Har Duwa Beasar to Kya keejay ( Qadeertoopchi ):Ghazals

qadeer_junaid

Maqbool Shayar

Rau: 17

Offline

Waqt Bitaya:
15 days, 15 hours and 40 minutes.
Posts: 608
Member Since: Apr 2010

yaarane mahefil aadab ,, meri adna khawish ap sub ki nazar , umid hai ap apni qeemti aara se nawzenge ..

Wo na chahe agar to kya keejay
har duwa be asar to kya keejay

haal mera to sub pe zahir hai
unko na ho qabar to kya keejay

hausle yun to kamm nahi mere
Mai Hon gharq-e-bhanwar to kya keejay

eak dariya hai saath me yun to
tishnagi be qabar to kya keejay

ab kahen wo ke laut aa qadir
dil na jaye udhar to kya keejay

qadeertoopchi


	Logged

Similar Poetry and Posts (Note: Find replies to above post after the related posts and poetry)
	MERI DUWA by poem143s in Shayri-E-Dard
	kon duwa karega by poem143s in Shayri-E-Dard
	toote diloN ki haa'e bhi BEASAR jaati hai...!! by ghayal_shayar in Ghazals
	DUWA by Risk in Shayri for Dard -e- Judai « 1 2 All »
	ASAR BEASAR by surindarn in Ghazals

mamta bajpai

Guest

Re: Har Duwa Beasar to Kya keejay ( Qadeertoopchi )

«Reply #1 on: July 07, 2010, 06:02:41 AM »

ek dariya saath me yun to
tishnagi bekhabar to kya keeje

bahut khoooooob Janab Qadeer Saheb!bahut khoob.......


	Logged

mamta bajpai

Guest

Re: Har Duwa Beasar to Kya keejay ( Qadeertoopchi )

«Reply #2 on: July 07, 2010, 06:10:17 AM »

ek koshish meri janib se bhi.......maaf keejiyega aap ki hi tarz par hai

wo jo chahe agar to kya keeje
ho dua ka bhi asar to kya keeje

haal mera to un pe zahir hai
wo bane bekhabar to kya keeje

wo to ab tak wahin hain ae dilbar
dil na aaye idhar to kya keeje


	Logged

.adeeb

Guest

Re: Har Duwa Beasar to Kya keejay ( Qadeertoopchi )

«Reply #3 on: July 07, 2010, 08:49:25 AM »

Waah Abdul Qadeer Sb bahut achi aur shandar ghazal apne kahi.
Har sher murassa aur purkashish hai. Is behtareen peshkash par daad qubool karen.


	Logged

nazr ghouri

Guest

Re: Har Duwa Beasar to Kya keejay ( Qadeertoopchi )

«Reply #4 on: July 07, 2010, 09:15:35 AM »

waah A.Qadeer sahib wahh bahot khoob ,umda ashaar se saji behetreen ghazal ...daad haazir hai janaab qubool karein.lafzaon ke daayere main tareef ko baandhna mushkil hogaya hai.bahoot khoob janab..ek guzarish hai ke ..ghrqe bhanwar ko agar (gharq-e-bhanwar,ya ghrq-e-bhanwar)likhein to padhne main asaani hogi.aise hi kalaam se mehfil ko roshan karte rahiyega.


	Logged

KOYAL46

Guest

Re: Har Duwa Beasar to Kya keejay ( Qadeertoopchi )

«Reply #5 on: July 07, 2010, 01:35:06 PM »

Sunder kalaam hai aapka Qadeer-ji... Applause

Beej boye par baarish na ho tou kya keejay
Kismat ho kharaab hal toote tou kya keejay

Quote from: qadeer_junaid on July 07, 2010, 05:43:12 AM

yaarane mahefil aadab ,, meri adna khawish ap sub ki nazar , umid hai ap apni qeemti aara se nawzenge ..

Wo na chahe agar to kya keejay
har duwa be asar to kya keejay

haal mera to sub pe zahir hai
unko na ho qabar to kya keejay

hausle yun to kamm nahi mere
kashti ghrqe bhanwar to kya keejay

eak dariya hai saath me yun to
tishnagi be qabar to kya keejay

ab kahen wo ke laut aa qadir
dil na jaye udhar to kya keejay

qadeertoopchi


	Logged

dead heart

Guest

Re: Har Duwa Beasar to Kya keejay ( Qadeertoopchi )

«Reply #6 on: July 07, 2010, 04:20:26 PM »

Quote from: qadeer_junaid on July 07, 2010, 05:43:12 AM

yaarane mahefil aadab ,, meri adna khawish ap sub ki nazar , umid hai ap apni qeemti aara se nawzenge ..

Bahaut khubsoorat ghazal hai yeh..Behtrin...Maza agaya parrkar...Likte rahiye Qadeer jee...Bahaut seekhne milta hai... Applause


	Logged

Ghulam Haider

Guest

Re: Har Duwa Beasar to Kya keejay ( Qadeertoopchi )

«Reply #7 on: July 07, 2010, 04:55:56 PM »

Quote from: qadeer_junaid on July 07, 2010, 05:43:12 AM

yaarane mahefil aadab ,, meri adna khawish ap sub ki nazar , umid hai ap apni qeemti aara se nawzenge ..

Qadeer bhai kya dil nasheen andaaz hai aapka. bohot hi pur asar aur dil chasp ghazal hai. Bhai bohot pasand hai.. Meri taraf se dili daad aur mubaarakbaad qubool kareN is haseen ghazal par.

Wo na chahe agar to kya keejay
har duwa be asar to kya keejay

ye bhi dhkh leN (Ho duwa de asar to kya keejay)
Waise aap ka misra' bhi durust hai.

haal mera to sub pe zahir hai
unko na ho qabar to kya keejay

hausle yun to kamm nahi mere
kashti ghrqe bhanwar to kya keejay

eak dariya hai saath me yun to
tishnagi be qabar to kya keejay

ab kahen wo ke laut aa qadir
dil na jaye udhar to kya keejay

qadeertoopchi

Aise lagta hai keshaayad aap "khabar" ko qabar likhte haiN.
aur (gharq e bhaNwar)ki bhi aap ne (Ghrqe bhanwar) likh diya hai jo ba zaahir typin ki mistake lagti hai.
Phir se is haseen ghazal par meri taraf se daad haazir hai.
Isi tarah nawaazte rahiye hameN apne khush khayaalaat se.


	Logged

waquif ansari

Guest

Re: Har Duwa Beasar to Kya keejay ( Qadeertoopchi )

«Reply #8 on: July 14, 2010, 08:55:29 AM »

Wah wah wah qadeer junaid saheb! Kaafi achchhi ghazal hai janab ye aapki. Khoob se khoobtar hoti ja rahi hai aapki sukhanwari. Masha Allah khoob kah rahe haiN, Allah nazr-e-bad se bachaaye. HazaaroN daad qubul keeje saath meiN ye chand lineN bhi:

Aap ik kaam ye kiya keeje
Chupke chupke ghazal paRha keeje

MaiN hooN akhbaar ahd-e-nau ka janaab
Sar se pa tak mujhe paRha keeje

Sirf baahar raheN ye theek nahiN
Aap ghar par bhi kuchh raha keeje

(Waquif Ansari)

Quote from: qadeer_junaid on July 07, 2010, 05:43:12 AM

yaarane mahefil aadab ,, meri adna khawish ap sub ki nazar , umid hai ap apni qeemti aara se nawzenge ..


	Logged

riyaz106

Guest

Re: Har Duwa Beasar to Kya keejay ( Qadeertoopchi )

«Reply #9 on: July 14, 2010, 09:06:56 AM »

Bahut khoob A.QADEER sb. Behtreen ghazal hai jo bol rahi hai. Daad hazir hai.


	Logged

qadeer_junaid

Maqbool Shayar

Rau: 17

Offline

Waqt Bitaya:
15 days, 15 hours and 40 minutes.
Posts: 608
Member Since: Apr 2010

Re: Har Duwa Beasar to Kya keejay ( Qadeertoopchi )

«Reply #10 on: July 29, 2010, 08:20:03 AM »

Dosto.N aadab ,,

Takhir ke liye mazrath .. Apki mahubbaton ke behad shukriya .. Umid hai aage bhi issi tarhan apni mahubbato.N se nawazte rahenge .. Nazr Sahab .. Aur Gulam Haider Bhai apki tajweez ke mutaqib Edit kar diya maine .. behad shukriya apka .. dad ke liye mashkoor o mumnoo hon .. allah ap sub ko khush rakhe ..

dua go

qadeertoopchi


	Logged

HumTum

Guest

Re: Har Duwa Beasar to Kya keejay ( Qadeertoopchi )

«Reply #11 on: January 07, 2011, 03:33:04 PM »

waah ...

Mil jaye nazarroN se Nazar to kya Kijiye
Woh Pilaa de Mujhko Zaher to Kya Kijiye

Jee mien aaye ke mita dooN uski YaadieN
Yhe hoo na Paaye Magar, to kya kijiye

Yeh silsile kab kha jaa kar thame "HumTum"
Na usko pta Na Mujko Kabar, to kya kijiye!!!

Adaab!

HumTum


	Logged

khwahish

WeCare
Khaas Shayar

Rau: 166

Offline

Gender: Male

Waqt Bitaya:
272 days, 6 hours and 11 minutes.

Posts: 11814
Member Since: Sep 2006

Re: Har Duwa Beasar to Kya keejay ( Qadeertoopchi )

«Reply #12 on: January 07, 2011, 03:35:46 PM »

Quote from: HumTum on January 07, 2011, 03:33:04 PM

waah ...

Mil jaye nazarroN se Nazar to kya Kijiye
Woh Pilaa de Mujhko Zaher to Kya Kijiye

Jee mien aaye ke mita dooN uski YaadieN
Yhe hoo na Paaye Magar, to kya kijiye

Yeh silsile kab kha jaa kar thame "HumTum"
Na usko Kabar Na Mujko Kabar, to kya kijiye!!!

Adaab!

HumTum

Bahut Bahut Khoob Humtum Ji..

Humesha Ki Tarah lajawaab!!!

Par Humtum Ji Aap Ho kaha, bahut Waqt Ke baad Aapke Deedar Hue hai


	Logged

HumTum

Guest

Re: Har Duwa Beasar to Kya keejay ( Qadeertoopchi )

«Reply #13 on: January 07, 2011, 03:45:57 PM »

Hello Khwaish Ji - bas waqt ne izaazat nai di ke ru-b-ru ho sake ... accha lga kucch purane chahre dekh kar ....

Phir aaye hai lout kar din suhane
Phir mile hai kucch yaar purane!!

Adaab!!

HumTum


	Logged

manjum

Guest

Re: Har Duwa Beasar to Kya keejay ( Qadeertoopchi )

«Reply #14 on: January 08, 2011, 06:20:10 AM »

bahut khub Qadeerji... khub baat kahi hai aapne...

unko na ho Qadar to kya kijie...

bahut umda...

bahut bahut daad


	Logged

Pages: [1] 2 All

Yoindia ShayariAdab > Shayri ( Poetry ) or Shayari > Ghazals > Topic: Har Duwa Beasar to Kya keejay ( Qadeertoopchi )