Hamare waste kab waqt wo barbad kertay haiN:Ghazals

A K Khan

Guest

Mohtram dosto

Aadab,

Aapki khidmat maiN apni eik Ghazal lekar Hazir houa hooN. Aapki qeemati aara khayalaat tanqeed aur tabseron ka intizar rahega. Shukriyah.

Nacheez
AZHAR

Yunhi do pal sahi ghamgeen dil ko shad kertay haiN
Ameer-e-shehar ke aagay koi faryad kertay haiN

thikana dhundte haiN ab kisi ujRe hue dil main
chalo aao koi veeran ghar aabad kertay haiN

Tumhare ye jahan wale hamiN pagal samajhte haiN
bhula detay haiN khud ko ham tumhaiN jab yad kertay haiN

unhaiN fursat kahaN betab dil ka haal sunne ki
Hamare waste kab waqt wo barbad kertay haiN

Purani baat he tufan ke rukh ko palat dena
jo dil ko pher de aesa hunar eejad kertay haiN

Ye khamoshi se barsooN in ki bunyadoon main paltay haiN
gharooN ko nafretoon ke zalzale barbad kertay haiN

tumhari god maiN ser rakh ke sona chahte to haiN
Magar kab rizq ke zindaan hamiN aazad kertay haiN

AZHAR.


	Logged

Similar Poetry and Posts (Note: Find replies to above post after the related posts and poetry)
	Hamare Bhi Kuch Armaan Hain by Devdas_online in Shayri for Khumar -e- Ishq
	Manana Jash-e-Azaadi Na Hamare Waste Rona,.. by Azeem Azaad in Shairy-E-Watan
	Yeh To Hamare Ishq Ka Asar Hain by V a r s h a in SMS , mobile & JOKES
	Hamare liye khud ko meeta rahi hain......... by redwhitegang in Shayri for Khumar -e- Ishq
	Waqt utna hi azmaata hain, jitna insaan sambhaal paata hain by livingbytheday in Ghazals « 1 2 All »