MAIN BHI FANKAAR HOON .................... HASAN

Janab MazHur saheb, Adab . Tabsire ka shukriya aur khastaur se shukriya ki shayed aap ne pahli baar khaksaar ki post par reply kiyaaur apni raai se nawaza.Aap ki raai sar aaankhon pe.Ye haqeeqat hai ki nacheez ko sarf o nehv se kuchh khas waqfiyat nahi. Bahr aur wazan ka hattal imkan khayal rakhta hoon .Me'yaari shairy ka bhi koi daawa nahi na Ghalib ki qabr pe laat maarne ka koi irada hai.Shairy mahez waqt guzari ka shaghl hai .
"Ghazlein kahta hoon faqat hansne hansaane ke liye".
Hafte mein aksar 2 ghazlein Yoindia Shayariadab par post karta  aur apne meyaar ke shora se share karta hoon , aur khushi bhi mahsoos karta hoon ki jitni bhi sites par post karta hoon har jagah doston ki bharpoor mohabbat milti hai.Nazar e saani shayed hi kabhi karta hoon , na iska waqt hai . Ghaltiyaan ain mumkin hain aur iska aitraf karne mein koi hatak nahi mahsoos karta .Yaqeenan aap jaise kohna mashq shayer ke meyaar par meri kavishein poori nahi utarti hongi. Aur shayed yo ki beshtar posts bhi aap ke meyaar par nahi  utrein gi....Ye bhi ittefaq hai ki aapka kalaam kabhi kabhi padha zaroor lekin kabhi sanjidgi se shairy ke ramooz ki roshni mein unhein dekhne aur kuchh seekhne ki koshish nahi ki.Ayenda , insha'allah meri koshish rahegi aur ummeed karta hoon doosre ahbaab bhi aapke kalaam se seekhne ki koshish kareinge.Aap se bhi guzarish hai ki sarf o nehv ke  kuchh  khaas pahluon par 1 mukhtasar note is site par post kar ke  ahl e Bazm ke  ilm mein izafa karein kyuunki inse aksar log nawaqif hain.
  Ash'aar ke baare mein aapka mashwira qabil e ghour hai.Lekin jis tarha aapne tarmeem farmaai hai woh meri naqis aql mein durust nahi.NAA ka istemaal beshak bahut achha nahi aur majboori mein kiya jata hai , lekin aisa nahi ki hota na ho . NAA ki jagah KE laga kar padhne mein durust nahin kyunki pahle misre mein kuchh assert kiya jaa raha hai jo doosre misre ke daawe ko supplement karta hai , jubki KE lagaane se pahle misre ke (teer , talwar , patthar ka but etc..) par assertions ke bajaai shak zahir hota hai , jo doosre misre ke sath parhne par aur wazeh hota hai .
 Doosre sher ki tarmeem kuch munasib hai lekin  'Bech doon' ke istemaal se bhi jumla toota hi lagta hai .
 Bahr haal ye jawab  meri naaqis aql  ke mutabiq hai .Aap ka bahut shukrguzar hoon ki aap ne kalaam par tawajjo di aur ummeed karta hoon ki aap aayenda bhi khaksar ko waqt deinge aur jahan zaroorat ho apne aalimana tabsiron aur mashwiron se nawazte raheinge .  
    Duaaon ke sath , Hasan

thanks saman.duaein lo, khush raho.

Laaiba ji , bahut shukrguzar hoon k aap ne ghazal parhi aur pazeerai ki . Duaaein .

Khwahish ji , Shukriya aur bahut duaaein.

excellant ghazal hasan sir. deron daad. 

waah .... Khoobsurat aur asardaar aashaar rahe Hasan sahab !!! Ek dum saaf aur  Dhaar rakhte huwe !!! Dheron daad aap ko !!

laajawaab peshkash hasan sahab.. behad umda aur khoobsurat

thanks janab