Jagah hai ab bhi unkey pahloo mein!:Ghazals

abdbundeli

Guest

Aaj, un kaa jawaab aayaa hai!
Fir nayaa inqilaab aayaa hai!!

Jagah hai ab bhi unkey pahloo mein:
Alassabaah khwaab aayaa hai!

Surkhgoon kyoun na hon lab-o-aariz?
Yak-b-yak nou hijaab aayaa hai!

Un ney deykhaa hamein, ham ney un ko:
Ba'ad, rukh par naqaab aayaa hai!

Feharist-e-sitam ayaan hai ab:
Roo-b-roo har hisaab aayaa hai!

Sarkhushee hai, khushee hai, rounaq hai:
Roo-b-roo maahtaab aayaa hai!

Khizaan parast khaak mein, fir sey,
Zindagee kaa lubaab aayaa hai!

Lag rahaa hai: kaheen zayifee mein,
Lout guzraa shabaab aayaa hai!

Na-umeedee guzar rahee hai ab:
Wasl kaa izitraab aayaa hai!

Khoob hai, khwaab-e-mousam-e-baaraan:
Saath ley kar sharaab aayaa hai!

'Abd', ajeeb hai tasawwur bhi:
Dil mein khiltaa, gulaab aayaa hai!

******
- abd bundeli


	Logged

Similar Poetry and Posts (Note: Find replies to above post after the related posts and poetry)
	Aaou pahloo mein yahaan, kyoun baithhey ho door? by abdbundeli in Shayri for Khumar -e- Ishq
	Akeylaa hoon, shama'a hai saath jaltee huyee pahloo mein! by abdbundeli in Shayri for Khumar -e- Ishq
	mein hi mein har jagah by guhar in Miscellaneous Shayri
	Unkey haathoun to aab mein bhi tha nashah hi nashah! by abdbundeli in Ghazals
	aadon mein unkey by nandbahu in Share:Love Poetry

Muhammed

Guest

Re: Jagah hai ab bhi unkey pahloo mein!

«Reply #1 on: July 05, 2008, 06:07:04 AM »

Masha-allah.

Bahot Hi Khoob Gazal Hai Aapki..
Kya Hi Lafz Istemal Kiye Hai.
Nice abd Ji


	Logged

abdbundeli

Guest

Re: Jagah hai ab bhi unkey pahloo mein!

«Reply #2 on: July 05, 2008, 06:53:38 AM »

Janaab Muhammed sahib,
'Tareef key liye, ab , mein kyaa kahoon? Muhammed !
Kahtaa hoon 'shukriyaa', to lagtaa hai bahut kam hai!!
Hotee hai uskee marzee: ashaar-e-nidaa aatee!
Mein khud hi kah rahaa hoon, mujhko bhi yeh waham hai!!'

- abd bundeli


	Logged

Muhammed

Guest

Re: Jagah hai ab bhi unkey pahloo mein!

«Reply #3 on: July 05, 2008, 07:15:45 AM »

Abd Saa'b

Hamare Lafz To qalil Hai.,
Kya Aapki Gazal Ke Liye kehte.,
aap K Lafz To Kasirr Hai.,
Jo aapne gazal me Kahe hai.,
aap ko ashaar-e-nida aati hai.,
ashaar-e-sada nahi.,
ye is baat ki dalil hai.,
yahaa'n wahem ko Gunajeesh nahi...

-- Raza


	Logged

abdbundeli

Guest

Re: Jagah hai ab bhi unkey pahloo mein!

«Reply #4 on: July 05, 2008, 10:31:37 AM »

Janaab Muhammed sahib,
'Eik adnaa saa shayar hoon mein! Mehraban!
Aisey lafzoun key gahney na pahinaaiye:
Jinkaa bojhaa uthaanaa bhi dushwaar ho!
Iltija hai yahee: dost ban jaaiye!!
Nazr-e-inaayat BANAAYE rakhiyegaa!
Shukraguzar - abd bundeli


	Logged

Muhammed

Guest

Re: Jagah hai ab bhi unkey pahloo mein!

«Reply #5 on: July 05, 2008, 11:32:24 AM »

Ji Abd Saa'b..

Bas Kham-e-Khaam Nawaa-e-"Raza".,
Na Ye Tarj Meri, Na Ye Rang Mera.,
Irsaad-e-ahibba Natiq Tha.,
Nachaar Is Raah Pada Hai Janaa...!!!

-- Raza


	Logged

abdbundeli

Guest

Re: Jagah hai ab bhi unkey pahloo mein!

«Reply #6 on: July 05, 2008, 12:08:52 PM »

Meyrey pyarey Muhammed,
Miyaan, surkhruyi koyi tum sey seekhey!!
Barhee achchhi taaleem hai, yaar! khush hoon!
Yeh alfaaz itney musahhad hain, bhai,
Ki, mein jaagtey khwaab sey, jag uthaa hoon!'
aadaab arz hai! - abd bundeli


	Logged

Muhammed

Guest

Re: Jagah hai ab bhi unkey pahloo mein!

«Reply #7 on: July 07, 2008, 04:08:18 AM »

Nawaazish.,Abd Ji Pyaare Saab.,

Ye To Karam Hai Mere Murshid Ka.,
Warna, Muj Me To aysi Baat Nahi.,
Is Raah-e-Sukhan Me.,
Meri Koi Aauqaat Nahi.,
Har Dam Gur-o-Fikra Karta Hun.,
Ye To Inaayat Hai.,
Koi Mamooli Baat Nahi..!!

>> Raza


	Logged

abdbundeli

Guest

Re: Jagah hai ab bhi unkey pahloo mein!

«Reply #8 on: July 07, 2008, 07:44:53 AM »

Meyrey pyarey Muhammed,
'Barhey naayaab aadmee hain aap!
Dost aisey houn to kahnaa kyaa hai!
Khudaa karey ki aap aur barheyn;
Surkhuroo key liye gahnaa kyaa hai?'
Nazr-e-inaayat BANAAYE rakhiyegaa!
Shukraguzar - abd bundeli


	Logged

Muhammed

Guest

Re: Jagah hai ab bhi unkey pahloo mein!

«Reply #9 on: July 07, 2008, 10:04:42 AM »

janab abd ji sa'b.,

Kaafi Dino Se Hum Aap Par Nazre Jamaye Baithe Hai,
Kaafi Dino Se Hum Aap Ke Lafzo Ko Dekh Rahe Hai,
Fir Socha Hamari Nazre To Badi Tang Hai,
Nazr-e-Inayat-e-Khuda Aap Ke jo Sang Hai....

-- Raza


	Logged

abdbundeli

Guest

Re: Jagah hai ab bhi unkey pahloo mein!

«Reply #10 on: July 07, 2008, 12:56:16 PM »

Muhammed saheb,
Lagtaa hai mujhey: aap sey barhaa hoon umra mein:
Chaliye isee khushi mein, naya qatah likhoon eik!

'Jab dil sey dil mileyngey, to, kuchh hokey raheygaa:
Yeh Jindagee ki bazm hai, mushaairaa naheen!
Miltey hain, jaaney kitney log, roz, is jagah;
Par, kam hi hain, zamaanaa jinhain apnaa kaheygaa!
Mein jaantaa naheen hoon woh mileygaa mujhey kab?
Par, jab bhi woh mileygaa, aab-e-wasl baheygaa!!'
- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Jagah hai ab bhi unkey pahloo mein!