BADI MOHABBAT SE ... ..... HASAN:Ghazals

F.H.SIDDIQUI

Guest

Ghazal
Badi mohabbat se , Dillagi se , wo aaj Humko mana rahe hain
Kabhi lein Chutki , kabhi lein Bosa , kabhi kamar gudguda rahe hain
.
Zamana ruswa kiye hai Humko , nahin tarafdaar koi
Tumhari Ulfat . me'n jaan-e-Jaan Hum ye baar-e-gham bhi utha rahe hain
.
Na bhai koi , na yaar koi , na apna yaa'n Ghamgusar koi
Hamaare Gham bus , Hamaare gham hain . inhin se jee ko jala rahe hain
.
Hamaari Aankhein hain Intizar-e-Sanam me'n jaagi , thaki thaki si
Jhapakna chaahein to rahta khatka , woh aane waale hain , aa rahe hain
.
Meri taraf se agar yeh hoti'n , woh bad-tamizi shumaar karte
Shararate'n kar ke , khamushi se , jo zer-e-lab muskura rahe hain
.
Ajab mushkil mein pad gaya hoon , na tok sakta , na rok sakta
Meri hi Mahfil mein, meri Ghazlein , woh apni kah kar suna rahe hain
.
'Hasan' jinhein aazma chuke hain , na kijiye ga bharosa un par
Woh log kaise wafa kareinge jo fitratan Be-wafa rahe hain
.
- Hasan Shamsi -


	Logged

Similar Poetry and Posts (Note: Find replies to above post after the related posts and poetry)
	Kounsi Cheez Mohabbat Se Badi Hoti Hai,.. by Azeem Azaad in Shayri for Khumar -e- Ishq « 1 2 ... 7 8 »
	BAHR MEIN SHAAIRY :EIK BAHUT BADI GHALTI............HASAN by F.H.SIDDIQUI in Shayari ki Batein- Sawaal Jawaab
	Badi ajeeb mohabbat hai unki...soudagar by soudagar in Shayri for Khumar -e- Ishq « 1 2 All »
	NaHi milTa koi jo mOhabbaT me khUsh rah kar aaya ho badi der TaLaK.....~m.a~..... by Asif samani jaunpuri in Shayeri for Dard -e- Bewafai
	Badi naazuk hai ye manzil mohabbat ka safar hai by @Kaash in Share Video