|
Talat
Guest
|
maiN kab kahtaa huN vo acchaa bahut hai
magar us ne mujhe chaaha bahut hai
Khudaa is shah’r ko mahfuuz rakhe
ye bachhoN ki tarah haNstaa bahut hai
maiN har lamhe meN sadiyaaN dekhtaa huN
tumhaare saath ek lamhaa bahut hai
meraa dil baarishoN meN phuul jaisaa
ye bacchaa raat meN rotaa bahut hai
vo ab laakhoN diloN se kheltaa hai
mujhe pehchaan le, itnaa bahut hai
|
|
|
|
|
Logged
|
|
|
|
|
|
Talat
Guest
|
 |
«Reply #1 on: February 23, 2008, 11:09:15 PM » |
|
vo thakaa hu’aa merii baahoN meN zaraa so gayaa thaa to kyaa hu’aa
abhii maiN ne dekhaa hai chaaNd bhii kisii shaaKh-e-gul pe jhukaa hu’aa
jise le ga’ii hai abhii havaa vo varq thaa dil kii kitaab kaa
kahiiN aaNsuoN se miTaa huaa kahiiN aaNsuoN se likhaa hu’aa(varaq : page)
ka’ii miil ret ko kaaT kar ko’ii mauj phuul khilaa ga’ii
ko’ii peR pyaas se mar rahaa hai nadii ke paas khaRaa huaa
(mauj : wave)
mujhe haadisoN se sajaa sajaa ke bahut hasiin banaa diyaa
meraa dil bhii jaise dulhan kaa haath ho mehndiyoN se rachaa hu’aa
vahii Khat ke jis pe jagah jagah do mahakate hoNThoN ke chaaNd the
kisii bhuule-bisre se taaq par tah-e-gard hogaa dabaa hu’aa
(taaq : shelf; tah-e-gard : under the dust)
vahiii shah’r hai vahii raaste vahii ghar hai aur vahii laan bhii
magar us dariiche se puuchnaa vo daraKht anaar kaa kyaa hu’aa
(laan : lawn; dariichaa : window; daraKht : tree)
mere saath jugnuu hai ham-safar magar is sharar kii bisaat kyaa
ye charaaG ko’ii charaaG hai na jalaa hu’aa na bujhaa hu’aa
(sharar : spark; bisaat :worth)
|
|
|
|
|
Logged
|
|
|
|
|
Talat
Guest
|
|
|
«Reply #2 on: February 23, 2008, 11:11:40 PM » |
|
vaqt-e-ruKhsat kahiiN taare kahiiN jugnuu aaye
haar pehnaane mujhe phuul se baazuu aaye
(vaqt-e-ruKhsat : time of departure; baazuu : hands)
bas gayii hai mere ehsaas meN ye kaisii mahek
ko’ii Khushbuu maiN lagaauuN terii Khushbuu aaye
maiN ne din raat Khudaa se ye du’aa maaNgii thii
ko’ii aahaT na ho dar pe mere aur tuu aaye
us kii baateN ke gul-o-la’ala pe shabnam barse
sab ko apnaane kaa us shoKh ko jaaduu aaye
(gul-o-la’ala : flowers and tulips; shoKh : cheerful)
un dinoN aap kaa aalam bhii ajab aalam hai
shoKh khaayaa hu’aa jaise ko’ii aahuu aaye
(aahuu : deer)
us ne chhuu kar mujhe patthar se phir insaan kiyaa
muddatoN baad merii aaNkh meN aaNsuu aaye
|
|
|
|
|
Logged
|
|
|
|
|
Talat
Guest
|
|
|
«Reply #3 on: February 23, 2008, 11:12:53 PM » |
|
udaasii ke chehre paRhaa mat karo
Ghazal aaNsuuoN se likhaa mat karo
bahar-haal ye aag hii aag haiN
chiraaGoN ko aise chhuaa mat karo
du’aa aaNsuuoN meN khilaa phuul hai
kisii ke liye bad-du’aa mat karo
tumheN log kehne lageN be-vafaa
zamaane se itnii vafaa mat karo
agar vaaqaii tum pariishaaN ho
kisii aur se tazkiraa mat karo
Khuda ke liye chaaNdni raat meN
akele akele phiraa mat karo
|
|
|
|
|
Logged
|
|
|
|
|
Talat
Guest
|
|
|
«Reply #4 on: February 23, 2008, 11:14:06 PM » |
|
sochaaa nahiiN achhaa buraa dekhaaa sunaa kuch bhii nahiiN
maaNgaa Khudaa se raat din tere sivaa kuch bhii nahiiN
dekhaa tujhe sochaa tujhe chaahaa tujhe puujaa tujhe
merii Khataa merii wafaa terii Khataa kuch bhii nahiiN
jis par hamaarii aaNkh ne motii bichhaaye raat bhar
bhejaa wahii kaaGhaz use hamane likhaa kuch bhii nahiiN
ik shaam kii dahliiz par baiThe rahe vo der tak
aaNkhoN se kii baateN bahut muuNh se kahaa kuch bhii nahiiN
(dahliiz : threshold)
do chaar din kii baat hai dil Khaak meN so jaayegaa
jab aag par kaaGhaz rakhaa baakii bachaa kuch bhii nahiiN
ahsaas kii Khushbuu kahaaN, aavaaz ke jugnuu kahaaN
Khaamosh yaadoN ke sivaa, ghar meN rahaa kuch bhii nahiiN
|
|
|
|
|
Logged
|
|
|
|
|
Roja
Guest
|
|
|
«Reply #5 on: February 24, 2008, 02:53:14 AM » |
|
maiN kab kahtaa huN vo acchaa bahut hai
magar us ne mujhe chaaha bahut hai
Khudaa is shah’r ko mahfuuz rakhe
ye bachhoN ki tarah haNstaa bahut hai
maiN har lamhe meN sadiyaaN dekhtaa huN
tumhaare saath ek lamhaa bahut hai
meraa dil baarishoN meN phuul jaisaa
ye bacchaa raat meN rotaa bahut hai
vo ab laakhoN diloN se kheltaa hai
mujhe pehchaan le, itnaa bahut hai
Wah kya sharing ki Bashir Badr ji ka. Bahut bahut shukhriya for sharing these lovely gazals. |
|
|
|
|
Logged
|
|
|
|
|
Talat
Guest
|
|
|
«Reply #6 on: February 24, 2008, 01:08:52 PM » |
|
Thank You so much Roja
|
|
|
|
|
Logged
|
|
|
|
|
Talat
Guest
|
|
|
«Reply #7 on: February 25, 2008, 04:52:12 PM » |
|
aa chaa.Ndanii bhii merii tarah jaag rahii hai
palako.n pe sitaaro.n ko liye raat kha.Dii hai
ye baat ki suurat ke bhale dil ke bure ho.n
allaah kare jhuuTh ho bahuto.n se suunii hai
vo maathe kaa matalaa ho ki ho.nTho.n ke do misare
bachapan kii Gazal hii merii mahabuub rahii hai
Gazalo.n ne vahii.n zulfo.n ke phailaa diye saaye
jin raaho.n pe dekhaa hai bahut dhuup ka.Dii hai
ham dillii bhii ho aaye hai.n laahaur bhii ghume
ai yaar magar terii galii terii galii hai
|
|
|
|
|
Logged
|
|
|
|
|
Talat
Guest
|
|
|
«Reply #8 on: February 25, 2008, 04:54:43 PM » |
|
bhiigii hu_ii aa.Nkho.n kaa ye ma.nzar na milegaa
ghar chho.D ke mat jaao kahii.n ghar na milegaa
phir yaad bahur aayegii zulfo.n kii ghanii shaam
jab dhuup me.n saayaa ko_ii sar par na milegaa
aa.Nsuu ko kabhii os kaa qataraa na samajhanaa
aisaa tumhe.n chaahat kaa samu.ndar na milegaa
is Khvaab ke maahaul me.n be-Khvaab hai.n aa.Nkhe.n
baazaar me.n aisaa ko_ii zevar na milegaa
ye soch lo ab aaKhirii saayaa hai muhabbat
is dar se uthoge to ko_ii dar na milegaa
|
|
|
|
|
Logged
|
|
|
|
|
Talat
Guest
|
|
|
«Reply #9 on: February 25, 2008, 04:55:25 PM » |
|
bhuul shaayad bahut ba.Dii kar lii
dil ne duniyaa se dostii kar lii
tum muhabbat ko khel kahate ho
ham ne barbaad zindagii kar lii
us ne dekhaa ba.Dii inaayat se
aa.Nkho.n aa.Nkho.n me.n baat bhii kar lii
aashiqii me.n bahut zaruurii hai
bevafaa_ii kabhi kabhii kar lii
ham nahii.n jaanate chiraaGo.n ne
kyo.n a.ndhero.n se dostii kar lii
dha.Dakane.n dafn ho ga_ii ho.ngii
dil me.n diivaar kyo.n kha.Dii kar lii
|
|
|
|
|
Logged
|
|
|
|
|
Talat
Guest
|
|
|
«Reply #10 on: February 25, 2008, 04:57:32 PM » |
|
ek cheharaa saath saath rahaa jo milaa nahii.n
kisako talaash karate rahe kuchh pataa nahii.n
shiddat kii dhuup tez havaao.n ke baavajuud
mai.n shaaKh se giraa huu.N nazar se giraa nahii.n
aaKhir Gazal kaa taajamahal bhii hai makabaraa
ham zindagii the hamako kisii ne jiyaa nahii.n
jisakii mukhaalafat hu_ii mashahuur ho gayaa
in pattharo.n se ko_ii pari.ndaa giraa nahii.n
taariikiyo.n me.n aur chamakatii hai dil kii dhuup
suuraj tamaam raat yahaa.n Duubataa nahii.n
kisane jalaa_ii bastiyaa.N baazaar kyo.n luTe
mai.n cha.Nd par gayaa thaa mujhe kuchh pataa nahii.n
|
|
|
|
|
Logged
|
|
|
|
|
Talat
Guest
|
|
|
«Reply #11 on: February 25, 2008, 05:00:05 PM » |
|
gaa.Nv miT jaayegaa shahar jal jaayegaa
zindagii tera cheharaa badal jaayegaa
kuchh likho marsiyaa masanavii yaa Gazal
ko_ii kaaGaz ho paanii me.n gal jaayegaa
ab usii din likhuu.Ngaa dukho.n kii Gazal
jab meraa haath lohe me.n Dhal jaayegaa
mai.n agar muskuraa kar unhe.n dekh luu.N
qaatilo.n kaa iraadaa badal jaayegaa
aaj suuraj kaa ruKh hamaarii taraf
ye badan mom kaa hai pighal jaayega
|
|
|
|
|
Logged
|
|
|
|
|
Pooja
Guest
|
|
|
«Reply #12 on: February 25, 2008, 05:00:49 PM » |
|
Nice sharing TALAT!!
|
|
|
|
|
Logged
|
|
|
|
|
Talat
Guest
|
|
|
«Reply #13 on: February 25, 2008, 06:44:06 PM » |
|
Pooja thanks a lot
|
|
|
|
|
Logged
|
|
|
|
|
abdulqadeer
Guest
|
|
|
«Reply #14 on: February 12, 2009, 11:49:25 AM » |
|
socha nahin acha bura dekha suna kuch bhi nahin!!
maanga Khudaase raat din tere siva kuch bhi nahin!!
dekhaa tujhe sochaa tujhe chaha tujhe puuja tujhe !!
meri khata meri wafa teri Khata kuch bhi nahin !!
jis par hamaari ankh ne moti bichaye raat bhar !!
bhejaa wahi kaagaz use hamane likhaa kuch bhi nahin !!
ik shaam ki dahliiz par baithe rahe vo der tak !!
ankhon se ki baaten bahut muunh se kahaa kuch bhi nahin !!
do char din ki baat hai dil khak men so jaayega !!
jab aag par kaghaz rakha baaki bacha kuch bhi nahin !!
ahsaas kii Khushbu kahaan, aavaaz ke jugnu kahaan !!
Khaamosh yaadon ke siva ghar men raha kuch bhi nahin !!
Janab Dr.Bashir Badar sahab !!
|
|
|
|
|
Logged
|
|
|
|
|
on eTI community..
