Ghazal:maiN baat dil se kahta huuN yah baat merii maaniYe!:Ghazals

divyam

Guest

Pyaare dostoN,

ek Ghazal pesh-e-khidmat hai, paRhiye aur izhaar-e-khayaal zaroor farmaayeN:(yeh Ghazal do ek saal puraani hai, tab me.n takhallus me.n apna naam hi istemaal kiya karta tha.. Usual Smile

)

***************************************

maiN baat dil se kahta huuN yah baat merii maaniYe!
mil jaaYe gaa sab kuch waheeN dar par Khudaa ke jaaniYe!

yeh zindagee kee raah pyaare! muKhtaSar hee jaaniYe!
hai lamHah lamHah qeematee kuch mol to pehchaaniYe!

gar HauSile ooNche hoN to baadal bhee Khud chhaT jaaYeN ge
kaT jaayeNgii duShwaariyaaN jo kaam dil meiN Thaaniye!

jab un ke paas aataa hooN maiN woh door mujh se jaate haiN
hai un ke dil meN baat kyaa yeh raaz kaise jaaniYe?

chehre ke peechhe haiN chhupe chehre bohat, ShakleN hazaar
duShman kee kyaa pehchaan hai aur dost kis ko jaaniYe?

TooTaa hu'aa. looTaa hu'aa, sahmaa hu'aa, bikhraa hu'aa
ham aap ko dil de chuke haiN, maaniYe nah maaniYe!

Maqta Haazir hai:

kucHh lafz haiN TooTe :Mayank:, eHsaas kucHh bikhre huwe
yaaroN se maiN kehtaa huuN :mujh ko jaaniye, pehchaaniYe:!

-Mayank


	Logged

Similar Poetry and Posts (Note: Find replies to above post after the related posts and poetry)
	Baat baat bhi na thi by Rajesh Harish in Miscellaneous Shayri
	Baat baat mein baat..... by SURESH SANGWAN in Miscellaneous Shayri « 1 2 All »
	Baat se baat niklegi...manju by manjum in Miscellaneous Shayri « 1 2 All »
	wo baat aadhuri si wo baat rahne dejiyega : paani by paani in Shayri-E-Dard
	Ghazal: baat ChhoTii sii haii maaniYe saahib...! by DhavalRami in Shayri-E-Dard