Unknown Target...........masoom

by Masoom Shahzada on August 13, 2012, 03:29:02 AM
Pages: 1 ... 9 10 11 12 [13] 14 15 16 17 ... 19
Print
Author  (Read 36896 times)
masoom shahjada
Guest
«Reply #180 on: November 04, 2012, 07:19:53 AM »
Ahuja bhaai aur mkv bhaai agar aapne story ke saare update read kar liye ho to ek baar review jaroor dena.
Maine es story me thori absing language ka use kiya hai. Par ye sab story ko reality ke kareeb laane ke liye kiya tha.
Aesi language ka use es story me Yoindia Shayariadab pe karte hu'ae me dar rahaa thaa, ki kaheeN koi objection na kareN, fir maine sochaa aaj-kal movies aur novels me esse bhi buri language ka use ho raha hai.
Esliye maine aesi language use kar dii.
Agar kisi ko bura laga ho to sorry.
Ahuja bhaai aapka aur Mukesh bhaai aapkaa bahut bahut sukriya.
Logged
Similar Poetry and Posts (Note: Find replies to above post after the related posts and poetry)
My mind sails, through an unknown sea! by abdbundeli in English
Na Kamal-e-Fun Hi Mila Mujhe - Not Mine (Shayr Unknown to me) by fernsk in Shayri-E-Dard
A shared poetry-writer unknown by tamanna1 in Share:Love Poetry
apnay badlay huway lehjay ki wazahat karna- Unknown by ghayal_shayar in Urdu Poets « 1 2  All »
saathoN ki kasoor ho geya--Unknown by ghayal_shayar in Pain in Love : Punjabi poetry
masoom shahjada
Guest
«Reply #181 on: November 04, 2012, 07:24:57 AM »
Quote from: ahujagd on November 03, 2012, 03:40:03 PM
Masoom ji,
Just kidding, aap itna bada novel hamen de rahen hain vo kyaa kam hai, Kota bahut achha shahar hai Rajasthan ka Kanpur kaha jaata raha hai usko par ab vo India ka best Educational Hub ban gaya hai, I mean coaching classes etc, IIT nahi aa paya yeh aur baat hai.vaise ab to Mumbai mujhe 30 varsh ho gaye hain.(aapne doosra Kota to nahi chuna shayad jo Andhra mein hai kyonki Pauri to maine nahi suna Kota Rajasthan ke aas-pass).kaafi update karne ke liye bahut bahut dhanyavaad ,parantu bhookh aur lagne vali hai isliye likhte rahiye please. Mukesh ji nahi pad rahen hain kya aajkal.
ghanshamdas ahuja
Ahujaa Bhaai maine to sirf Kota aur Pauri naam ke shahro ka use kiya hai. Naam ke alawa enkaa aur koi use nahii hai. Kyonki mujhe ye bhi nahi malom hai ki ye shahar kahaaN-kahaaN hai aur kaise-kaise hai.
By the way .. Aapkaa bahut-bahut bahoooot bahooooooot sukriya.
Logged
masoom shahjada
Guest
«Reply #182 on: November 04, 2012, 12:17:17 PM »
Update 77
Quote
"Hurrah! Ab tum mujhe maaN banaane wale ho. Mujhe bahut payaare pyaare bachcho ki maaN banana. Agar kaale-kaale bachche paida hu'ae to tumhe bahut marungi" Rani bachcho ki tarah khush hote hu'ae boli

"MaiN tumhe MaaN-WaaN nahi banaa raha, balki pagal-khaane chorne ja raha huN" Shaan muskuraate hu'ae bola. Waise uske chehre pe muskuraahat thi par uski aankho me pareshani ke baadal saaf dekhe ja sakte the
.
"MaiN kyaa koi paagal huN jo pagal-kaane le ja rahe ho. Khud hi chale jaao" Rani tunak-kar boli. Aur dhamm se khare se bed pe baith gayi. Aur apna monh fulaa liya.
.
"Agar tum kuch der aur aesi baateiN karti rahi to maiN sach me paagal ho jaaNga. Fir to sach me hi paagal-khaane jana parega"  Shaan apni aankhe band karke halke se bola.
Shaan, Rani ka naaraj chehra nahi dekh sakta tha. Esliye usne aankhe band kar li thi.
.
Halanki Shaan bahut aahista se bola tha. Par Shaan ki baat Rani ke kaano tak pahoNch gayi thi. Shaan ki baat sunkar Rani jo apni hansi ko bahut der se roke hu'ae thi aur na rok saki. Wo apna pet pakarkar hans-hans ke lotpot hone lagi
.
Hansi ki aawaj sunkar Shaan ne aankhe kholi to dekha Rani be-tahaashaa hanse ja rahi thi. Ab jaake Shaan ko samajh aaya ki Rani usse majaak kar rahi thi.  Shaan ne ek chain ki saans li aur muskuraate hu'ae diivaar se hatkar bed pe jaakar baith gaya.
.
Rani abhi tak lotpot ho rahi thi. Bahut der me jaakar Rani ki hansi kuch thami, to Shaan bola..."Ye kyaa naatak kar rahi thi tum"
.
"Jab tum aaye the to tumhara monh kaisa sadd raha tha. Bas tumhara mode thik karne ke liye mazaak kar rahi thi"
.
"Aur tumhaare es majaak ne meri jaan hi nikaal di thi" Shaan hanste hu'ae bola. Shaan ki baat sunkar Rani bhi hansne lagi
.
Ab Kuch Rani ke baare me bata deta huN......
.
Rani ke sar ke baal syaah, reshmi aur nihaayat ghane the. Sar se neeche utarte the to kushaadah peshani. Aur unke neeche bilkul patli-patli eyebrow aur usse kuch niche jaane par lambi ghani aur bilkul kali palke Rani ki billi jaisi aankho ki rakhwali kar rahi thi. Uske neeche naajuk si naak thi jo Rani ki khoobsurti ko bara rahi thi. Uske neeche khoobsurat se gulaab ki pankhurriyo jaise lab, apna jawaab khud hi the. Labo se niche thori halki si lambi thi.
Rani ke gaal bhare-bhare aur gulaabi the jo uske husn ko chaar-chaand laga rahe the.
Sabse dilkuch aur khaash baat jo Rani ko sabse alag karti thi wo thi uske chehre pe faili huyi masomiyat, jo kisi ka bhi man moh leti thi.
.
Rani ki aawaj bhi Rani ki hi tarah bahut khoobsurat thi. Shahad(Honey) se bhi jayaadaa mithii. Jab Rani bolti thi to sunne walo ka dil karta tha ki bas we es aawaaj ko sune jaaye.
.
Rani behad samajhdaar, suljhi huyi aur apne matlab se matlab rakhne wali larki thi. Jarurat se jayaadaa kisi se baat nahi karti thi.
.
Par ye sab wo gairo ke saath karti thi. Shaan ke saath to wo kabhi natkhat aur chanchal si sookh haseena ban jati. Kabhi saanjeeda aur samajhdaar larki ban jaati. To kabhi ek bahut achchi dost ban jaati aur kabhi bilkul na-samajh bachchi ban jaati.
.
Rani ko Shaan ke chehre ki pareshaani aur udaasi bahut dukh deti thi. Shaan ke chehre ki udaasi aur pareshaani ko muskuraahat me badalne ke liye, wo kuch bhi kar gujarti thi.
Aaj bhi wo Shaan ki pareshaani door karne ke liye hi aesi baat kar rahi thi. Aur wo apne maksad me kaamyaab bhi rahi thi. Shaan apni pareshaaniyoN ko bhoolkar hansne me laga hu'aa tha
.
Rani ne Shaan ke liye etna kuch kiya tha. Esliye Shaan Rani ki bahut ijjat aur aehtraam karta tha.  Kabhi Rani se jhot nahi bolta tha. Aur na hi kabhi Rani ka majaak banaata tha. Rani ki har khawahish aur tamanna ko pori karna wo apna farz samjhta tha. Aur Rani ki har baat ko seriously leta tha, Rani agar majaak me bhi kuch kahti thi to wo use sach maanta tha. Bas esi baat ka Rani faayda uthati thi. Wo aksar Shaan ko jee bharkar tang karti thi
.
Shaan aur Rani dono ab tak hans rahe the. Rani hanste-hanste bed se utarkar baahar jaane lagi. Jise dekhkar Shaan bola..."KahaaN jaa rahi ho"
.
"Khaana garm karne"
.
"Kiske liye"
.
"Apne hone waale bachche ke liye......... Tumhare liye aur kiske liye.. Tumhara chehra bata raha hai ki, subah se tumne khana nahi khaya hai" Rani ne kahaa aur kamre se nikal gayi.
.

Kuch der baad jab Rani kamre me daakhil huyi to uske haath me ek tray thi. Usne wo tray Shaan ke aage rakhkhi aur khud diivar se kamar lagaakar bed pe baith gayi. Shaan khaana khaane laga.
Jab Shaan ne khaana kha liya to Rani bartan kitchen me rakh aayi aur waapis apni jagah aakar baith gayi.
.
"Mujhe tumhaari help ki jarurat hai" Rani ke bed pe baith'te hi Shaan bola
.
Rani ek private detective thi. Jabse Shaan dosre ghar me sift hu'aa tha. Rani ek private agency ke liye kaam karne lagi thi
.
"Sirf Help ki kyaa baat kar rahe ho. MaiN to pori ki pori tumhaari huN" Rani, Shaan ko meethee-meethee najro se dekhte hu'ae boli

----------------------
(Jaarre...)
Logged
masoom shahjada
Guest
«Reply #183 on: November 04, 2012, 01:00:42 PM »
Update 78
Quote
"Sirf Help ki kyaa baat kar rahe ho. MaiN to pori ki pori tumhaari huN" Rani, Shaan ko meethee-meethee najro se dekhte hu'ae boli

"Main ak bahut mazedaar kes pe kaam kar raha huN..... Aur...."
.
"OH! To finally tumhe wo kes mil hi gaya" Rani, Shaan ki baat ko beech me hi kaatkar jaldi se boli
.
"Kaunsa kes" Shaan hairaan hote hu'ae bola. Aur uski hairaani ja'j bhi thi. Kyonki usne Rani se abhi tak es kes ke baare me koi baat nahi ki thi
.
"Wo hi kes, ki larkiyaaN su-su karne ke baad haath kiyoN dhoti hai" Rani pori sanjidgi se boli.
.
"Tum bhi na....... Kaisii-kaisii baateiN karti ho" Shaan thora jhempte hu'ae bola
.
"Tumne hi to kahaa tha ki tum ak majedaar kes pe kaam kar rahe ho, ab esse mazedaar kes aur kyaa ho sakta hai"
.
"Maze ki baat ye hai ki jin logo tak mujhe pahonchanaa hai. Jo ye sara khel khel rahe hai. Unhone hi mera susupension cancel karwake mujhe ye kes dilwaya hai"
.
"Intresting"
.
"Unhe lagta hai ki MaiN us informer ko be-naqaab kar sakta huN. Jo unke logo ki jaan le raha hai"
.
"We saale sab dhakkan hai"
.
"KiyoN" Shaan hairaan hote hu'ae bola. Rani ke jawaab se jayada hairat use Rani ke monh se dhakkan aur Saale jaise word sunkar ho rahi thi. Usne aese words Rani se pahli baar sune the. Wese Rani Shaan ko sataane ke liye har baar naya tarika hi apnaati thi
.
"MaiN 420% confidence se kah sakti huN ki tum us informer ko bahut achche se jaante ho" Rani, Shaaan ki aankho me aankhe daalkar boli
.
Rani ki baat ka Shaan ne koi jawaab na diya. Wo chup tha par uske chehre pe faili hairat, Rani ke sawaal ka jawaab de rahi thi
.
"Jaane-man maiN sahi kah rahi huN na" Rani, Shaan ki ek chutki kaat'te hu'ae bari adaa se boli
.
"HaaN, maiN informer ko jaanta huN, par tumhe kaise maloom huaa" Shaan ki hairat abhi tak door nahi hu'ee thi
.
"Informer ka naam lete hu'ae tumhari aankho me jo rang ubhre the. We bahut kuch kah rahe the... Aue wese bhi MaiN tumhe tum se jayaada jaanti huN"
.
Shaan jo kisi ki bhi aankho me aankhe daalkar bari khoobsurti se jhot bol sakta tha. Uski Rani ke saamne kuch bhi nahi chalti thi
.
Rani ki baat sunkar Shaan ne ek gahri saans chori aur piche ko bed pe lait'te hu'ae bola.."Kya tumne kabhi 7 star ka naam suna hai"
.
"Abhi mushkil se 5 minute pahle tumne etna sara khana khaya tha. Aur etni jaldi fir bhook lagne lagi" Rani hairaan hone ka naatak karte hu'ae boli
.
"Maine khana kab maanga" Shaan hairat se bola
.
"To fir 7 star hotel ka naam kis khushi me le rahe the"
.
"Rani, plz majaak mat karo, serious hokar meri baat sun lo" Shaan ne request ki
.
"Maine majaak kab kiya" Rani ne aese chonkte hu'ae kahaa jaise use sach me hi malom na ho ki abhi-abhi wo majaak kar rahi thi
.
"HaN baba tum majaak nahi kar rahi thi.... Ab meri baat aage sun lo"
.
"Jab kuch bologe tab hi to sunugii" Rani tanjida lahje me boli
.
"Raj Bhagwat ki party me khaane-peene ke har kism ke saamaan me kuch 7 star gang ke logo ne hi milaya tha. Jisse 100 se jayada logoN ki jaan gaee thi......."

----------------------
(Jaarre...)
Logged
masoom shahjada
Guest
«Reply #184 on: November 04, 2012, 09:52:12 PM »
Update 79
Quote
"Raj Bhagwat ki party me khaane-peene ke har kism ke saamaan me kuch 7 star gang ke logo ne hi milaya tha. Jisse 100 se jayada logoN ki jaan gaee thi....... Aur....."

"Wait...wait.....wait....wait" Rani chillaatii huee bed se utar gayi
.
"KiyoN..... Ab kyaa huaa" Shaan roni si sorat banaakar bola. Use laga Rani fir se koi sharaarat karne waali hai
.
"Mujhe kuch points note karne hai" Kamre me rakhkhi ek small si table se ek diary aur ball-pen uthaate hu'ae Rani boli. Diary aur Pen lekar Rani wapis apni jagah aakar baith gayii aur diary open karke kuch der tak kuch likhtii rahi, fir boli..."Tum kah rahe ho ko unke khaane me kuch milaya gaya tha esliye we mare. Jabki jahaaN tak mujhe malom hai, un sabki maut to heart-atteck se huee hai. Sirf ek ko chorkar jiska naam Shani karke kuch tha"
.
"Tum khud hi socho, aakhir 100 se jayada logo ko ek saath heart-atteck kiyoN kar ho sakta hai. Kuch na kuch to galat huaa hoga"
.
"Theek hai, ham maan lete hai ki unke khaane me kuch milaya gaya hoga. Par we Shani ko bhi baaki logo ki tarah maar sakte the, fir uski goli maarkar hatyaa kiyoN kii" Rani ne ek aur sawaal uthaya
.
"High profile parties me entry ke liye invitation card ki jarorat hoti hai"
.
"O.K., par tum ye kaise kah sakte ho ki ye sab kiya-dharaa 7 star gang ka hai. Maine to aaj tak aese kisii gang ka naam bhii nahii suna hai"
.
"WahaaN se milne waale finger-prints me ak Kamal ke the. Jiski laash party dosre din subah ek khandhar se mili thi. Uske daaye haath ki kalaai pe 7 number guda huaa tha. Fir usii shaam Karan ne 4 logo ko arrest kiya aur agli subah Sumit Verma ki laash jangal me ak Cottage se mili. En sabki kalaai par bhi Kamal ki tarah 7 number gudaa hu'aa tha" Shaan etna kahkar chup huaa aur Rani se paani manga. Rani ne use paani diya. Shaan ne pani piya aur paani peene ke baad fir bolna suru kiya...."Aaj Karan ne mujhe bataya ki ye sab 7 star gang ke hai. Aur khud informer ne bhi ye hi bataya tha"
.
"Kyaa Kamal aur Sumit ka murder informer ne hi kiya hai"
.
"Usne un dono ka murder hi nahi kiya balki we 4 criminals jo jail me band hai. Unki info bhi usii ne Karan ko di thi"
.
"7 star jaisa bhii kisi gang ka naam hota hai. Jaror es 7 nuber me kuch chupaa hai yaa shaayad es gang ko 7 log operate karte hai. Jo apne aap ko criminal nahii star maante hai" Rani ne pur'soch andaaj me kaha
.
"HaaN bilkul aesa hi andaja maine lagaya hai" Shaan bola
.
"7 me se 2 log to maare jaa chuke hai. 4 jail me band hai. Ab sirf 1 bachaa hai, kyaa uske baare me informer se tumne kuch nahi pochaa"
.
"Bahut pochaa tha par jab use khud nahii malom to mujhe kyaa bataata" Shaan ne bataya to Rani kuch sochne lagi
.
"MaiN bahut thakaa hu'aa huN, bahut tej neend aa rahi hai. Esliye baaki baateiN subah kareNge"
.
"Sirf, ek sawaal aur uske baad tum so jana" Rani boli
.
"Pocho"
.
"Informer ne ye sab kiyoN aur kaise kiyaa aur ye jaanne ke baawujud ki Informer kaun hai tumne ab tak use arrest kiyoN nahi kiya"
.
Rani ka sawaal sunkar Shaan ne ek gahri sans li aur fir bahut der tak Rani ko kuch batata raha. Jab Shaan ne baat khatam ki to Rani hairat se use dekh rahi thi. Kuch der tak Rani, Shaan ko aese hi dekhtii rahi fir boli..."O.K. Ab tum so jaao"
.
Uske baad Rani dairy me kuch me kuch likhne lagi.
Kaafii der tak kuch likhte rahne ke baad jab Rani ne diary band karke Shaan pe najar daali to Shaan so chukaa tha. Rani ne wo dairy aur pen usii table pe rakhkhaa jahaaN se usne uthaaya tha. Aur Shaan ko ek patlii sii chaadar udaane ke baad room ki light off karke dosre room me jaakar so gayi.
-------x-----------x--------------
"Bataa Shaan kahaaN hai, warna tujhe goli maar dungaa" Vikraant apni pistol ka nishana Riya ko banaaye kah raha tha
.
"Wo to kal Kota chalaa gaya tha" Riya ne darte-darte kaha
.
"Tu jhoNt bol rahii hai, mujhe maloom hai ki wo yaheeN-kaheeN dubka huaaa hai" Vikraant chillaaya
.
"Nahii wo yahaaN kaheeN nahii hai"
.
"Ya to tu sach-sach bataa warna tujhe marna hoga" Vikraant gusse me daant piiste hu'ae bola
.
"MaiN kuch nahii bataane wali. Tumhe agar mujhe shoot karna hai to karo" Riya ne etna kahaa aur apni aankhe band kar li
.

Riya ki baat sunkar Vikraant gusse ma paagal ho gaya aur usne Riya pe goli chalaa di. Par esse pahle ki wo goli Riya ko lagti. Koi tejii se Rani ke saamne aakar kharaa ho gaya, jisse wo goli use aakar lagi. Uske baad Vikraant ne ak ke baad ak 4 goli challayi jo saarii ki saarii Riya ke saamne khare shakas ke seene me utar gayii.
Ab Vikraant ne goli chalaani band kar di thi. Par Riya abhi tak apni aankhe band kiye kharii thii. Kisii ke dharaam se farsh pe girne ki aawaj sunkar Riya ne apni aankhe kholi to dekha neeche fash par paraa Shaan aakhirii saanse le raha tha. Shaan ko dekhte hi Riya ke monh se nikla..."Nahiii........"

----------------------
(Jaarre...)
Logged
masoom shahjada
Guest
«Reply #185 on: November 05, 2012, 12:33:01 PM »
Update 80
Quote
Ab Vikraant ne goli chalaani band kar di thi. Par Riya abhi tak apni aankhe band kiye kharii thii. Kisii ke dharaam se farsh pe girne ki aawaj sunkar Riya ne apni aankhe kholi to dekha neeche fash par paraa Shaan aakhirii saanse le raha tha. Shaan ko dekhte hi Riya ke monh se nikla..."Nahiii........"

"Nahii...." Aur wo uthkar baith gayi. Ye jaankar ki ye sab sapna tha Riya ne chain ki saans li. Uski saanse aur dil ki dharkarn bari huee thii. Kuch der me wo normal huee to usne wall-clock pe najar daali subah ke 7 baj rahe the. Riya apne bed se uthkar bathroom ki taraf chal di.
.
Nahaane ke baad  wo neeche gaee. Mammi aur Papa dining-table par usii ka intizaar kar rahe the. Halki-fulki baateiN karte hu'ae tiino breakfast karne lage. Breakfast karke Papa to office ke liye gaye aur Mammi parosh me hi ek function tha usme chali gayi. Jisse Riya ghar me akeli rah gayi.
.
Riya jald hii boor hone lagi to usne T.V. dekhne ka faisla kiya par Abhi T.V. Dekhte hu'ae use 5 minute hi hu'ae the ki use apne ghar ki door-bail ki aawaj aayi. Riya ne T.V. Off kiya aur darwaja kholne chal di. Riya ne darwaja khola, saamne haath me ek beg thaame Sameer ki bahan kharii thi. Riya use Dring-room me le aayi aur sofe pe baithaya
.
"Sameer kaisa hai ab" Riya ne Sameer ki Bahan ke saamne dosre sofe pe baith'te hu'ae pocha
.
"Bas theek hi hai. 3-4 din me hospital se bhi discharge kar diya jaayega"
.
"Kaho yahaaN kaise aana hu'aa"
.
"MaiN aapko ye beg dene aayii thi" Sameer ki bahan ne apni side me rakhkhe hu'ae beg ki taraf ishara karte hu'ae kaha
.
"Es beg me kyaa hai, aur tum ese mujhe kiyoN dene aayi ho" Riya ne beg pe ek sarsari najar daalne ke baad Sameer ki bahan se pochaa
.
"Ye wo hi beg hai jo Sameer bhaai ko station se mila tha" Sameer ki bahan boli
.
"OH" Sameer ki bahan ki baat sunkar Riya ke monh se nikla
.
"O.K. Ab maiN chaltii huN" Sameer ki bahan ne kaha aur sofe se uth kharii huyii. Riya ne usse kahaa ki chaai wagerah pee kar jaaye par wo nahi roki. Sameer ki bahan ke jaane ke Riya ne gate band kiya aur dring-room me aa gayi.
Usne sofe se us beg ko uthaya aur apne room ki taraf chal di.
.
Apne room me pahonchkar Riya ne beg ko bed pe rakhkhaa aur dharakte dil se beg ki chain kholi.
Fir wo beg se ak-ak saman nikal kar dekhne lagi. Jo-jo wo beg se chiije nikal rahi thi, uski dharkan tej aur tej hoti ja rahi thi.
Ab tak use beg se Jeans, T-shirts aur Shirts hi mili thi. Jinhe wo beg se nikaal-nikaal kar bed pe rakhtii ja rahi thi. Kuch hi der me beg khaali ho gaya.
.
Sabse aakhir me beg me se Riya ko ek lifafa mila tha. Riya ne us lifafe ko khola. Usme kaafii saari photos thi. Jo khud Riya ki hi thi. Riya ak ke baad ak saari photos dekhne lagi. Kisi me wo hans rahi thi. Kisi me apni friends se baateiN kar rahi thi. Aur kuch photos school ki function ki bhi thi.
.
Riya ak ak karke saari photo dekhtii jaa rahi thi. Ak photos ko dekhkar wo thithki aur uske monh se nikla.."Nahee ye kaise ho sakta". Riya kuch der tak us photo ko hairanii se dekhti rahi, fir usne us tasveer ko ulta kiya to usne wahaaN kuch likha paya. Aur wo usi writting me likhaa huaa tha. Jise wo musalsal pichle 9 saalo se parti aa rahi thi.
Riya use parne lagi. Likha tha...
Jab-jab tera saath jindagi me mayassar na hu'aa.
Apni tasviir, teri tasviiro me rakhkar dil ko tasalli de li.

.
Es tahreer ko parkar, Riya ki aankhe khushii se bhar aayii. Ye tasviir Shaan ki thi. Jo yakinan Shaan ki school time ki tasviir thi.
.
Ab Riya ko samajh me aa gaya tha ki kiyoN Shaan ko dekhkar baar-baar use ye khayaal aa raha tha ki usne Shaan ko kaheeN dekhaa hai.
Aur es photo ko dekhkar use sab yaad aa gaya tha. Shaan, Riya ke hi school me para karta tha. Shaan ko uske school me sab achche se jaante the kiyonki wo har baar school Top kiya karta tha. Aur high-school me to usne state Top kiya tha.
.
Riya Shaan ki tasviir ko sidhaa karke apne labo se lagatii huyii boli...."Shaan tum kitne sararti ho. Mujhe dekha, lage lagaya, tang kiya, jhagra bhi kiya aur apni muhabbat ka izhaar bhi kiya. Par ek baar ye nahi bataya ki khud kaun ho"
.
"Par Riya tu to bahut gandi hai. Tu ne Shaan ka dil dukhaya, use rulaya. Ye kahkar ki tu Sameer se pyaar karti hai"
.
"MaiN 9 saal se jayada uske intizaar me tadapti rahi, roti rahi. Agar ek din use rula diya to kyaa galat kiya"
.
"Riya tu bahut nadan hai. Tujhe muhabbat karni aati hi nahi hai. Apne pyaar ko rulane ke baare me  sapno me bhi nahi sochna chaahiye. Aur wese bhi Shaan ki jindagi me to pahle se hi bahut gam hai, dard hai"
.
"Ab maiN apni paklo se uske saare dukho ko chun lungii. Uska har dard apni chaahat ke paanii se dho dungi. Uske har gam ko apna bana lungi aur apni saari khushiyaaN uske kadmo me rakh dungi"
.
"Riya tu apne aur Shaan ke baare me sochne me Rani ko to bhol hi gayi"

----------------------
(Jaarre...)
Logged
masoom shahjada
Guest
«Reply #186 on: November 06, 2012, 02:49:31 AM »
Update 81
Quote
"Riya tu apne aur Shaan ke baare me sochne me Rani ko to bhol hi gayi"

"Shaan aur mere beech Rani ka kyaa jikr. Shaan mere liye bana hai aur maiN Shaan ke liye bani huN. Esliye mujhe kisi bhi Rani-Sani ke baare me sochne ki koi jarorat nahi hai"
.
"Par tumse jyada haq Shaan par Rani ka hai. Us larki ne Shaan ke liye apni jindagi barbaad kar li hai"
.
"Shaan par sirf aur sirf mera haq hai. Wo meri muhabbat hai, mera ishq hai. MaiN 9 saal se jayada uske intizar ki aag me musalsal jalti rahi huN"
.
"Aur Rani ne Shaan ko us waqat tutkar bikharne se bachaya tha. Jab maut ne usse uske Ma-Baap, Bhaai aur Bhabhi sabhi ko cheen liya tha. Shaan ki khaatir Rani ne apne Ma-Baap, Bhaai-Bahan aur ghar sab chor diya. Shiva ko samhaalne ke liye apni paraai chor di. Aur tu ne to sirf Shaan ke intizaar ke alawa kuch nahi kiya hai. Riya tu khudgarz ban rahi hai"
.
"HaaN maiN khudgarz huN. Agar apni cheejo ko apna kahne par khudgarzi ka ilzaam aata hai to maiN khudgarz huN"
.
"Rani pichle 5 saalo se Shaan ke saath Shiva ki Mammi aur Shaan ki patni ban kar rah rahi hai. Ab sab usko Shaan ki patni ke rup me jaante hai. Aese me wo larki kahaaN jaayegi aur kaun usse shaadi karega. Tu maan ya na maan, Shaan par Rani ka tujhse jayada haq hai. Tujhe un dono ke beech se khamoshi se nikal jana chaahiye"
.
"HaaN tum sahii ho. Thorii der ke liye maiN khudgarz ban gayi thi. Shaan par Rani ka hi haq hai. MaiN Rani ke raaste ka kaanta nahi banugi. Chup-chaap enke raasto se hat jaaongii. Aur wese bhi mera to aansu'ao aur gamo se bahut gahra rishta hai. MaiN unke saath aaraam se rah lungii. Rani jaisi masoom aur pyaarii larki ko Shaan ka saath milna hi chaahiye. Mera kyaa hai, mere paas to meri bad-naseebii hai. Esi ke saath gujara kar lungi"
.Riya khud se larte-larte niidaal si hokar bed pe gir gee aur Shaan ki tasviir ko dekhte hu'ae be-aawaz aansu bahaane lagi

----------------------
(Jaarre...)
Logged
aqsh
Guest
«Reply #187 on: November 07, 2012, 11:24:15 AM »
waaaaaah masoom kaafi suspense se bhara hua hai abhi 2 update hi padha hai but likhte bahut achcha ho kush raho
Logged
masoom shahjada
Guest
«Reply #188 on: November 09, 2012, 10:37:24 AM »
Quote from: aqsh on November 07, 2012, 11:24:15 AM
waaaaaah masoom kaafi suspense se bhara hua hai abhi 2 update hi padha hai but likhte bahut achcha ho kush raho
bahut bahut sukriyaa Baajee.
Logged
masoom shahjada
Guest
«Reply #189 on: November 09, 2012, 10:38:11 AM »
Quote from: aqsh on November 07, 2012, 11:24:15 AM
waaaaaah masoom kaafi suspense se bhara hua hai abhi 2 update hi padha hai but likhte bahut achcha ho kush raho
bahut bahut sukriyaa Baajee.
Logged
aqsh
Guest
«Reply #190 on: November 09, 2012, 10:55:18 AM »
very nice masoom abhi update 7 tak hi padha hai
Logged
aqsh
Guest
«Reply #191 on: November 10, 2012, 01:30:58 PM »
update 13 tak padha bahut khoob and interesting masoom
Logged
masoom shahjada
Guest
«Reply #192 on: November 12, 2012, 10:48:50 AM »
Quote from: aqsh on November 09, 2012, 10:55:18 AM
very nice masoom abhi update 7 tak hi padha hai
Thanks a lot sister
Logged
masoom shahjada
Guest
«Reply #193 on: November 12, 2012, 11:01:11 AM »
Update 82
Karan subah kuch der se so kar uthaa tha. Uthkar sabse pahle Karan ne baath liya. Aur fir kitchen me ja kar chaai bnaee aur fir chaai ki chuskiyaa lete hu'ae sochne laga ki informer kaun ho sakta hai.
.
Shani ki laash ke paas se Shaan ke locket ke milne se, Karan ko Shaan pe shak hone lagaa tha ki Shaan hi informer hai. Aur jab Karan ne Shaan ke baathroom me khoon se sane hu'ae kapre aur ek chaku paya to uska shak yakeen me badal gaya.
.
Par jab wo kapra wo Karan ne Shaan ke baathroom se liya tha, uski jaanch forensic lab me karwaee to sarii samikaran hi badal gaee.
.
Kyonki Shaan ke kapro pe lagaa hu'aa wo khoon kisi inshaan ka na hokar ak murgi
(hen) ka nikla tha.
Aur rahi baat locket ki to raat Shaan ne batayaa tha ki wo 1 mahine pahle Vikraant ne churaa liya tha.
.
To kyaa Vikraant informer hai ya wo bhi 7 Star Gang ka koi gurga hai.
Karan chaaai piite-piite enhi khayaalo me khoya hu'aa tha.


---------------------
(Jaaree...)
Logged
mkv
Guest
«Reply #194 on: November 12, 2012, 11:37:25 AM »
Very good response. keep going..don't stop.
Logged
Pages: 1 ... 9 10 11 12 [13] 14 15 16 17 ... 19
Print
Yoindia ShayariAdab > Stories, Quotes and Related Stuff > General Stories > Topic: Unknown Target...........masoom
Jump to:  


Get Yoindia Updates in Email.

Enter your email address:

Ask any question to expert on eTI community..
User
Welcome, Guest. Please login or register.
Did you miss your activation email?
November 22, 2024, 11:20:56 AM

Login with username, password and session length
Recent Replies
mulaqaat nhi ho rahi,,,, ...
by saahill
[November 21, 2024, 09:01:29 AM]
KITNA BECHAIN ,,,, SAAHIL...
by saahill
[November 16, 2024, 11:44:41 AM]
HUME KAHAN ,,,,, SAAHILL
by Michaelraw
[November 13, 2024, 12:59:11 PM]
woh muj se mere khamoshi ...
by saahill
[November 08, 2024, 09:59:54 AM]
savaaloN ke hal kya javaa...
by zarraa
[November 07, 2024, 01:56:50 PM]
Kal halki halki barish th...
by zarraa
[November 07, 2024, 01:55:03 PM]
कवि और कविता
by zarraa
[November 07, 2024, 01:52:40 PM]
parhezz ,,,, saahill
by zarraa
[November 07, 2024, 01:51:59 PM]
mere lafzh kabhi,,,, saah...
by saahill
[October 30, 2024, 05:13:27 AM]
Geraft - (Sequel to "Beda...
by ASIF
[October 29, 2024, 07:57:46 AM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.151 seconds with 23 queries.
[x] Join now community of 8506 Real Poets and poetry admirer