HAI GALI-GALI MEIN CHARCHA TERI MERI AASHJIQUI KA (GHAZAL)

Na to Khwahish Aasma.n ki, Na Zamee.n ki Aarzoo Hai,
Jo Mile Teri Gali se, usi ra'h ki Justuju Hai

Hai Gali-Gali mei.n Charcha, Teri-Meri Aashiqui ka,
Kahee.n Tera Tazkira Hai, Kahee.n Meri Guftugu Hai

Hai Shabaab Tera Ek Khilte Hue gulaab Jaisa,
Wahi Taazgi Wahi Husn hai,Wo hi Rang-o-boo Hai

Kahi.n Ro'ab-e-Husn se Sheesha-e-Dil na Toot Jaaye,
Ki Wo Aaina-shikan Aaj Hamaare Roo-ba-roo Hai

Hai.n Tera hi Roop Nadiya.n ,Shajar-o-Hajar, Hawaai.n ,
Mai.n Jidhar Bhi Dekhta Hoo.n , Nazar Aata Too-hi-Too Hai

Hai Mujaahid-e-Watan Too, Nahee.n iss mei.n Shakk Zara Bhi,
Teri Tegh Mein Magar Kyuu.n Tere Bhaai Ka Lahoo Hai

Na to Khwahish Aasma.n ki, Na Zamee.n ki Aarzoo Hai,
Jo Mile Teri Gali se, usi ra'h ki Justuju Hai

Hai Gali-Gali mei.n Charcha, Teri-Meri Aashiqui ka,
Kahee.n Tera Tazkira Hai, Kahee.n Meri Guftugu Hai

Hai Shabaab Tera Ek Khilte Hue gulaab Jaisa,
Wahi Taazgi Wahi Husn hai,Wo hi Rang-o-boo Hai

Kahi.n Ro'ab-e-Husn se Sheesha-e-Dil na Toot Jaaye,
Ki Wo Aaina-shikan Aaj Hamaare Roo-ba-roo Hai

Hai.n Tera hi Roop Nadiya.n ,Shajar-o-Hajar, Hawaai.n ,
Mai.n Jidhar Bhi Dekhta Hoo.n , Nazar Aata Too-hi-Too Hai

Hai Mujaahid-e-Watan Too, Nahee.n iss mei.n Shakk Zara Bhi,
Teri Tegh Mein Magar Kyuu.n Tere Bhaai Ka Lahoo Hai

wah wah wah, bahut khoob, bahut umdah, murassa, munfarid aur me.aari ghazal hai ye aapki. Hazaron daad qubul kijiye janab..
(waquif ansari)