Mera Fasl-e-Gul se Hisab hai, Mera Karz Tay Hai Bahaar Par.....:Ghazals

vipul kumar

Guest

Kuchh qurbatoN ke khayaal me, Kuchh FurqatoN ke shumaar par.....
Meri zindgi bhi guzar gayi, Kisi ahd-e-Aamad-e-yaar par.....

[Qurbat=closeness; Furqat=Separation;
Ahd-e-aamad-e-yaar=Promise of coming of lover]

Jo Chaman me abke khila nahi, meri HasratoN ka Gulaab Tha,
Mera Fasl-e-Gul se Hisab hai, Mera Karz Tay Hai Bahaar Par.....

[Fasl-e-gul=spring]

Kabhi aa ke dekh to HamNashiN, Tera Muntzir Hu main aaj bhi,
Hai palak Wafaa ki khuli hui, Meri KhwahishoN ke Mazaar par.....

Mera sab tha tera diya hua, Tere baad karz hai Zindgi,
Meri Saans bhi mustaar hai, Meri Jaan bhi hai Udhaar par......
[Mustaar=Borrowed]

Mujhe rahbaroN se gilaa nahi, Teri chaahatoN me mila yahi,
Hai mere safar ka sila yahi, Jo Nisha.N hai Raah-e-Guzaar par.....

Hai Kalam Ki Dhaar pe 2 hadaf, ye 'Faraz' hai, wo 'Faiz' hai,
Ye SukhanWari Hai tiki hui, Rukh-e-yaar par, Dar-e-Daar par.......

[Hadaf=Targets]

Kabhi aa ke dekh Zamiin par, k shahar me ranj-o-hiraas ke,
Jo Guzar Rahi hai mere Khuda, Tere musht-e-khaak-e-gubaar par...

[Ranj-o-hiraas=Pain and terror]

Teri nafratoN ki Ye aandhiyaN, inhe fir bujha ke na phenk de,
Jo charaag Hamne jala Diye, Teri Dosti ke dayaar par.....

Mujhe shayri ka Hunar nahi, agar ho sake to mitaa bhi de,
Jo kalam se daagh laga diye, Teri MahfiloN ke mayaar par.....!!

[Mayaar=Standard]


	Logged

Similar Poetry and Posts (Note: Find replies to above post after the related posts and poetry)
	Mera Sapna Mera Mehboob (Faree) by Saba_Saba in Shayri for Khumar -e- Ishq
	Ai mausam e bahaar, mera dil hai be qaraar. by Ghulam Haider in Shayri for Dard -e- Judai
	Mera sajan mera sakha bhi Krishn,meri behen mera bhrata bhi Krishn by khumaar in Shayari-e-Parastish
	Mera dushman mera bhai mar gya..........soudagar by soudagar in Shayri-E-Dard « 1 2 All »
	Vo mera hai,us par mera haq hai ........ by pawan16 in Shairi - E - Zindagi

ParwaaZ

Guest

Re: Mera Fasl-e-Gul se Hisab hai, Mera Karz Tay Hai Bahaar Par.....

«Reply #1 on: August 26, 2011, 05:12:35 PM »

Vipul Jee Aadaab!

Waah janab waah kia baat hai... Aap ki kalaam padhne mile
to bahut khushi hoti hai...

Behad gehre aur khub khayaaloN ko umdaa lafzi jamaa pahnaya
hai aapne... Aapka yeH hunar hume behad khoob lagta hai
janab... Humari daad O mubarakbaad kabul kijiye

Quote from: vipul kumar on August 26, 2011, 08:33:42 AM

Kuchh qurbatoN ke khayaal me, Kuchh FurqatoN ke shumaar par.....
Meri zindgi bhi guzar gayi, Kisi ahd-e-Aamad-e-yaar par.....

Kia kahne janab waah, behad khubsurat matla kaha
hai aapne... daad daad daad

[Qurbat=closeness; Furqat=Separation;
Ahd-e-aamad-e-yaar=Promise of coming of lover]

Jo Chaman me abke khila nahi, meri HasratoN ka Gulaab Tha,
Mera Fasl-e-Gul se Hisab hai, Mera Karz Tay Hai Bahaar Par.....

Waah waah kia kahne janab.. Achcha sher hai daad ... khususi hume aapki bayaani behad khoob lagi is sher meiN daad

[Fasl-e-gul=spring]

Kabhi aa ke dekh to HamNashiN, Tera Muntzir Hu main aaj bhi,
Hai palak Wafaa ki khuli hui, Meri KhwahishoN ke Mazaar par.....

Waah janab waah kia dilfareb sher kaha hai daad

Mera sab tha tera diya hua, Tere baad karz hai Zindgi,
Meri Saans bhi mustaar hai, Meri Jaan bhi hai Udhaar par......
[Mustaar=Borrowed]

Kia kahne Vipul jee bada pyaara aur khub gehra sher kahaa hai aapne daad daad daad

Mujhe rahbaroN se gilaa nahi, Teri chaahatoN me mila yahi,
Hai mere safar ka sila yahi, Jo Nisha.N hai Raah-e-Guzaar par.....

Bahut khoob janab daad

Hai Kalam Ki Dhaar pe 2 hadaf, ye 'Faraz' hai, wo 'Faiz' hai,
Ye SukhanWari Hai tiki hui, Rukh-e-yaar par, Dar-e-Daar par.......

Waah waah waah kia kahne janab... aapke khayaaloN ke waah bahut umdaa aur dilkash sher kaha hai daad

[Hadaf=Targets]

Kabhi aa ke dekh Zamiin par, k shahar me ranj-o-hiraas ke,
Jo Guzar Rahi hai mere Khuda, Tere musht-e-khaak-e-gubaar par...

Achcha sher kaha hai janab.. daad

[Ranj-o-hiraas=Pain and terror]

Teri nafratoN ki Ye aandhiyaN, inhe fir bujha ke na phenk de,
Jo charaag Hamne jala Diye, Teri Dosti ke dayaar par.....

Waah waah waah Kia kahne Vipul jee behad gazab daad janab... Kia kaheN aapke ahsaas O khayaal ke aur is umdaa
bayaani ... Bahut khoob janaab bahut umdaa daad daad

Mujhe shayri ka Hunar nahi, agar ho sake to mitaa bhi de,
Jo kalam se daagh laga diye, Teri MahfiloN ke mayaar par.....!!

Bahut achche janab... Aapki kalam se daag nahi, kisi bhi mehfil meiN chaNd jad jaaye .. daad daad daad

[Mayaar=Standard]

Is khub kalaam par dil se hazaaroN daad kabul kijiye..
Vipul jee.. Aate rahiye... Khush O aabaad rahiye..

Khuda Hafez


	Logged

vipul kumar

Guest

Re: Mera Fasl-e-Gul se Hisab hai, Mera Karz Tay Hai Bahaar Par.....

«Reply #2 on: August 26, 2011, 05:46:34 PM »

@ Parwaaz sahab, aur aap jaisa qadrdaan har sukhanwar ki qismat me nahi hota..... Main bahut khushqismat hu ki aap merio ghazaloN ko tawajjo dete hai./.... aapka har sher par nawazish ka hunar mujhe bahut pasand hai..... Padhte rahiye sahab.. Usual Smile

Shukriya :D


	Logged

Satish Shukla

Khususi Shayar

Rau: 51

Offline

Gender: Male

Waqt Bitaya:
25 days, 6 hours and 16 minutes.

Posts: 1862
Member Since: Apr 2011

Re: Mera Fasl-e-Gul se Hisab hai, Mera Karz Tay Hai Bahaar Par.....

«Reply #3 on: August 27, 2011, 06:21:49 PM »

Vipul Ji,

Waah..waah bahut khoob..kya baat hai
maza aa gaya..ustadana qalaam hai dost.

Dili daad qubool farmaayem.

Satish Shukla 'Raqeeb'


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Mera Fasl-e-Gul se Hisab hai, Mera Karz Tay Hai Bahaar Par.....