Khalish !

Meray dard kee jo dawa karay. koi aisa shaks hoa karay
Wo jo baypanah udas ho, magar hijar ka na gilla karay

Meri chahatein, meri qurbatein jisay yaad ayeen qadam qadam
To wo chup kay sab say, libas-e shab main lipat kar aa-ho buqa karay

Baray us ka gham to qarar khoo day wo meray gham kay khayaal say
Uthay haath apnay liay to phir bhee meray liay hee dua karay

Ye qasas ajeeb-o ghareeb hein, yeh mohabbaton kay naseeb hein
Mery peechay aakay dabay daabay, meri aankhein moondh hansa karay

Bara shoor hay meray shaher mein, kisi ajnabi kay nazool kay
WO meri hi jaan na hoo kahein, koi kuch to ja kay pata karay

Meray dard kee jo dawa karay. koi aisa shaks hoa karay !!