DIL HAI YA KE SHEESHA KYA HAI......AJAY AGYAT:Ghazals

DIL HAI YA KE SHEESHA KYA HAI......AJAY AGYAT

by ajayagyat on December 11, 2011, 09:22:16 AM

Pages: [1]

Author

(Read 1903 times)

Agyaat Sahaab Aadaab!

Janab kia gazab ki kalaam lekar bazm meiN aaye haiN aap..
Waah janab waah bahut umdaa aur khubsurat ahsaas O khayaal
aur gazab ki bayaani rahi janab.. itni choti bher meiN
aise umdaa aur gehre ashaar kahnaa behad mushkil hai.. par
aapne itne khub ashaar kahe haiN ke kia kahne..

Aap agyaat nahi lagte hume.. aapke ashaaroN meiN hume kisi
apne ke khayaaloN ki mahak aa rahi hai..

Janab chaliye aapki khubsurat aur umdaa kalaam par aate haiN..

Quote from: ajayagyat on December 11, 2011, 09:22:16 AM

DIL HAI YA KE SHEESHA KYA HAI
DEKHO TO YE TOOTA KYA HAI

Waah janab, kia baat hai sawaal par sawaal
aur us par bemisaal phir sawaal bahut khoob janab..
achcha aur behad umdaa matla kaha hai daad daad daad

SAARE TERE HAIN DEEWANE
JAANE TUJH MEIN AISA KYA HAI

Waah waah waah janab kia kahne aapke waah..
bahut khoob kia adaygi hai janab.. bahut achcha sher daad..

BIN BOLE SAB KUCH KAH DETE
IN NAINON KI BHASHA KYA HAI

Masha Allaah janab kia gazab ke ashaar kah raheN
hai aap bahut umdaa.. waqai bahut khoob daad

MAINE KYA SAMJHANA CHAHA
JAANE USNE SAMJHA KYA HAI

Waah jee kia kahne waah bahut umdaa janab..
gazab ka sher hai behad achcha khayaal daad daad daad ..

DHEERE DHEERE DEKHE JAA TU
AAGE AAGE HOTA KYA HAI

Waah jee waah kia kahne bahut khoob..
aise sidhi si baat ko sidhe se shayari meiN bayaaN karna khoob laga daad

PHOOLON AUR KAANTON KA JAANE
AAPAS MEIN YE RISHTA KYA HAI

Masha Allaah kia kahne janab bahut umdaa khayal..
bahut khub janab bahut khoob daad daad daad

VIGYAPAN NANGI TASVEEREN
AKHBARON MEIN CHAPTA KYA HAI

Kia baat hai janab achcha taNz hai aur waqai
sach hai.. bahut khoob daad daad daad

KISKO FURSAT HAI SUN NE KI
IS SE JYADA KAHNA KYA HAI

Bahut khoob janab ... sahiN farmaya par aise khubsurti se kahte raheNge to hum umar bhar sun sakte haiN..
Bahut khoob aur umdaa kalaam kahi hai janab daad daad daad

Is khub kalaam par dili daad O mubarakbad kabul kijiye... janab aur aate rahiye.. Khush O aabad rahiye.. khuda hafez..

Bus yeH soch raheN haiN ke itni khub kalaam par reply'z kyuN nahi pade..
Aik khayaal zaheN meiN aaya shayad aapne aik hi title se itne sari post kar dii to kisi ne care nahi kiya hoNga so agli dafaa kuch title dekar aage aapka naam likh diya kijiye..

Aate rahiye.. Khush rahiye.. Khuda Hafez..

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.