Hayaat-e-zeest ki qitaab ke harf utha leta hun

Guys,this ghazal consists happy,sad n inspirational ashaar.


hayaat-e-zeest ki qitaab ke harf utha leta hun
unme ghazalon ki rawani ko gunguna lia karta hun

(hayaat-e-zeest:zindagi ki zindagi,rawani-umang)

Kitne nadaa hain mere rafeeqon ke parche dost
Main har khat ko phir bhi seene se laga leta hun

(rafeeq-dost,frnd)

Gulzaar koi shaakh hamesha to nahi rahti magar
vo patta hun,tootkar bhi shajar ko dua deta hun

(shajar-tree,darakht)


Pahunchaya nahi khud hi pahuncha hun us maqaam pe
Girun bhi jo kabhi, main auron ko utha deta hun

Baad mere chaman me barsaaten bahut hain
Yehi sochke ghata me apnepan ki saba bunta hun

Mujhko malum hai mera anjaam na bata  E Ilahi
Har sile ko sila main tera hi mana karta hun

Zindagi ki rut sabki hai dhalni gile kaise?kisse
Har shakhs me main khud ko mahsus kia karta hun

Shaam se kabhi kabhi subah se hi hoti chasm nam
vo mom hun jo pighalun,chingari ko aag bana deta hun

sahme sahme se hauslon ke parde,kabhi sahmi si sada
gham se ghir bhi jaun,anjuman ko hansa deta hun

pee to leta hun,darta hun qatra-e-ashk na tapke koi
main jo ro dun,phir saari kaynaat ko rula deta hun

apne daman me sukoon-e-talab ke vaaste main
khamosh hokar aksar khamoshi ki zubaa sunta hun

chahat meri dua-e-jannat,tasavvuf mera firdaus
hasrat kuch bhi karun,khud se bhi chupa leta hun

(firdaus-bahishta,swarg,heaven,tasavvuf-spiritualism,adhyaatm)


na fankari meri ada,na hi shayrana mera andaaz
main to bus har harf ko Eid ka darja deta hun

meri aawaargi mujhe kuch aisi pasand aayi hai
tanha bhi rahun bazm me,charaagon ko jala deta hun

sachhai ki hi sohbat rakhi,sachhai ko hi mana badhkar
gar khud bhi ghalat hun,aaina khud ko dikha deta hun

(sohbat-sang,saath)

chaha bahut hai mere khwaab maine tujhko
tujhse hi to aansuon ki dhundh hata deta hun

jadubhari nigaahen andekhe khwaab ki hain kayamati
roo-barun ho jaun,dil thamkar nazron ko jhuka leta hun

zindagi me gham-e-ishk hi nahi,hain aur bhi gham to kya
vo ashk hun jo gair ki aakhon se bhi ashk chura leta hun

junoon rag-e-jaan ke qatron me basa hai kuch is kadar
main jitna toot.un,hauslon ko utna badha deta hun

na chahat-e-daad ki aas hai na rudaad-e-mausiki ki pyaas
numaya nahi karta,khat kuch tasavvur ko bhi likha karta hun

(rudaad-e-mausiki-shayri ki mahfil ya sahitya ko padhna/zikra karna
tasavvur-zehen,vichaar,imagination)


chahe naye hon ya purane dosti dosti se bhi to hai
sahi ko sahi kahne me parwaah kuch nahi kia karta hun

mere aaka mere malik mujhe sada dil hi rakhna
apni maghruri ke har aks ko chun chun ke hata deta hun

saazishon ki bandishen hum par bhi yun to kayam nahi
main jisse bhi milun ek chehre se hi mila karta hun

zamana ka kya,iska kaam hai kahna kuch aur kahte jana
aazaad panchhi hun,bawal-e-dunia se tauba rakhta hun

(bawal-e-dunia:dunia ki baaten,moh maya ki baaten)

maseeha nahi farishta nahi,hun faqat ek mamuli insaan
kisi ko badalun,main pehle khud ko badal lia karta hun

(faqat-only,kewal)

kabhi chain me bhi tadap kabhi dard me bhi sakeenat
raza Rab ki hai,uske kaam me nahi dkhakl dia karta hun

(sakeenat-sukoon,peace)

har taraf bahaar hi bahaar,har taraf khushi khushnuma
main har mausam me mausam-e-bahara ko suna karta hun

zindagi ki ahmiyat zindagi ke baad bhi rahti kayam
kaam koi bhi main kal pe nahi chhora karta hun

mazhab sabhi ek hain,Allah-o-Eeshwar ek hain
Allah ko hi Raam aur Raam ko hi Allah kaha karta hun

Wah wah Kaash ji bahut khoob. Kamaal ki shayari hai aapki. Bahut shandaar poem likhi hai aapne.