Ðhëë®ëÿ §äÿ §ä®äktï Häï Räät ܧ K Ääñ©häl Kï Tä®äh

Dheerey Say Sarakti Hai Raat Us K Aanchal Ki Tarah
Us Ka Chehra Nazar Aata Hai Jheel Mei Kanwal Ki Tarah

Baad Muddat Us Ko Dekhaa To Jism-O-Jaan Ko Yun Lagaa
Piyaasi ZameeN Pay Jaisey Koi Baras Gaya Badal Ki Tarah

Roz Kehta Hai Seeney Pay Sir Rakh K Raat Bhar Sula'oun Ga
Sar-e-Shaam Hi Mujhey Aaj Phir Sula Gaya Wo Kal Ki Tarah

Us Ka Sharmaana Bhi Mujhey Maat De Jata Hai
Us Ki To Har Adaa Hai Kisi Khamosh Qatil Ki Tarah

Merey Hi Dil Ka MakeeN Nikla Wo Shakhas Aur Mein
Shehar Bhar Mei Dhoodnta Raha Usey Kisi Pagal Ki Tarah

Madhosh Sa Ho Jata Hoon Jab Barish Ki Boondein
Cheerti Hain Koi Naghma Us Ki Chanakti Payal Ki Tarah

Mera Sukhan Us Ki Zaat Ka Mehwar Na Ho Tab Bhi
Wo NaazneeN Wo Dil NasheeN Hogi Mehakti Ghazal Ki Tarah

Nahi Tha Khaar Zaroon Pay Tanha Bay-Sabab Safar Mera
YaqeeN Tha Mil Jaye Ga Raah Mei Wo Manzil Ki Tarah