hazaaron khwaishein aisi...

        Hazaaron khwahishain 'eisee ke har khwahish pe dam nikle
        bohot  nikle  mere  armaan  lekin  fir  bhee  kam  nikle

        Dare   kyooNn mera  qaatil  kya   rahega  uskee gardan   par
        wo khoon, jo chashm-e-tar se 'umr bhar yooN dam_ba_dam nikle

        [ KHooN = blood, chashm = eye, tar = wet, dam_ba_dam = continously ]

        Nikalna khuld se aadam ka sunte aayain hain lekin
        bohot  be_aabru hokar tere  kooche  se  ham nikle

        [ KHuld = heaven, be_aabaru = disgrace, koocha = street ]

        Bharam  khul  jaaye zaalim  tere  qaamat ki daraazee ka
        agar  is turra-e-pur_pech-o-KHam  ka  pech-o-KHam nikle

        [ daraazee = length/delay, qaamat = stature, turra = an ornamental
          tassel worn in the turban, pech-o-KHam = curls in the
          hair/complexity ]

        Magar likhwaaye  koee usko khat, to hamse likhawaaye
        huee subah aur ghar  se kaan par rakhkar qalam nikle

        Huee is  daur mein mansoob  mujhse baada_aashaamee
        fir aaya wo zamaana, jo jahaan se jaam-e-jam nikle

        [ mansoob = association, baada_aashaamee = association with
          drinking

        Huee jinse  tavaqqo khastagee  kee daad paane kee
        wo hamse bhee ziyaada KHasta-e-teGH-e-sitam nikle

        [ tavaqqo = expectation, KHastagee = weakness, daad = justice,
          KHasta = broken/sick/injured, teGH = sword, sitam = cruelity ]

        Mohabbat mein naheen  hai farq jeene aur  marne kaa
        usee ko dekh kar jeete hain jis kaafir pe dam nikle

        Zara kar  jor  seene  par  ki  teer-e-pursitam  nikle
        jo wo  nikle to dil  nikle, jo dil nikle to dam nikle

        KHUDA  ke  waaste  parda  na  kaabe  se  uthaa zaalim
        kaheeN 'eisa na ho yaaN bhee wohee kaafir sanam nikle

        kahaaN maiKHaane ka darwaaza 'GHalib' aur kahaaN waaiz
        par itana  jaante haiN  kal wo jaata tha ke ham  nikle

        [ waaiz = preacher/advisor ]




ONE OF GREAT LEGENDARY POET GHALIB'S SMAAL PIECE OF ART

Shukiya Diya. Aapne Zariye Itna Khubsoorat Kalaam Padhne Ko Mila..!!

Great Work..!!

A Very Good Shairing Diya!!!

Kitna pyara kalam tha Muhmmad ji... aur aap hi pehla insan honge jo
mirza galib sb ke gazal ko bakwas kaha..

Galib sb ke ek gazal yahan share karti hu jo mujhe bahut bahut accha lagta hai.

aa, ki meree jaan ko qaraar naheeN hai
taaqat-e-bedaad-e-intazaar  naheeN hai

[ qaraar = rest/repose, bedaad = injustice ]

dete haiN jannat hayaat-e-dahar ke badle
nashsha ba_andaaza-e-KHummaar naheeN hai

[ hayaat = life, dahar = world, ba_andaaza = according to,
KHummaar = intoxication ]

giriya nikaale hai teree bazm se mujh ko
haay !  ki roone pe iKHtiyaar naheeN hai

[ giriya = weeping, iKHtiyaar = control ]

hamse 'abas hai gumaan-e-ranjish-e-KHaatir
KHaak meiN ushshaaq kee GHubaar naheeN hai

[ 'abas = indifferent, gumaan = suspicion, ranjish = unpleasantness,
KHaak = ashes/dust, ushshaaq = lovers, GHubaar = clouds of dust ]

dil se uThaa lutf-e-jalva haay ma'anee
GHair-e-gul aainaa-e-bahaar naheeN hai

[ ma'anee = meanings, GHair-e-gul = blossoms ]

qatl ka mere  kiya  hai 'ahad to baare
waae ! akhar 'ahad ustuwaar naheeN hai

[ 'ahad = promise, baare = at last, ustuwaar = frim/determined ]

toone qasam mai_kashee kee khaaee hai 'GHalib'
teree  qasam  ka kuchch  'eitbaar naheeN  hai !

[ mai_kashee = boozing, 'eitbaar = trust/faith ]