Aaj tujh ko hum be-shumaar dekhe.. ....Irshad

Gulaabi labb gulaabi libaas gulaabi rukhsaar dekhe          
Haaye  re  sanam  aaj tujh ko hum be-shumaar dekhe      
                    
Pairo.n me paayal hathon me kangan kano.n me jhumke  
Aye mohabbat tere  husn pe aaj  gehney hazaar dekhe      

Masoom  chehra  aakho.n  me kaajal nazro.n me hayaa
Hamara ye paagal dil kahey tujh ko baar baar  dekhe
    
Lamho.n ki mulakate.n kaash sadiyo.n me badal jaati
aisey hi kitni hasrato.n se tujh ko tera yaar dekhe

Tere pehlu me aate hi rukk si jaati hai duniya hamari
Ek sirf tu hi nazar aaye  khud  ko itna lachaar dekhe
 
Mere  siiney me  rehkar  jo  dhadakta  hai  teri liye
Apne nadaa.n dil  ko  tere  ishq  me  giraftaar dekhe                            

Kya kya likho.n  mai.n  tafsil-e-husn-e-sanam “irshad”
huye  jo  rukhsat  to  naqaab  pe chamkte sitaar dekhe            

behad umda peshkash daaaaaaaaaaaaaaaddddddddddd

bahut umdaa waah waah waah

Aap tamaam dosto.n ka behadd shukriyah. ..