Baad-e-mashriq mein hain wasl kee aahateyn!:Ghazals

abdbundeli

Guest

Yom-e-baaraan hai khushkhulq: narmaaiye!
Dour-e-sabzah hai shaadaab: ghar aaiye!!

Abra fir aaj jhuk kar barasney ko hain:
Aaj fir dar pai haazir hun: farmaaiye!

Koun see beyhijaabee ka dar hai tumhain?
Apney sapnoun sey, ab, yuun na sharmaaiye!!

Baad-e-mashriq mein hain wasl kee aahateyn:
Mouj-e-dariyaa key maanind lahraaiye!

Ham kahaan tak phuhaaroun mein bheegeyn, 'abd',
Aaiye! Aashiyaaney ko garmaaiye!!

- abd bundeli


	Logged

Similar Poetry and Posts (Note: Find replies to above post after the related posts and poetry)
	Baad-e-mashriq key saath, un kee sadaa aayee, gayee! by abdbundeli in Shayri for Khumar -e- Ishq
	Mein hoon mashriq mein; magar, too hai wahaan magrib mein! by abdbundeli in Shayri for Khumar -e- Ishq « 1 2 All »
	Wasl to wasl hai, taahashra rahaa hai taazah! by abdbundeli in Ghazals
	Sookshma waasnayen main-pan ki samapti ke baad rukti hain by @Kaash in Quotable Phrase and Quotes
	Wasl me kitne hi jhameyle hain........... by Syed Mohd Mahzar in Miscellaneous Shayri

Ghulam Haider

Guest

Re: Baad-e-mashriq mein hain wasl kee aahateyn!

«Reply #1 on: July 07, 2010, 10:51:44 PM »

Quote from: abdbundeli on July 07, 2010, 04:35:35 PM

Yom-e-baaraan hai khushkhulq: narmaaiye!
Dour-e-shabzah hai shaadaab: ghar aaiye!!

Abra fir aaj jhuk kar barasney ko hain:
Aaj fir dar pai haazir hun: farmaaiye!

Koun see beyhijaabee ka dar hai tumhain?
Apney sapnoun sey, ab, yuun na sharmaaiye!!

Baad-e-mashriq mein hain wasl kee aahateyn:
Mouj-e-dariyaa key maanind lahraaiye!

Ham kahaan tak phuhaaroun mein bheegeyn, 'abd',
Aaiye! Aashiyaaney ko garmaaiye!!

- abd bundeli

Bohot Khoob "abd" ji, Kya shaandaar ghazal pesh ki hai aap ne.
bhai jitne pyaare alfaaz istea'maal kiye haiN, tasavvur un se bhi haseen hai. Bohot khoob janaab daad e tahseen qubool kijiye. Isi tarah likhte rahiye bhai, Web ko aisi haseen ghazaloN ki zuroorat hai. Bohot khushi huyi aap ki ye ghazal paRh kar
Aap ki ghazal meN mere liye kuchh baateN qaabil e tavajjoh rahiN.

MaTle'ke doosre misra' meN pehla lafz. shabzah na ho kar sabzah hai. ho sakta hai typing mistake ho.uske ba'd Abra bhi abr hai shayad yahaN bhi wohi baat hai.
Maqta' bhi khoob hai
(Ham kahaaN tak phuhaarouN meN bheegeynge 'abd'.
Aaiye ! aashiyaaney ko garmaaiye)
Is khoobsoorat ghazal par aik baar aur dili daad qubool kareN.


	Logged

abdbundeli

Guest

Re: Baad-e-mashriq mein hain wasl kee aahateyn!

«Reply #2 on: July 08, 2010, 06:06:52 AM »

Quote from: Ghulam Haider on July 07, 2010, 10:51:44 PM

Bahut-bahut shukriyah Ghulam Haider ji! Aapney itnee gahraayee sey gazal ko padhhney kee takleef gawaarah kee. Sabzah ki 'spelling' mein ney sudhaar dee hai! Urdu mein 'abr' likhnaa theek hai, leykin Roman mein dono tarah sey likhaa jaa saktaa hai, aisaa meyraa sochanaa hai! Khush rahiye!

- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Baad-e-mashriq mein hain wasl kee aahateyn!