Badle huye hain paimane

nigaah-e-saaqii-e-naamaharabaa.N ye kyaa jaane
ki TuuT jaate hai.n Khud dil ke saath paimaane

milii jab unse nazar bas rahaa thaa ek jahaa.N
haTii nigaah to chaaro.n taraf the viiraane

hayaat laGzishe-paiham kaa naam hai saaqii
labo.n se jaam lagaa bhii sakuu.N Khudaa jaane

vo tak rahe the hamii.n ha.Ns ke pii gae aa.Nsuu
vo sun rahe the hamii.n kah sake na afasaane

ye aag aur nahii.n dil kii aag hai naadaa.N
chiraaG ho ke na ho jal bujhe.nge paravaane

fareb-e-saaqii-e-mehfil na puuchhiye "Majrooh"
sharaab ek hai badle huye hai.n paimaane

(not mine)