|
Sonu
Guest
|
|
«Reply #30 on: October 13, 2006, 02:41:08 AM » |
|
manzil na de charaag na de hauslaa to de
tinke ka hi sahee tu magar aasraa to de
maiNe ye kab kaha ke mere haq meiN ho jawaab
lekin khamosh kyooN hai tu koi faislaa to de
barsoN maiN tere naam pe khaata raha fareb
mere khuda kahaN hai tu apna pata to de
beshaq mere naseeb pe rakh apnaa ikhtiyaar
lekin mere naseeb meiN kya hai bata to de
|
|
|
|
|
Logged
|
|
|
|
|
|
Sonu
Guest
|
 |
«Reply #31 on: October 13, 2006, 02:55:03 AM » |
|
safar me dhoop to hogi, jo chal sako to chalo
sabhi haiN bheeD meiN tum bhee nikal sako to chalo
kisi ke waaste raaheN kahan badalti hai
tum apne aap ko khud hi badal sako to chalo
yahan kisi ko koi raasta nahin deta
muJhe gira ke agar tum sambhal sako to chalo
yahi hai zindagi kuch khwaab chand ummeedeN
inhi khilonoN se tum bhee bahal sako to chalo
|
|
|
|
|
Logged
|
|
|
|
|
Sonu
Guest
|
|
|
«Reply #32 on: October 13, 2006, 02:56:09 AM » |
|
aap ko bhool jaayeN hum itnin to bewafa nahin
aapse kya gila kareN aapese koi gila nahin
sisha-e-dil ko toDna unka to ek khel hai
humse hi bhool ho gayee unko koi khata nahin
kaash wo apne gham muJhe de deN to kuch sukooN mile
wo kitna bad-naseeb hain gam hee jise mila nahin
juRm hai gar wafa to kya, kyoon kar wafa ko choD doon
kehte haiN is gunaaH kee hoti koi saJa nahiN
|
|
|
|
|
Logged
|
|
|
|
|
Sonu
Guest
|
|
|
«Reply #33 on: October 13, 2006, 02:56:59 AM » |
|
mai chahta bhi yehi tha, wo bewafaa nikle
use samaJhne ka koi to silsila nikle
kitaab-e-maazi ke panne ulaT ke dekh zara
na jaane kaun sa panna muDa hua nikle
jo dekhne meiN bahut hee karib lagtaa hai
usi ke baare meiN socho to faasila nikle
|
|
|
|
|
Logged
|
|
|
|
|
Sonu
Guest
|
|
|
«Reply #34 on: October 13, 2006, 02:57:30 AM » |
|
aisa lagta hai zindagi tum ho
ajnabee kaise ajnabee tum ho
ab koi aarzoo nahin baakee
justjoo meri aakhri tum ho
main zameen par ghana andhera hoon
aasmaanoN ki chandni tum ho
dostoN se wafa ki ummeedeN
kis zamaane ke aadmi tum ho
|
|
|
|
|
Logged
|
|
|
|
|
Sonu
Guest
|
|
|
«Reply #35 on: October 13, 2006, 02:58:14 AM » |
|
tumko hum dil me basa lenge, tum aao to sahi
saari duniya se chupa lenge tum aao to sahi
ek waada karo ab humse na bicHDoge kabhi
naaz hum saare utha lenge tum aao to sahi
bewafa bhee ho sitamgar bee jafa pesha bhee
hum khuda tumko bana lenge tum aao to sahi
raah taarikh hai aur door hai manzil lekin
dard ki shamme jala lenge tum aao to sahi
|
|
|
|
|
Logged
|
|
|
|
|
Sonu
Guest
|
|
|
«Reply #36 on: October 13, 2006, 02:59:27 AM » |
|
apni aankho ke samundar meiN utar jaane de
tera mujrim hoon mujhe doob ke mar jaane de
ay nayey dosth maiN samjhoonga tujhe bhee apna
pehle maazi ka koi zakhm to bhar jaane de
aag duniya ki lagayee hui bhuj jayeygee
koi aansoo mere daaman pe bikhar jaane de
zakhm kitne teri chaahat se mile haiN mujko
soNchtaa hoon ki kahoon tujhse magar jaane de
|
|
|
|
|
Logged
|
|
|
|
|
Sonu
Guest
|
|
|
«Reply #37 on: October 13, 2006, 02:59:55 AM » |
|
neend se aankh khuli hai abhi dekha kya hai
dekh lena abhi kuch der meiN duniya kya hai
baandh rakha hai kisee sonch ne ghar say humko
Varna apna dar-o-deewar se rishta kya hai
ret ki eenT ki pathar ki hooN ya miTTi ki
kisi deewar ke saye ka barosa kya hai
apni daanist me samjhay koi duniya `Shahid'
warna hathoN meiN lakiroN ke ilaawa kya hai
|
|
|
|
|
Logged
|
|
|
|
|
Sonu
Guest
|
|
|
«Reply #38 on: October 13, 2006, 03:01:00 AM » |
|
Lab-e-khaamosh se izhaar-e-tamanna chaahe
baat karne ko bhee tasveer ka lehJa chaahe
tu chale saath to aahaT bhee na aaye apni
dar meiN aahan bhee na ho yuN tuJhe tanha chaahe
khwaab meiN roye to ehsaas ho sairaaBi ka
ret par soYeN magar aankh meiN dariya chaahe
aise tairaaq bhee dekhe haiN 'muzaffar' humne
gharq hone ke liye bhee jo sahara chaahe
|
|
|
|
|
Logged
|
|
|
|
|
Sonu
Guest
|
|
|
«Reply #39 on: October 13, 2006, 03:01:31 AM » |
|
log har mod pe ruk ruk ke sambhalte kyoon haiN
itna dartay hain to phir ghar say nikaltay kyoon haiN
main na jugnu hoon diya hoon na koi tara hoon
roshni vaalay meray naam say jaltay kyoon haiN
neend se mera taaluq hi nahin barso sein
khawab aa aa kay meri chhat pay tehltay kyoon haiN
mod hotaa hai jawaani ka sambhalne kay liye
aur sab log yahin aa kay fisaltay kyoon haiN
|
|
|
|
|
Logged
|
|
|
|
|
Sonu
Guest
|
|
|
«Reply #40 on: October 13, 2006, 03:02:03 AM » |
|
mera dil bhi shauk say todo ek tajurba aur sahee
lakh khilonay tod chukay ho ek khilona aur sahee
raat hai gham ki aaj bhuja do jalta hua har ek chirag
dil mein andhera ho hi chuka hai ghar mein andhera aur sahee
dam hai niklta ik aashiq ka bheed hai aa kar dekh to lo
lakh tamashay dekhay hongay ek nazaara aur sahee
khanjar ley kar saunchtay kya ho qatl `Murad' bhi kar daalo
daag hain sau daaman pe tumharay ek izaafa aur sahee
|
|
|
|
|
Logged
|
|
|
|
|
Sonu
Guest
|
|
|
«Reply #41 on: October 13, 2006, 03:02:57 AM » |
|
saamne hai jo usey log bura kehte haiN
jisko dekha hee nahi usko khuda kehte haiN
zindagi ko bhee sila kehte haiN kehne waale
jeene waale to gunaahoN kee saza kehte haiN
faasile umR ke kuch aur badha deti hai
jaaney kyoon log use phir bhee dawa kehte haiN
chand masoom se pattoN ka lahoo hai `Fakir'
jisko mehboob ke haathoN ki hina kehte haiN
|
|
|
|
|
Logged
|
|
|
|
|
Sonu
Guest
|
|
|
«Reply #42 on: October 13, 2006, 03:03:29 AM » |
|
jahan jahan mujhe sehra dikhayee deta hai
meri tarah se akela dikhayee deta hai
yeh ek abR ka tukDa kahan kahan barse
tamam dasht hi pyaasa dikhayee deta hai
yeh kis maqaam pe laayee hai justjoo teri
jahan se arsh bhi nicha dikhayee deta hai
|
|
|
|
|
Logged
|
|
|
|
|
Sonu
Guest
|
|
|
«Reply #43 on: October 16, 2006, 03:46:36 AM » |
|
agar hum kaheN aur wo mushkura deiN
Hum unke liye zindgaaNi luTa deiN
har ik mod par Hum gamoN ko sazaa deiN
chalO zindaGi ko mohabbat bana deiN
aGar khud ko bhoole to kuch bhi na bhoole
ke chaahat meiN unkee khuda ko bhula deiN
kabHi gam kee aandhee jinHeN choo na paaye
wafa ke Hum wo nashe-Man bana deiN
qayaamat ke deewaane kehte haiN humse
chalO unke chehRe se parda haTa deiN
saza de silaa de, bana de miTaa de
maGar wo koi fiaslaa to sunaa de
|
|
|
|
|
Logged
|
|
|
|
|
Sonu
Guest
|
|
|
«Reply #44 on: October 16, 2006, 03:47:20 AM » |
|
tum itna jo muskura rahe ho
kya gham hai jisko chupaa rahe ho
aankhoN meiN namee haNsi laboN par
kya haal hai kya dikhaa rahe ho
ban jaayenGe zaher peete peete
ye ashQ jo peete rahe ho
jin zakhmoN ko waqt bhar chala hai
tum kyooN unhe cheDe jaa rahe ho
rekhaaOn ka khel hai muqqaddar
rekhaaOn se maat khaa rahe ho
|
|
|
|
|
Logged
|
|
|
|
|
on eTI community..
