bina tere ye dil mera kabhi bhi dil nahi hota

bina tere ye dil mera kabhi bhi dil nahi hota,
judai me teri jaanam kisi qaabil nahi hota...

teri furqat kabhi gham se ubharne hi nahi deti,
khushi ka ek lamha bhi mujhe haasil nahi hota.

kiya tha faisla tark-e-ta'alluq ka kabhi maine,
magar ye dil kisi aur ki taraf maa'il nahi hota.

anaa ki dor se uljha mohabbat ke hisaar me hu,
aseer-e-gham kabhi bhi shamil-e-mahfil nahi hota.

ye duniya mushkilo se pur hai aansu to zaruri hai,
ye mere azm ke aage magar haa'el nahi hota.......

yahi dastur-e-duniya hai kih har dil todne waala,,
bas ek mahboob hota hai koi qaatil nahi hota.....

judaai hi muqaddar hai mera to aye SALAMAT kyu,,,
mera dil yaad se uski kabhi ghaafil nahi hota....
                                             Ayyub Salamat

bahut khoob.
 

gud hai...