Kahaan tak sitaarey gin-gin, uneendey khwaab deykheyn ham?:Ghazals

abdbundeli

Guest

Jhapatatey paas aatey ho: hamain achchhaa naheen lagtaa!
Bahaanoun sey bulaatey ho: hamain achchhaa naheen lagtaa!

Hamaarey dost, ham par fabtiyaan kastey hain; jaltey hain;
Unhain fir-fir jalaatey ho: hamain achchhaa naheen lagtaa!

Kahaan tak sitaarey gin-gin, uneendey khwaab deykheyn ham?
Garhhey sapney dikhaatey ho: hamain achchhaa naheen lagtaa!

Musalsal feihrishteyn hai: kareyngey yah, kareyngey wah;
Bahut baateyn banaatey ho: hamain achchhaa naheen lagtaa!

Tumhaarey saath jaayen bazm mein? Toubaa! Na jaayengey!!
Baraabar gul khilaatey ho: hamain achchhaa naheen lagtaa!

Tumhaarey saath rahtey huye, rahtey paas; fir bhi tum,
Bahut nazdeek aatey ho: hamain achchhaa naheen lagtaa!

Tumhaaraa kyaa, khisak jaatey ho gupchup baardaateyn kar?
Sabhi khillee urhaatey hain: hamain achchhaa naheen lagtaa!

Arey kyaa ho gayaa hai? Kareyngey, jo bhi kahogey tum!
Zaraa mein roothh jaatey ho: hamain achchhaa naheen lagtaa!!

Chalo ab maan jaaou! Roothhtey hain ham bhi: yah sach hai!
Chhalaawoun sey sataatey ho: hamain achchhaa naheen lagtaa!!

Tumhain jab ham manaatey hain: chahak uthhtey ho man hi man!
Magar jab tum manaatey ho: tumhain achchhaa naheen lagtaa!!

‘Abd’, yeh dil ki baateyn hain: raheyn dil mein to hain mouzoon;
Tunak jab barhbarhaatey ho: hamain achchhaa naheen lagtaa!!

- abd bundeli


	Logged

Similar Poetry and Posts (Note: Find replies to above post after the related posts and poetry)
	Hum kahaan sey kahaan chaley aaye? by abdbundeli in Shayri for Dard -e- Judai
	khwaab ko khwaab samajh ke khwaab ki tauheen na kar... by diya786 in Shairi - E - Zindagi
	Roo-b-roo tu nahin, to yeh uyoon kyaa deykheyn? by abdbundeli in Ghazals
	KAHAAN GAYE TUM by rawattanha in Shayeri for Dard -e- Bewafai
	Uneendey-uneendey nazar aa rahey ho! by abdbundeli in Ghazals « 1 2 All »

divyam

Guest

Re: Kahaan tak sitaarey gin-gin, uneendey khwaab deykheyn ham?

«Reply #1 on: February 25, 2009, 11:57:50 AM »

Garg saahab,

aap ki baaqi Ghazalo/n ki tarah , yeh Ghazal bhi behad achchhi lagii....

daad haazir hai.. Usual Smile

Mayank


	Logged

abdbundeli

Guest

Re: Kahaan tak sitaarey gin-gin, uneendey khwaab deykheyn ham?

«Reply #2 on: February 25, 2009, 12:04:02 PM »

Quote from: divyam on February 25, 2009, 11:57:50 AM

Garg saahab,
aap ki baaqi Ghazalo/n ki tarah , yeh Ghazal bhi behad achchhi lagii....
daad haazir hai.. Usual Smile

Mayank

Thanks, Mayank ji!
- abd bundeli


	Logged

sajid_ghayel

Guest

Re: Kahaan tak sitaarey gin-gin, uneendey khwaab deykheyn ham?

«Reply #3 on: February 25, 2009, 01:53:24 PM »

Main padlu ghazal apni phir sunana tum ghazal apni
Baad teri ghazal ke kalam aur koi achcha nahi lagta

-SG-


	Logged

abdbundeli

Guest

Re: Kahaan tak sitaarey gin-gin, uneendey khwaab deykheyn ham?

«Reply #4 on: February 25, 2009, 03:00:46 PM »

Quote from: sajid_ghayel on February 25, 2009, 01:53:24 PM

Main padlu ghazal apni phir sunana tum ghazal apni
Baad teri ghazal ke kalam aur koi achcha nahi lagta

-SG-

Shukriyah!
Hain laakhoun-laakh aisey, jinkey lafzoun mein hai wo jaadoo;
Ki, aisaa ilm hotaa hai, sifar auqaat hai meyree!
Kahaan wo hain; kahaan mein hoon: naheen tamseel hai koyee;
Dilon ki baat kartaa hoon, bas, itnee baat hai meyree!!

- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Kahaan tak sitaarey gin-gin, uneendey khwaab deykheyn ham?