dhu'ae ke challe uraata huaa bola
.
"Aapse kuch baate karni thi. Aap jaraa aekaant me aane kaa kast kareNge" Krish bari vinarmta se bola
.
"Abe aesi kyaa baat hai, jo tu yahaaN nahi kar sakta" Monty ne pahle hikaarat se Krish ko upar se niche tak ghoor ke dekhaa fir gusse me bola
.
Krish ko uski es harkat pe gussa to aaya par wo apne aap ko kabu me karte hu'ae bola..."Aapke faayde ki baat hai.. Jo yahaaN nahi ki jaa sakti. Aap meri car me aaye, wahaaN aaram se baith kar baate kareNge"
.
Monty kuch der tak sochta raha fir apni bike se niche utarte huye bola.."Chal"
.
Monty ke etna kahte hi, Krish ne apne kadam apni car ki taraf baraa diye, Monty uske piche-piche aa rahaa tha
.
Krish ne apni car ka pichla gate khol ke pahle Monty ko andar baithaya aur fir khud andar baithkar car ka gate band karte hu'ae bola...."Mera set kisee ka murder karaana chaahta hai"
.
"keemat bol"
.
"15 laakh"
.
15 laakh ka naam sunte hi Monty ki aankho me chamak aa gayi. Wo abhi nayaa nayaa aaya tha es field me
Abhi supaari lekar usne sirf do hi murder kiye the, jisme pahle me use 30 hazaar aur doosre muder ke 40 hazaar mile the.
To etnee bari rakam sunkar uskaa khush ho jana savbhavik tha
.
Krish kuch der tak Monty ke chehre pe aane jaane waale rango ko dekhkar muskuraata raha. Aur fir apni muskuraahat chupaate huye bola...."Kisko maarna hai, aur kahaaN maarna hai. Wo sab aapko hamaara set khud bataayega. Jiske liye unhone abhi aapko aur aapke saathiyoN ko bulaaya hai. Waheen we aapko 5 laakh rupiye advance deNge. Aap apne sathiyoN ko jaldi bulaa lijiye. Ham aapko apne set ke paas le chalte hai"
.
5 laakh advance kaa naam sunkar to Monty aur bhi khush ho gayaa. Usne bina koi sawaal kiye aur binaa der kiye apne aadmiyoN ko call lagani suru kar di.
Kuch hi der baad Monty aur uske aadmee piche baithe the.
.
Aur Krish front seat pe aa baitha aur Krish ke doosre saathi ne car start karke aage baraa di.
.
Krish ke 8 aur saathi, jaraa se fasle se unke piche-piche dosri car me aa rahe the
.
Kuch hi der me car ne shahar ko piche chor diya. Aur wo car shahar se lagbhag 2 km door ek factory ke aage jaake ruki. Jo pichle 2 saalo se band pari thi
.
Car rukte hi Krish niche utraa aur idhar-udhar dekhne lagaa.
Saamne hi use ek red color ki bike khari najar aayi, jise dekhkar Krish ke honto pe muskuraahat door gayi.
.
Krish ne Monty aur uske saathiyoN ko apne piche aane ka ishaara kiya aur apne kadam factory ke gate ki aour baraa diye....

-----------------
(Jari...)


	Logged

masoom shahjada

Guest

Re: Unknown Target...........masoom

«Reply #162 on: November 03, 2012, 02:18:52 AM »

Update 64
Factory ka main gate khula hi tha.
Sab andar daakhil ho gaye.
Kuch door jaane pe siriyaN dikhayi di jo niche ja rahi thi. Krish un siriyoN se niche utarne laga, uske piche-piche Monty aur uske sathi bhi niche utar gaye
.
Basement me bahut saare kamre na hokar sirf ek bahut baraa hall banaaya gaya tha. Ye hall upar ke portion ki tulna me bahut saaf suthra tha jo es baar ki aour ishara karta tha ki Krish aur unke log shayad yahaaN aksar aate hoNge.
.
Monty aur uske aadmiyoN ke dil me aesi jagah laane par koi sawaal nahi the kyoNki unhe pahli 2 supari bhi aesi hi ajeeb-ajeeb jagah bulakar di gayi thi.
.
Ab we thora aage bare to unhone dekha, 2 kursiyoN ke beech ek chota sa table rakhkha hua hai, jis par kuch Sharaab ki botaleN, kuch cold drinks aur ek plate me namkin rakhkha hua hai. Aur ek khali glass bhi rakha hai.
.
Ek kursi khali hai aur dosri pe John baitha hai, jiske ek haath me ek glaas hai jisme cold drink hai, jiske wo chote-chote ghont le rahaa hai aur dosre haath se namkin utha-utha ke khaa raha hai.
.
Krish unhe lekar John ke paas pahoNcha. John ne ek najar sabpe daali aur fir muskuraata hua bola..."Aao Monty baitho, pahle sharaab ka mazaa lo, fir baat karte hai"
Aur glass me sharaab nikalne laga.
Monty kursi pe baith gaya. John ne sharaab ka glaas Monty ko pakraya aur khud cold drink peete huye namkeen khata raha. Aur Monty ko ek ke baad ek poore 3 glaas sharaab pila di.

Ab John ke we aadmi jo Krish ki car ke piche-piche aa rahe the, basement me aa chuke the. Basement me aane se pahle we factory ka main gate andar se band kar aaye the.
.
John ne ek najar apne sathiyoN pe daali aur fir Monty ko dekhta huaa bola..."Tumhe 5 logoN ko maarna hai. Har ek aadmi ki jaan ki keemat 3 laakh rupiye"
.
"Maarna kinko hai" Monty ne apne sar ko jhatakte huye kahaa, shayad usko nashaa chadna suru ho gayaa tha.
.
"En chaaro ko" John ne uske sathiyoN ki taraf ishara karte huye bola
.
John ki baat sukar Monty ghabrake kursi se khara ho gaya aur gusse me bola..."Abe kyaa bakwaas kar rahaa hai.. Tu pagal ho gaya hai kyaa"
.
Monty ke sathi bhi ghabraaye huye John ko dekh rahe the. Par
We bechare kuch kar nahi sakte the kyoNki John ke saare aadmiyoN ne ab apni apni pistol nikaal ke un sabko apne nishane pe le rakhkha tha. Agr we ek kadam bhi aage baraate to .. John ke saathi unhe duniya se uthaa dete.
.
"Abhi meri baat pori nahi huyi hai. Baith jaao" John chillaya
.
Par Monty John ki baat sunkar baitha nahi aese hi khara gusse me John ko ghorta rahaa.
.
John ne fir bolna suru kiya..."En charo ki jaan ki keeemat 12 laakh aur tumhari jaan ki keemat 3 laakh. Sab milakar huye 15 laakh. En chaaro ko goli maarkar khud ko goli maar lo aur 15 laakh rupiye le jaao"
.
Etna kahkar John ne apni jeb se pistol nikaal kar Monty ki taraf uchaal di.
.
Jise Monty ne catch kar liay aur John ko nishane pe lete huye bola..."Saale tu hame marega. Tujhe hi goli maarta hoN" aur kahte hi usne trigger dabaa diya. Par ye kya koi goli hi nahi chali, pistol khali thi
.
John khara hua aur ek laat Monty ke monh pe maari Monty kursi pe gira aur fir kursi samet jameen pe jaa gira.
.
"Krish isko kursi pe baithaao" John Krish se bola
.
Krish ne Monty ko uthakar kursi pe baitha diya.
.
Aur Fir John Monty ke saathiyo pe chillaya..."tum chaaro deevar se lag kar khare ho jaao"
.
We chaaro bina kuch kahe piche hate aur deevar se take lagaakar khare ho gaye.
.
"Tum chaaro deevar se chipke raho. MaiN kuch bhi karuN. Agar kisee ne jaraa sa hilne ki ya apni aankh bhi band karne ki koshish ki to. Uski jindagi ki dor kaat di jaayegi" John bola aur apni pistol pe silencer lagaane lagaa
.
Silencer lagaate hi usne ek goli chalaa di jo un charo me se ek aadmi ke sar ke kuch upar jaakar deevar se takraayi. Jis aadmi ke sar ke upar goli jaakar lagi thi usne dar se apni aankhe band kar li
.
Use aankh band karta dekh John ne ek goli chala di jo sidhe jaakar uski aankho me lagi. Aur fir ek ke baad ek 2 goli aur chalaa di jo uske sar me lagi.
Wo aadmee cheekh maarkar jameen pe gira aur kuch pal tadapne ke baad thanda ho gaya..
.
"Tumse pahle hi kahaa tha. Aankhe band nahi honi chahiye. Tumne apni aankhe band ki maiNe tumhe hamesha ke liye sula diya" John us laash se bola
.
Aur fir baaki bache huye teeno ko dekhte huye bola....."Tumne bhi agar ye galti ki to tumhara haal bhi aesa hi hoga"
.

Monty aur uske saathi buri tarah kaanp rahe the. Maut unhe apne aas-paas mandraati huyi najar aa rahi thi
.
Ab John ne ek ke baad ek 4 goli Monty ke doosre aadmi pe chalaayi, jo uske jism ke bilkul kareeb jaakr divaar se takrayi par naa to wo apni jagah se hilaa aur na hil usne apni aankhe band ki. Aankhe band karna to door usne dar ke maare apni palke bhi nahi jhapkaayi
Ye dekhkar John chillaya..."Tum to bahut bahaadur ho maut se bhi nahi darte. Par jo maut se nahi darte unse jeene ka haq cheen leta hai, ye John"

-------------------------------
(Jaaree...)


	Logged

masoom shahjada

Guest

Re: Unknown Target...........masoom

«Reply #163 on: November 03, 2012, 02:30:18 AM »

Update 65
Ye dekhkar John chillaya..."Tum to bahut bahaadur ho maut se bhi nahi darte. Par jo maut se nahi darte unse jeene ka hak cheen leta hai, ye John"
.
John ki baat ka koi matlab samajh pata isse pahle hi usne trigger daba diya aur goli jaakar sidhe uski baals se takraayi. Wo ek dil hila dene wali cheekh maar-kar neeche ko jhuka. Aur John ne ek ke baad ek 3 goli uske sar me utar di. Aur es baar wo bina koi aawaj kiye jameen pe gira aur es duniya se rukhsat ho gaya
.
Ye manjar dekhkar baaki bache do ke chehre sawed par gaye. Aur Unki taange itna kaaNmpne lagi ki lag raha raha tha ki we jaane kis pal jameen pe gir pare. Monty ka haal bhi unse judu nahi tha, sharaab ka nasha use charne se pahle hi utar chuka tha.
.
Ab John un dono ko dekhte huye bola.."Agar tum dono apni jaan bachaanaa chaahte ho to, ak dosre se fight karo, jo jinda bachaa use jindaa rahne diya jayega"
.
"Es baat ka kya yakeen hai ki, uske baad tum hame yahaaN se sahi salaamat jaane doge" John ki baat sunkar dono ak sath bole
.
"MaiN wada karta hoN, jo jinda bachega use sahi salaamat yahaaN se jaane diya jayega. Aur John apne waado ka kitna pakka hai. Aaj sab dekhege" John sanjeedgi se bola
.
John ke saathiyoN ne kuch piche hatkar un dono ke larne ke liye jagah bana di
.
We dono divaar se hatkar beech me aa gaye. Unme se ak ne apni kamar me haath daalke ek Axis(Churee) nikal li. Par dosre ke paas kuch nahi tha. Esliye jeet to usi ki honi thi jiske paas Axis thi. Thori hi der me usne apne sathi ka kaam tamaam kar dala. Aur wo apne saathi ki jaan lene ke baad John ko dekhne lagaa
.
"Tum bahut bahadur ho, aur bahadur logoN ki kadr John karta hai. Jaao chale jaao" John use dekhte huye bola. Aur fir uske upar se najar hatakar apne sathiyo pe najar daalta hua bola.."Koi ese kuch nahi kahega"
.
John ki baat sunkar wo aadmi palta aur jaane laga.
Par abhi usne mushkil se dosra hi kadam uthaya tha ki John ki pistol se ek goli nikli jo uski kamar me ghunsti chali gayi. Uske baad dosri goli nikli jo uski gardan me lagi. Aur uske baad tisri goli nikli jo uske sar me lagi. Us shakhas ne piche murkar John ko be-yakini se dekha aur kuch kahne ke liye monh kholna chaha. Par uske monh se kuch nikal pata usse pahle hi maut ke wahsi hatho ne uska monh band kar diya.
.
John use jameen pe girte dekhta huye bola..."Apni sathi ki laash girakar, apni jindagi bachaane walo ko John bilkul pasand nahi karta"
.
Uske baad John apne sathiyoN se bola..."En sabki laasho ko aesha gaayab kar do ki Bhagwaan bhi khud dhundhne aaye to unhe bhi ye na mil sake"
.
John ki baat sunte hi uske sathi harkat me aaye aur en charo ki laasho ko thikane lagaane me lag gaye.
.
Krish abhi bhi Monty ke sar pe apni pistol taane kharaa tha.
.
An John Monty ki taraf dekhte huye bola..."HaaN Monty bhaai ab kuch fursat mili hai. Ab sunaao aapke kyaa haal hai"
.
Monty kuch na bola bas chup-chaap baitha kaaNmpta raha.
.
"Lagta hai tumhe bolna sikhane ke liye. En logoN ki tarah tumhari bhi khatirdaari karni paregi" John uske sathiyoN ki laash ki taraf ishara karte huye bola
.
"Nahi John bhaai mujhe mat maaro, mujhe jaane do" Monty rote huye bola
.
"Aese kaise jaane duN, hamaare beech deal huyi thi. Par 12 laakh to tumne gava diye. Par abhi bhi tumhare paas 3 laakh haasil karne ka mauka hai. Bolo try karoge"
.
"N....Nahee...Mujhe kuch nahee chahiye.. Bas aap mujhe jaane dijiye" Monty girgiraya
.
John ne uski baat ka koi jawaab na diya. Wo gahri-gahri saans lekar kuch der tak kuch suNghne ki koshish karta raha. Fir apni jeb se ek rumaal nikal ke Mont ki taraf baraa ke bura sa monh banaate huye bola.."YahaaN kitni buri smell aa rahi hai, ese apni naak se baand lo, tumhe kuch achcha mahsos hoga"
.
Monty ne John ke haath se rumaal le to liya par naak se nahi baandha.
Jise dekhkar John gusse me chillaaya..."Tumne suna nahi maine kya kahaa"
.
John ki gusseli aawaj se darkar Monty wo rumaal apni naak se baaNdhne lagaa,par abhi wo rumaal sahi se baaNdh bhi nahi paaya tha ki koi ajeeb si khusbo uski saanso me char gayi. Aur wo kuch samajh pata usse pahle hi wo behosh hokar kursee pe lurak gayaa.
.

Ab tak John ke we saathi bhi laasho ko thikaane lagaa ke waheeN basement me aa chuke the.
.
John un sab se bola..."Tum sab yahaaN se jaao. Aur jab me Call kauN to ak car lekar aa jana"
.
John ki baat sunkar sab wahaaN se chale gaye.
.
Aur John ke roop me Vicky waheeN baitha apne Boss ki call ka intizaar karne lagaa.

-------------------------------
(Jaaree...)


	Logged

masoom shahjada

Guest

Re: Unknown Target...........masoom

«Reply #164 on: November 03, 2012, 02:39:04 AM »

Update 66
John waheeN kursee pe baitha apne Boss ki call ka intizaar kar rahaa tha. Abhi use wahaaN baithe hu'ae mushkil se 30 minute bite hoNge ki uska mobile bajne lagaa. John ne call recieve ki aur bola.."Hello"
.
"Kaam huaa, Vicky" Dosri taraf se aawaj aayi
.
"HaaN boss ! Monty ke chaaro sathiyoN ko tapka diya hai, aur Monty mere kabje me hai" Apne Boss ki aawaj pahchan ke John bola
.
"KahaaN ho tum? Address bataao, Monty ko lene ke liye MaiN Sardaar ko bhej rahaa hoN"
.
Uske baad John ne address bataya. Address sunte hi John ke Boss ne call disconnect kar di.
Ab John Sardaar ke aane kaa intijaar karne lagaa
--------x------------x----------------
Shaan songs sunne laga. Par wo jald hi boor hone laga to usne music band karke mobile apni jeb me rakh liya.
Aur kuch sochte hu'ae driving karne laga, wo kyaa soch rahaa tha uske aur Khuda ke alaawa koi aur nahi jaanata tha.
.
2 hours aese hi beet gaye. Ab kota sirf half hour ki driving ki dori pe tha.
Tab hi Shaan ke mobile pe kisi ki call aane lagi Shaan ne mobile jeb se nikaalkar dekha to screen par Rajesh ka naam dekhne ko mila.
Shaan ne call recieve ki...
.
"Hello sir" Esse pahle ki Shaan kuch bolta dosri taraf se Ramesh ki aawaaj sunayi di
.
"HaaN bolo ustaad kyaa raha" Shaan Ramesh ki aawaj sunkar bola
.
"Sir, kuch khas info nahi mil saki hai" Rajesh ki niras si aawaj aayi
.
"Aam to mili hai na" Shaan chirte hu'ae bola
.
"Jee sir"
.
"To bako, intizar kis baat ka kar rahe ho" Shaan jra sa tej lahje me bola
.
"Wo ghar Vivek ne 6 saal pahle hi kharidaa tha. Aur 5 saal pahle Vivek us ghar ko chokar kaheeN chalaa gaya tha. Aur ab 6 mahine pahle wo fir se yahaaN aakar rah rahaa tha. Par pichle 1 mahine se use yahaaN nahi dekha gaya hai"
.
"Uski family ke baare me kuch malom hua"
.
"Sir wo yahaaN akela hi rahta tha. Aur wo Kisi se bolta-chaalta bhi nahi tha. Esliye koi kuch nahi bataa pa raha hai"
.
"O.K. Ab tum Chirag ke paas jaao, use tumhari help ki jarorat hogi" Shaan ne kahaa aur Ramesh ka jawaab sune bagair hi Call disconnect kar di
.
15 minute aur driving karne ke baad Shaan ne apni car ek raaste pe daal di, jo sunshaan hi rahta tha. Par ye Kota pahoNchne ka shortcut tha. Esse Kota sirf 10 minute me pahoNcha jaa sakta tha. Aur agar main road se jaate to abhi bhi karib 30 minute aur lagne waale the.
.
Ek road ke dono taraf ghani jhariyaN thi.
.
Jab Shaan ne apni Car main road se us sunshaan sadak pe daali thi to Shaan ko main road pe ek car khari huyi najar aayi thi. Par Shaan ne us car pe kuch khas dhayan nahi diya tha.
.
Abhi Shaan us sunshaan road pe mushkil se 500 miture chalaa hoga ki use saamne se ek car aakar factory ke saamne rokti najar aayi. Car ke rukte hi us car me se ek sardar utra aur factory ke andar chalaa gayaa.
.
Shaan ne us Sardaar ko bahut dino se band pari factory me jaate dekh apni car roki. Aur back gair me daalke kuch piche le jaakar khari ki.
Aur jaldi se car se utar kar Factory se kuch door faili huyi jhaariyoN me chipkar dekhne laga.
.
Kuch hi der me wo Sardaar ek laash ko apne kaandhe pe daale factory se nikla. Uske piche-piche ek gora sa larka bhi tha.
.
Car ke paas pahoNchkar Sardaar ne us laash ko apne kandhe se utara aur car ka pichla gate kholkar usme dala aur gate band kar diya
.
Jab Sardaar ne us laash ko apne kandhe se utara tha to Shaan ko us laash ke chahre ki ek jhalak dekhne ko mil gayi thi. Laash ka chehra dekhkar Shaan ke chehre pe muskurahat aa gayi
.
Ab Sardaar ne apni car start ki aur wo gora sa larka red color ki bike ko start karne laga.
.
Ye dekhkar Shaan jhariyoN se nikalkar apni car ki taraf bhaga.
Etna Shaan apni car tak pahoNcha to we dono apni car aur bike ko road pe laake, Shahar ki aour doura chuke the.
.
Shaan ne bhi jaldi se apni car start karke unke piche lagaa di.
.
Wo gora sa larka koi aur nahi Vicky tha. Jab wo apni bike ko road pe laa raha tha to use ek aadmee dourta huaa ek car ki taraf bhaagta huaa najar aaya. Jise dekhkar John buri tarah choNka.
.
Usne apni jeb me haath dala aur mobile nikaalke ek number dial kiya. Aur dosri taraf se call recieve hote hi wo bola...."Inspector Shaan hamaara picha kar raha hai, uska kuch karo"
.
"O.K. John Bhaai, aap be-fikar raheN, ham Use rokte hai"
Dosri taraf se aawaj aayi

---------------------------------
(Jaaree.....)