GHazal Baqayde Matla:Ghazals

Nadeem Ahmed Kavish

Guest

Dosto.n shayeri mein ghazal mein ek fan hai ghazal baqaude matla ismein sher ka har sher ek matla hota hai aap sab bhi dekhiyega...

Safar taveel sahi phir bhi mukhtasar hota,
Wo beniyaz shareeq e safar agar hota.

Na roti aankhei.n na chalni mera jigar hota,
Tumhaari ankh ka jaadu jo beasar hota.

Khuda ke huqm nabi ke tareeqe par hota,
Zamane bhar ka musalmaa.n tu rahbar.

Tumhaare shahar me apna kabhi guzar hota,
Har ek naqsh e qadam par humara sar hotya.

Tu mere saye me rahta qareeb tar hota,
Ae kash tere hi aangan ka main shajar hota.

Agar masahib e imlaak ahle zar hota,
Yaqeen janiye ik shakhs e motbar hota.

Main apne aap se aise na bekhabar hota,
Na aarzu teri hoti na dar badar hota.

Na fiqr e zeest hi hoti na fiqr e zar hota,
Mera wajood kisi raah ka shajar hota.

Rahe hayat me wo mera hamsafar hota,
Takhayyulaat se mamoor mera ghar hota.

Pada hua na main is tarha rah par hota
Mera bhi bazm e jaha.n me kahin jo ghar hota.

Na tang hum pe zamana ye is qadar hota,
Agar duwaon me apni koi asar hota.

Jamal e husn e nabi gar na motbar hota,
Na hota shams hi ‘Kavish’ na ye qamar hota.


	Logged

Similar Poetry and Posts (Note: Find replies to above post after the related posts and poetry)
	a ghazal by mudassirali in Shayri for Khumar -e- Ishq
	ghazal by roomaharis in Shayri-E-Dard « 1 2 3 All »
	Ghazal by Pooja in Ghazals
	ek matla ............ by mrigank in Shayri for Khumar -e- Ishq
	Matla Band Ghazal ( Qadeertoopchi ) by qadeer_junaid in Ghazals

Talat

Guest

Re: GHazal Baqayde Matla

«Reply #1 on: June 10, 2009, 05:37:55 PM »

Mashallah...Behtareen peshkash...Bohot hi umdah kalam likha hai aapne Nadeem sahab,.... Bohot bohot Khoob !!

Mere khyaal main ye Ghazal Section main zyada munasib rahega.....!


	Logged

SARVESH RASTOGI

Guest

Re: GHazal Baqayde Matla

«Reply #2 on: June 11, 2009, 01:57:08 AM »

BAHUT KHOOB kAVISH jI
WAH WAH
SARVESH RASTOGI


	Logged

madhuwesh

Guest

Re: GHazal Baqayde Matla

«Reply #3 on: June 11, 2009, 05:09:20 AM »

Bahut khoob Nadeem ji,kamaal ka likha hai aapne, Applause


	Logged

riyaz106

Guest

Re: GHazal Baqayde Matla

«Reply #4 on: March 23, 2010, 12:11:27 PM »

Nadeem sahab aapne bahut purkashish aur classic ghazal likhi hai. Sirf matle ki qaid mein rahkhar koi mahir shayar hi aisi ghazal likh sakta hai. Bahot khoob. Afreen.

Quote from: Nadeem Ahmed Kavish on June 10, 2009, 05:34:26 PM


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: GHazal Baqayde Matla