Ghazal---Dard-e-dil

Ghazal---Dard-e-dil
by mazHur


dard-e-dil se mar koi jaata nahi
haan, khushi ke geet par gaata nahi.

door ki kori koi laata nahi
aashiqoan ko kuch bhi toe aata nahi.

dekh laita hoon tamasha door se
chaand jo mere qareeb aata nahi.

ishq se chir he unhein me kia karoon
aashiq unko ik nazar bhaata nahi.

naaz uthatay hein haseenoan ke magar
 kuch ba-juuz is kaam ke  aata nahi.

her kali ka choomta phirta he moonh
baagh me bhanwara yoonhi jaata nahi.

mausam-e-gul me he kion bulbul udaas
dil me koi gham he jo jaata nahi.

 teray aashiq  ko ye zid ke too khila
 woh dawa her shaks se  khaata nahi.

ishq ne tere dikhaaya he   ye din
jeetay jee toe koi mar jaata nahi.

piyaar phooloan se toe kartay hein sabhi
zeenat-e-gul khaar apnaata nahi.

gulshan-e-dil per kab aayay gee bahar?
bagbaan ko kion khayal  aata nahi.

teri ruuswaaee kay dar se jaan-e-jan
ab gali mein teri me aata nahi.

 

Bahut khoob Mazhur ji

Waah Waah Bahoot bahoot khoob Mazhur ji